ماهي الطريقة الصحيحة للخروج من الغراز ...وبدون تنسيم الكفرات !!

[مفخرة فورد]

السلام عليكم ورحمة الله وبركاته
سيارتي فيها دبل خفيف وثقيل ....... وبس !
خاش على رملة وماودي أغرّز ... ايش الطريقة للدخول والخروج من غير ماأنزل وأنسم للكفرات !
اذا احد يقول لازم تنسيم للكفرات اقول أي سيارة ماهي دفع رباعي تقدر تنسم وتدعس وتطامر الطعوس سلام سلام !
يعني بهالكلام راح يكون وجود الدبل مثل عدمه !:mad:

[دل البحار]

يفيدوك اصحاب الخبره
موفق انشاء الله

[برق الغربية]

السلام عليكم ورحمة الله

بالنسبة للسواقة فهي موهبة تختلف من شخص لآخر ، وللعلم شفت ناس معها جيوب وغرزت وبنفس المكان سيارات صغيره وما شاء الله ولا حصل لها شئ .... فالمسالة تعتمد على الشخص اللي يسوق

بالنسبة لك شغل الدبل الخفيف وامشي باعتدال يعني لا توقف فجأة ولا تدعس فجأة عشان لا تحفر

[مفخرة فورد]

مشكورين يالربع
لكن اذا غرزت ..... ايش السوات الصحيحة اللي ماتوهّق ؟؟

[باترول 4500]

لكن اذا غرزت ..... ايش السوات الصحيحة اللي ماتوهّق ؟؟

حاول إنك تقدم وترجع بدون مايحفر الكفر كثير بالرمل وان شاء الله تطلع .

أما إذا بدأ يحفر بمكانه بالرمل فأفضل شي إنك تنسم الكفرات إلى 15 وتطلع بالراحه

وخل معك ماطور بالسيارة للحاجة

[بعيد الهقاوي6]

ياخوي في النفود اهم شي التنسيم

اذكر مره طلعنا للنفود عوايل بثلاث سيارات وكان معي تاهو بدون دبل نسمت كفراته وماشاء الله يطامر مثل الغزال وفيه احد الجيوب اللي معنا غرزت وطلعته بالتاهو



في النفود هناك ثلاث اساسيات تاتي بالترتيب حسب الاهميه

1- تنسيم الكفرات

2- الدبل

3- وزن السياره

4- قوة المحرك

[asdali]

اخوي شوف الموضوع هذا يمكن يفيدك

الخروج من الغراز (الرباضة) بدون تنسيم (http://www.mekshat.com/vb/showthread.php?t=251392)

[asdali]

اخوي شوف الموضوع هذا يمكن يفيدك

الخروج من الغراز (الرباضة) بدون تنسيم (http://www.mekshat.com/vb/showthread.php?t=251392)

[صحيح]

معليش أخوي مفخرة فورد لابد من التنسيم عشان ما تشب وتحرق المكينة والقير والكلتش وممكن تتعطل السيارة لأي سبب يا قير ولا مكينة ولا كلتش وزي ما ذكروا الأخوان من ناحية السواق وغيرها بس .
والحمد الله فيه ناس تمشي بدون دبل وتدخل الطعوس حسب السواقة والخبرة من ناحية النفود.

[مفخرة فورد]

حاول إنك تقدم وترجع بدون مايحفر الكفر كثير بالرمل وان شاء الله تطلع .

أما إذا بدأ يحفر بمكانه بالرمل فأفضل شي إنك تنسم الكفرات إلى 15 وتطلع بالراحه

وخل معك ماطور بالسيارة للحاجة
لاهنت اخوي باترول
نفسي القى حل يريّح الناس من التنسيم والنفخ !
والمشكلة ان الشركات المصنعة مايقولوا خذ معاك ماطور هوا لاجيت تتمشى بالنفوذ ! فالحين بس يستعرضوا مفخرة الأرض وبطل الدروب وفي الاخير يقول لك نسم عشان تطلع !!!!! :mad:

[مفخرة فورد]

ياخوي في النفود اهم شي التنسيم

اذكر مره طلعنا للنفود عوايل بثلاث سيارات وكان معي تاهو بدون دبل نسمت كفراته وماشاء الله يطامر مثل الغزال وفيه احد الجيوب اللي معنا غرزت وطلعته بالتاهو



في النفود هناك ثلاث اساسيات تاتي بالترتيب حسب الاهميه

1- تنسيم الكفرات

2- الدبل

3- وزن السياره

4- قوة المحرك
معلومات قيّمة بارك الله فيك اخوي بعيد الهقاوي6
لكن شف لي طريقة غير رقم 1 هذي !!

[مفخرة فورد]

اخوي شوف الموضوع هذا يمكن يفيدك

الخروج من الغراز (الرباضة) بدون تنسيم (http://www.mekshat.com/vb/showthread.php?t=251392)

الله يعطيك العافية على هذا الرابط
قريته ياخوي وشفت المقاطع لكن الرجال يقول انه منسم لها على 15 !!
لكن طريقة dn هذي يقول تنفع لأماكن قريبة من الخط ! ايش السوات لما ماحد حولي ولاني حول أحد ؟

[asdali]

الله يعطيك العافية على هذا الرابط
قريته ياخوي وشفت المقاطع لكن الرجال يقول انه منسم لها على 15 !!
لكن طريقة dn هذي يقول تنفع لأماكن قريبة من الخط ! ايش السوات لما ماحد حولي ولاني حول أحد ؟

اذا ماحد حولك لازم تنسم التواير :d

[مفخرة فورد]

معليش أخوي مفخرة فورد لابد من التنسيم عشان ما تشب وتحرق المكينة والقير والكلتش وممكن تتعطل السيارة لأي سبب يا قير ولا مكينة ولا كلتش وزي ما ذكروا الأخوان من ناحية السواق وغيرها بس .
والحمد الله فيه ناس تمشي بدون دبل وتدخل الطعوس حسب السواقة والخبرة من ناحية النفود.
حياك اخوي صحيح
يعني لازم ماطور ابوجمل ولازم أنزل وأنسم الكفر وبعد مااطلع انزل واعبي الكفر واذا مريت بغراز ثاني انزل وانسم واطلع واعبي !! ايش هذا ؟؟؟؟!
ياناس السيارة فيها دبلات والشركات المصنعة تستعرض بها في الرمال ولافيه مقطع عن طريقهم يقول لك انزل ونسم واطلع وبعدين ارجع وعبي !!! يضحكوا علينا يعني ؟؟؟

[aassem34]

حط الموتر بالثقيل ومشه بالثالث والرابع واذا شد الموتر معك الاول والثاني يعني بالثقيل تقدر تروح وتجي بالخامس وبدون تنسيم

[asdali]

حياك اخوي صحيح
يعني لازم ماطور ابوجمل ولازم أنزل وأنسم الكفر وبعد مااطلع انزل واعبي الكفر واذا مريت بغراز ثاني انزل وانسم واطلع واعبي !! ايش هذا ؟؟؟؟!
ياناس السيارة فيها دبلات والشركات المصنعة تستعرض بها في الرمال ولافيه مقطع عن طريقهم يقول لك انزل ونسم واطلع وبعدين ارجع وعبي !!! يضحكوا علينا يعني ؟؟؟

اخوي هدي اعصابك

اكثر المقاطع اللي تسويها الشركات الصانعة تكون في الربيع يعني الارض ماسكة وما تحتاج تنسم الكفرات فلا تغرك وكثير منها معدل بالمونتاج .وانت شوف بالشتاء تقدر تمشي بموترك في اماكن صعبة بدون ماتنزل من موترك تبرح او تنسم الكفرات .

