نظام ساهر ومدينه افلاطون الفاضله

[ريحه سمر]

السلام عليكم ومبارك عليكم الشهر كلنا نعرف اغنيه ام كلثوم: ما خطرتش على باااااالك يوم يامسهرني ولنا سنين مغشوشين نحسبها تقصد بليغ حمدي :d:d
اثاري ام كلثوم تقصدنظام ساهر اللي رد بدوره على ام كلثوم قائلا الا كل يوم وعلى مدارالساعه 24 على 24 وانت يالمواطن تخطر على بالي
واشوفك وين تروح ووين تجي ( واذا كنت متزوج على زوجتك ) نعرف طريق البيت يعني انتبه::d:d
كافشينك كافشينك الله ليعوقك بشر
اليوم يا اخوان ودنا نتكلم بعد هاذي المقدمه البسيطه عن نظام ساهر وكيف انه اثر على الناس طبعا كل شي يطبق اول مره دون تخطيط له سلبياته اكثر من ايجابياته


ومن ايجابيات النظام انه ذكر الناس (بمدينه الفيلسوف الكبير افلاطون ) التي تعتبر فاضله


فلو كان عند افلاطون ( كهرب ):d عفوا قصدي (مرور )لكان اول واحد يطبق نظام ساهر
ومن سلبياته ان هذا النظام ودي اعطيك مثال روح وافرش لك افراش طبعا بالليل ماهو بالنهار عشان ماتصيبك ضربه شمس :d:d :وشوف بالشارع وش يصير واحد مسرع وواحد مسرع سرعه جنونيه وواحد مهدي وواحد مهدي تهديه جنونيه
وواحد ينطل وواحد يرفع وواحد يدعس الاوادم مايشوفهم شي ماهو حاسب للخط الابيض أي حساب كنه ( بس) والا ( قطو )متعدي متخاسر انه يهدي السرعه على الاقل ماحنا قايلن له وقف وواحد بس عاقل يمشي 70 كلم بالساعه واه ه نسينا اخوانا من الجاليات العربيه والا سلاميه والاجنبيه ماشاء الله اصحاب التكاسي الاغلبيه ينافسون يزيد الراجحي بالسواقه
شوف انواع الغشامه منهم تشطيف يلف عليك كنه مركب مغنطيس
ووواحد
ها تبوني ازيدكم بعد شكلكم طفشتوا :(:(


وش رايكم باللي شفتوه كله بالله عليكم كيف وده ينصلح حال هالاوادم في يوم وليله
ويصيرون نظاميين ويتبعون الانظمه المروريه يا خي قالولها بالامثال اكل العنب حبه حبه
المفروض من اداره المرور انها توعي الناس مده سنه ويكثفون الدعايات التوعويه في التلفاز ( احسن يامثقف تلفاز ) والصحف


ماهو مثل دعاياتهم قبل تطبيق النظام كلكم شفتوها بس يجيبون لقطه خمس ثواني عن شعار اول مره نشوفه وبعدين يروح وماندري وش السالفه
كنه دعايه عن سياره والا عن محل تجاري وده يخلونه مفاجئه
يا خي افضل خلق الله محمد صلى الله عليه وسلم يوم حرم الخمر والميسر حرمه بالتدريج وعلم النلس الدين واصوله بالتدريج واركان الصلاه والزكاه والصوم والحج على مراحل لكي لا ينفر الناس من الدين والقران الكريم نزل عليه صلى الله عليه وسلم بالتدرج


واخيرا يعلم الله ليس ضد النظام بالعكس انا من اشد مؤيديه وتطبيقه
لان فيه ناس فيهم استهتار غير طبيعي راح ضحيه هذا الاستهتار ارواح بريئه وفي الجانب الاخر هناك اشخاص لانريد نظلمهم يتبعون الانظمه المرورية ولكن مع الاسف هم القله
تخيلوا لو طبق نظام مبعقوليه لاصبحنا نعيش بسلام على الطرقات


مع تحيات شخص غيور على دينه ووطنه

[التعـ King ـديل]

