إنذار السرقة وماذا حدث بعده [الأرشيف]

مشاهدة النسخة كاملة : إنذار السرقة وماذا حدث بعده

مشغول

10/07/2005, 11:49 AM

السلام عليكم ورحمة الله وبركاته

قبل اسبوع رحت وركبت جهاز السرقة .. واول ما ركبة وقال لي العامل خلاص .. حست ان الجهاز غير طبيعي .. وبعد يومين رجعت له وقلت ان فيه مشكلة .. قال خلاص يبيله برمجه من جديد .. وبعد يومين رجعت وركبه مرة ثانية .. واول ما خلص من التركيب وجيب بروح .. وناظر زين :eek: والقى عداد الكيلوات مفصول ومعيار البانزين مفصول .. وانقهر :mad: ويضيق صدري .. واتهاوش معهم .. رجع العامل وناظر الاسلاك لقى كل شيء سليم .. المهم قلت له افصل اصبع البطارية واشبكة مرة ثانية .. وبعد ما شبكة زان عداد الكيلوات والحمد لله أما معيار البانزين ارتفع إلى ربع التانكي مع ان التانكي كان مليان .. وانا وياهم طقاط حاول العامل يزينة ما عرف وش المشكلة منه ..

وانا الحين ورطان وديته لورشة قالوا لازم نفك التانكي يمكن العوامه خربانة مع العلم ان التانكي الثاني نفس المشكلة التانكي فل والمؤشر إلى الربع ..

من يحل لي المشكلة او يعرف ورشة ممكن يساعدوني بحلها ويمكن حلها بسيط وانا ما ابي احد يلعب بالسيارة .

السيارة .. لاندكروزر 2002 جي اكس ار ..

وشكرا لكم

CRUISE**كروز

10/07/2005, 12:15 PM

ياخوي وش اللي حادك
الجي اكس ار فيه نظام انذار شد بلد وخاصة موديل 2003 ومابعده وانا متاكد من ذلك واما ماقبل 2003 فاعتقد انها مجهزة بنفس النظام وبدا تركيب الانذار من عام 2000 اذا ماني غلطان

الجيب الربع

10/07/2005, 12:41 PM

صالح المطيري

10/07/2005, 01:48 PM

اللي صار صار يا شباب وانا بعد قد حصلت لي مشكلة مع اجهزة الانذار عندي سيارة هيونداي ماتركس 2005 توني فاكها من الوكالة ورحت ادور على جهاز انذار ممتاز في الغرابي بالرياض وحصلت اجهزة انذار متنوعة منها الرخيص بحدود 150 ريال ومنها الغالي فوق 300 ريال ، بس قلت آخذ الغالي لأنه اصلي والموتر جديد ويستاهل ، وفعلاً اخذت نوع ماكس قال لي راعي المحل هذا ياباني ممتاز مرة وضمانه سنة وقعد يمدح فيه قلت توكلنا على الله ، المهم ركبه لي العامل وفك لي اسلاك السيارة كلها وانا قاعد اتفرج ويوم خلص واجربه طلع ضعيف ما يقوّم قفل بيبان السيارة ! :confused: راح فكه من جديد ونثر اسلاك السيارة وانا قاعد اتفرج مقهور وراح ركب واحد ثاني من نفس النوع بس للحين نفس المشكلة ما يقدر يقوّم قفل البيبان ! قال العامل المشكلة في سيارتك الكهرباء فيها ضعيفة - مع انها جديدة ما مشت 25 كيلو ! - قلت طيب وش الحل؟ قال اركب لك كتاوت يقوي كهرباء السيارة ، وفعلاً ركب الكتاوت واشتغل جهاز الإنذار زين ، بس بعد خمس شهور بالضبط من الإستخدام رجعت المشكلة ورحت من جديد للمحل لأن الضمان سنة بس لقيت المحل مسكر وفاتحين مكانه محل تنجيد سيارات ورحت للمحلات الثانية أسأل عن وكيل جهاز الإنذار ماكس فقالو ما له وجود قلت وشلون؟ جهاز ياباني وغالي وممتاز وماله وكيل؟! قالو من قال لك انه ياباني أصلاً !! قالو هذا صيني أو تايواني ويجي من دبي وماله وكيل وضمانه غير حقيقي!! صراحتاً هذا غش تجاري بكل المقاييس ، انا عندي كرت الضمان واسم الوكيل وطلع الضمان غير حقيقي والوكيل شركة وهمة مالها وجود؟!! وين الغرفة التجارية؟؟؟؟؟ :mad: .
المهم رحت لعند فني ممتاز مدحوه لي وفحص الجهاز وطلع فيه قطع محترقة بسبب زيادة الكهرباء من الكتاوت وغير لي القطع بس نصحني ما استخدم ريموت الجهاز كثير علشان ما تحترق قطع جهاز الإنذار من جديد وانا الحين اشغل الإنذار في اوقات محددة عند النزول للسوق مثلاً أو الدوام بس :j .