اذا وقعت في اماكن تغريز بسيطة او حتى قوية وانت قريب الاسفلت استخدم طريقة الدي ان :good2: وبتمشي الامور وشوي شوي بتزيد خبرتك مع الوقت . اما في الصيف لابد من التنسيم لان الرمل يفكك من الحرارة .

[أبوعمر1]

والله وأنا أخوك ما فيه ألا حل واحد لمثل حالتك ما تبي تنسم شغل الخفيف وعليك بالدعسة لا تهدي أبد وإذا حسيت أن فيه غراز أو غرزت خل عنك العجز ونزل الهواء وتوكل على الله وغير كذا جنب النفود ولا فيه أمل تغرز ههههههه

امزح معك بالغالي

شف وأنا أخوك أما من ناحية هي على السواق قاعدة غير مطردة أحيناً يغرز أفضل سواق

وحياك يالغالي

[مفخرة فورد]

حط الموتر بالثقيل ومشه بالثالث والرابع واذا شد الموتر معك الاول والثاني يعني بالثقيل تقدر تروح وتجي بالخامس وبدون تنسيم
ياخوي الرمل يهد حيله وماظنتي يلقم الثالث والرابع !!!
نهايتها ماطور ابوجمل !

[هولان]

موضوع تنسيم الكفرات هذا اهم شي خصوصا اذا كنت تمشي بروس النوازي او على ظهر السيف او بالدعوب والرباضات والهلاش والا لاسمح الله يمكن تجي مع مطلاع بدون تنسيم ويفتر عزم الموتر وتجي تديور وبعدين تسدح الموتر على جنبه , وغير هذا ياخي تنسيم الكفر اريح لك وللموتر مهوب تدخل والكفر مزجور من الهوا وتقعد تفجر مكينته بواحد وعلى طول تقرقع بالبساتم .

[مفخرة فورد]

اشكركم كل باسمه
لكن اذا على السواق فمحسوبكم يسوق الزلط بس دلوني الدرب !!
خلاص أنا اعترض على كلام اي أحد يقول نسم الكفرات !!
اذا لازم لازم التنسيم ..... راح اقول تسلم الكرولا انسم لها وافحط على خشم اطلق دفع رباعي بدبلاته !!:mad:

[1231]

انا بتكلم من واقع تجربتي.

موتري ونيت جمس قير عادي دبل ارضي.

وطعست فيه وغرزت كذا مره لين استفدت شغلات مهمه.

اول شغله لازم تنسم اذا المنطقه الي تطعس فيها ترابها ناعم (مثل البحر).


التنسيم فيك فيك اذا ماتنسم ماتمشي لان التراب مثل الطحين فيها (الله يعز النعمه).

لو تنزل وتمشي على رجلينك غرزت رجلك خخخ.



ثأني شي اذا وقفت السياره وكانت ثقيله مثل سيارتي .

خلاص تقول هذامحلي لو تحفر منا بكره لازم سحب.


ثالث شي لازم تشد السياره عشان مايبرد العزم.




رابع شي واهم شي لازم يكون معك سياره ثانيه احتياط عشان اذا غرزت يسحبك .




ولازم يكون معك ماطور هواء .



وشكرا.

[1231]

ولاكن لو سيارت فيها ونش تسحب نفسك بنفسك لو انك مغرز بطين.

[1231]

شف هالرابط .

http://www.mekshat.com/vb/showthread.php?t=167678


وشكرا.

[الوالي 999]

وعليكم السلام ورحمة الله وبركاته
ماشاءالله عليك طريقه حلوه
ونجربها ان شاءالله تضبط معنا
لاهنت يالذيب

[ولد وايل..]

^^

فعلا التنسيم ثلاث أرباع القيادة في الرميل...

لكن كحالتك أخوي ماتبي تنسم...مافيه الا تجي مسرع وتتكسمر وتكسمر الموتر مع دبل خفيف ضروري...

وإذا وقفت بك...عليك إنك توقف تماما وبدون ماتنسم تحاول تتقدم بنص متر مع كل محاولة وبين كل محاولة ومحاولة توقف دقيقتين أو اكثر...

العملية هي إنك لما توقف ترص الرمل وتخليله فرصه يثبت ((نظرية فيزيائية))

طبعا انا ما اقولها الا عن واقع تجربه ...

تتقدم لما يوفق بك الموتر ((تقريبا نصف متر الى متر كامل ع الاكثر)) ومن بعدعها توقف شويتين وتسوي نفس العملية...




بالتوفيق

[asdali]

اشكركم كل باسمه
لكن اذا على السواق فمحسوبكم يسوق الزلط بس دلوني الدرب !!
خلاص أنا اعترض على كلام اي أحد يقول نسم الكفرات !!
اذا لازم لازم التنسيم ..... راح اقول تسلم الكرولا انسم لها وافحط على خشم اطلق دفع رباعي بدبلاته !!:mad:



اخوي الكوريلا او البكب الدفع الثنائي عموما ممكن تمشيبها في الرمال لن وزنها خفيف لكن في الرباضة محلك سر . ولو غرزت فرصتك في الخروج شبه معدومة .
اما الدفع الرباعي تمشيبها في كل مكان وانت محمل وفرصتك للخروج من الغراز اكبر وشعورك بالامان في البر ومن معك اكثر .

[مفخرة فورد]

اخي 1231 نصايح قيمة بارك الله فيك لكن تعرف التنسيم هذا انا معارضة نمرة واستمارة !

اخوي asdali الله يرحم زمان اول معي ددسن 85 انسم لها والله اني ارقى بها الطعوس سلام سلام !!

اخي ولد وايل ...عاد التنسيم ثلاث ارباع القيادة في الرمل ؟؟ وين راح الدبل الخفيف والثقيل ؟!
ياليت اخوي اذا حولك مقطع للطريقة اللي قلتها لتعم الفائدة

شاكر لكم جميعاً حضوركم

[بليزر616]

من واقع خبرتي الطويله في التغريز
فك استبنت الموتر ونزلها ويطلع موترك زي الحلاوة

بس يقولون الطارة من سواقها

[عاشق السيل]

أنا فهمت قصدك وعرف وش تبي بالضبط ،، أنت تقول إذا نسمت بصير مثلي مثل اللي ماعنده دبل أجل ليش أشتري سيارة دفع رباعي ..... صح ؟؟

أنا اجاوب : بالطعوس عندك واحد من اثنين وكلها مرة وغثيثة :

1 ـ إما إنك تنسم الكفرات وتخلي الموتر يتندح على الطعوس وتمشي وأنت مرتاح نفسيا وتطلع من الطعوس وانت وموترك مرتاحين وتتحمل النزلة والتنسيم والتعبئة ،،

2 ـ أو تخلي الكفرات مليانة وتزر الموتر زر علشان ماتغرز ومنها ترتفع الحرارة وتتضرر المكينة ويتعب القير ويمكن يخرب الدبل ونفسيتك تكون تعبانة لأنك تمشي على أعصابك تخاف يهلش الموتر وتغرز تغريزة على مستوى ،،،

وأتوقع إن الأولى أخف الأمرّين !!!

