ابشتري هايلكس وابغا مشورتكم

[ابو تنتر]

السلام عليكم ورحمة الله وبركاته مساكم اللة بالخير وهذي اول مشاركه لي معاكم وهي بخصوص غزال النفود ابغا مشورتكم ودي اشتري وحدة ومحتار هل البخاخ افضل ام لا وماافضل ماورد من 99الي 2004 وانا اشوف ان الافين واربعة ممتازة لاكن بعض الاخوان قالو فية مشكلة بالقير ارجو مشورتكم من جميع النواحي ودمتم :(

[علي التميمي]

اشتر :no2: لاتشاور في الهايلكس مره

[بن نويشر]

خذ مازدا بكب الجديد ، لا يفوتك رح شفه عند الوكيل قبل لا تستعجل وتشتري .

[لا تعلم احد]

الفيقو ولا تشاور

[البيـــــرق]

السلام عليكم
قوة اخوي ابو تنر والله بخصوص سوالك وعلى حسب خبرتي بالهيلكسات
والله انها مواتر (حمير مكدة) الله يكرمك والي يقرون
وعلى ماقال خذ رجال بالتحمل والصبر والمدابتس فيها
بس الي يقول 2004 يخرب قيرة و2002 تخبط مكينته و98 يتفكك
بس هذا مايشمل كل الهيلكسات وكلامهم مهب صحيح بس تلقاه انتشر الكلام عنها النوع
وهالمديل ويرددون الكلام مثل الدبش ومسوين فيها فاهمين ترى الهايلكس من
اكثر السيارات الي جربتها تحمل واقلها صرفية بنزين وخذ كلامي واعتمد تراها
خبرة 5 هايلكسات وافضل ماجربت واكثر واحد صبر واكثر واحد ماسك قيمته
(غمــــــــــــــــــــــــــــــارة 97) واعتذر على الاطالة بس انقرت من بعض
هالي مسوين فيها فاهمين وشكرا.

اخوكم
البيـــــرق.....

[ع.ف.الدرويش]

توكل على الله واشر الجديد
تراه افضل ومهنا خرابات واجد

والله يوقعك الموقع الصالح

[البرحه]

خذ ولا تشاور عز الله انه موتر

والبخاخ اكيد اقل صرفيه من الكلبليتر

والله ييسر لك

[البنتلي]

اشتر ددسن وخل عنك الهايلكس
الددسن ارخص :good:
واقل صرفية بنزين من الهايلكس :D
واريح
واوسع
وارسم بالعزايم :D





الهايلكس 2005 مكيف سياحي 52000 :mad:
الددسن2005 مكيف دركسون هووووواء 42000 :good:
الفرق عشرة الاف ريال
يعني تشتري بالعشرة
اربعين الف خبزه :D


والزيت ثلاث علب الاربع
والزيت غالي

[ماجد الشمري]

مع اني احب النيسان ...
لكن اقول لك خذ لك هايلكس ترى قيمته فيه ويستحمل الكرف ...
اقسم بالله معانا واحد 2000 ديزل ... كارفين ابوه كرف مهوب صاحي ... كل اللي بالبيت يكسره ويرده .. حتى اننا بايام الاسبوع نرسله من جدة لعفيف والرس وماشاء الله ما يقول شي ... ولا قد سوينا له صيانه ولانغير زيته بس نزيده كل فترة ...






اخوكم ماجد الشمري

[المنتفش]

سلام عليكم اخوي التنتر توكل على الله واشر هيلوكس واللي يقولون خرابات تفكك القير مهب اللي لنت تبي كله غير صحيح توكل على الله بس ....ونصيحتي لك خذ 2005 صح انه غاليه بس الموتر وخطه نصبه الموتر ((صح )) وان كنت ماتقدر عليه خذ 2004 ايضا هي الاخرى مهبوله....

[ماجد الشمري]

اخوي ابو تنتر ...
لو تاخذ النوعية الجديدة ما ادري وش يسمونها الرياضية يكون افضل لك لأنه يجي ب Abs وبمقاعد مفصولة وريموت كنترول ...






اخوكم ماجد الشمري

[المتعلي]

السلام عليكم ورحمة اللة وبركاتة==


شوري عليك لاتفرط بالهايلكس ==
كان معي معي 2002 غمارتين ماخليت شعيب
ولاطعس ولاظلع الا ويشهدلها

والا الصرف ياحليلة اعبي فل ب50ريال
يوصلني 500 كم ان لم يكن اكثر
ولايهمك الي يقول القير يخرب المكينة تخبط
الفرنيس يطلع ونة ==ومن هالخرابيط الواجد

سنتين كاملات من الكر والفر المر==طبعا عليها
ماهو علي مقالت : أأأأي


(انت شاورة الوجية الطيبة وكان ادلى بدلوة )


وان شاء الله بتدعي للمنتدى واعضائة===========

و السلام عليكم =====================

[جوكر]

السلام عليكم ورحمة الله وبركاته



انا والله اقول ان الهايلكس 2005 الخليجي احسن ....خطه حلو ومواصفات حلوه ...

وخل عنك خرابيط عبداللطيف جميل مواصفات زي وجهه.....من يوم ماشفت المسجل صيني وانا غاسل رجلي

منه....





.....

[طــــويـــق]

هايلكس وبس لاتدور غيرها

اذا تبي جديد خذ من عند البازعي لان سياراته يابانية اصلي مافيها ترهيم صيني وارخص من عبداللطيف

هاليكس غمارتين جي ال اكس بـــ 66500 الف ريال اما شركة عبداللطيف نفس النوع بــ 67000 الف

ريال . والله اخذ سيارة البازعي واترك عبداللطيف .