الأخ العضو مشغول أنا متأكد تماماً إن المشكلة ماهي بعوامة التانكي ، مستحيل لأنه حسب وصفك المشكلة طلعت بعد تركيب جهاز الإنذار واعتقد والله اعلم إن جهاز الإنذار اثر على الحساسات أو على كهرباء العدادات أو اي قطعة كهربائية بسيارتك وانصحك ما تخلي احد يلعب بموترك وافحصه عند فني كهرباء والكترونيات ممتاز ووضح له متى وكيف طلعت المشكلة وإن شاء الله يكون كل شي تمام .

ابو ســــاره

10/07/2005, 02:01 PM

فيه جهاز ممتاز جداً عليه صورة وجه ثعبان كوبرا يجي عليه استكر ضمان شركة ساكا استخدمته لعدة سنوات وما اشتكيت منه واهم شي بالتركيب يكون عند كهربائ ممتاز ولا تحرص تركبه عند المحل وعلى كل حال انصحك تروح لكهرباءي خابره ممتاز في البديعة شارع المدينه قبل عمو حمزة بمسافه يجيك على اليميين مشحمه شغال فيها فلبيني ممتاز دلني عليه احد الاخوان في مكشات

مشغول

10/07/2005, 02:26 PM

الأخ Cruise**كروز
والأخ الجيب الربع

حياكم الله ومراحب
شكرا لكم .. انا قريت في الكتلوج ان الجيب 2002 فيه انذار شرقة شد بلد .. لكن دورت عليه وطبقت نفس الكلام المكتوب ولا نفع .. وش لون اجرب نظام السرقة شد البلد الله لا يهينكم .

.................................................. .........

مرحبتين أخوي صالح المطيري

الله يعينا على الغش التجاري ويا كثرة .. والله المستعان ..

وشكرا على نصيحتك .

.................................................. ..

هلا وسهلا أبو سارة

في الحقيقة ان الفلبيني اللي تتكلم عنه اعرفه زين بس والله ما رحت له .. وإن شاء الله بمرة وشوف وش رايه

شكرا لك .

.................................................. ........

مازلت انتظر بعض التجارب والخبرات من الأعضاء

منتعش

10/07/2005, 05:35 PM

هلا وغلا برفيق دربي الغالي : مشغول
أنا أقول المشكلة الله العالم إنها ( عين ) :confused:
والعين من خويك اللي راح معك يجيب الموتر من قطر . :heart:
هذا عقاب اللي ما يفزع مع خويه . :D
الحل : بادلني بالبريمي اللي شريته وزدني :j

الله يعينك يابوعبدالله

CRUISE**كروز

11/07/2005, 10:47 AM

اخوي العزيز مشغول
اليك طريقة تشغيل الانذار في اللاند كروزر حسب تعليمات الكتالوج وانا مجربها شخصيا
ولكن يمكن ماتنجح معك لانك عدلت وبدلت في موترك:(

الطريقه:
افتح احدى نوافذ السيارة واغلق الابواب ثم قم باقفال السيارة بالمفتاح او بالريموت الخيار لك
انتظر لمدة دقيقة كاملة
الان اذهب الى النافذة المفتوحة وادخل يدك وافتح القفل يدويا وفي هذه الحالة سينطلق نظام الانذار
يشغل البواري والانوار ولايمكن تشغيل السيارة الا بالمفتاح الاصلي
ولاطفاء الانذار ادخل المفتاح وقم باقفال الباب وفتحه مرة اخرى او قم بتشغيل السيارة

----
واخيرا ان كنت تبي رأيي افتك من هذا النظام اللي ركبته واذهب بالسيارة الى الوكالة وسيقومون بفحص النظام الاساسي واصلاحه ان كان به خلل
دعواتي لك بالتوفيق

