الميزانيه مائة الف ريال .. ابي موتر اسند به ظهرى .. طبعا جيب

[بوه مير نيم12]

صباح الخير للجميع
مائة الف ريال فقط لاغير
http://gallery.qcat.net/data/media/99/Saudi-500Rials-2002-f.jpg
العنوان واضح
ابي جيب بها السعر اسند به ظهري وموتر يعيش ويكد .
ارجوكم شورو على

[سالم11]

الشهر عليك مبارك

100 الف تجيب لك هدد موديل 2003 نظيف

100 ألف تجيب لك فتك 2008 رقم 1 قير عادي مكيفين ثلاجه نظيف


اذا ما عندك مشكله وتقول اخذ موديل قديم توكل على الله وخذ هدد ودور النظيف 2003

والا الفتك وعز الله تبي تلقى الي تسند عليك ظهرك موديل 2007 - 2008 نظيف وممشى شوي

والله يدبر لك الصالح المبارك

[فهد الميهوبي]

زوووووووووودهاااااااااا شوي وخذلك براادو فل كامل جديد 2009

[بوه مير نيم12]

علينا وعليك يا سالم
بالنسبه للهدد موديل 2003 ماتشوف انها حسافه عليه مائة الف ريال موديله قديم
له 7 سنوات

اما الفتك يقولون ان به مشاكل

[محب البرق]

دوّر لك vxr موديل 2003

تحصله حول هالاقيام

او جكسار 2003 او 2004

وبالتوفيق

[بوه مير نيم12]

زوووووووووودهاااااااااا شوي وخذلك براادو فل كامل جديد 2009

يعطيك العافيه
صراحه مركب البرادو ما اعجبني
شكرا

[اهل الردات]

خذلك برادو جديد او جي اكس ار فل كامل 2004

[بوه مير نيم12]

دوّر لك vxr موديل 2003

تحصله حول هالاقيام

او جكسار 2003 او 2004

وبالتوفيق

موديل 2003 ماتشوف انها حسافه عليه مائة الف ريال موديله قديم
له 7 سنوات

[aooa]

احس ان البرادو سيارة عمال شركات ... !!!!

خذ لك gxr وعلى حسب فلوسك تحصل الموتر واهم شيء يكون نظيف نظيف بدي ومحركات ...

[سليمان 10]

دور لك في اكس آر 2003 قير عادي اوتماتيك هو المنوه 000

[بوه مير نيم12]

احس ان البرادو سيارة عمال شركات ... !!!!

خذ لك gxr وعلى حسب فلوسك تحصل الموتر واهم شيء يكون نظيف نظيف بدي ومحركات ...


البرادو ما ارتحت له لاشكل ولا مركب مع ذلك الناس طايرين به

شكرا لك اخوى

[بوه مير نيم12]

دور لك في اكس آر 2003 قير عادي اوتماتيك هو المنوه 000




يعني المية الف ماتجيب الا من ها الموديل 2003 ونازل
والله قهر


شكرا لك

[لاتكب البيالة]

السلام عليكم
يالغالي اذا تبي اللي يعيش معك خذ جديد وحافظ عليه
شف الاكسبلورر ممتاز تاخذه جديد
واذا تبي شي للبر ما يحتاج اكستيرا
وعندك ايضا فورنشر
لكن الاكسبلورر ممتاااااااااز

[جبل ادقس]

خذها نصيه وانا اخوك لا تدور غير اللاندكروزر من موديل 2004 وفوق راح تلاقي بسعرك هذا بس لا تستعجل ودور النظيف ..
صراحه سافرت فيه كم مره مع احد اصدقائي قسم بالله سياره تسند ظهرك عليها ماشاء الله تبارك الله

موفق خير اخوي

[التمَاري]

خذلك فورتشنر 2010 جديد وكاله تويوتا عطي الله

[بوه مير نيم12]

خذلك فورتشنر 2010 جديد وكاله تويوتا عطي الله


سمعت ان سعره فوق الميه

ويقولون ان فيه صوت صفير مع الخط

شكرا لك

[بوه مير نيم12]

خذها نصيه وانا اخوك لا تدور غير اللاندكروزر من موديل 2004 وفوق راح تلاقي بسعرك هذا بس لا تستعجل ودور النظيف ..
صراحه سافرت فيه كم مره مع احد اصدقائي قسم بالله سياره تسند ظهرك عليها ماشاء الله تبارك الله

موفق خير اخوي
صدقت بس والله انى متحسف بها الميه على موديل 2004 بصراحه احسه قديم

[بوه مير نيم12]

السلام عليكم
يالغالي اذا تبي اللي يعيش معك خذ جديد وحافظ عليه
شف الاكسبلورر ممتاز تاخذه جديد
واذا تبي شي للبر ما يحتاج اكستيرا
وعندك ايضا فورنشر
لكن الاكسبلورر ممتاااااااااز

الاكسبلور .. بصراحه مادري عن استخدامه والفورد يخوووف

[بواسامه]

فيه فئه جي ال سفاري
مكينته 4500
فك جديد ونم

الله يوفقك

[بوه مير نيم12]

فيه فئه جي ال سفاري
مكينته 4500
فك جديد ونم

الله يوفقك

هلا ابو اسامه
كم سعره
وايش المواصفات

الف شكرا لك

[فنجال شاهي]

اخوي انصحك تتوجه على الامريكي اكبدشن او اكسبلورر او خذ لك بيك اب اذا ودك انصحك جمس سييرا الوحشششش موديل 2009 تحصلة حول التسعين

[بوه مير نيم12]

اخوي انصحك تتوجه على الامريكي اكبدشن او اكسبلورر او خذ لك بيك اب اذا ودك انصحك جمس سييرا الوحشششش موديل 2009 تحصلة حول التسعين


