شوركم يالربع يهمني سفاري او فورتشنر

[شقران نجد]

السلام عليكم ورحمة الله وبركاته جميعاً وأسعد الله أوقاتكم بالذكر والطاعه ....

انا يا أخواني كنت ناوي على فورتشنر 6 سلندر وقيمة بالوكاله حوالي 107 الاف ومعروف يجي قير اوتو ومثبت سرعه ومكيفين وباقي المواصفات المعروفه ....

شار علي واحد من الشباب بنوع من انواع السفاري قيمته حوالي 110 الاف موديله 2009 ويجي مكينته 4500 وقير عادي ومكيف واحد كفر سخيف صدامات سود يسمون gl قزاز تماتيك سنتر لوك

الحقيقه أحترت بين الأثنين كلهم جدد وما يميز اسفاري هو كبر حجمه عن الفورتشنر

أنتظر ارائكم وشوركم

اخوكم

[لبيه يمنادي]

يسعدني ان ارد علي موضوعك اخوي

عليك بالسفاري ملك الدروب خذه وانت مطمن والله يابركلك ان شأ لله والخيره فيما اختارة الله

[bn_501]

انت تبي جديد او مستعمل ؟


فيه نوع يجي مكيفين وثلاجه تانكيين مكينة فتك 4800


اسم هالنوع gl-v


وتلقى سوبر سفاري 2007 بـ 110 بهالاقيام


الله يوفقك

واهم شي الاستخارهـ والي يجوز لك

[WWS]

:good2::good2:
هلا أخووي
غير ذلك شوووووف الفرق بين قوه المحركات ... الفورنتشر الله يعز النعمه }} هايلكس مصندق ... وان حصل لك لون السفاري فضي يكون لون حلو ..
و الله يرزقك مايسرك و يوفقك
مجرد رأي

[شقران نجد]

بارك الله فيكم جميعا على الردود

[اسير الغضا]

صدقن الفوتشنر موتر ولجميع المهام على ماذكروا

مع واحد من القرايب يروح اسبوعيا للرياض ولا شاف الا العافيه زمعطي الموتر حقه ومكسره تكسير ولاجاه الاالعافيه

يمشي ميه وتسعين ولادريت الاعقب

وغير كذا موتر بر درجه اولى والباترول مايمشي ممشى الفورتشنر بالطعوس

[ماشي الحال 3]

اهلا بك أخي...
الأمر راجع لأستخدامك وحاجتك..لكن من وجهة نظري أن الفورشنر أفضل..

لأنه أخف ,وأقوى محرك ,وكذلك أقل صرفية بنزين ,ووجود المكيف الخلفي ضروري..وحسب علمي أرغب عند البيع.

[fof6666]

اذا الباترول مكينته 4800 المقارنة ممكنة
ولكن اذا 4500 خذ الفورتشنر ولا تشاور (نصيحة مجرب)

[ولد وايل..]

إذا الخيارات السابقة....

خذ فش فش...

لكن إذا فتك لا تقارنه بالفورتشنر خذ فتك...

[عاشق الفرعه]

عليك بالفورشنر كان عائلتك شويين

[مدمن فتك]

والله اشوف الفورتشنر انسب
اما السفاري لو فتك فرقت الحسبه اما كذا الفورتشنر افضل

[GX2007]

ياالغالي خذ لك سفاري والله ازين واريح واوسع وتانكيين
وفيه نوع من السفاري الصراحه حلو اللي يجي ابو رفارف سود والله ممتاز

[fof6666]

صحيح ترا فيه فتك ابو رفارف سود وسعره جديد ب117 بس تراه مكيف واحد

[بن نويشر]

بحكم استخدامي للفورنتشر أقول لك توكل على الله وخذ فورتشنر بالمواصفات المذكورة ولا الباترول السياحي ..

[ديبو]

سلام اخوي شقران نجد

الفورشنر 6 سلندر مكينتة 400
والباترول يجي 4500 و 4800 يعني اقوى من الفشفش

اخوي معه فورشنر وسقته انا حلو وجميل جدا وقوي بس مو اقوى من الباترول مهما صار لأني عندي 99 مكينة 4500 قوي جداً ومتماسك وقوي نفود وبر وديرة ؟ وجربت وسقت 2006 مكينة 4800 اقوي من اللي معي
ونصيحة للك

الفور شنر مشكلتة الفرامل يخرب على طول وإذا مسكت فرامل بقوة يجي فية طقة مع ميلان الدرقسون وقبل ما تشتري جربة لانه عيب فيهن كلهن

[أبوحمييد]

الفورتشنر انسب خصوصا انه انشط من مكينة الباترول 4500 واخف منه ومكيفيين ومثبت وافضل صرفية بنزين...
والله يكتبلك الي فيه الخير...