الجيب الربع

11/07/2005, 11:39 AM

الطريقه:
افتح احدى نوافذ السيارة واغلق الابواب ثم قم باقفال السيارة بالمفتاح او بالريموت الخيار لك
انتظر لمدة دقيقة كاملة
الان اذهب الى النافذة المفتوحة وادخل يدك وافتح القفل يدويا وفي هذه الحالة سينطلق نظام الانذار
يشغل البواري والانوار ولايمكن تشغيل السيارة الا بالمفتاح الاصلي
ولاطفاء الانذار ادخل المفتاح وقم باقفال الباب وفتحه مرة اخرى او قم بتشغيل السيارة

نعم هذي هي الطريقة الصحيحة لاختبار جهاز الإنذار

منتعش

11/07/2005, 12:53 PM

حي الله أخوي : كروز
والحبيب : الجيب الربع
أنا جربت الطريقة وما أشتغل الأنذار . :(
وموتري نفس موتر أخوي : مشغول .

مشغول

11/07/2005, 01:00 PM

حي الله أخوي : كروز
والحبيب : الجيب الربع
أنا جربت الطريقة وما أشتغل الأنذار .

وموتري نفس موتر اخوي منتعش ..

شكرا لك يا منتعش على التجربة والاستجابة

الجيب الربع

11/07/2005, 03:22 PM

واخيرا ان كنت تبي رأيي افتك من هذا النظام اللي ركبته واذهب بالسيارة الى الوكالة وسيقومون بفحص النظام الاساسي واصلاحه ان كان به خلل

اذا مالك حل الا مثل ماقال الأخ كروزر والله يعينك عليهم

منتعش

11/07/2005, 04:42 PM

هلا أخوي الجيب الربع وكروز
عندي نفس المشكلة بس أنا ما ركبت أنذار سرقه . عطونا العلم .
ملحوظة : سيارتي وسيارة رفيق دربي ( مشغول ) خليجية .

CRUISE**كروز

12/07/2005, 01:42 AM

كم موديل السيارة وابشر بسعدك وهل الريموت شغال والا لا؟؟ وهل المفتاح هو شد بلد والا منسوخ؟؟؟
ننتظر ردك ونعرض موضوعك على اعلم منا وان شاء الله نلقى الجواب

منتعش

12/07/2005, 08:59 AM

هلا والله بأخوي الغالي : كروز
موديل السيارة 2002 خليجي
والريموت شغال يفتح الأبواب ويسكرها .
والمفتاح شد بلده .
الله يسعد أيامك أخوي المحب .

بن نويشر

12/07/2005, 09:53 AM

يـــا شباب الله يخليكم !!!

حذاري والتعامل مع البنجال !! تراهم ما عندهم إلا الدجه .. ويعثون في الموتر فساد الله لا يعقلهم لا وناهيك عن كذبهم وغشهم ..

وفق الله الجميع لما فيه الخير ..

CRUISE**كروز

13/07/2005, 08:41 AM

اخي منتعش
اسعد الله اوقاتك بكل خير
اليك الافادة بعد عرضها على بعض الاصدقاء وليس الخبراء:) وفوق كل ذي علم عليم:

اذا كان مؤشر الامان (اللمبة الحمراء) يبدأ في الوميض بعد اغلاق الابواب يبدأ في الوميض في غضون دقيقه من الاغلاق فان النظام يعمل بطريقة صحيحة ولاخوف عليه ويمكن انه تم تعطيل ميزة انطلاق البوري او الاشارات اختياريا من قبل الوكالة وحسب طلب المالك ويمكنك اعادة ذلك بالرجوع للوكالة او فني متخصص محترف

اذا كان مؤشر الامان لايعمل بتاتا فان هذا يحتمل شيئين:
اما انه لايوجد نظام انذار مطلقا وهذا مستبعد
او (وهذا الاهم) انه لم يتم تفعيل النظام للعمل ويتم ذلك عن طريق الوكالة او فني متخصص لان نظام الانذار لايفعل من قبل الشركة الصانعة وانما يفعل بعد استلام السيارة من قبل الوكيل المحلي (الديلر)
هذا مالدي حتى تاريخه وسيتم تزويدكم باي معلومات اظافية نتوصل اليها لاحقا:):)

منتعش

13/07/2005, 09:17 AM

الله يعطيك العافية ويبيض وجهك .

