صلح صدامك البلاستيك باسهل الطرق في بيتكم!!!!!

[غالي]

السلام عليكم ورحمة الله وبركاته





وللامانه كان معي جي اكس ار 2003 وصدمني واحد بالصدام الخلفي وصلحته بعد نص ساعه عقب الصدمه في البيت عن طريق الدف فقط بدون استشوار طبعا ولله الحمد محد جاب خبرها والله شاهد علي حتى يوم بعته محد يدري عنه ((ترا حتى انا وربي ناسيها))



وحتى الان كلما شفت سياره خصوصا الغاليات منعفط صدامها تراودني نفسي اوقف راعي الموتر واقوله دخل يدك وأمش عليها من جوه مع دف وتضبط


لكن تخبرون البرستيج :p لايقولون وش يبي هالملقوف فاضي :mad:


وماابي افضح الرجال لكن


فيه زميل لي طلع لاندكروزر جديد 2009 وجاره صدمه عقب شهر تقريبا ماشافه واتصل على ............. هو موزع لتويوتا ويقرب للرجال


قاله جبه على طوووووووووول لاتتأخر وراحبه لهم وعلى كلام الرجال انهم فكوا الصدام وسقطوه بماء حااار وعدلوه وضبط


اتمنى اني فدتكم
تحيتي لكم :good:

[m s.m a]

شغل نظيف
ولي الشرف أني أكون أول واحد برد عيك

[الكاوي1]

الله يعطيك العافيه عزالله انهه فكره حلوه كثير وتنفع مشكور اخوي وتقبل مروري

[غالي]

أخوي m s.m a لي الشرف انا الي مريت على الموضوع طال عمرك تسلم وبيض الله وجهك منور

أخوي الكاوي1 الله يعافيك ويبقيك منور طال عمرك بالمرور ولا شكر على واجب علها تكون منفعه لكم هذا الي اتمناه

[غالي]

........ لتعم الفائده وتوصل المعلومه

[أبوحمد 505]

الله يعطيك عافية
فعلا أنا مرة عدلت الصدام الخلفي بيدي
بس ماظبط :)

[كاشخ 24 ساعه]

توني اليوم صادم في سطحه قبل افطور ب10 دقايق والصدام الامامي انطعج وضايق صدري

بروح اجرب واشوف

[غالي]

يعطيك العافيه اخوي ابوحمد

اخوي كاشخ

احرص انك تحط يدك على العفطه الرئيسيه نهايتها ثم تمشي عليها بيدك

اتمنى انك فهمت الطريقه وسلامتك ماتشوف شر

[المتليك]

شكرا لكم
فكره ممتازة جدا
تحياتي

[لاتكب البيالة]

طيب ليش هذولا يستخدمون الاستشوار كله لو يفك الصدام لانه اربع مسامير والباقي كلبسات وتضغطه بركبك ويضبط
واذر واحد دخل البدي الرفرف الخلفي وليس الصدام يعني حديد فك ديكور الشنطة ورجفه برجله لما رجع

[غالي]

شكرا لكم
فكره ممتازة جدا
تحياتي

العفوا حبيبي والله ينفع بها شاكر مرورك

[غالي]

طيب ليش هذولا يستخدمون الاستشوار كله لو يفك الصدام لانه اربع مسامير والباقي كلبسات وتضغطه بركبك ويضبط
واذر واحد دخل البدي الرفرف الخلفي وليس الصدام يعني حديد فك ديكور الشنطة ورجفه برجله لما رجع


فعلا الواحد لو يشغل مخه قبل لايروح الورش احسن له ان فادت والا هو رايح لهم رايح


شاكر مرورك

[سلومي سار]

الفكره ممتازه ومجربه بس لو يكون وقت شغلك نهار ليسهل عليك التعديل مع مساعدة حرارة الجو لان البلستيك يكون مرن اكثر كل ما سخن

[ابو العز بلس]

وعليكم السلام ورحمة الله وبركاته



ياليتك توضح اكثر ولو يحصل صور افضل

[غالي]

الفكره ممتازه ومجربه بس لو يكون وقت شغلك نهار ليسهل عليك التعديل مع مساعدة حرارة الجو لان البلستيك يكون مرن اكثر كل ما سخن

الفكره تكمن مثل ماتفضلت بالحراره

والدليل المقطع الي انا حاطه استشوار حار

+

كلام زميلي انهم مسقطينه بمويه حاره

يعني اتوقع لو تكب على الصدام مويه حاره اتوقع بتطلع بنتيجه والله اعلم

شاكر مرورك اخي :)

[غالي]

وعليكم السلام ورحمة الله وبركاته



ياليتك توضح اكثر ولو يحصل صور افضل


موجود الله يحفظك رابط التصليح عن طريق الاستشوار الحار

شاكر لك ومقدر الله يحفظك :)

[غالي]

اما يابوعمر وجود نساء وتحذف الرابط !!!!!!!!!

ياخوي ابي الاخوان يستفيدون الله يحفظك

ولو تطلع بالشوارع انواع الشغالات يكبون الله يكرمكم الزبايل + التلفزيونات + حريم كاشفات وسعوديات

وقفت على المقطع وحنا نبي زبدة الكلام طريقة التصليح !!!


المهم الله يجزاك خير والشيوخ ابخص

تحيتي للجميع

[هوايتي مكشات]

شي جميل ياغالي..........