هلابك
الفورد شايله من راسي


الف شكر لك

[بوه مير نيم12]

وينكم .. وين المشوره

[omar salman]

وعليكم السلام
يا أخي شوف ما دام انك كل ما ذكر لك
واحد نوع قمت تعذرب هذا قديم وهذا فيه
صفير وهذا شايله من راسي
أجل حاط موضوع ليش
ليش أبي أفهم !؟؟ :mad:
ولا تقول ذا وش دخلّه ولا وش يبي ذا
لأنه بصراحة شيء منرفز
وشيء عجيب ومحير وعلى فلوسك
خذ إكسبلورر 2009 تلقاه بسبعين وفيها
ولا يفرق عن 2010 بشيء والثلاثين
الباقية افتح بها محل وجبات سريعة
أو خلها للجمعية يوظفونها في مائدة
تفطير صائم ولا خلها لمصريين
ياخذون بها عمرة المهم شيء فيه
أجر وبالنسبة لــ 2009 راح يعطيك
نفس مكدة 2010 أمريكي نظيف أدّ بور
يعني فل كامل هذا علمٍ جاك كانك تسمع
الشور واذا انت على قولك شايل الفورد من
راسك عن تجربة ما نقول شيء واذا بس
سوالف طعوس وبيوت شعر ناس ما جربت
ولا عندها وعي ولا ثقافة اللهم يقولون
ما أنصحك تتعداه .

[مكشاتي2010]

اخوي فوتشنر 6سلندر في اكس 1 ب103500اصفار جديد بالمعارض طبعا قير عادي وقير تماتيك ب108000

ويكفيك انه تويوتا ومحد اشتكى منه

والله يعينك على التدوير

[عاشق الفكسار]

ترى الفورد جيد وخاصة الاكسبلورر

[أبو نـآيف]

Fj

2009 او 2010 تلقاه في هالاقيام
وموتر يبيض الوجه

[مقلع الرمث]

يابوه مير نيم

اقولك خذ الكلام

دورلك جي اكس موديل 2008 قير عادي تحصله بسعر 110 الى 120 اذا طق بوزه

وموتر زين ورزه وكشخه تقبل تحياتي

[عيش صحاري]

زود فلوسك شوي وخذ لك تاهو دبل جديد السياره ماعليها كلام روعه من جميع النواحي

[بوه مير نيم12]

وعليكم السلام
يا أخي شوف ما دام انك كل ما ذكر لك
واحد نوع قمت تعذرب هذا قديم وهذا فيه
صفير وهذا شايله من راسي
أجل حاط موضوع ليش
ليش أبي أفهم !؟؟ :mad:
ولا تقول ذا وش دخلّه ولا وش يبي ذا
لأنه بصراحة شيء منرفز
وشيء عجيب ومحير وعلى فلوسك
خذ إكسبلورر 2009 تلقاه بسبعين وفيها
ولا يفرق عن 2010 بشيء والثلاثين
الباقية افتح بها محل وجبات سريعة
أو خلها للجمعية يوظفونها في مائدة
تفطير صائم ولا خلها لمصريين
ياخذون بها عمرة المهم شيء فيه
أجر وبالنسبة لــ 2009 راح يعطيك
نفس مكدة 2010 أمريكي نظيف أدّ بور
يعني فل كامل هذا علمٍ جاك كانك تسمع
الشور واذا انت على قولك شايل الفورد من
راسك عن تجربة ما نقول شيء واذا بس
سوالف طعوس وبيوت شعر ناس ما جربت
ولا عندها وعي ولا ثقافة اللهم يقولون

ما أنصحك تتعداه .


س/ عرف طعوس

[bassam abdullah]

تاهو والا يوكن مستعمل او جديد

اسعارها حول الـ 100 أو أكثر شوي

والا لاند كروزر gxr من 2006 وطالع والاسعار مثل ماذكرت

واذا مااعجبوك اللي قلت لاتبعد عن الفتك والا الميستوبيشي

ارجو اني افدتك

[محمد الظاهري]

اقول شف لك جيب جي اكس ار 2005
حول الميه
ونضيف
انا اسعرهن
واشوف جيب ما شي 93الف فقط ونضيف

[ماشي الحال 3]

.
.

أخوي الفورتشنر 2010 -6سرندل-vx-ب103000 وكالة بسمك...
أتوقع أنه مناسب.
.
.

[بوه مير نيم12]

تاهو والا يوكن مستعمل او جديد



اسعارها حول الـ 100 أو أكثر شوي


والا لاند كروزر gxr من 2006 وطالع والاسعار مثل ماذكرت


واذا مااعجبوك اللي قلت لاتبعد عن الفتك والا الميستوبيشي


ارجو اني افدتك

الامريكي
موب شين
بس يقولون لاتاخذ مستعمل
شكرا

[بوه مير نيم12]

اقول شف لك جيب جي اكس ار 2005

حول الميه
ونضيف
انا اسعرهن

واشوف جيب ما شي 93الف فقط ونضيف




طيب الهدد 2007 بكم سعره

[أيمن]

غريبة ما أحد ذكر لك باجيرو !!
الباجيرو الجديد موتر تعتمد عليه بعد توفيق الله
http://www.caradvice.com.au/wp-content/uploads/2009/05/mitsubishi_pajero_vrx_d-id_001-480x360.jpg

تحيتي

[بوه مير نيم12]

غريبة ما أحد ذكر لك باجيرو !!