بالنسبة للريموت : جربته وأنا أقراء مشاركتك ولقيته الريموت اللمبة الموجودة فيه إذا ضغت عليه وعلقت يولع أثنا أول ضغطه ويطفي ويدي عليه مضغوطه .

وفي أنتظارك بالجديد .

مشغول

13/07/2005, 10:06 AM

هلا بخوي CRUISE**كروز

الله يعطيك العافية وما قصرت

وانا رايح للوكالة إن شاء الله .

...............................................

أما أنت يا منتعش لا تكتب شيء إلا قايلي فشلتنا .. الأخ CRUISE**كروز ما يقصد اللمبة اللي في الريموت يقصد اللمبة اللي في الطبلون تحت المسجل تقريبا ..

هههههههههههههههههههههها

كععععع

اخوي CRUISE**كروز لا تواخذ المنتعش تراه شايب ويبي يتشبب .. :p

.......................

شكرا لكم تفاعلكم

منتعش

13/07/2005, 12:58 PM

الله يضحك سنك يابوعبدالله :D :p :)

كبرتني وأنت (( أبوي )) :heart:

أبشر يايبه منيب كاتب شي إلا إذا دخلت الرقم السري للجهازك اللي في البيت . :type:

وتحياتي لك يارفيق دربي ( مشغول )
وكذلك لأخي الغالي ( Cruise**كروز)

CRUISE**كروز

13/07/2005, 01:43 PM

:p :D :D :D :D
قويه يالمنتعش
تقطع بطني من الضحك
هذي عقوبة الاخ مشغول يومك قاعد تفضح به في الردود السابقة :p
الله انصفه منك

الله ينعشك بريح الجنة والله اني استمتعت بردك :D
ولكن هذا يدل على طيبة قلبك الله يوفقنا وياك وجميع المسلمين لكل خير
واسأل الله ان ييسر امرك وامر رفيق دربك مشغول وتصلح سياراتكم باقل التكاليف ان شاء الله

dughiman

13/07/2005, 03:23 PM

السلام عليكم ورحمة الله وبركاته

أخواني الأعزاء أنا عندي نفس المشكله.....أنا معي موتر GXR1 م 2001خليجي معه ريموت لفتح وغلق الأبواب
فيه اللمبه اللي تأشر وهي موجوده تحت المسجل و لونها أحمر مرسوم عليها سياره بداخلها صورة مفتاح
هل هي هذي اللمبه المقصوده..وجربت أنا الطريقه اللي أشرتوا عليها ومانفعت معي............ وش الحل

منتعش

15/07/2005, 01:01 AM

ياهلا أخوي : كروز
أنا بشكي لله ثم لك .
من حال هالشاكوش .
اللي دايم مشغلنا . كل يوم عطوني فازلين ، سكتو البزارين ، طفو المكيف وجع رجيلاتي ، .....
ومن زين هالخشه مسمي أسمه (( مشغول ))

:D :D :D

من باب أدخال السرور .
وعذراً يارفيق الدرب .

سنتافي

15/07/2005, 01:38 PM

اخوي ليش وجع الراس وين راح الوكيل رحله وخله يركبلك نظام الامان حق بلده صح انه غالي شوي بس لا مشاكل كهرب ولا شي

مثال خوي عنده كراون فيكتوريا اقل شي شراها من الوكاله لكن بعد كم شهر طلعت له طلعت الريموت وعادي رحنا الوكاله وركبوه شد بلد لكن السعر كان شوي غالي 900 ريال بس لا مشاكل كهرب ولا قلق والاهم الضمان ساري على السياره

راعي الكيف

15/07/2005, 08:10 PM

السلام عليكم ..........

ياشباب معرض العليان بالغرابي ممتاز وعنده فنيين ماهرين في اي شي يخص السيارات .. ليش تجرب غيره ؟؟؟

وبعدين تراه معروف وله فروع وله فرع جديد على طريق خريص في حي الريان .. ويركبون اي شي بس حاليا هم يجهزون مكان الصيانة اللي عندهم ...

تحياتي لكم

سهم قيادي

26/12/2007, 10:54 PM

هلا بخوي CRUISE**كروز

الله يعطيك العافية وما قصرت

وانا رايح للوكالة إن شاء الله .

...............................................

شكرا لكم تفاعلكم
اعتذر عن رافع الموضوع لنفس لمشكه لدي

بشر اخي مشغول وش صار معك بعد مرور على الوكاله