اللغز الحادي والأربعون.................الحل:عيار الزيت....حله:ابونجود

[ابو عمر اللاحم]

انشدك عن رجلٍ كنه السيف لا سل = تأخذبه اعلوم موكده من خباره
ما هوب هراجٍ ولا بالخبر زل = مغير يعطيك الخبر بالاشاره

[السمح]

ولو اليوم أنا قاعد لك ... :D وحظك الأقشر إني فاضي ما عندي غير ألغازك :D

خذ الرمعة : أريل الراديو :good:

لا تقول : لا ;)

وإن عاد كان الحل صحيح .. عطني فرصة .. :p

[ابو عمر اللاحم]

مالك لوا : غير صحيح اريل الرادو .

[ابو نجود]

اخوي ابو عمر ..عندي حل ..البرق...وش قلت؟
مع تحيات اخوك ابو نجود

[ابو عمر اللاحم]

تسلم ،،ا بو النجود ولا لك لوا غير صحيح البرق

[مكشات]

مرحبا
يحق لكم ألغاز وشغلات حلوة ;)
هذا ياطويل العمر إريل متابعة الطير :)
وإذا مب هو !!
ترى عندي جواب ثاني أكيد :)
سلااااام

[ابو عمر اللاحم]

هلا والله بمشرفنا الغالي ... ويؤسفني ان اقول ............ ما لك لوا غيرصحيح .

[غنام]

برج الجوال +أو المراقبه

[ابو عمر اللاحم]

والله يغنام رمعك ماهي تمام ارجع وركز بالكلام ان عرفته والا سلام ... يا سلام . ولك مني التحيه والاحترام

[السمح]

ودي أحاول مرة ثانية ...

وش رايك بالريموت كنترول للريسيفر أو التلفزيون ..

إن شاء الله إنها هي ..

[ابو نجود]

اخوي ابو عمر عندي رمعة ...عيار الزيت...تصلح هالرمعة ؟
مع تحيات اخوك ابو نجود

[ابو عمر اللاحم]

جبته يا بونجود الحل عيار الزيت واللغز عندك

[ابو نجود]

صح لسانك يا ابو عمر على هاللغز وانا صراحة ماعندي لغز جاهز ومتنازل لأول واحد يحط اللغز...
مع تحيات ابو نجود

[غنام]

كل اللغاز راحت دوبك مشاالله هليك

[ابو عمر اللاحم]

السلام عليكم

وينك يالسمح ترا عندي لغز جاهز ؟

[السمح]

ما دام إن أبو نجود ما عنده لغز فلا مانع من أن يطرح أي عضو لغزه ..

ولكن لعلنا ننتظر أخي نهار إلى مابعد عشاء هذا اليوم لعل أحد الأعضاء يحب أن يشارك ..

وإلا فإن الساحة ستكون خالية لك تماماً .. بس نبي مثل هالألغاز الحلوة ..