الباجيرو الجديد موتر تعتمد عليه بعد توفيق الله
http://www.caradvice.com.au/wp-content/uploads/2009/05/mitsubishi_pajero_vrx_d-id_001-480x360.jpg



تحيتي


هلابك يا ايمن
الصراحه يمدحونه وخاصه اللى يقولون انه سلقه العادي
طيب اخوى كم اسعاره
وايش مميزاته

[omar salman]

س/ عرف طعوس



يا أخي هي نصيحة وانت ورأيك
والطعوس والبر وبيوت الشعر مشكلة
كانك ما تعرفهن وانت تبحث عن جيب
يعني السيدان أصرف وان كانك
بتفهم كلامي ألغاز اتركه والله
يوفقك بالموتر الي يجوز لك .

[التمَاري]

سمعت ان سعره فوق الميه

ويقولون ان فيه صوت صفير مع الخط

شكرا لك


صوت الصفير من الربل وهذي لها عده حلول أسهلها توديه للوكاله ويغيرون الربل

وسعره القير العادي يجي مثبت ومكيفين و6 سلندر ودفلك بميه وخمسه تقريبا

وبالتوفيق

[MjNo0oN]

خذلك فورتشنر 2010 جديد وكاله تويوتا عطي الله
اضم صوتي لصوت اخوي التماري

اريح وافضل و اضمن من المستعمل ويكفيك انه جديد اتوقع قيمته جديد قير عادي v6 102 وقير تماتيك والله العالم زيادة 3 الاف يطلع لك بـ 105 او اقل

[asheqalreem]

غريبة ما أحد ذكر لك باجيرو !!

الباجيرو الجديد موتر تعتمد عليه بعد توفيق الله
http://www.caradvice.com.au/wp-content/uploads/2009/05/mitsubishi_pajero_vrx_d-id_001-480x360.jpg



تحيتي






اضم صوتي لمشرفنا ايمن صراحه الباجيروووو موتر خصوصا الماكينه الكبيرة قوة في البر ومريح على الخط انا عندي منه سلقه 2006 شاريه مستعمل ب4500 قير عادي ماشي 40 الف كيلو

طبعا السيارة ياباني مئه بالمئة وشكل الفل كامل يشابة الرنج روفر وفخم

جربه وبتدعيلي سعره وكاله جديد باب واحد فوق الميه كم الف
اما الاربع ابواب فل كامل يوصل 150 الف

[xX_أبهاوي_Xx]

والله إذا ماتبي غير جديد كما ذكروا الأخوان لاتتعدى ( فورتشنر أو إف جي كروزر )

وإذا تبي شئ يجمد على الشارب وتكوة .. شفلك لاندكروزر نظيف أو مخزن لايتعدى موديله 2006

تحياتي لك وأتمنى إني أفدتك .. وعسى الله يكتب لك اللي فيه الخير

وقبل كل شئ ( صلآة الإستخاره ) وكل عام وانت طيب

[أبوفـهـــــد]

خذ لكـ تاهو والله انه عز

وقبل لاتاخذ شي
استخر الله

[نفود بريدة]

اخوي انا كنت ابقولك يوكن والا تاهو , لانها مواتر الصراحه , لكن يوم شفتك تبي جيب هونت



واشور عليك بالباجيرو , تراه ياباني اصل وتجميع ,
وجودته ومركبه وشكله وفخامته كلها ممتازة ما شاء الله

وبصراحه سعره خيالي الخليجي 2010

اقدر ادبر لك واحد مكينته 3500 لكن عادي موب فل بـــ 84 الف ريال فقط
واذا تبي نفس المكينه لكن فل ادبره لك بـ 90 الف ريال.
واذا تبي المكينه الكبيره 3800 نص فل اقدر باذن الله وقوته ادبره لك بـ 115 تقريبا تزود او تنقص 5 الاف , لاني ماني متاكد من سعره زين.

طبعا كلها اصفار جديده على الزيرو.

بالله عليك تقارنها بالفورتشنر والا اف جي والا هالطقه ,, قسم بالله مافيه وجه مقارنه لا بالداخليه ولا بالشكل الخارجي ولا بالمركب ولا بالجوده كلها من صالح الباجيرو ,, والمصيبه ان سعره ارخص من سعرهم


واحرص على الجديد وانا اخوك مهما كان سعره ,, الناس من تالي يخوفون , الذمه راحت الله يخلف , الا من رحم ربي وقليل ماهم

موفق

[ولد وايل..]

تبي تجربه نصيحه ؟؟

واللله شاهد علي ما انصحك الا باللي اتمناه لي...

إذا يهمك المركب خذ لك تاهو 2009-2010

عز الله تبي تنومس وترتاااااح ... الموتر قطعه تعيش كد ومد الفحمات تاخذ لها فوق 90 الف !!
وقطع الإستهلاكيه بالحيييييل تتحمل...!

دور لك شي ((نظيف ماجااااااااه ولا صدمه !!)) وتوكل ع الله ولا تحرص على الفل...

ولا خذ لك باجيرو موستيبيشي ...

احرص ماتاخذ اقل من 2008

[سيف الذهب]

عليك بالـــ جي إكس أر 2003-2004 وأحرص على النظيف

أنا شريت موتر 2003 جي إكس أر قبل 4 شهور بنفس قيمة قروشك أو أكثر شوي بس صراحة موتر ماشاء الله

[محب البرق]

موديل 2003 ماتشوف انها حسافه عليه مائة الف ريال موديله قديم
له 7 سنوات



رح للمعارض وشف الاسعار كيف

اعرف واحد شاري جيب gx هدد موديل 96 بــ 80 الف قبل يومين ;)

[الصبحي 1]

