المساعد الشخصي الرقمي

مشاهدة النسخة كاملة : معروض علي جيب تويوتا مصندق 82


محمد السالم
15/08/2010, 11:24 AM
بسم الله الرحمن الرحيم

السلام عليكم ورحمة الله وبركاته

اخواني ما استغني عنكم وابي نصيحتكم انا معروض علي جيب تويوتا المصندق القديم
موديل 82 حالته العامه ما عليها بسعر 16 الف ريال لكن انا ما اعرف على ايش اشيك

يعني ابغى الي عنده علم هالجيوب يفيدني وش اهم شي اشيك عليه وهل سعره مناسب

ولكم تحياتي
اسير الغضا
15/08/2010, 11:41 AM
اظ ب ذا سعره اذا كنت تقصد الجيب العشه غالي بالحيل ذا

تلقاهن 4 الاف وتسويله تظبيط ن اوله الى اخره يطلع وكاله يمكن ب7 الاف

الا اذا كان الموتر نظيف بالحيل ولا مشى ابد ولا فيه صدوم

انا اقول لاتستعجل

ورح لاقرب مكنيكي وخله يناظر المحركات
الفيصل2009
15/08/2010, 11:54 AM
أخوي لهم رابطة مسوينها في المنتدى الطرح سوالك هناك وأكيد راح يفيدونك

رابطة ملاك جيب العشة .. صور .. إستفسارات .. إبداع .. ترهيم ... إلخ (http://www.mekshat.com/vb/showthread.php?t=252993) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=252993) 2 (http://www.mekshat.com/vb/showthread.php?t=252993&page=2) 3 (http://www.mekshat.com/vb/showthread.php?t=252993&page=3) 4 (http://www.mekshat.com/vb/showthread.php?t=252993&page=4) 5 (http://www.mekshat.com/vb/showthread.php?t=252993&page=5) ... الصفحة الأخيرة (http://www.mekshat.com/vb/showthread.php?t=252993&page=220))
صقر دكوة
15/08/2010, 12:25 PM
والله اتمنى اني افيدك
بس ما عندي معلومات
ابو العز بلس
15/08/2010, 01:51 PM
وعليكم السلام ورحمة الله وبركاته

شيك على المكينة والقير والدبل
وانا قد شريت واحد باغلى من كذا واشهد انه موتر

اما اللي يقول باربعو اتوقع خبرة قديييم بالحيل الحين اقل شيء ب8000 ويبيله شغل
بواسامه
15/08/2010, 02:54 PM
اذا تبيه كتراث اشتر
واذا تبي استخدم فتعوذ من الشيطان
صدقني بيغربلك
وبيعرفك على اهل السطحات
مخاوي العشه
15/08/2010, 05:09 PM
وعليكم السلام ورحمة الله وبركاته
أخوي أذا كانت المكينه والقير والدبلات شغاله ميه ميه والبدي نظيف
خذه ولا تتردد
أنا معي موديل 82 ماشاء الله تبارك الله تحفه وين مارحت يقول سم
بس مشكلته عدم الراحه ومافيه نشاط
وأذا كان مرهم أبعد عنه يبلشك
وأدخل على رابطتنا رابطة ملاك جيب العشه
ويفيدونك أخواناا أكثر مايقصرون

وياخي أبو أسامه
أنا معي الموتر من سنه وكان مع أخوي قبل سنتين
ومع ولد عمتي الظاهر ست سنين ومع جدي من وكالته ولا يعرف شي أسمه سطحه ماشاء الله
بعد الكرف الجائر اللي جاه

في أمان الله
عاشق السيل
15/08/2010, 05:22 PM
إن سألت عن السعر أشوفه غالي وأتوقع تلقاه من الـ 8000 إلى الـ 10000 إلا إذا كان نظيف بقوووووة أقولك يستاهل السعر رغم إني مبطي عن هالمواتر !!

وإن سألت عن استخدام الموتر أقولك إنه عز الطلب بالبر ومايرده شي ويطربك بالتمشي بالنفود وخاصة إنك ماتخاف عليه من أي شي ، وإذا بغيت تسحب موتر مغرز لا يمكن يفشلك بس عيبه المراقي الطويلة مايقدر عليها ،،

وإن سألت عن نقاط الفحص ماعندك إلا مكينة ودفرنسات وقير ودبل ،، المكينة انتبه لا يصير فيها طقطقة أو يطلع منها دخان أو تهريب زيوت أو الحرارة ترتفع ،، الدفرنسات والقير جربها وأنت تمشي وحط رجلك على الخط وإذا وصلت 160 وماصار فيه رجة أو ونة تراها نظيفة ،، والدبل عشق الخفيف وامش مرة يسار بقوة ومرة يمين بقوة علشان تفحص العكوس ونفس الشي مع الثقيل ،،،

والله يوفقك للي فيه الخير ....
محمد السالم
15/08/2010, 05:26 PM
اشكر كل من تجاوب معي والله يجزاكم الجنه

ويغفر ذنوبنا وذنوبكم جميع

انا ان شاء الله بحاول فراعيه بالعشره لاني شفت نظافته متوسطه

وبوديه لواحد يماني اخبره يفهم فالجيوب وابغاه يفحصه من الا

ولكم تحياتي
اسير الغضا
16/08/2010, 11:04 AM
انت منين ياخوي شكلك من حايل لان الجيوب اسعارهن فوق

انا اشوف ان النظيف بقوه 8 الى 10
قناص*07
16/08/2010, 03:33 PM
ان كانت ديكوراته سليمه وحالة الديكور 90% شد بلاد والبودي شد بلاد وبدون رشوش وصدمات وبدون صدى

يسواها ونص
مخاوي العشه
16/08/2010, 05:32 PM
انت منين ياخوي شكلك من حايل لان الجيوب اسعارهن فوق

انا اشوف ان النظيف بقوه 8 الى 10

لا أخوي

هذاك أول يكون النظيف بقوه 8 الى 10

الحين النظيف بقوه أقل واحد يمكن 20000 ريال
فيه واحد بجده مسيوم منه ب35ألف وحاده بأ40 الف بدي وكاله ماشي 99000
وفيه واحد ماشي الظاهر أصفار الله أعلم مسيوم بـ50 ألف ريال
وفيه واحد فتحو عليه باب السوم بـ20 ألف
وأذا كان نظافته متوسطه يجيب 14 الف او 15 الف او يمكن 10الاف ريال

وتر فيه واحد بالمنتدى في قسم البيع والشراء تويوتا
جيب عشه نظيف يبيه ب24 الف ريال بجده

وتختلف الاسعار على حسب المنطقه

في أمان الله
عاشق القيلات
16/08/2010, 05:39 PM
اتمنى اني افيدك
ولكن
للأسف ماعندي اي معلومه
وشكرا
دندون1
16/08/2010, 05:52 PM
اخوي انا مثلك ادور على جيب

الاسعار من كذا وزود

اذا لك رغبه لا تسال في السعر لان النظيف قلييييييييييييل جدا وما تلقاه بسهوله

فيه واحد ماشي 107 ومطلوب فيه 30 وان شاء الله ناوي عليه بس بحاول يهاود بالسعر شوي

بالنسبه للفحص وده لاي ورشه متخصصه ولا تستخسر ب 150 يطلع لك كل شي

وتقبل تحياتي
مسفر الاكلبي
16/08/2010, 06:02 PM
ظلمتوه بالسطحه !!!!!!!!!!