لكن الأمل ما انقطع .... عندي لك حل يجمع بين عدم التنسيم وراحة السيارة وهي إنك تخلي الكفرات على 25 وبكذا تقدر تمشي على الأسفلت مرتاح خاصة بالشتاء ومنها تقدر تمشي بالنفود بدون تغريز بإذن الله ،،

معلومات إضافية :

مشي الموتر بالنفود يعتمد على أساسيات وهي مرتبة كالتالي :

1 ـ السواق الماهر والمتمرس على سواقة النفود ،،
2 ـ الموتر لابد يكون دفع رباعي ،،
3 ـ الكفرات ماتكون مليانة بالهواء ،،
4 ـ مكينة الموتر يكون عزمها معقول ،،
5 ـ اختيار الطرقات بين النفود لأن بعض الأماكن مايمر من عندها ولا أطلق جيب !!

ولا تقارن السيارات العادية بسيارات الدفع الرباعي إطــــــــــــــــــــــــــــلاقا !!!!

أتمنى أن أكون قدمت المفيد وآسف جدا على الإطالة وتقبل مروري ومشاركتي يالغالي ....

[مفخرة فورد]

اخوي بليزر مافهمت ايش تقصد ؟ انزل الاستبنة وين تحت الموتر ؟ اخليها بالارض وامشي يطلع الموتر؟

اخوي عاشق السيل هذا قصدي طال عمرك
طيب اذا رفضت التنسيم وبرضوا خايف على الموتر لايتفقش من الدعس !
ايش رايك اذا اخذ موتر فيه دف لوك او تراكشن تروح فكرة التنسيم ؟

[عاشق السيل]

اخوي عاشق السيل هذا قصدي طال عمرك
طيب اذا رفضت التنسيم وبرضوا خايف على الموتر لايتفقش من الدعس !
ايش رايك اذا اخذ موتر فيه دف لوك او تراكشن تروح فكرة التنسيم ؟



الدفلوك ماينفعك إلا إذا تعلق الموتر بسسسس لكن التنسيم ينفعك بالطعوس كلها ،،

وأنا عطيتك حل وسط : خل الكفرات على 25 !!!

أو أقولك ... اشتر باترول 400 حصان ولا تفكر إنك تنسم نهائيا لأن قوة المكينة تكفيييييك !!

[مفخرة فورد]

على ماقال الشاعر راحت هقاوي راعي الجمس بالطين !
افا بس دبلات + تراكشن + دف لوك كلوا فالصوا في الرمل !
طيب اذا ابو 400 فيه تنسيم وتعئبة هوا من الدركسون افكر اني آخذه.. خوفي يطلع آخرتها تنسيم كمان !

وحلك اني اخلي الكفر على 25 فكرة زينة بس ماهو بهالحر
الله يرزقنا واياكم ويكفينا بحلاله عن حرامه

مشكور اخوي عاشق السيل

[wafi4sa]

اخوي انا ماقراءت كل الردود مادي احد سبقني اولا
إذا مانبي تنسم بالنفود
مالك إلا تركب جنزير قريدر وتطلع
او كفرات عرض الواحد متر ونصف وتطلع
اما ماتنسم كفرات الجيب العادي او باترول لو انت اطلق سواق
ما تقدر بدون تنسيم انسى الموضوع
وتقبل تحياتي

[مشعل العيسى]

التنسيم ثم التنسيم ثم التنسيم ...

وابو جمل ما يقصر ...

[ابومشخص]

تنسيم الكفرات مهوب يسهل ممشا الموتر فقط

يخليك تستخدم عزم اقل للموتر كذلك ما يخلي الموتر يتكسر

بالنسبه ودك تشق الشعيب على ما قالو من غير تنسيم

شد عزم موترك وخل دعستك وحدة لا تزيد ولا تنقص يعني خل الريس على 3 او 3 ونص

وممشاك واحد طبعا اذا شفت الموتر بدا يضعف شوي لا تزود الدعسه خل خفتك بالدركسون لف يمين او يسار وسايس الموتر

واذا جيت توقف اوقف على نزله

[هوايتي مكشات]

الله يجزاكم الجنة ردود رائعه

[بعيد الهقاوي6]

اخوي مفخرة فورد ذكرتني الله يذكرك ومن يقرا الشهاده

براعي البرادو اللي جا يبي يترزز على اصحاب الهلي والدداسن بالنفود واول ماطب الرمله غرز وصارو يشطفونه يمين ويسار ويقولون نسم ياخوي نسم

وهو يقول اجل وشوله متعب نفسي وماخذ جيب لا والله اللي راحت دراهمي في موتر مثله مثل الهلي والددسن

[هو1ي البر]

مادري ياخوي يعني انت تصدق الدعايات ؟
انا بسالك
تدري وش فايدة تنسيم الكفرات ولالا ؟

[أبوغيث 2003]

أخوي مفخرة فورد


أنا فاهم شعورك


أنا أكشت أسبوعيا ولا أفكر إني أنسم


الكفرات بهن 35 وادخل واكشت واطلع وامسك الخط على طول


واغرز واطلع من الغراز بدون تنسيم


أجل معي جيب واقعد انسم ثم اذا جيت امشي اتفخ عشان كشته ما تعدى 5 ساعات



بالشتا الواحد يدخل النفود الكبير ولا الدهنا ويقعد أسبوع صح ينسم لكن كشته خفيفه ما فيه أمل أنسم


لكن أهم شي أهم شي أهم شي


انك اذا غرزت وش اول شي تسويه


الخطوة الاولى هي أساس كل شي وهي أهم شي


بعضهم اذا غرز زاد الدعس ثم عاد انس يطلع بدون سحب ولا تنسيم


طبعا سؤالك عام [ماهي الطريقة الصحيحة للخروج من الغراز]


وهي تعتمد على حسب التغريزه نفسه


بعض الغراز يبيلك انك تلفلف الطاره يمين ويسار


وبعض الغراز كود تكسر الطاره يسار وتمشي قدام ثم تكسر الطاره يمين وتمشي ورى لين يطلع الموتر


وبعض الغراز تمشي بدعسه خفيفه مره مره مره لين يطلع الموتر


وترى الكفرات لها دور كبير


يعني اذا كان كفراتك بريجستون أقول ريح عمرك ولا تفكر تدخل بدون تنسيم

لكن الكفرات اللي تمشي بدون تنسيم


عندك البالون و الكفرات الرميلة مثل الشاهين


واذا تبي كفرات عادية عند الهانكوك تراه ممتاز بالنفود


واعرف واحد معه هايلكس دفرنسين 2005 شاريه وكاله وماقد نسم ماشاءالله


وعموما التنسيم أكيد أحسن لكن اذا الواحد يمشي بدون تنسيم ماله داعي ينسم


وكلن ينام على الجنب اللي يريحه


وآسفين على الاطالهـ

[ولد وايل..]

اخي 1231 نصايح قيمة بارك الله فيك لكن تعرف التنسيم هذا انا معارضة نمرة واستمارة !

اخوي asdali الله يرحم زمان اول معي ددسن 85 انسم لها والله اني ارقى بها الطعوس سلام سلام !!




كيف تعارضه وأنت كنت تنسم...؟! إذا تبي تقول لأنه ددسن دفع خلفي بأقول لك مثل ما ساعد الددسن يبي يساعد الجيب.. دامه يخفف ع الموتر فهو يفيد بكل الاحوال...


