ابي اعرف احسن طعم (للـــــسـبــيــطـــي)

[النوخذه]

الصراحه ياجماعت الخير ابي اعرف وش الطعم المفضل للسبيطي :confused:

[الوافي السابع]

هلا وغلا ;)
بالنوخذه
حياك اخوي
بصراحة بحكم خبرتي المتواضعة
افضل طعم للسبيطي ...سمك الميد :good:
صراحة وحده بوحده
يعني السبيطي يوم يلمح الميده بس لمحه يجيها ماشي مليون ومثبت السرعه بعد :D
بس اهم شي حجم الخيط يكون من 40 الى 50 ويكون نوعه ممتاز ويفضل لونه يكون ابيض
والخطاف اخفيه بالميده
انت تعرف السبيطي اذكى انواع السمك وحذر جدا
اتعب معاه شوي الله لا يهينك
لاجل عين تكرم مدينه ولا ...........؟
تحياتي لك اخي العزيز واتمنى اكون قد اعطيتك ولو شي بسيط ...واذا تبي معلومات اكثر انا حاظر وتحت امرك باللي تبي انت تامر امر يابعدهم
:) تشااااااااااااااااو :)

[سالم الخميس]

بسم الله الرحمن الرحيم
ايه يا النوخذا تبيى احلى ييم لسبيطى

اولا بعطيك معلومه هامه ترا السبيطى يسمونه الذكى الغبى ليش لنه ماينصاد بسهوله
وبنفس الوقت ينصاد بسهوله
السبيطى يرعى مثل ياقى الاسماك يعنى يدور رزقه بس انانى وصير غبى اذا شاف الميده او الحاسووم او
المنجوس او اى سمجه صغيره مثل الشعرى الشعم البالول يعنى اى سمجه صغيره
نسميها محيات فى الكويت خاصه اذا وقت العصر او الفجر مع ردة المايه يهجم على الييم اللى ذكرته
بطريقه هستريه اذا صار موجود مع راس سبيطى يعنى مجموعه يبى يسبق ربعه
يضرب حتى على خيط 80 او 90 بس يكون نوع (soft) هذا فى حال الرعى اما فى حال
الصيد بروحه لازم يكون الخيط 40 او 50 ويتحسن يكون بدون بلد او حط بلد خرارى
بدون مجول ونشا الله تصيده وترتاح . وسامحونا على الاطاله

[kinG MARLIN]

شوف بحسب خبرتي مع السبيطيات اظم صوتي لسالم الخميس

لاكن مع بعض التفصيل

اولا اذا كان الطعم المتوفرفي المكان الي تصيد فيه سبيطيات مثلا منشوس حبات ( كبار ) يفضل استخدامه ولا ينفع تستخدم ميد او غيره حتى لو كان السبيطي يرعى في جماعات وقس ذلك على باقي الاسماك هذا الكلام في الموسم .

لاكن هناك حالات شاذه مثلا السلس الدويلمي وما شابهها من الاسماك الصغيره ذات الرائحه الشديده ( الكلام على الطازج )
فهي مميزه في اي مكان وزمان

لاكن في غير الموسم يعني في مثل هذه الايام يكون الجو حار والاكسجين قليل في البحر فالسمك يكون طافح بالقرب من سطح الماء يعني ما يعمق الا نادر لذلك انصح باستخدام الخبز ومشتقاته .

ملاحظه مهمه في الموسم يفضل استخدام سيم مقاس 30 علشان احيانا بالصدفه تظرب كناعد ودويلميات تقص عليك الخيط وسارة معانا مره لاكن الثانيه جبنا الكنعد على وجهه .

في غير الموسم يفضل استخدام خيط مقاس 50 لا اكبر ولا اصغر ويكون طول الرداع فوق المترين .

تحياتي لكم.

[gulfhunter]

السلام عليكم ورحمة الله وبركاته

حياك الله أخوي النوخذه .......... والله ودنا نستفيد من النواخذه الكبار :D .....................