السلام عليكم ورحمة الله وبركاته

يا اخوي نصيحة ثم نصيحة لا تأخذ مستعمل ابد ابد لآن أكثر السيارات المستعملة
بها مشاكل في يا إما في الدبل أو في الماكينة او ان صاير على حادث لكننننننن ....
هناك خيارات لكل شيء :
1. جرب السيارة قبل ما تشتريها بقدر المستطاع من أهلك أو جيرانك أو من ربعك
حتى لو انك تأخذها من محلات تأجير السيارات .
2. الفورتشنر لا تاخذه ولو يعطونك عليه فلوس يا اخي ما هو جيب وحرام اللي سماه جيب
انا جلست في المقعده الخلفيه وراسي في السقف والله حرام هو أقرب للهايلكس المقفص .
3. الفورد الاكسبلورر رائع جدا ومريح في الخط وما فيه صرفية بنزين وست سرندل وأنا مجربه وفيه دبل ثقيل وللمعلومية هذه آخر سنة له يعني 2011 حيكون بدون دبل ثقيل وراسي في الخط ولا فيه رجة سيارات تويوتا .

نصــــــــــيـــــــــــــحـــــــــــــه
من أخوك ابعد عن السيارات الخليجية المستعملة لأنها سيارات شركات التأمين الأمريكية وصاير عليها حوادث شنيعه ويصرفونها علينا .
أخوي نصيحة مع هذا الشهر الكريم لاتأخذ المستعمل اذا كنت تبغى موتر يعيش معك أفضل
شيء يكون استعمالك أنت أما المستعمل ما راح تعرف مشاكله إلا بعد الاستعمال فقط واترك ورش الفحص والشريطيه وما يقولون .



أخوك مجرب

[GS5]

باترول gl ديزل جدييييييد 0000000 و ريح جسمك و مخباتك و بالك :D

[m s.m a]

أخوي

انا شاري جي أكس أر من الأمارات 100ألف وبس

[شاص2007]

شاص بالمقاس جديد 2010

[بيضا القاع]

اخوي انا انصحك تروح نيسان وتطلع لك باثفندر او اكستيرا جديد وكاله احسن واقوى شي ويستحمل انا عندي بتثفندر صارله سنتين الحمدالله ولا عطل طلع فيه وانا استخدمه يوميا واروح فيه الزريبه الله يعزك ولا اشتكى من شي

[عاشق بترول]

خذلك فتك بس هب ريح في كل شي وطربك

[الجندي2005]

100 الف ما تجيب جيب الإ يكون ما هو ذاك الزود ( 100 الف ) بمستعمل قسم بالله قهررررررررررررر

اما تزود فلوسك أو تصرف نظر عن الجيب مثلآ داتسون دبل حليلة ،،،،،،،،،،،،،،،

[بحار seas]

دور لك على ( برادو ) بفلوسك هذي بتحصل نظيف وموديل من 2008 وطالع وسلامتك

[ونش]

اعجبتني انك ما تبي الفورد نصيحه كان عندي اكسبلورر وجديد وكاله بهذلني بالخرابات وبعته بنصف قيمته بعد ثلاث سنوات وشريت الي بالصوره

[شلفا تبوك]

صباح الخير للجميع

مائة الف ريال فقط لاغير
http://gallery.qcat.net/data/media/99/saudi-500rials-2002-f.jpg
العنوان واضح
ابي جيب بها السعر اسند به ظهري وموتر يعيش ويكد .

ارجوكم شورو على



السلام عليكم
أولا - الخمسمائه اللي في الصوره لك عليها لان مافيها ارقام تسلسليه حمراء
ثانيا - دور لك gx 2006 او2005 لان قيمتها حول العلم

[ابوصالح77]

السلام عليكم
أولا - الخمسمائه اللي في الصوره لك عليها لان مافيها ارقام تسلسليه حمراء
ثانيا - دور لك gx 2006 او2005 لان قيمتها حول العلم

تحصل بها القيمة إذا كنت وسيع صدر ومنت مستعجل
الله يرزقك
بالتوفيق

[سرطوقا]

هدد جي اكس بتحصل موديل 2006 قير عايدي دبل عاايدي ، مكيفين ، ثلاجه ممشاه قليل

100 وفيها


تحيتي

[Bader-M]

فورشنر فل كامل مديل 2009 - 2010

تحياتي اليك

[متى نكشت ؟]

هايلوكس
دبل 2010
وكااااااااااااااله
85 الف
15 بمخباك

[بوه مير نيم12]

طيب يالربع
وشرايكم بالباترل السلقه جديد اربع ابواب
وكم سعره
وايش نصايحكم
هذا
http://up.arabseyes.com/upfiles/hNY51666.jpg



طيب هذا وشهو من لحيه
http://dc02.arabsh.com/i/01703/y0jsezhtxt3o.jpg
http://dc10.arabsh.com/i/01673/e1b99j4n5hwt.jpg

[التعـ King ـديل]

ال 100 الف

تجيب لك هدد 2004 واحيانا 2005

تجيب لك باترول 2007 سوبر ولا 2008 سفاري2

تجيب لك باجيرو وكاله

تجيب لك يوكن 2008

تجيب لك تاهو 2008

تجيب لك جمس صحن 2008

تجيب لك شاص 2009

تجيب لك ربع 2009

تجيب لك فكسار 2002 - 2003

تجيب لك جكسار 2004 - 2005

[التعـ King ـديل]

http://dc02.arabsh.com/i/01703/y0jsezhtxt3o.jpg


هذا طال عمرك شيخ المواتر قيمته جديد 240 الف ومستعمل ناقص شويتين

[* ابو باسل *]

خذلك فورتشنر موديل 2010 6 سلندر جديد احسن لك وتويوتا وانت اول واحد تركبه تعرف عيوبه وتعرف وش صار فيه معك وخاصه انك تبي تستعمل على كلامك وعليه ضمان خمس سنوات ماهو واحد مستعمل لو صار فيه شي تروح تصلح وتبلش عمرك وخاصه انك تبي تدفع 100 الف لاتدفعها وانا خوك غير في جديد ولا اصبر وزدها شوي واشتر لك ارض احسن لك ولعيالك ماهو تدفها في موتر مهربد ومسعمل وكاح زيته مع شكمانه .