[التعـ King ـديل]

المقارنه غير عادله

فورنتشر = اكستيرا
برادو = باثفيندر
لاند جي = باترول زي ماقلت
جسكار = سفاري 4800
فكسار = بطل الدورب

[غواص وقناص]

اخوي انا من ملاك الفورتشنر
1-مكينه راسين 4000 خفيفه وقويه وهي مكائن تويوتا gxلاند +شاص+برادو+fjموحده v6
2-دفع رباعي مستمر يعني ما تحتاج الدبل حتى في النفود طري 15-20 ونشيط
3-دف لوك مثبت سرعه مكيف مركزي على المراتب
وفورتشنر للبيع مرغووووب با الذات 6سرندل
الباترول ماجربته لاكن اشوف هو الأنسب لأنه وسيع
وباقي جديد وجهت نظر
والله ييسر لك امرك

[بترووول]

وربي معتبرك اخوي نصيحه لاتاخذ الثنين لاشريت اشتر شي حلو نصيحت اخو اخذ سفاري 2006 او 7 فل بنفس سعرهن

[سرطوقا]

فيه فرق بين الفورشنر والباترول من ناحية العائله ومن ناحية طلعات البر فيه فرق

لكن التويوتا شيك والنيسان خلاف ذلك ،

الفورشنر صغير مثل الهايلكس بس خذ مكينه قوي

طبعا السفاري اريح من الفورتشنر

موفق اخوي

[ذيب حريملاء]

نصيحتي واناا اخوووك خذ باترول 2008 فتك.. فل كامل.. مكيفين.. ثلاجه .. 4800.. مستعمل بس نضيييييييف تقول وكاله تلقااه حول ذا السعرر

وانت وراايك

[شقران نجد]

بارك الله فيكم جميعاً

[عاشق السيل]

بصراحة المواصفات من صالح الفشفش !!!

لكن باختصار شديد : إذا أنت تبي الموتر بس للبر خذ الباترول وإذا تبيه استخدام شخصي خذ الفشفش ولا تشاور !!

والله يوفقك للي فيه الخير والصلاح ....

[رااعي الفزعات]

مااافي وجـــه مقااارنة بين الفورشنر والسفاااري أكيــــد السفاااري أفضل . .

وجـــة نظــر (( يعني لأحد ينط بي ))

[سفاري959]

من واقع تجربه والله ان الفورتشنر كان خاش مزاجي بس سافرت عليه موديله 2009 قسم بالله متعب بالخط ما فيه راحه ابد بالعربي هايلكس مصندقه انحش ابركلك خذ بهالسعر فتك نضيف

[ابوصالح77]

إذا كنت تبي جديد فهي من صالح الفورشنر
وإذا بغيت مستخدم فالإختيارات عديدة ، مرتبة على قدر فلوسك وإلا فالعكس صحيح:
1- برادو 2- فتك 3- لاند
بالتوفيق

[بن سليمان]

فيه فرق بين ميد إن جابان =باترول
وميد إن اندونسيا= فورتشنر
الباترول شيك في المخبات على المدى البعيد
والفورتشنر يكفي صوت الهواء المزعج واللي الكثير اشتكى منه مع القير

http://www.youtube.com/watch?v=R7wTAp70f8Y

[سفاري959]

فيه فرق بين ميد إن جابان =باترول
وميد إن اندونسيا= فورتشنر
الباترول شيك في المخبات على المدى البعيد
والفورتشنر يكفي صوت الهواء المزعج واللي الكثير اشتكى منه مع القير

http://www.youtube.com/watch?v=r7wtap70f8y

عز الله انك جبتها هذي من ضمن العيوب اللي شفتها فيه ونسيت اذكرها اذكر كنت امشي 140 وطلع هالصوت اول ما طلع رفعت رجلي حسبته كفر بيضرب من الروعه هههههههههههه