النظام حلو لكن اليه تطبيقه غلط

اجل السرعه بشارع الملك عبدالله 70 واذا مشيت 71 مخالفه واذا مشيت 50 نفس المخالفه

بطريق المدينه المنوره لوحه ساهر 70 وبعد مسافه تجيك لوحه ساهر 50 بعد اللوحه مباشره سياره ساهر

يعني وش المقصد تبيني افرمل وانزل سرعتي من 70 الى 50 بسرعه الضوء اصلا مايمدي لان ساهر يلقطك

قبل تلقط اللوحه لانه يلقط من مسافه 70 متر

طبعا هذي بعض الامثله والامثله كثير

[ابو العز بلس]

حسبنا الله عليهم

[أطلال نجد]

والله أنك حبيب
تبيهم يسوون توعية ودعاية ؟!!
هم ما يبونك تعرف شيء عن النظام
عشان يلزّخونك بـ مخالفات سرعة على 50 و 60 و 70 و80 ع الرايح والجاي وأنت حتى ما تدري مرة تجيك رسالة ومرات ما يجيك شيء !

الوالد عمره 65 سنة ويسوق من 50 سنة ما عمره خذا مخالفة بحياته ألا مع ساهر لا بارك الله فيهم ولا في أنظمتهم العقيمة الفاشلة

وأنا رايح الدوام الساعة 09:00 pm
السرعة المحددة 80 ك.س طريق الخرج السريع !!! لا حظ السريع
مرة الباص يصورني ومرة لا مع العلم أن السرعة مثبته على طول من أمسك السريع 80 ك.س !
الدعوى مزاج

[Hammad]

( ســاهــر .. لسرقتكم )

النظام زين ماقلنا شئ بس الدعوه فيها شركه وتبي تزرف العالم

والله يفكنا منهم ومن نظامهم

[طفران بس بطران]

اقول كلن يروح المستشفيات ويحمد الله ان جا ساهر فيه حاكم جاه خبر ان فيه واحد يغازل وحدة في وقت العشا قال امر من يمشي العشاء اعدموة قصوا ارقبته اليوم الاول اربعة راحوا فيها اليوم الثاني ولاواحد يعني مايحتاج اعلانات مكثفة ولو يصدرون امر من يخالف يقطع ارقبتة انا معه وبقوة

[التعـ King ـديل]

اقول كلن يروح المستشفيات ويحمد الله ان جا ساهر فيه حاكم جاه خبر ان فيه واحد يغازل وحدة في وقت العشا قال امر من يمشي العشاء اعدموة قصوا ارقبته اليوم الاول اربعة راحوا فيها اليوم الثاني ولاواحد يعني مايحتاج اعلانات مكثفة ولو يصدرون امر من يخالف يقطع ارقبتة انا معه وبقوة

اعتراضنا مو على النظام على اليه النظام وارجع لردي السابق واقراه وابي تعليقك عليه

[شاري الوقفه]

والله يا اخوان فكرة هذا النضام جدا جميله ومفيده.

ولكن كما ذكرتم آلية التنفيذ جدا تعسفيه . ولو كان المخالفه على السرعات اكثر من 120 فقط كان ماشفنا الاستهجان هذا كله .

والحمد لله ماني ساكن بمدينه

[asdali]

ودك بواحد معه قرنبع يدخل بسيارة ساهر ويقلبه ويشل العسكري

[سفاري959]

الا من جد ما يمشي بهالبلد الا اللي يخالف واكبر دليل شف حرب الشوارع اللي هو التفحيط يمشون 200 بالدائري ولا يقدر سارق واتباعه عليهم لأنهم فاكين اللوحات والا ماهي للسياره نفسها عشان كذا اللي يخبرلي البخاخ حق اللوحات وين يباع يعلمني ابيه وبأي سعر

[أطلال نجد]

^
الآن أفكر أني أفك اللوحة بعد الفوضى والتفحيط اللي صرت أشوفه أكثر مع نظام ساهر
تصدق تفحيط كل يوم بعد الفجر وبرمضان !