اخي ولد وايل ...عاد التنسيم ثلاث ارباع القيادة في الرمل ؟؟ وين راح الدبل الخفيف والثقيل ؟!
ياليت اخوي اذا حولك مقطع للطريقة اللي قلتها لتعم الفائدة

شاكر لكم جميعاً حضوركم




شوف عزيزي....

اناا عندي قناعه تاااامه...إن تنسيم الكفر أهم من تشغيل الدبل...

وخل عندك قاعده((كل موتر ينسم يمشي ولا كل موتر به دبل يمشي))

وفلسفة التنسيم وقياس مستوى الكفر وتلائمة مع نوعية الأرض ما تجي جزافا....

الأرض الهيار لها نسبه والقويه نسبه والحجريه نسبه والطينيه نسبه...


أنا استخدم موتر بدون دبل واستخدم موتر بدبل...

إذا بدبل وما انسم يبتل ينافض الموتر ويقرقع وإذا بقى يوقف بدى ينفض والدفرنسات تقرقع والطارة تلعب !! لو الموتر جديد

وجربت بدون دبل صح بدون دبل لو ما تنسم تخيس بمكانك.... لكن إذا نسمت ((يكووون افضل من اللي بدبل ولا نسم))

لأن السيارة مهوب أهم شي يكون دبل الأهم يكون واحد يعرف يسوق وينزل من هواء الكفرات
أنا اركب جمس بدون دبل لكن ما ادخل للنفود الا الهواء على 15 ووالله إني اماشي جيوب دبلات ومطانيخ ولا يقول شي...بالعكس احيانا يجي واحد ماسكه معه مثل نظريتك الزاحفه يقول التنسيم وسوسه ولاهو ضروري و و و و

وتشوفه مسيكين خطر يطلع من القزازة اللي قدام !!

وتشوف الجمس بدون دبل يمشي أخف منه واريح منه ولا يحن ولا يقول شي...


صدقني ماتنسم ماتمشي لو معك اربعطعشر دبل...!!


وياخي ماتوقعت واحد يقول ان التنسيم غير ضروري قبلك..!

الحين إذا انت غرزت مهوب تنسم ويطلع الموتر ؟؟؟؟طيب وش معناااه ؟؟؟


تدري !! أقول لواحد من العيال المفروض بالجيوب إن جهاز ينسم الكفرات وينفخها بمده وجييييزة ويكون هذا الجهاز أهم من الدبل يعني أولى...!

وصدقني كلامي عن واقع تجربه...!


تحيتي

[مقناص com]

مثل مقالك اخوي بعيد الهقاوي6 اهم نقطه قاله التنسيم

[عطيب المضارب]

أنا فهمت قصدك وعرف وش تبي بالضبط ،، أنت تقول إذا نسمت بصير مثلي مثل اللي ماعنده دبل أجل ليش أشتري سيارة دفع رباعي ..... صح ؟؟

أنا اجاوب : بالطعوس عندك واحد من اثنين وكلها مرة وغثيثة :

1 ـ إما إنك تنسم الكفرات وتخلي الموتر يتندح على الطعوس وتمشي وأنت مرتاح نفسيا وتطلع من الطعوس وانت وموترك مرتاحين وتتحمل النزلة والتنسيم والتعبئة ،،

2 ـ أو تخلي الكفرات مليانة وتزر الموتر زر علشان ماتغرز ومنها ترتفع الحرارة وتتضرر المكينة ويتعب القير ويمكن يخرب الدبل ونفسيتك تكون تعبانة لأنك تمشي على أعصابك تخاف يهلش الموتر وتغرز تغريزة على مستوى ،،،

وأتوقع إن الأولى أخف الأمرّين !!!

لكن الأمل ما انقطع .... عندي لك حل يجمع بين عدم التنسيم وراحة السيارة وهي إنك تخلي الكفرات على 25 وبكذا تقدر تمشي على الأسفلت مرتاح خاصة بالشتاء ومنها تقدر تمشي بالنفود بدون تغريز بإذن الله ،،

معلومات إضافية :

مشي الموتر بالنفود يعتمد على أساسيات وهي مرتبة كالتالي :

1 ـ السواق الماهر والمتمرس على سواقة النفود ،،
2 ـ الموتر لابد يكون دفع رباعي ،،
3 ـ الكفرات ماتكون مليانة بالهواء ،،
4 ـ مكينة الموتر يكون عزمها معقول ،،
5 ـ اختيار الطرقات بين النفود لأن بعض الأماكن مايمر من عندها ولا أطلق جيب !!

ولا تقارن السيارات العادية بسيارات الدفع الرباعي إطــــــــــــــــــــــــــــلاقا !!!!

أتمنى أن أكون قدمت المفيد وآسف جدا على الإطالة وتقبل مروري ومشاركتي يالغالي ....


أنا أوافق أخي الكريم كثيراً واحب اضيف إنه لايعني انني أقود سيارة دفع رباعي خلاص انحلت مشكلة التغريز !!
التغريز حاصل حاصل ولكن بإعتقادي هناك بعض الامور لو انتبهنا لها تساعد على عدم الوقوع في التغريز بإذن الله ومنها
1- في الشتاء ممكن تخلي الكفرات على 20 - 25 لأن الاجواء باردة وإن شاء الله لا تؤثر بالصيف لاصرت تدخل النفود بشكل دائم ممكن تحط الكفرات على 25
2- لاتنزل عن الإسفلت إلا وأنت معشق الدبل الخفيف
3- ميزة السواقة تتلخص بكون السائق نبيه ومنتبه لطريقه ووش هو ياطى ويستفيد من أخطاؤه السابقة واخطاء غيره
4- لا تدعس بقوة على البانزين
5- حاول السير على المرافع والاماكن المشاجير ( اللي فيها شجر )
6- الاماكن اللي مايكون فيها نبات ورملها ناعم (أبيض)انتبه لها وعط الموتر عمره :D
7- إذا كنت ترى بان المنطقة التي ستدخل لها منطقة وعرة جداً فمن البداية عشق الثقيل وبالثالث والرابع وبرضو لاصارت ناوي تطعس شوي ولا تسيف :good2:
8- لا تتهاون بالصحراء سواء كنت بنفود أو بارض طينية ممطورة مع إني اميل لعدم الذهاب للاراضي الطينية وقت الامطار والسيول نهائياً
9- من الضروريات وجود ماطور هواء بالسيارة
10 - وزن ضغط الهواء بالكفرات اهم شي فانا مستعد لتغيير طقم كفرات لكن ماعندي استعداد اخلخل موتري وافقع صوفه وتخرخر زيوته

واخيراً تقبل مروري اخي الكريم

[ولد وايل..]

الدفلوك ماينفعك إلا إذا تعلق الموتر بسسسس لكن التنسيم ينفعك بالطعوس كلها ،،

وأنا عطيتك حل وسط : خل الكفرات على 25 !!!

أو أقولك ... اشتر باترول 400 حصان ولا تفكر إنك تنسم نهائيا لأن قوة المكينة تكفيييييك !!



ياحبيبي لو هي 4000 حصاااااااان...

والله ماتمشي الا منسم...

لان المسأله مهوب بقوة المكينه السمأله بليونه الكفر وتبريحه للسيارة....