[ابوالشيهانه.]

يعني المية الف ماتجيب الا من ها الموديل 2003 ونازل

والله قهر



شكرا لك

واحد من الزملاء جايب من قطر gxr 2005 /91000 نظيف وصيده

[عزٍيزٍ]

وش تبي بالجيب .. ماغير يخسسرك دراهم بنـززين

آفضل خيآر لك ,, آنـك

تســــلـفن آلـ 100 آلف

قسسسم آبدعيلك من اعمآق قلبي



آمزح آمزح .. وآذا انت موافق .. تراي مانب امزح هههههههههه

الله يرزقك الجيب اللي يسسند ضهرك . ولا يخرب آبد

لآ تزعل

[بوه مير نيم12]

وش تبي بالجيب .. ماغير يخسسرك دراهم بنـززين





آفضل خيآر لك ,, آنـك


تســــلـفن آلـ 100 آلف


قسسسم آبدعيلك من اعمآق قلبي




آمزح آمزح .. وآذا انت موافق .. تراي مانب امزح هههههههههه


الله يرزقك الجيب اللي يسسند ضهرك . ولا يخرب آبد


لآ تزعل






:d
اميــــــــــــــــــــن

[بوه مير نيم12]

خذلك فورتشنر موديل 2010 6 سلندر جديد احسن لك وتويوتا وانت اول واحد تركبه تعرف عيوبه وتعرف وش صار فيه معك وخاصه انك تبي تستعمل على كلامك وعليه ضمان خمس سنوات ماهو واحد مستعمل لو صار فيه شي تروح تصلح وتبلش عمرك وخاصه انك تبي تدفع 100 الف لاتدفعها وانا خوك غير في جديد ولا اصبر وزدها شوي واشتر لك ارض احسن لك ولعيالك ماهو تدفها في موتر مهربد ومسعمل وكاح زيته مع شكمانه .



والله انك صادق
اجل موديل 2006 فوق الميه والله هبال

وش ها الارض اللى بمية الف بالرياض
هههههههه

شكرا يابعد تسبدي:d

[بوه مير نيم12]

يعني المية الف ماتجيب الا من ها الموديل 2003 ونازل

والله قهر



شكرا لك

واحد من الزملاء جايب من قطر gxr 2005 /91000 نظيف وصيده



الله يرزقني الصيده يارب

شكرا اخوي

[بوه مير نيم12]

ال 100 الف

تجيب لك هدد 2004 واحيانا 2005

تجيب لك باترول 2007 سوبر ولا 2008 سفاري2

تجيب لك باجيرو وكاله

تجيب لك يوكن 2008

تجيب لك تاهو 2008

تجيب لك جمس صحن 2008

تجيب لك شاص 2009

تجيب لك ربع 2009

تجيب لك فكسار 2002 - 2003

تجيب لك جكسار 2004 - 2005


يمال العافيه
الف شكر لك

[ابوعقل]

شفلك تاهو ls

اخبر سعره عند الجميح 95 الف

بس الحين ما أدري

مر على كل الوكلات الجميح والعيسى وبالبيد والتوكيلات

والله غبنه تدفع 100000 الف بمستعمل

ومديل 2003 ولا 2004 !!!

[بوه مير نيم12]

شفلك تاهو ls

اخبر سعره عند الجميح 95 الف

بس الحين ما أدري

مر على كل الوكلات الجميح والعيسى وبالبيد والتوكيلات

والله غبنه تدفع 100000 الف بمستعمل

ومديل 2003 ولا 2004 !!!



وهذا اللى باطن تسبدي
اكسر جيوب قديمه ومجلوده ماتنزل عن المية الف
والله الشعبيه ماخلت شي ولا الجي اكس ار ابو صدامات بلاستك ومكيف فرار وديكور يحوم التسبد قسم بالله قهر المعارض مليانه من ها الكسر والاسعار فوق الميه
شكرا لك ابو عقل

[الجنوبي007]

ياطويل العمر خذ الكزس حقي 99 موديله لون لولوي مكينه قير على الشرط اوتماتيك ب70000 الف
ووفر الثلاثين الف على نفسك
بعته علشان ابي اخخذلي موديل جديد
رقمي 0501983509 بعد اذن الادارة

[بوه مير نيم12]

ياطويل العمر خذ الكزس حقي 99 موديله لون لولوي مكينه قير على الشرط اوتماتيك ب70000 الف
ووفر الثلاثين الف على نفسك
بعته علشان ابي اخخذلي موديل جديد
رقمي 0501983509 بعد اذن الادارة


ياحبيلك يالجنوبي
مالي بجيوب اللكزس

ولا اللكزس موتر مابه كلام
على الاقل افضل من ابو فرارات الجي اكس ار

[عطيب المضارب]

طع شوري خذ لك سفاري 2 فتك لؤلؤي نظيف 2009

[ولد الجيران]

خذلك باترل

[بيتر بن عدوان]

انصحك تشتري ياباترول صالون فتك 2007 او 2008 او تشتري اف جي تويوتا يحبه قلبك واحد من الربع يوم الثلاثاء اشترى 2009 ماشي 35 طلع عليه مع النقل والتامين وكل شيييي 97 نظيف بالحيل الموتر لدرجه ان البلاستك للحين على مراتبه ماشالله الله لا يضره واخذته وجربته ماشالله خفيف وميرح ووسيع يصلح لبر وسفر وعائله ومن ناحية الشكل مرغوب وحلووو ولك ولزمن