[MjNo0oN]

يا اخاون فيه طريقه حللللللللللوه مره لنضام سارق انشاء الله مايلقطك بها

الادوات المستخمه

1- بلاستيك رول شفاف او يفضل ثلجي
2- مفتاح 10
3- لازاق شفاف او ولعه على حسب الرغبه

الطريقه

1- فك لوحتك الاماميه
2- دبل عليها البلاستيك لغاية 7 ادبال او 10 لقطع الشك باليقين
3- اذا كنت بتستخدم اللزاق لزق الحواف التي ينتهي معها الرول او بالولعه ذوب اطراف البلاستيك ويلتحم مع بعض
4- خفس البلاستيك للمسامير ((على فتحات لوحتك الاوله))
5- زيادة الخير خيرين وعشان تضمن ان ساهر مايلقطك باذن الله اقلب اللوحه وركبها على وجهها


وبكذا تكون افتكيت من الباصات و الكمرات + المرور لانه محد راح ينتبه لها خصوصاً اذا كان لون البلاستيك ثلجي

للمعلوميه اعرف موضف في ساهر يقول وهاذي في ذمته يا اخوان يقوان اننا مانلقط الا اللوحه الاماميه

[سفاري959]

^
الآن أفكر أني أفك اللوحة بعد الفوضى والتفحيط اللي صرت أشوفه أكثر مع نظام ساهر
تصدق تفحيط كل يوم بعد الفجر وبرمضان !

الله يهدي شباب المسلمين ماخفي كان اعظم وش رايك ندور البخاخ واللي يحصله يعلم الثاني بلا نظام سارق بلا كلام فاضي

[طعيميس]

والله انه نظام سارق
مردوداته الكثر من مليار ريال
محمد بن نايف بيشري جيب لكزس بعد هالنظااام هههههههههههههههههههههههه

[أطلال نجد]

الله يهدي شباب المسلمين ماخفي كان اعظم وش رايك ندور البخاخ واللي يحصله يعلم الثاني بلا نظام سارق بلا كلام فاضي





أتذكر أني سألت عن البخاخ مجموعة من الشباب وقالوا أنهم جربوه وما ينفع !
بصراحة نبي لنا حل
تصدق أنا من الناس اللي ما أداني السرعة وأحب النظام ولكن أن تُسجل مخالفات ضدي على سرعة 70 و80 و 90 لا والله معصي .

أخوي mjnoOon
أفك اللوحة أحسن لأني إذا طحت بتفتيش ما راح يرحموني كأني شايل اللوحة بالضبط
ولا تنسى أنهم مركزين على اللوحات الأمامية بشكل كبير هالأيام

تحياتي

[قطب 999]

نزيدكم من الشعر بيت الشركه المشغله للنظام تدفع للدوله قيمة المخالفه وتستوفي المبلغ من المخالف واذا تأخر عن الشهر تكون الزياده من نصيب الشركه ولسان حال الشركه يقول كل تأخيره فيها خيره

[سفاري959]

أتذكر أني سألت عن البخاخ مجموعة من الشباب وقالوا أنهم جربوه وما ينفع !
بصراحة نبي لنا حل
تصدق أنا من الناس اللي ما أداني السرعة وأحب النظام ولكن أن تُسجل مخالفات ضدي على سرعة 70 و80 و 90 لا والله معصي .

أخوي mjnooon
أفك اللوحة أحسن لأني إذا طحت بتفتيش ما راح يرحموني كأني شايل اللوحة بالضبط
ولا تنسى أنهم مركزين على اللوحات الأمامية بشكل كبير هالأيام

تحياتي

لا البخاخ ينفغ قاله المقبل في الاخباريه جابوا صوره شاب مسرع وداق اللطمه ومسوي حركه للكاميرا قالوله وش رايك قال هذا شاب مستهتر ومخالف بس للأسف ما قدرنا نطلع رقم اللوحه لأنه مستخدم البخاخ دوره لنا بس قبل لا تكثر المخالفات ههههههههههههههههههه