ياالربع تنصحوني أركب فلتر رياضي لليوكن 2009

[هاجر الود]

يالربع ودي اركب فلتر رياضي لليوكن 2009 وش رايكم مافيه ضرر وتنصحوني به جزاكم الله خيرا .

[ذعذآع]

الفلتر جانب من جوانب التزويد .. يا انك تزود في كل الجوانب او لا تزود !

بلحاله ما منه فايده ويبله تنظيف مستمر .. وسيارتك جديده لا تحوسها ثم تحوسك ..

[عاشق الكابرس]

اذبتركب فلتر لازم تركب هدرز لن اذ ركبت فلتر المكينه بتسحب هواء زيادة تحتاج تطلع هواء زيادة ويبغ للسياره برمجه عند متخصص امريكي عشان يوزن الهواء الداخل والخارج ويمكن تحتاج ترهيم فتحه حق حساس الفلتر اذ كان موموجود في الفلتر
ونصيحه سيارتك جديده لاتحوس فيه واليوكن عزمه مو شوي فلاتلعب فيه

[العابر2222]

يا غالي زي ما ذكرو الأخواان اذا ركبت فلتر لازم هدرز كي توازن كمية الهواء الداخل والخارج

واذا ما انظبطت راح تنقص المكينة وتحوس مكينة موترك

[ذهب صافي]

ياخوي لا تلعب في موترك نصيحه لوجه الله

اترك موترك يوديك ويجيبك ما تسوى عليك يتعطل فيك ثم يطلب عليك شي انت غني عنه

[بوه مير نيم12]

انت تبي تركبه عشان الصوت ؟
لان الفلتر له صوت وهذا مايسمى بالصوت الرياضي
اذا دست له يطلع صوته وهذي اسمها شحطه

لكن انا ما انصحك
لانه متعب جدا لابد له من تنظيف وخاصه اذا كنت تدخل النفود بكثره راح يتعبك بالتنظيف

موترك مشاء الله
فيه من القوه

[التعـ King ـديل]

اليوكن موتر قوي ماشاء الله تبارك الله وجديد

مع اني اعدل وهذي شغلتي لكن اقولها لك لاتركب

[bassam abdullah]

اذا بتركب فلتر ركب اللي يجي مربع مو الفلتر المعروف الدائري

والاخوان اللي يقولون لازم هدرز

اتوقع الكت باك كافي مع الفلتر وبرمجه اذا حب يبرمج

[ذيب زلفاوي]

مانصحك تركب
الفلتر تركبه على الهايلوكسات والدداسن والمرهمات مو على مواتر زي موترك ماشاء الله ياخوي مكينة الهايلوكس بالتشليح النضيفه 10 الاف ومكينه اليوكن مادري عنها بس ماضن انها تنزل عن 40 الف خل موتر على وكالته وحافظ عليه وخل عنك المطاير اشتر لك باترول ربع قديم وركب عليه الي انت تبي وطيح الي في راسك

[ولد وايل..]

لا تزين به شي ابد...

انا أول ما شريت موتري كنت ابي اركب رياضي ع شان ما اغيره اغسله وبس...

لكن ما الله كتب والحمد لله...

غن كان تبي تجرب ((تجرب)) خ اللي نفس الشكل يجي مربع لكن يركب بنفس العلبه مثل شكل الفلتر الاساسي...