[بـــ نجد ـــرق]

هلابك اخوي

طيب انا ماعلمتنا انت ابوعيال يعني تبي جيب وسيع ؟

او عزابي وتبي جيب ربع او شاص ؟وهل انت رجال راكد على السياره او تجور عليها ؟

عموما اذا كانت المواصفات الداخليه ماتهمك خذ لك لاندكروزر g(جي ) 2008 قير عادي او اتماتيك وقزاز كهرب ومكيف واحد
بتحصله من 100الف الى 115 الف

والله يرزقك الموتر المبارك

تحيتي

[N أبورغد N]

الله يسهل امرك
انصحك بالاكستيرا السياحي 102000
والا باجيرو 3.8 تحصله في الامارات 106000
فل كامل جلد ودف لوك وتراكشن وفيه واحد معلن يجيبها واصله للسعوديه عن طريق البسامي 111000
ولا تنسى الاستخاره

[بن محفوظ]

خذلك باترل


ههههههههههه الصراحة أسرع نصيحة شفته بحياتي ... الله يعطيك العافية ولد الجيران على النصيحة ..

على العموم .. ترى الياباني زين وانا أخوك .. والتويوتا نفس النيسان .. لاحد يلعب على الثاني .. كلهن نفس المشاكل .. قطع النيسان غالي بس يجلس فتره أطول .. وقطع التويوتا رخيص بس مايطول .. هي هي نفس المخاسير ..

وأهم شي (((((((((( الأستخارة وأنا أخوك )))))))))))

وفقك الله ... بوه مير نيم12

[راعي النياسين]

خذ لك فتك واترك الي يعذربون فيه

وتبي تدعي لي بأذن الله

[غواص وقناص]

فورتشنر 6سرندل 2010وكاله 103000
وريح راسك

[جبل راف]

الله يجعلها تزود المية الف
اذا تقدر تزودها خذ لك فورتشنر 2011 مابقى شي ينزل
او شف لك 2010 جديد
ادفع بشي جديد ماتندم
ولو تلقى 2006 او 2005 مخزن لاند كروزور ونظيف افضل
لكن لازم تزود المية الف شوي

[بندر بريدة]

قديمك نديمك لو الجديد اغناك:good2:

[vxr-v8]

عقب ال vxr ماشي سياره اسال مجرب وان بغيت الفزعه ياحياك عندي في العين

[محب شبة النار ـــ بريدة ـــ]

والله تبي نصيحتي ياخوي
أبعد عن السيارات المستعلمة
لأن يمكن أحد يشغك بسيارة مثل واحد عش ابوي بسيارة
الله لايسامحة
عليك بالجديد
هايلوكس جديد دفرنسين آخر موديل يجيب لك بدراهم ألي معك
وإن كنت تبي جيب
زد دراهم وشر جيب جديد ورتاح من التصليح وكل يوم بورشة

[بوه مير نيم12]

خذلك باترل


شكرا ,, ....

[بوه مير نيم12]

والله تبي نصيحتي ياخوي

أبعد عن السيارات المستعلمة
لأن يمكن أحد يشغك بسيارة مثل واحد عش ابوي بسيارة
الله لايسامحة
عليك بالجديد
هايلوكس جديد دفرنسين آخر موديل يجيب لك بدراهم ألي معك
وإن كنت تبي جيب
زد دراهم وشر جيب جديد ورتاح من التصليح وكل يوم بورشة



صدقت يالغالي
راح ازيد الميزانيه
واحاول انى اخذ جديد

الف شكر لك

[بوه مير نيم12]

عقب ال vxr ماشي سياره اسال مجرب وان بغيت الفزعه ياحياك عندي في العين



يمال العافيه والله
الف شكرا لك يا عزيزي

[بوه مير نيم12]

قديمك نديمك لو الجديد اغناك:good2:


هلا بندر
شكلك تحب القدام ;)
طيب ويش اللى تقصد

[بوه مير نيم12]

الله يسهل امرك
انصحك بالاكستيرا السياحي 102000
والا باجيرو 3.8 تحصله في الامارات 106000
فل كامل جلد ودف لوك وتراكشن وفيه واحد معلن يجيبها واصله للسعوديه عن طريق البسامي 111000
ولا تنسى الاستخاره

يمال العافيه يـ ابو رغد
الف شكر لك

[بوه مير نيم12]

الله يجعلها تزود المية الف
اذا تقدر تزودها خذ لك فورتشنر 2011 مابقى شي ينزل
او شف لك 2010 جديد
ادفع بشي جديد ماتندم
ولو تلقى 2006 او 2005 مخزن لاند كروزور ونظيف افضل
لكن لازم تزود المية الف شوي
المشكله المخزن قليل تلاقيه
والظاهر اني بزيد الميزانيه
والتفت للجديد
شكرا لك

[بوه مير نيم12]

فورتشنر 6سرندل 2010وكاله 103000

وريح راسك



يمال العافيه
الف شكر لك

[بوه مير نيم12]

خذ لك فتك واترك الي يعذربون فيه

وتبي تدعي لي بأذن الله


معك حق الباترل موتر فخم وقوي ومكينه فخمه
لكن الجديد حساساته كثيره وصيانته متعبه

[بوه مير نيم12]

ههههههههههه الصراحة أسرع نصيحة شفته بحياتي ... الله يعطيك العافية ولد الجيران على النصيحة ..

على العموم .. ترى الياباني زين وانا أخوك .. والتويوتا نفس النيسان .. لاحد يلعب على الثاني .. كلهن نفس المشاكل .. قطع النيسان غالي بس يجلس فتره أطول .. وقطع التويوتا رخيص بس مايطول .. هي هي نفس المخاسير ..