جميع انواع اليم يضرب عليه السبيطي......... الميد ممتاز السلس ..... صلاخت الدويلمي وصلاخت الوحره سم .......... وايضاً الخثاق ........... وايضاُ......مصران الدجاج

http://mekshat.com/vb/showthread.php?t=16102

وبعدين تراى الناس مزودينه مع الحبيب (السبيطي) يقولك عيار ........ إذا كان عيار وشلون يضرب عندك في الشكه وتلاقي الترديعه يمكن يكون خيطها 60 او 70.... والميدار 8 أو 7.....

لكن يبيله تكنيك خاص إذا ضرب عليك يعني كيف تتعامل معاه....... والتوفيق من رب العالمين .

ملاحظه .......... إذا حضرت السمكه لاتقولي وش ازين طريقه..... اسحب وشيل....... ;)

kinG MARLIN


ملاحظه مهمه في الموسم يفضل استخدام سيم مقاس 30 علشان احيانا بالصدفه تظرب كناعد ودويلميات تقص عليك الخيط وسارة معانا مره لاكن الثانيه جبنا الكنعد على وجهه .

حياك الله أخوي kinG MARLIN .... عندي سؤال وياريت بدون زعل..... سبيطي بسيم صعبه شوي :eek: وبعدين في البحر لاتتحسف..... إذا انت ناوي للسبيطي تتحسف على غيره ليه.....

والله الموفق

[kinG MARLIN]

هلا والله حبيبي قلف هنتر

ياليتك ما شاركت هذي المره

كنت احسبك حداق خبير

وعفاك

يا عيال اقرو وش يقول وش رايك اني مطلع 6 سبيطيات على سيم مقاس 40


الحاجه الثانيه فيه سبيطيات مو عياره وبس لا وتظحك عليك كمان تقعد تتمشى قدامك ولا كان الطعم موجود

حتى الشباب يقولون اذا وراك السبيطي نفسه اعرف انه عيار

على فكره كثير من الشباب اخويانا ومنهم في هذا المنتدى كم واحد طلعو سبيطيات بالسيم

ومنهم الموج العالي واسئله .

[kinG MARLIN]

على فكره الدويلمي الي اقصده بياجر ان كانك تعرف البياجر مو الي في بالك وكاتبه

يعني فروخ الدويلمي بحجم السلس يا كبتن

هذا للتوظيح .

[gulfhunter]

هلا بك kinG MARLIN منك نستفيد.......وموغلط ان الواحد يستفيد ......



ياليتك ما شاركت هذي المره

كنت احسبك حداق خبير

وعفاك

يا عيال اقرو وش يقول وش رايك اني مطلع 6 سبيطيات على سيم مقاس 40

وش المشكله والغلط اللي انت شايفه واللي يخليك تعرف اني على قدي.........نورنا اللي ينور ايامك

اعتقد انك مافهمت كلامي ............. والواحد إذا يعطي رأيه في شي ماأعتقد انه يقلل منك ومن كلامك...... والواحد يتكلم من تجربته وخبرته (إذا في خبره اصلاً)

وإذا انت طلعت 6 سبيطيات بالسيم ........ تراى طلعنا سبيطيات بخيط 90 ...... لاتستغرب شي من البحر..... الرزق من رب العالمين وهو اكرم الأكرمين........



ملاحظه .......... إذا حضرت السمكه لاتقولي وش ازين طريقه..... اسحب وشيل.......

اللي انا متأكد انك ماعرفت وش القصد من الملاحظه ....... وازيدك إذا حضرت لوتمد يدك سحبتها :eek: بس بدون قفازات علشان ماتسحر في البحر

[SinyaR]

السلام عليكم
صراحة حبيت اشارك معاكم مع اني عضو جديد في المنتدى

بالنسبة حق السبيطي .. بصراحة معطينه فوق حقه انه من السمج الذكي
انا اشوفه غبي .. لأني لو اذكر الطرق اللي ينصاد فيها الواحد يتعجب وانا بأذكرها بأخر الموضوع