[abo.a]

لا يآحبيبي مهب مثل عدددمة ..... ولاتزعل ...
اول شي يعتمد على السوآق وبعدها التنسييم ونوع السيآرة
وآنت الحين مخير بين خيآرين .. يآما انك تنسم وتريح موترك من المطآمر وخرآب المساعدات والمقصات وتكسيره من تحت .. ولا انك تكتم للموتر وتكسره من تحت عشآن دقيقتين تنسم فيهم و 5 دقآيق تعبي الكفرآت كلهن....وآنا آشوف الحل الآول افضل بمليون مرة .... وعن موضوع الفرق .. فيه فرق آذا غرزت .. الدبل هنا يشتغل شغلة .... وتشوف بعيووونك دآيما مايطلع اللي يغرزون الا جيوب ... ورآعين الجيوب يطلعون انفسهم ...بالدبل..وآسف آذا ازعجتك.

[عاشق السيل]

ياحبيبي لو هي 4000 حصاااااااان...

والله ماتمشي الا منسم...

لان المسأله مهوب بقوة المكينه السمأله بليونه الكفر وتبريحه للسيارة....

ههههههه أنا عارف لأني جبت طاري الباترول ضاق صدرك !!!

ولا يهمك الجمس السييرا ممكن يمشي بدون تنسيم لأن مكينته أقوى من الباترول والميزة الأهم إنه أخف وزن ،، والسيارة اللي خفيف وزنها هي أقل سيارة تحتاج للتنسيم ،،

كله إلا زعلك يابعدي ،، وأتمنى ماتفهمني غلط تراي أتكلم جاد ....

[ولد وايل..]

ههههههه أنا عارف لأني جبت طاري الباترول ضاق صدرك !!!

ولا يهمك الجمس السييرا ممكن يمشي بدون تنسيم لأن مكينته أقوى من الباترول والميزة الأهم إنه أخف وزن ،، والسيارة اللي خفيف وزنها هي أقل سيارة تحتاج للتنسيم ،،

كله إلا زعلك يابعدي ،، وأتمنى ماتفهمني غلط تراي أتكلم جاد ....

خخخخخخخخخخخخخخ

لا والله
هههههههههههههههههههههه والله ورب البيت ما قصدت انه باترول ولا كروزر والله العظيم..<< أرحمه والله صادق :(

المسأله لأني مقتنع قناعه تامه بالتنسيم ...

ولا سييرا ولا يوكن ولا غيره...

وإن كان تبي الصدق ماهنا أخف بالبر من الباترول...

[عاشق السيل]

خخخخخخخخخخخخخخ

لا والله
هههههههههههههههههههههه والله ورب البيت ما قصدت انه باترول ولا كروزر والله العظيم..<< أرحمه والله صادق :(

المسأله لأني مقتنع قناعه تامه بالتنسيم ...

ولا سييرا ولا يوكن ولا غيره...

وإن كان تبي الصدق ماهنا أخف بالبر من الباترول...

وأنا مقتنع بالتنسيم أكثر منك رغم إني معي باترول ودايم أتهاوش مع ربعي أقولهم ياناس ارحموا مواتركم وخففوا الهواء بالكفرات ويقولون أجل وش فايدة الدبل !!!

بس أنا شفت أخوي مفخرة فورد ملزم يبي يدخل بدون تنسيم وقلت أعطيه كم اقتراح ومن ظمنها تكون السيارة قوية ،،،

تحياتي لك يالغالي ....

[ولد وايل..]

الله يحفظك يا الغالي...

[ابو العز بلس]

اعتقد ان عندك حل بس ودك تعرف هل فيه شخص يعرفه والا لا فياليت تقول اللي عندك...

[مفخرة فورد]

اخوي انا ماقراءت كل الردود مادي احد سبقني اولا
إذا مانبي تنسم بالنفود
مالك إلا تركب جنزير قريدر وتطلع
او كفرات عرض الواحد متر ونصف وتطلع
اما ماتنسم كفرات الجيب العادي او باترول لو انت اطلق سواق
ما تقدر بدون تنسيم انسى الموضوع
وتقبل تحياتي

افا ياذا العلم ! اطلق سواق ومعه دفع رباعي مايقدر يطلع الا مع التنسيم !!!!! اذكر الله يارجل

[مفخرة فورد]

التنسيم ثم التنسيم ثم التنسيم ...

وابو جمل ما يقصر ...
لا للتنسيم لا للتنسيم لا للتنسيم .... وفي غنى عن ابوجمل !!


تنسيم الكفرات مهوب يسهل ممشا الموتر فقط

يخليك تستخدم عزم اقل للموتر كذلك ما يخلي الموتر يتكسر

بالنسبه ودك تشق الشعيب على ما قالو من غير تنسيم

شد عزم موترك وخل دعستك وحدة لا تزيد ولا تنقص يعني خل الريس على 3 او 3 ونص

وممشاك واحد طبعا اذا شفت الموتر بدا يضعف شوي لا تزود الدعسه خل خفتك بالدركسون لف يمين او يسار وسايس الموتر

واذا جيت توقف اوقف على نزله
انت بعدتني عن التنسيم لكن اذا حصل وغرزت ... أكيد تقول انزل نسم !!


الله يجزاكم الجنة ردود رائعه
اللهم آمين ..... ايش الرائع طال عمرك التنسيم والا بدون ؟



اخوي مفخرة فورد ذكرتني الله يذكرك ومن يقرا الشهاده

براعي البرادو اللي جا يبي يترزز على اصحاب الهلي والدداسن بالنفود واول ماطب الرمله غرز وصارو يشطفونه يمين ويسار ويقولون نسم ياخوي نسم

وهو يقول اجل وشوله متعب نفسي وماخذ جيب لا والله اللي راحت دراهمي في موتر مثله مثل الهلي والددسن
هنا المشكلة .......... وآخرتها يقولوا نسم للكفرات !!!:mad:

مادري ياخوي يعني انت تصدق الدعايات ؟
انا بسالك
تدري وش فايدة تنسيم الكفرات ولالا ؟
والله ياخوك يوم اشوف هالمواتر تقلب يمين ويسار فوق الطعوس والنفوذ ويقولوا مواصفات تراكشن ودفلوك ونظام آلي للخروج من الغراز واخرتها ...... نسم تطلع ! هذي قويييييييية !

[مفخرة فورد]

أخوي مفخرة فورد


أنا فاهم شعورك


أنا أكشت أسبوعيا ولا أفكر إني أنسم


الكفرات بهن 35 وادخل واكشت واطلع وامسك الخط على طول


واغرز واطلع من الغراز بدون تنسيم


أجل معي جيب واقعد انسم ثم اذا جيت امشي اتفخ عشان كشته ما تعدى 5 ساعات



بالشتا الواحد يدخل النفود الكبير ولا الدهنا ويقعد أسبوع صح ينسم لكن كشته خفيفه ما فيه أمل أنسم


لكن أهم شي أهم شي أهم شي


انك اذا غرزت وش اول شي تسويه


الخطوة الاولى هي أساس كل شي وهي أهم شي


بعضهم اذا غرز زاد الدعس ثم عاد انس يطلع بدون سحب ولا تنسيم


طبعا سؤالك عام [ماهي الطريقة الصحيحة للخروج من الغراز]


وهي تعتمد على حسب التغريزه نفسه


بعض الغراز يبيلك انك تلفلف الطاره يمين ويسار


وبعض الغراز كود تكسر الطاره يسار وتمشي قدام ثم تكسر الطاره يمين وتمشي ورى لين يطلع الموتر