وأهم شي (((((((((( الأستخارة وأنا أخوك )))))))))))

وفقك الله ... بوه مير نيم12
امين
شكرا لك انت وولد الجيران :d

[بوه مير نيم12]

هلابك اخوي

طيب انا ماعلمتنا انت ابوعيال يعني تبي جيب وسيع ؟

او عزابي وتبي جيب ربع او شاص ؟وهل انت رجال راكد على السياره او تجور عليها ؟

عموما اذا كانت المواصفات الداخليه ماتهمك خذ لك لاندكروزر g(جي ) 2008 قير عادي او اتماتيك وقزاز كهرب ومكيف واحد
بتحصله من 100الف الى 115 الف

والله يرزقك الموتر المبارك

تحيتي



اكيد جيب صالون

امين الله يجزاك خير

[الغلاء كله]

اخوي اذا تبغاءvx.r2002 تراه عندي ومركب وممشاء ولا احسن منه تقول قاعد في بيتكم مشاءالله

وهذا رقمي من بعد اذن الاداره

0505113775

[بوه مير نيم12]

اخوي اذا تبغاءvx.r2002 تراه عندي ومركب وممشاء ولا احسن منه تقول قاعد في بيتكم مشاءالله

وهذا رقمي من بعد اذن الاداره

0505113775


مشاء الله
طيب حط صوره له

[الجندي2005]

البارح رحت لوكالة مستوبيشي ( طقت براسي ) ابي اسأل عن الباجيروا لقيت عندهم واحد يسمونه سبورت جديد 98 الف وداخلية مقبول جداَ،،،،،،،،،،،،ويجي درجات


الباجيروا ( 3،5 ) جنط 17 ،،،،عندهم ثلاث أنواع نوع قيمتة 105 ونوع قيمتة 117،،،،،،،،،،،،،،،،،

أبو 117 إجار منتهي بالتملك كالتالي : تدفع دفعة أولى 25 الف تقريباً قسط شهري 1620 ريال دفعة أخيرة 30 الف ريال يطلع قيمة إجمالية أكثر من 151 الف ،،

يقول الرجال صيانة مجانية لمدة 3 سنوت يقول نوفر لك جميع الألوان ،،


ونوع قيمتة 124 الفرق اكسسورات فقط ما عدا ابو 105 مكينتة اصغر .

النوع الأفخم مكينتة ( 3،8 ) قيمتة 150 الف ريال ،،،،،،،،،،،،،،،،،،، مابغيت الصور والله لو اني بوكالة فيراري ( الذوق العام ) ،،،،،،،،،،،،،،،،،،،،،،،،،،،،،،،،،،،،




طبعاً طلعت اردد بصوت منخفض جداً يالليل مطولك ،،،،،،،،،،،،،،،،،،،،،،،،،،،،،،



هذه قصتي البارح اذا انت فاضي ترقب قصتي في الليالي القادمة ،،، تحياتي الجندي2005 أبو خالد

[king1]

خذ لك جكسار 2006 فلل كامل ب95 تلقاه في قطر

ولا ادخل موقع قطر سيل وتلقى انواع الجيوب واسعارها

100 تجيب لك 2006 او2005 نضييف ورده نصيحه شف جيوب قطر

[Hwer]

اخبرلك لاندكروز 2008 ديزل g
مستعمل ماشي 44 الف قيمته 94 الف ريال

[سعد2006]

لتي داري عنك توني بايع جكسار 2006 نظيييييييييف فوق الميه بشوي على راعي معرض لكن الله يرزقنا وياه
نصيح لك اذا كنت بتستخدم لا تاخذ الا جديييييييييد لك ولالزمن وحاول تاخذ شي مرغوب عند البيع والله يوفقك

[fahad marzouq]

ياطويل العمر خل الميه دفعه لجيب cxr 2011 وياعم ريح راسك يكد اذا الله ستر عليه خمس سنوات بالراحه
وخذ عن طريق البنوك احسن لك ضمان ونسبة اقل .
والله يوفقك :l

[بدر الشويلعي]

ان كان لك خاطر بجيب جي اكس ار سعودي 2006 ازرق فل كامل خلفيه وجناح وفتحه وقير اتماتيك ودفلك وونش وزنون للنور العالي وكلها شد بلد

تراني ماني بعيد عن المبلغ يبيله شوي

السياره مكينه وعضلات وقير ممتازه وعلى الشرط ولاهي حقت صحرى

مجدد ومفحوص ومؤمن توه الكفرات جدد


ان كان لك خاطر هذا جوالي بعد اذن الاداره وبعلمك بكل شي خافي فيه

0553329599 بدر

[بوه مير نيم12]

البارح رحت لوكالة مستوبيشي ( طقت براسي ) ابي اسأل عن الباجيروا لقيت عندهم واحد يسمونه سبورت جديد 98 الف وداخلية مقبول جداَ،،،،،،،،،،،،ويجي درجات


الباجيروا ( 3،5 ) جنط 17 ،،،،عندهم ثلاث أنواع نوع قيمتة 105 ونوع قيمتة 117،،،،،،،،،،،،،،،،،

أبو 117 إجار منتهي بالتملك كالتالي : تدفع دفعة أولى 25 الف تقريباً قسط شهري 1620 ريال دفعة أخيرة 30 الف ريال يطلع قيمة إجمالية أكثر من 151 الف ،،

يقول الرجال صيانة مجانية لمدة 3 سنوت يقول نوفر لك جميع الألوان ،،


ونوع قيمتة 124 الفرق اكسسورات فقط ما عدا ابو 105 مكينتة اصغر .