بالنسبه حق السبيطي .. ممكن السيم الخفيف ما يمنع في صيده لأنه السبيطي اذا ضرب على الميدار يضرب وجهه بالصخر عشان يفتح الميدار .. واهني اذا كان الخيط ضعيف ممكن يفلت .. أو ينقطع اذا لفح على الصخر
ثاني شي اذا حسيت ان الخيط ضرب عليك .. ألشطه .. واللشط عندنا بالكويت يعني تفاجأه بسحبت الخيط عشان يشك الميدار في حلجه .. واللشط يستخدم مع السبيطي والشعم

والسبيطي أكثر أماكن تواجده بالأسياف وبجانب كواسر الأمواج .. واذا توفر مصدر غذائه عاد يبدى يبطر وما يضرب ..
يعني اذا راس الميد متوفر بجانب الكواسر اهي اشوي تصعب .. فيفضل انك تحدق له مع شق النور الفجر .. في هالحزه يكون جوعان ويضرب على اي ييمه

الحين نذكر الطعم المفضل .. انا انصح بالخبز .. لف الميدار بالخبز وثبت الخبز يا بخيط 20 او سير .. عشان ما تفلت بسرعة ويالخيط ابيض بس من النوع اللي ما يسحر بالماي ..

أما بالنسبه حق صيد الصبيطي .. وطعمه المفضل .. فأنا اعرف ناس صادوه بفلافل يشكونها في الميدار ويضرب عليها
وفي ناس صادوه حتى بقشر ليمون وناس صادوه بمساحه وناس صادوه بقطفة زقارة ..
وهذا دليل على غبائه .. فالملخص يكون في ذكاء الصياد نفسه ويعرف متى حزة صيده ..
يعني يفضل صيده على رشة المايه .. ووقت الفجر .. واهو اذا كان يوعان راح يضرب

بصراحة انا افضل طريقه له عندي اهي بالميرور .. شخط له بميرور على شكل يوافه بس تلمع مثل البجلي او الربالا والأحجام من 7 إلى 9 ويفضل النوع اللي ما فيه قرقاشه لأنه صوت القرقاشه يخوفه
وعلى فكره في طريقة الحداق يفضل تحدق له طفاحي بدون بلد .. وبين الميدار والطفاحي تخلي متر

وأسف على الطواله

[kinG MARLIN]

تحياتي لك سنيار كلامك كلام كبير

وفعلا حتى عندنا
واحد من العيال يقول لقا في بطنه قشرة جح

بس في بعض المناطق يكون عيار لانه يفلت من بعض العليميه ويصير عارف الطبخه

وعلى فكره يفضل صيده في اي وقت بس على الثبره والسقيه

قلف هنثر لا تزعل مني انا رديت على كلامك حسب ما فهمت منك مع احترامي الشديد اذا غلطة عليك

انا اذا غلطة اعليك اعترف اني غلطة واعتذر منك

لاكن انت كمان غلطة يوم تقول صعبه شوي

لا لا ماهي صعبه

[سالم الخميس]

السلام عليكم ورحمة الله وبركاته

احب ارحب بجميع الموجودين ورد على كلام اخوى (kinG MARLIN) وحب اعرف هل الاسم هذا يعنى
مالك المارلين هل هو نوع من السمج ولا انا غطان المهم بر على الموضوع كلام اخونا kinG MARLIN
سليم 100%100
قول ليش يا قولف هنتر لنه انا عندى خيط 80 بيج قيم صايد فيه اكثر من 300 سبيطى ومزيزى وهذا غير
انى احدق مع حداقه خيوطهم 40 و50 بس مع وفر السبيطى والمزيزى
فى السعوديه خاصه سنة 94 م 95 و96و هذا رد على كلام اخوى kinG MARLIN والله يعطيه العافيه
والمسيم عندى هو امن شى على السبيطى اذا كان حولك صخر لنه يقطع خيط 100 ويكسر الميدار فى الصخر من
شدة اصتدامه فى الصخر ويمكن يموت لنه انتحارى وانا شايف الشغله هذى وقص وياى سبيطى عود
فى صخره وقطع خيط 70 بضربه فى الصخر.
ومشكورين على المشاركات الحلوه والمعلومات القيمه

[mohamd01]