وبعض الغراز تمشي بدعسه خفيفه مره مره مره لين يطلع الموتر


وترى الكفرات لها دور كبير


يعني اذا كان كفراتك بريجستون أقول ريح عمرك ولا تفكر تدخل بدون تنسيم

لكن الكفرات اللي تمشي بدون تنسيم


عندك البالون و الكفرات الرميلة مثل الشاهين


واذا تبي كفرات عادية عند الهانكوك تراه ممتاز بالنفود


واعرف واحد معه هايلكس دفرنسين 2005 شاريه وكاله وماقد نسم ماشاءالله


وعموما التنسيم أكيد أحسن لكن اذا الواحد يمشي بدون تنسيم ماله داعي ينسم


وكلن ينام على الجنب اللي يريحه


وآسفين على الاطالهـ

انت رهيب تدري ليش ؟ لأنك جبت فرضيات السؤال كله بارك الله فيك
وأنا معاك ان الغراز ماهو كله سهل ...
لكن ياخوك تركيب كفر خاص بالرمال مايمشي معي .. لأن طلعاتي مو يومياً !! وبرضوا اشوفك تمدح عدوي اللي هو التنسيم !
ياناس ياعالم ... سيارات الدفع الرباعي على حداثتها ومواصفاتها تعجز عن الخروج من تغريزة الا بتنسيم !!!!!!! فكروا فيها ياناس والله قوية !

[asdali]

اخوي مفخرة فورد اذا انك بالشرقية بنسوي طلعة سبيشل بدون تنسيم !! قل تم ان شاء الله

[مفخرة فورد]

شوف عزيزي....

اناا عندي قناعه تاااامه...إن تنسيم الكفر أهم من تشغيل الدبل...

وخل عندك قاعده((كل موتر ينسم يمشي ولا كل موتر به دبل يمشي))

وفلسفة التنسيم وقياس مستوى الكفر وتلائمة مع نوعية الأرض ما تجي جزافا....

الأرض الهيار لها نسبه والقويه نسبه والحجريه نسبه والطينيه نسبه...


أنا استخدم موتر بدون دبل واستخدم موتر بدبل...

إذا بدبل وما انسم يبتل ينافض الموتر ويقرقع وإذا بقى يوقف بدى ينفض والدفرنسات تقرقع والطارة تلعب !! لو الموتر جديد

وجربت بدون دبل صح بدون دبل لو ما تنسم تخيس بمكانك.... لكن إذا نسمت ((يكووون افضل من اللي بدبل ولا نسم))

لأن السيارة مهوب أهم شي يكون دبل الأهم يكون واحد يعرف يسوق وينزل من هواء الكفرات
أنا اركب جمس بدون دبل لكن ما ادخل للنفود الا الهواء على 15 ووالله إني اماشي جيوب دبلات ومطانيخ ولا يقول شي...بالعكس احيانا يجي واحد ماسكه معه مثل نظريتك الزاحفه يقول التنسيم وسوسه ولاهو ضروري و و و و

وتشوفه مسيكين خطر يطلع من القزازة اللي قدام !!

وتشوف الجمس بدون دبل يمشي أخف منه واريح منه ولا يحن ولا يقول شي...


صدقني ماتنسم ماتمشي لو معك اربعطعشر دبل...!!


وياخي ماتوقعت واحد يقول ان التنسيم غير ضروري قبلك..!

الحين إذا انت غرزت مهوب تنسم ويطلع الموتر ؟؟؟؟طيب وش معناااه ؟؟؟


تدري !! أقول لواحد من العيال المفروض بالجيوب إن جهاز ينسم الكفرات وينفخها بمده وجييييزة ويكون هذا الجهاز أهم من الدبل يعني أولى...!

وصدقني كلامي عن واقع تجربه...!


تحيتي
زعلتني ياولد وايل !! الحين أنا نظريتي زاحفة :mad:؟؟
لما اقول لك ان ددسن يسفط معك عالطعس والنفوذ وانت معاك باترول والا صالون شايف هذا عادي ؟؟؟!!

بالعقل والمنطق اخوي .. ليه كل هالطعة والاعلانات والمواصفات للدفع الرباعي واخرتها .. ام عزيز مثلها مثلهم بالرمال ؟؟ فكر فيها شوي !

[مفخرة فورد]

مثل مقالك اخوي بعيد الهقاوي6 اهم نقطه قاله التنسيم
ابد ياخوك ... ماني يمّك بهالنقطة !





أنا أوافق أخي الكريم كثيراً واحب اضيف إنه لايعني انني أقود سيارة دفع رباعي خلاص انحلت مشكلة التغريز !!
التغريز حاصل حاصل ولكن بإعتقادي هناك بعض الامور لو انتبهنا لها تساعد على عدم الوقوع في التغريز بإذن الله ومنها
1- في الشتاء ممكن تخلي الكفرات على 20 - 25 لأن الاجواء باردة وإن شاء الله لا تؤثر بالصيف لاصرت تدخل النفود بشكل دائم ممكن تحط الكفرات على 25
2- لاتنزل عن الإسفلت إلا وأنت معشق الدبل الخفيف
3- ميزة السواقة تتلخص بكون السائق نبيه ومنتبه لطريقه ووش هو ياطى ويستفيد من أخطاؤه السابقة واخطاء غيره
4- لا تدعس بقوة على البانزين
5- حاول السير على المرافع والاماكن المشاجير ( اللي فيها شجر )
6- الاماكن اللي مايكون فيها نبات ورملها ناعم (أبيض)انتبه لها وعط الموتر عمره :d
7- إذا كنت ترى بان المنطقة التي ستدخل لها منطقة وعرة جداً فمن البداية عشق الثقيل وبالثالث والرابع وبرضو لاصارت ناوي تطعس شوي ولا تسيف :good2:
8- لا تتهاون بالصحراء سواء كنت بنفود أو بارض طينية ممطورة مع إني اميل لعدم الذهاب للاراضي الطينية وقت الامطار والسيول نهائياً
9- من الضروريات وجود ماطور هواء بالسيارة
10 - وزن ضغط الهواء بالكفرات اهم شي فانا مستعد لتغيير طقم كفرات لكن ماعندي استعداد اخلخل موتري وافقع صوفه وتخرخر زيوته

واخيراً تقبل مروري اخي الكريم



حياك طال عمرك .. ونتقبل مرورك ونظام ساهر معه ولايهمّك :)


ياحبيبي لو هي 4000 حصاااااااان...

والله ماتمشي الا منسم...

لان المسأله مهوب بقوة المكينه السمأله بليونه الكفر وتبريحه للسيارة....
خلاااااااااااص وقف حدّك ....... ترى نسمّ راسي من كثر ماتقول نسّم :mad:


لا يآحبيبي مهب مثل عدددمة ..... ولاتزعل ...
اول شي يعتمد على السوآق وبعدها التنسييم ونوع السيآرة
وآنت الحين مخير بين خيآرين .. يآما انك تنسم وتريح موترك من المطآمر وخرآب المساعدات والمقصات وتكسيره من تحت .. ولا انك تكتم للموتر وتكسره من تحت عشآن دقيقتين تنسم فيهم و 5 دقآيق تعبي الكفرآت كلهن....وآنا آشوف الحل الآول افضل بمليون مرة .... وعن موضوع الفرق .. فيه فرق آذا غرزت .. الدبل هنا يشتغل شغلة .... وتشوف بعيووونك دآيما مايطلع اللي يغرزون الا جيوب ... ورآعين الجيوب يطلعون انفسهم ...بالدبل..وآسف آذا ازعجتك.
مافيه ازعاج .. لكن فيه تنسيم كفرات وهذا مزعج أكيد !!
لاقلنا السواق ... جاك ثاني وقال والله ماينفع الا بتنسيم ... لاقلنا دبلات وتراكشن ... جاك واحد وقال ماينفع لازم قوة ماكينة .... يجي واحد ويقول والله لو انها 4000 بعير .. لازم تنسيم !!
مع كل احترامي وتقديري لشخصهم الكريم

وأنا مقتنع بالتنسيم أكثر منك رغم إني معي باترول ودايم أتهاوش مع ربعي أقولهم ياناس ارحموا مواتركم وخففوا الهواء بالكفرات ويقولون أجل وش فايدة الدبل !!!

