فقط لأهل الشاصات

[sgl2002]

ياشباب انا رجال اعشق الشاص منذ زمن بعيد
المهم جيت اشتريه الحين وصرت خايف لان الناس يقولون بتتحسف مع العلم ان استخدامي راح يكون ديره وبر وطلعاتي للبر متوسطه يعني ماطلع الا وقت الامطار
وش رايكم يامجربين وكيف مناقز الشاص مع العلم اني املك الآن ددسن يعني عندي مناقز انا

افيدونا وشوروا علي ترا الترد هلكني

[باث 3]

دامك وأنا أخوك عااااااااااااشق الشاص أخذه ولا تفكر بكلام الناس:good:

[عميد سامودة]

تتحسف !!!!!! على ايش !!!!! لماذا ّّّّّّّّّ!!!!!!!!!! ليه!!!!!!!!!!

[عبدالله الموسي]

يقولون بتتحسف


انت راعي بر وراعي ددسن وراعي طلعات ولا نت بلشان بالمناقز

والل يقول لك بتتحسف وبتندم هذا يبي يحسدك مايبيك تركب موتر طيب يبي يدفنك بالددسن اللي مامنها الا المرض

فلها وخل عنك علوم الحاسدين والحاقدين واهل الكوامري واركب لك شاص وناقز مع خلق الله

ودمت بعز

[محنك]

أشتر الشاص وعش حياتك وفكه جديد كانك تقدر ... والدنيا موليه ... مايدري الواحد يعيش شبابه ولا ياخذ الله أمانته ..... والله مافي الدنيا شي تتحسف عليه ,,,

[طالب ثانوي]

وانا اخوك انصحك الاستخاره قبل ماتسوي شي


والشاااص موتر ماعليه كلام تووكل على الله

[عبدالله الضويان]

اخوي ليش تتحسف
اذا كنت خايف وانت امنيتك تاخذ شاص
توكل على الله وخذ مستعمل
واذا ما صلح لك بعه ولا تتحسف

[sgl2002]

هذا اللي ابا اسويه ان شاء الله ابشتريه وبخلي الددسن لكن ادعولي بالنظيف لاني ادور 2005_2004