[ابو تنتر]

اللة يعطيكم العافية ياخوان بس يقولون فية فرق بقطع الغيار بين الخليجي والسعودي افيدوني ياذيابة مكشات

[البرحه]

لا لا لا ما لك لوا

الفرق موببقطع الغيار الفرق بالاكسسوارات

المسجل والمكيف وغطاء البنزين والخطوط

واكيدالخليجي افضل لكن اذا لقيت النظيف ولو هو سعودي خذه وبس

مع تحياتي

[راعي الكيف]

يابو تنتر لا تشري سعودي ابدا !!!!!!!!!!!!!


انتبه !! لا تطيح باللي انا طحت ....!! خلك بالخليجي وانا كان عندك اجازة انقز للامارات واشر لك هيلوكس على كيف كيفك !!


السعر دائما حول سعرنا بس المواصفات خيال !!! رح انت للامارات وحجة وقضيان حاجة !!!



عموما اتمنى لك التوفيق وبالنسبة للسيارة ممتازة ولاعليها خلاف وان كنت تبي تعيد النظر في الدفرنسين تراها حليلة وجيدة



الله يوفقك ويسدد خطاك

[ملاعب الريح]

السلام عليكم ورحمة الله وبركاته
أخوي (أبو تنتر) رايك سديد وفي محله ترا التويوتا شيك ما شاْالله تبارك الله ما يطيح سعره خصوصاً الهايلكس واللي يقولك أنها ما تتحمل ما يدري شف وشلون يجلدونها بالنفود ولا تقول شي
وبالنسبه للأخ اللي يقول لك خذ ددسن غلطان (مع إحترامي له) الددسن يطيح سعره على طول وعزمه ردي ورح المعارض وشف الهايلكسات المستعمله والدداسن المستعمله وشف فرق الاسعار





زبدة الكلا خذ لك هايلكس لك وللزمن

تحياتي أخوك (بو سيف)

[داب الرمث]

الفيقو ولا تشاور
السلام عليكم ورحمة الله وبركاته .................... ليش الفيقو وصل عندنا شفته يعني. :alarm:

[ابو تنتر]

اللة لايهينكم ياخوان امس رحت للبازعي وحصلت الفين واربعه بثمان وخمسين الف علي الزيرو وشرايكم او اخذ مستعمل استخدام نضيف اشيرو علي جزاكم اللة الف خير

[ابو عواس]

غير الهلي لاتدور
افضل موديل هو 2002 خليجي
اخوك ابو عواس

[عاشق الأشهب]

السلام عليكم ورحمة الله وبركاته
أنا أوصيك أنك تشتري من موديل 2002 وفوق أفضل بكل النواحي
واقول انه مافيه فرق بين الخليجي والسعودي

[الطعس الذهبي]

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين كيف حالك أخي الكريم ؟
ابد الهلي

[عزوتي نايف]

بسم الله الرحمن الرحيم
السلام عليكم ورحمة الله وبركاته
احب احييك اخوي تنتر احد يشاور في( الهلي غزال الصحراء )انا كان معي هايلكس ديزل اقلهاعزم 2003 تهت في النفوذ وتعلقت وهو ديزل ما شالله نسمت له والله يقطعت به نفوذ ماتتوقعها كان معنا vxr قير اوتماتيك 2004 انه مغرز وحنا ماجينا النفوذ وبلشنا به وانقهر منه صاحب الجيب من عزمه وتفوقه علييه مغر صاحبه يبرح ويدف ومسالت الاعطال اشاعات من سوء الاستخدام وعليك بالخليجي صاحب لي يجيبها من الخليج يقول عبد اللطيف جميل المكيف والخط والمسجل والخافي اعضم انحدينا عليه واحتكاره حسبي الله عليه اما لخليجي كلش ياباني ومميزات احسن واجد والله يعطيك خيرها ويكفيك شرها
اخوك ومحبك عزوتي نايف

[محب الشمال]

اخوي طلع جديد احسن لك حتى لو فيه فرق كم ريال بس شي جديد احسن
الله يعطيك خيره ويكفيك شره

[رحال7]

قرأت اعتقد على موقع تويوتا ان تويوتا جاهزه لتصدير 30 الف سياره هايلكس من مصنع فى((( تايلند)))! هذا لا يعنى ان السياره ماهيبزينه ولكن هذا للمعلوميه (((عاجل))!


اما الجمله التاليه فهى من تأليفى: اقول فيها ان تويوتا بتاخذ 20 من هالسيارات وبتوزعهم على باقى دول الخليج ولكن بتحطهم على ظهر شاص وبترسلهم الى اليابان وبعدين بتصدرهم الى دول الخليج عشان يصيرون خليجيات بالجنسيه!!! اقول خذو كلام اخوكم مابه فرق ابد ابد ابد ويستحيل ان تصنع كميات بسيطه لا تذكر عشان سواد عيون دول الخليج!!!

يا عزيزى اسأل اهل الخبره لو اردت ان تطلب كميه اى جمله بمواصفات معينه لا بد ان تطلب كميّات هائله لكى يمكن انتاجها والا لاصبح سعر السياره الخليجى الهايلكس 150 الف ريال..

اتحد اى انسان يثبت ان السيارات الخليجى تختلف فى التصميم او الجوده الا فى الاكسسوارات وهذه مقدور عليها واذا استطعت اسأل الوكلاء فى الخليج؟ كيف يعدلون السيارات؟ واين؟

[رحال7]

وللمعلوميه اليابانيين اول يصدرون لامريكا واسيا والفائض يأتى الينا واذا الوكيل قوى بيرسلون له سفينه والا سفينتين ترضيه!!!

[انا ناصر]

2005 دفرنسين ممتاز وخطوطة حلوه