بس أنا شفت أخوي مفخرة فورد ملزم يبي يدخل بدون تنسيم وقلت أعطيه كم اقتراح ومن ظمنها تكون السيارة قوية ،،،

تحياتي لك يالغالي ....
الله يجبر بخاطرك ..... اقتراحك حلو وأنت أحلى ... وفالك طلعة حلوة ماتحتاج فيها تنسيم الكفرات ! بس يقولوا القوة ماتسوي شيء بدون تنسيم :mad:

[مفخرة فورد]

اعتقد ان عندك حل بس ودك تعرف هل فيه شخص يعرفه والا لا فياليت تقول اللي عندك...
ياراجل نفسي اصدقك ويكون عندي حل ! شكراً على هذا الاطراء ;)

اخوي مفخرة فورد اذا انك بالشرقية بنسوي طلعة سبيشل بدون تنسيم !! قل تم ان شاء الله
والله ماني حولك ياخوك .. لكن ان حصل راح يكون معي ددسن وبشرط انها 85 والكفر 15 !
واطلق دفع رباعي اشوفه يمر بس :mad:

[راعي السيل]

السلام عليكم ورحمة الله وبركاته
اخوي مفخرة فورد، جربنا القيادة في الرمل بسيارات مختلفة، هايلكس دفرنس، جيب ربع2010، يوكون، اف جي، وغيره...

وأقدر اقولك وبكل ثقه ان التنسيم هو الحل للقيادة في الرمل بكل راحة وبدون تغريز -ان شاء الله-

اما ان الددسن 85 مع كفرات 15 هو نفسه جيب جكسار في الرمل، فهذا بالتأكيد ليس صحيح، هناك اماكن يتعلق فيها سيارات الدفع الخلفي وما تقدر تطلع منها الا بوجود دبل.

[ونش]

الرجال يقول ابي طريقه غير التنسيم لان التنسم مزعج جدا خصوصا بالقايله ويجي البعض ويقول لازم تنسم لاكن السؤال الي يسدح نفسه الواحد يشتري دفع رباعي باغلى الاثمان من 200 الف وفوق وجميع انواع السيارت ذات الدفع الرباعي والناس تعرف قيمه تنسيم الكفرات اذا ليش ما يحطون ميزه بسيطه انك تنسم وتعبي ونت جالس في الغماره عند المكيف لازم البهذله ذي ويفكونا من بعض الميز الي ما تسوى مثل بخاخ الماء لغسيل الانوار الاماميه وغيره كثير الي ما تقارن بميزه تنسيم الكفر

[ابومشخص]

التغريز اسئلني يا طويل العمر لو تشوف تغاريزي تمسكل راسك شلون طلع الموتر بدون سحب

الحمدلله اقعد امخمخ واتكتك عليه نص ساعة ههههههههههههه

وشغل ترتيب اخر شي التنسيم اذا مافيه حل

طبعا اول حل مثل ما قالو الاخوان

لاااااااا تدعس البنزين كله وانت مغرز ابدا

شفت الموتر قرب يغرز حاول يمين يسار وانت ماشي اذا تعلق الموتر وحسيت انه نشب فك رجلك عن البنزين

اول شي احفر قدام الكفرات ووراها بمسافه قليله بس تعطي الموتر مجال يتحرك

عشق دبلك الثقيل

عطه البنزين لمس بس ودعستك وحده خفيفه اذا ما تحرك

زد بنزين شوي مهوب دعس نفس الشئ خفيفة جدا وعلى هالحال زود اذا حفر الموتر والكفر حفر وقف
لانك خربت كل شئ
لازم تستمر على اللي قلتلك لين يتحرك لو شبر واحد اهم شي تحرك
واذا تحرك لا تدعس دعسه كامله تخرب شغلك
من يتحرك الموتر شوي ويوقف حطه فاضي

ودق ريوس ونفس السالفه على خفيف لين يتحرك

وعلى هالحال

الموتر يسوي لنفسه طريق قدام وريوس

لين توش الموتر ممشاه سهل وصار له مجال ينطلق

امشش وعطه خير لا توقف الا في بيتكم هههههههههههههههه

[ABO-RASHID]

خلاص يا خوي ما تبي تنسم لا تنسم



واذا غرزت طلع نفسك بنفسك ولا تطلب مساعدة من اي احد ولا تنسم


جربها وشوف وبس يمكن ما ترجع البيت مره ثانيه

[عطيب المضارب]

عندي لك حل:D

لاكشت خذ معك عامل متخصص بالتنسيم ولا غرزت قل يالله يالحبيب شد حيلك وأنت خلك متكي بالغمارة :good2:

[ابونبيل]

شف كان معي كورلا 2004
ونسمتها وطلعت طعس متوسط الارتفاع
شوي واسمع صوت جيب يحنحن الى ان طلع وبغا يغرز
اثاريه مانسم

ياخوي نسم احسن لانك تساعد السياره في الطلوع وبدون حرق المكينه بالتدعيس

[ابونبيل]

عندي لك اقتراح بيخليك تقفل الموضوع ..


اشر لك ونش وركبه بالموتر اذا غرزت اشبكه باقرب شجره ويتلك ولا تنسيم ولا هم يحزنون

شرايك..!

[عاشق السيل]

الله يجبر بخاطرك ..... اقتراحك حلو وأنت أحلى ... وفالك طلعة حلوة ماتحتاج فيها تنسيم الكفرات ! بس يقولوا القوة ماتسوي شيء بدون تنسيم :mad:


تبي الصراحة .... هم صادقين التنسيم مهم جدا !!!

وأنا عندي لك حل وهو نفس الطريقة اللي أسويها كل أسبوع تقريبا ومرتااااح معها ياربي لك الحمد ،، وأنا متأكد إنك ماراح تشيل هم التنسيم ولا التعبئة لو طبقتها ..