السلام عليكم الأخ النوخذه وعلى جميع الأخوة في المنتدى.
حسب تجربتى في صيد السبيطي, وجدت ان احشاء (مصارين) الدجاج مفعول قوي في صيده.
شكرا

[ki ng marlin]

الاخ سالم الخميس السلام عليكم ورحمة الله

اشكرك على مداخلتك وصراحتك وترك المجاملات على جنب

لان الفائده والنصيحه مطلوبه للشباب علشان نختصر عليهم المشوار

فعلا فيه سبيطيات احجام خياليه تظرب علينا فوق الاربعه كيلو هذي تقص الخيط مقاس 60 واكبر مثل الحلاوه بسبب زي ماقلة الصخور وثقل وزنه وهو معروف انه يعيش في الاماكن الي جزء منها صخري وجزء كبير رملي هذي محلاته والله يعطيك العافيه .

الاخ محمد كلامك كبير وصحيح بس عندي نصيحه المصران استخدمها اذا انت متاكد ان المكان مافيه قارض يعني سمك صغير
علشان كذا افضل استخدام طعم طازج او حي او طفاحي مثل الخبز واذا تقدر تخلي المصران طفاحي ممتاز جدا

وفيه القوانص جيده لانها ما تنئكل بسرعه ويحبها الصبيطي.

قلف هنتر لا تزعل يا اخي مني هذي معلومه جديده لقاموس معلوماتك.

والعلم نور.

والي عنده علم جديد يعطينا من خبرته .

king marlin
ام شراع _ ام سيف عرفتها يا سالم الي اقصدها

[النوخذه]

يعطيكم اللللللللللللللللللللللللللللللللللللللللللللللللل لللف عافيه على المعلومات ومشكورين
والله استفدت منها حيييييل ومشكورين

[الموج العالي]

بسم الله الرحمن الرحيم
كيف الحال يا شباب اعتذر على التاخير بسبب العمل
كان فيه مشكله حول السبيطي
اسمعو يا شباب اظم صوتي لكم كلكم خاصه كنج مارلين وسالم خميس وقلف هنتر
ليش لان الكنق وسالم قالو يطلع بالسيم وهو فعلا يطلع بالسيم وانا السيم الي استخدمه دائما مقاس 50 وصدة فيه كثير من السبيطيات ولله الحمد والمنه ( الكلام على السيف ).
وقلف هنتر قال يطلع بالخيط اكبر من مقاس 50 وهو فعلا يطلع بالخيط لاكن الغالب يكون ( في الاعماق مو على السيف )وحسب ما اعرف ان قلف هنتر يحدق في الطراد يعني داخل البحر.
:good:

[الحداقه]

السلام عليكم ورحمة الله وبركاته

حياك الله أخوي النوخذه وانا حبيت اشارك في هذا الموضوع لكي نفيد ونستفيد وانا اظم صوتي للشباب فطبعا اكيد كل واحد مر في تجربات عدة مع صيد السبيطي بس انا اضيف نقطة واحدة اعتقد ان السبيطي ما يتواجد في الاماكن المزدحمة عند الشواطى اي اقصد التي تكثر فيها العوائل مثل هاف مول وغيره وذلك لما يسببون فوضى في البحر وازعاج للسبيطي فدائما اذهب للمكان المهجور وسوف تجد انشاء الله السبيطي السنع...


وشكرا للجميع...........

[جير شاهين]

المصران :D

[علي الزعيم]

شباب انه علي من البصره وعندي معلومه صغيره بالنسبه للسبيطي انه اصيده بالمصران الدجاج
ومعلومه ثانيه اوقات الحداك في الشهرالعربي متى تكون التيارات في قاع البحر قوية ومتى تكون ضعيفة ؟
إن التيارات المائية مرتبطة بالقمر مثلها مثل ظاهرتي المد والجزر ويمكن تلخيصها بالطريقة التالية طبعا حسب الشهر العربي :
من يوم 5 إلى 11 تيارات ضعيفة
من يوم 12 إلى 18 تيارات قوية
من يوم 19إلى 26 تيارات ضعيفة
من يوم 27 إلى 4 تيارات قوية

[علي الزعيم]

مصران الدجاج مجرب