النوع الأفخم مكينتة ( 3،8 ) قيمتة 150 الف ريال ،،،،،،،،،،،،،،،،،،، مابغيت الصور والله لو اني بوكالة فيراري ( الذوق العام ) ،،،،،،،،،،،،،،،،،،،،،،،،،،،،،،،،،،،،




طبعاً طلعت اردد بصوت منخفض جداً يالليل مطولك ،،،،،،،،،،،،،،،،،،،،،،،،،،،،،،



هذه قصتي البارح اذا انت فاضي ترقب قصتي في الليالي القادمة ،،، تحياتي الجندي2005 أبو خالد

في انتظار القصه ;)

[بوه مير نيم12]

خذ لك جكسار 2006 فلل كامل ب95 تلقاه في قطر

ولا ادخل موقع قطر سيل وتلقى انواع الجيوب واسعارها

100 تجيب لك 2006 او2005 نضييف ورده نصيحه شف جيوب قطر


مافي شك مواصفات القطري مافيها كلام
الف شكر لك

[بوه مير نيم12]

اخبرلك لاندكروز 2008 ديزل g
مستعمل ماشي 44 الف قيمته 94 الف ريال

يمال العافيه
بس مالي بالديزل

[عاشق القمر]

نصيحتي خذلك اف جي واسعارها مرره حلووه بذاات الجديده:good2:
شف المقطع واحكمavj1hHTwiK8
بس معليش يجود في المقطع مسيقىاقفل السماعه

tdt6pDw9Ddw

[ولد الغلباء]

انا شوري عليك خذلك يوكن 2008 تحصله بل95 الى ال100
وانا من عشاق الاند كروزر لاكن اشوف انك مااقتنعت بقميمتة فخذ اليوكن
او الباترول
وجربت الفتك حلو وملاحظت فيه مشاكل

[الباشاء]

ونا اخـــوك في هالقيمة تأخذلك جي اكس ار رقم 2 موديل 2004 او اذا ترغب الامريكي خذلك تاهــو دبل 2009 تراه حلوو ..:good2:

[بوه مير نيم12]

والله حيرتونا ياشباب

[ابوبصا]

انا اقول اشتر رانجلر شروكي والله موتر ويصبر
والموتر عطه يعطيك """"""""

[الرااايق2009]

ياحبيلك يالجنوبي
مالي بجيوب اللكزس

ولا اللكزس موتر مابه كلام
على الاقل افضل من ابو فرارات الجي اكس ار


ابو فرارات هذا ما تاخذه باقل من 120.000 ريال من مديل 2006وطالع
( انضيف طبعن)


والله يرزقك الموتر الي يرضي خاطرك


امين .....

[بوه مير نيم12]

ابو فرارات هذا ما تاخذه باقل من 120.000 ريال من مديل 2006وطالع

( انضيف طبعن)


والله يرزقك الموتر الي يرضي خاطرك



امين .....

امين
جزاك الله خير

[المنيعي1]

يعني المية الف ماتجيب الا من ها الموديل 2003 ونازل
والله قهر



شكرا لك








أخوي لا قهر ولا شي ألا سعار هذي مبالغ فيها زياده عن الزوم


2004 gx-r فل كامل خليجي نظيف قبل رمضان بيومين سايمه بلقصيم بـ 80 الف ورفض الرجال وحده علي 86 ألف ..


2005 gx-r فل كامل خليجي نظيف جداً كمره خلفيه ثلاث شاشات بايعه قبل خمس ايام بـ 105500 يعني طب المعارض وتحصل أن شاء الله الي يجوز لك, وأذا تبي هدد 2005 خليجي تماتيك موجود وقيمته أقل من المية.


أذا تبي نصيحتي وتقدر تزود فلوسك شوي طقلك GX-R 2008 ست سلندر أخذينه لواحد من الشباب بــ 128000 موتر على كيفك .
أما أذا تبي جديد خذ أكستيرأ 2010 وكاله ب 99 ألف وحط الف بمخباك وتوكل على الله نشاط وموتر جديد ومضمون بس الشكل لك عليه.

[GS5]

طعن بس باترول gl ديزل رفارف سوود و ثلاجه و تانكيين و مكيفين جديد بمعارض النسيم و اسعارهن بلااااااااااش , كاني منب ناسي شايفن واحد اسود 2007 الظاهر انه للحين موجود و الظاهر قالو لي بالـ80 سعره , وش تبي ازين من كذا شكل راحه توفير < بونكس خخخخخخ
وتلقا اجدد منه و حول القيمه ..
و الإكستيرا جديد بعمان وارد بهوان ستاندر قير عادي بـ95 و اللون اللي تبي ..

[طير شلوى نجد]

والله وانا اخوك كانك من النا س الي كشتاته من الشتاء لشتاء ومتى ما خمت كل فترة انصحك بالقيمة تجيبلك تاهو 2009 ولا فتك 2008 موديلات جديدة وتراء الجمس الجديد اثبت جوددته احسن من تأخذلك تويوتا موديل له ثمان سنين الموتر تقريبآ استهلك وانت منت لاقي الي عليه العلم بحكم انه جيب حق خلا واغلب الي يستهلكونه يبونه عشان مايقول اح يعني منت لاقي بسهل وان لقيت حد الموتر سنتين ويبدا يطلب مكلمك عندي فكس 99 ماأمدان بعته وبعته وطايب خاطري منه صدق اني كريته بس الموتر بداء يطلب يعنننننننني استهلك.

[باث 3]

يا حبيبي ما عليك من كلام الناس كلن ورغبته والظاهر كل شي واضح الان يعني المواصفات والمزايا ما تخفآ ع احد أخذ الموتر اللي انت ترغبه وبس وخلك ذيب