التنسيم : أستخدم اللي يفك الابرة لأنه أسرع بكثير من التنسيم التقليدي وكلها دقيقتين والكفرات كللللها على ضغط 20 ،،

التعبئة : إذا كانت الكفرات على 20 أمشي عليها بين 100 و 120 حتى أدخل الرياض وأقرب بنشر أعطيه ريالين ويحط بكل كفر 30 أو 35 ويارب لك الحمد ..... هاه وش رايك ؟؟

[أبوراكان57]

السلام عليكم ورحمة الله وبركاته
سيارتي فيها دبل خفيف وثقيل ....... وبس !
خاش على رملة وماودي أغرّز ... ايش الطريقة للدخول والخروج من غير ماأنزل وأنسم للكفرات !
اذا احد يقول لازم تنسيم للكفرات اقول أي سيارة ماهي دفع رباعي تقدر تنسم وتدعس وتطامر الطعوس سلام سلام !
يعني بهالكلام راح يكون وجود الدبل مثل عدمه !:mad:


الأخ مفخرة الفورد ،،، لقد قرأت ردود كل الأخوة الكرام وكل النقاشات على مدى خمس صفحات واستفدت منها كثيرا ،،، ورغم أني جديد على عالم الجيوب والدفع الرباعي ولا زلت في مرحلة التعلم ،، لكني أحب أن أعود لأعلق بثلاث نقاط على أول طرح لك في الموضوع حيث تقول : أي سيارة ماهي دفع رباعي تقدر تنسم وتدعس وتطامر الطعوس سلام سلام! ،،، واسمح لي بأن أقول لك ،،

أولا : يبدو يا عزيزي أنك لم تدرك الحكمة من تنسيم الكفرات ولا ألومك حيث لم يتطرق لها أحد قبلي ألا وهي أن تزيد مساحة الكفر الملاصقة للأرض وبالتالي تزيد قوة الجر وعزم السيارة بحيث يستطيع المحرك تحريك السيارة ببذل جهد أقل ،،،

ثانيا : يا عزيزي لن يكون وجود الدبل مثل عدمه لأن الدبل او الدفع الرباعي أيا كانت طريقته ( يدوي أو الكتروني ) الغرض منه توزيع العزم على كل الكفرات لتساعد على تحريك السيارة ،، لأن ظروف القيادة على الطرقات غير المعبدة ( رمل ، طين ، ثلج ، حصباء ، الخ ) تجعل كل كفر يواجه ظروف تختلف عن الآخر فبالتالي قد يحتاج عزم يختلف عن الكفرات الأخرى لذلك الدفع الرباعي ليس كالثنائي !

ثالثا : الدعايات وما أدراك مالدعايات ،، لابد فيها من التسويق والفبركة والتميلح مهما كانت السيارة ،، أضف لذلك أنهم يصنعون السيارات بقوة وقدرات معينة ويضعون مجال للتحمل ،، لكن عندنا بران تقطع قلب أطلق موتر! وعندنا بشر يستخدمون بعنف! بدون الواحد ما يحسب حسابه أو يقدر قدرات موتره ،، ياخي لازم يصير عندنا خطط علمية مدروسة ،، شفني أنا ( وأعوذ بالله من كلمة أنا ) :p توني شاري جيب مابعد كمل شهر وناوي على الكشتات والطلعات في الشتاء القادم إن شاء الله (الله يحيينا على طاعته) ومن الآن قاعد أقرأ وأثقف نفسي واتعلم من خبرات الآخرين :good2:

[الروض]

يا أخي البطل العزيز خذ من الآخر
- مثل ما إن 1+1=2 وهذا كلام رياضي منطقي محسوس ومعلوم لا يختلف عليه اثنين
كذلك لا يختلف اثنان عقلاء من أهل الخبرة في اجتياز الرمال بأنه لابد من تخفيف الهواء من الكفرات
حتى تستطيع السيارة تجاوز الرمال. وهذاه قاعدة من قواعد القيادة على الرمال حتى لو الموتر دبل

- يمكنك الذهاب لمكتبة جرير ورايح تلقى فيه كتيبات عن قيادة الأوف رود قد ألفها خبراء في القيادة
على الرمال من الأمريكان والأوربيين يضعون فيها نقاط مهمة لتجاوز الرمال على رأسها تخفيف ضغط الكفرات

- كذلك من خلال مالدينا - هواة التطعيس- من ممارسات وتغاريز اتضحت أهمية تنسيم الكفرات

- لنا زملاء من أهل الرملة محترفين بالقيادة يشددون على أهمية تنسيم الكفر والا ما راح يمشي الموتر

وختاما هذا كلام منطقي فيزيائي
قيادة في الرمال بدون تنسيم كفرات= تغريس
ومع التنسيم غالبا لايكون تغريس وذلك يرجع لمهارة السائق
وطبيعة الرمال
تحيتي لك

[الدبل الثقيل]

أخي الكريم ...

الوقت اللي ياخذه منك التنسيم والتعبيه يستاهل ... لأنك تريح المكينه ببذل جهد أقل والبدي من القربعه والتفكك
والسيارة تمشي بسهوله .. والكلتش ماينحرق.. اما يوم تقول وش فايدة الدبل اذا صرت انسم زي الددسن والهايلكس .. الددسن والهايلكس ماتمشي في كل مكان حتى بالتنسيم لابد تحتاج الدبل روح للنفود الكبير وخلي الهايلكس يقطعه من حايل للجوف
وبالنسبه للتنسيم ... نسم بطريقة فك راس البلف أسرع.. لاكن خلي معاك بلوف جديده عشان اذا طار راس البلف وانه عندك بداله

[ولد وايل..]

أنا باعلق عن نقطة أنه وش الفرق بين ام عزيز والباترول..

شف سلمك الله مقياس الموتر مهوب باللي يمشي بالثمامه ولا طعوس تستهبل...

لا رحت سلمك الله في محلات هيار لا دبلي ولا دبلك والله لو موتر اربع طعشر دفرنس ما يمشي !!الا بتنسيم!!

صدقني المسأله مهيب بالأماكن اللي يمشيها الددسن..

فيه اماكن ما يمشيها الددسن وكثيره الددسن والهلي يمشي عمره ولا كشتنا بهلي والله نتوهق مع خوينا !!

ما نوقف الا بنزله وإن وقفنا مع إنه ينسم ومع إنه يسوق ماشاء الله عليه...

لكن لو معنا جيب كان نوقف بأي محل وأي جهه...


الزبده...إن التنسيم مهوب ميزة اضافيه !!

التنسيم ضروري لي سيارة..

والإعلانات والتجارب كلها مع تنسيم...

الكاتلوج حق الموتر يقول خفف من ضغط الكفرات ((يعني انت اشطر؟؟؟))

صح فيه اماكن حرام تنسم إذا الكفر 35 ولا 30 ادخل وخف رجلك خاصه إذا الموتر خفيف أدخل وتحمل شوي تكسر...

عموما...انت جاينا ببدعه جديد الله يستر منك ههههههههههه

[ابوصالح77]

ياخوي في النفود اهم شي التنسيم

اذكر مره طلعنا للنفود عوايل بثلاث سيارات وكان معي تاهو بدون دبل نسمت كفراته وماشاء الله يطامر مثل الغزال وفيه احد الجيوب اللي معنا غرزت وطلعته بالتاهو



في النفود هناك ثلاث اساسيات تاتي بالترتيب حسب الاهميه

1- تنسيم الكفرات

2- الدبل

3- وزن السياره

4- قوة المحرك
وأزيد فن القيادة ، وخفة اليد ، وسرعة البديهة
بأن يعطي طبيعة الأرض حقها لايزيد يكتل الموتر ويطلع الماء ولا ينقص يغرز
أعتبرالسواقة بالنفود مثل :
(سواقة القير العادي كيف يريح إذا مكان ترييح وكيف يردها نمرة إذا عزم الموتر ردى )

[El Ayaam]

فيه طريقة سهله :) تخبرون العفريته القديمه اللي بالهايلوكسات بواسطتها تطلع اي سيارة بكل سهولة اركزها يم الكفر وراس العفريته خله ع الجنط وارفع الكفر وادفن تحته كل ماارتفع ( لاحد يحطها تحت السياره كان الكفر مبنشر لا على الجنط بشكل مايل ) والسلام عليكم ورحمة الله وبركاته

وكل عام وانتم بخير