مالفرق بين الدبل الثقيل والخفيف

[اسير الغضا]

السلام عليك ورحمة الله وبركاته


اخواني الكرام

حقيقة يوجد لدي نوع من الفضول حول الدبل الثقيل

سؤالي

جيع اصحاب الجيوب يعلمون ان الدبل الثقيل استخدامه في حال استعصى الامر على الخفيف سواء تبي تقطع غردقه او تبي تطلع من تغريزه

لاكن هناك امر يحرني وهو مالفرق بين الثقيل والخفيف كلهن اربع كفرات يدرون

لحظه ::d:d ارجو عدم التفلسف الجواب لمن يعرف فقط

[لاتكب البيالة]

صراحة انا مثلك ما ادري وش نظرية عمله بس اسمح لي ابتفلسف ممكن الثقيل يصير ترسه اصغر يعني الثقيل مثل الاول والخفيف مثل الثاني اقول ممكن واتمنى تدع فرصة للجميع بالتفلسف حرية الرأي مطلوبه:j

[المارينز]

الثقيل يخلي العزم المنقول للكفرات اللي قدام اكثر في حاله كونه على الخفيف

يعني الخفيف عزم اقل للكفرات اللي قدام
الثقيل عزم اكثر للكفرات اللي قدام

ووو مثل ماقال اخوي لاتكب البياله مثل ماتعشق بين الاول والثاني في القير العادي
القير الاول عزم كبير بس سرعه منخفضه
القير الثاني اقل عزم بس اعلى سرعه


<< خلنا نتفلسف شوي :)

[ولد وايل..]

المسألة مهيب إن الخفيف يدور اربع والثقيل أربع...

أجل المواتر اللي دفع رباعي مستمر معها دبل خفيف وثقيل وش الفايده منها ؟

الدبل له نسبة من حيث الدوران ونسبة توازن الكفرات...

في حال الدبل الخفيف الدبل يكون 20-30 بالمية للأمامي...

الثقيل يصير الدفع متوازن 50-50 قدام ووراى...

ع شان كذا الغشيم ما يصلح يشغل الدبل الثقيل لأنه يبي يجيب العيد ويغطططططططس..

ولو تبي تتوسع أقراها من ناحية علمية لان هنا صعب الفهم..


هذا كلام مقتبس من أحد المواضيع وكلامه علمي....

((
الدبل الثقيل:
نفس نظرية الدبل الخفيف ولكن الترس الذي يقوم بالتوزيع هو ترس كبير جدا مقارنة بترس الدبل الخفيف
فلذلك تجد سرعة دوران الماكينه اكثر بكثير من سرعة دوران هذا الترس لو نظرت الى عدادا الماكينه وانت معشق الدبل الثقيل تجد سرعة الماكينه 2000 لفه بالدقيقه بينما السياره تتحرك ببطء شديد

لماذا العزم اكبر في الدبل الثقيل:
لدي مثال بسيط يوضح الفكره من ناحية العزم
عندما تريد فكل صامولة الكفر بمفتاح العجل ووجدت انها قويه جدا ولم تنفك ابدا
ورحت جبت ماسوره طويله ودخلتها بمفتاح العجل ولفيتها من اخرها ماذا تلاحظ؟
تلاحظ ان الصاموله انفكت وانت بذلت جهد بسيط جدا

نفس الفكره هنا تدور الماكينه بسرعات عاليه والترس الناقل يحولها الى سرعات بطيئه فبذلك يصبح العزم جبار جدا

استنتج مما سبق ان الدبل الخفيف هو نفسه الدفع الرباعي المستمر مع فرق النسب فقط
فاذا استعملت الوضع المستمر في الرمال فهو بلاشك يعطيك نفس النتيجه للدبل الخفيف(عن تجربه)
ولكن القياده في الصحاري والرمال تتعرض لها متغيرات كثيره مثل كثرة الانعطافات والصعود والهبوط والانزلاق والتعليق.
معنى ذلك ان الترس الموزع للعزم سيظل يعمل اغلب اوقات الرحله وهذ قد يوكن فيه استهلاك زائد عن الحد لهذه التقنيه
ربما مع الوقت وكثرة الاستعمال قد يتعطل هذا الترس .
فاذا كنت تريد السياره تخدم معك سنوات طويله فيفضل اعطاء كل ذي حق حقه
يعني لانزلت البر اشبك الدبل الخفيف ومعاك الى اعلى سرعه وانساه ولاتخاف من اي مشاكل
واذا رجعت للاسفلت رده للوضع العادي وسلامتك. ))

[ابوطاقية]

الدبل الخفيف نفس الدبل الثقيل لتوزيع القوه على المحاور
استخدامات الدبل الخفيف اذا كانت السياره تمشي حتي سرعات عاليه تقريبا 120 كيلو لبعض السيارات واذا غرزت تستخدم الدبل الثقيل والفرق ان التروس اكبر من الدبل الخفيف وتعطي المكينه ظغط عالي على سرعات قليله بمعني
اذا انت مغرز تستخدم الثقيل مع قير 2 وعلى خفيف
اذا بتسحب احد مغرز تستخدم الثقيل 2 وعلى خفيف
اذا بتسحب قلص لمرتفعات عاليه بالرمال تستخدم الثقيل 3-4-5 حسب ارتفاع الطعس او الجبل
اذا بتمشي بطين تستخدم الثقيل 3-4
طبعا افضل استخدام للدبل الثقيل بالقير العادي
طبعا الفرق كبر ترس الدبل الثقيل ويعطي المكينه افضل ظغط بالعربي مايبرد عزم الموتر سواء بالصعود او السحب
اما بخصوص توزيع القوة على المحاور فهذي وظيفة الدفلوك سواء الكهربائي او الهوائي او الميكانيكي

[اسير الغضا]

يعطيكم العافيه وفيتوا وكفيتوا