المساعد الشخصي الرقمي

مشاهدة النسخة كاملة : صور من جزيرة كبر ( الكويت )


hadag3
15/07/2005, 03:29 PM
السلام عليكم ... هذي صور صورتها بجزيرة كبر جنوب بحر الكويت :
http://www.mekshat.com/pix/upload/images9/mk15390_dsc00070.jpg

http://www.mekshat.com/pix/upload/images9/mk15390_dsc00090.jpg

http://www.mekshat.com/pix/upload/images9/mk15390_dsc00139.jpg
http://www.mekshat.com/pix/upload/images9/mk15390_k2.jpg

http://www.mekshat.com/pix/upload/images9/mk15390_k3.jpg
http://www.mekshat.com/pix/upload/images9/mk15390_k1.jpg
الربـــان
15/07/2005, 04:27 PM
الصورجميلة الحقيقة وقاع البحر لوحة فنية

رائعة سلمت يداك
عبادل العاصمي
15/07/2005, 07:31 PM
شكرا

الصور حلوة
gulfhunter
15/07/2005, 07:33 PM
السلام عليكم ورحمة الله وبركاته

حياك الله أخوي hadag3 ...... ماشاء الله عليك اضافه إلى انك حداق بعد مصور في اعماق البحر.......


الله يعطيك العافيه
( برى بحرى)
16/07/2005, 03:35 AM
قواك الله خوش صور

وخوش غوصه عليك بالعافيه
SRDAL
16/07/2005, 09:56 AM
السلام عليكم ورحمة الله وبركاته

حياك الله اخوي hadag3 .

الله يعطيك العافيه على هالصور الحلوه وماشاء الله عليك ثصوير محترف .

تحياتي لك .

srdal
ali20002ila
16/07/2005, 02:07 PM
مشكورررررررررررررر اخوي على الصور الحلوة
ابو مشك
16/07/2005, 02:52 PM
ماشالله صور روعه مشكور وما قصرت

في إنتظار المزيد من إبداعاتك
Rapala
16/07/2005, 04:32 PM
ماشاء الله صور جميله جدااااااا
و دجاجه البحر جميله و لكن اذا لمستها تصير انت مو جميل
مشكوووور
النوخذة
16/07/2005, 08:53 PM
السلام عليكم ورحمة الله وبركاته
ماشاء الله ,صور غاية في الروعة
ودي اسألك عن الكاميرا وش نوعها ؟؟
يعطيك العافية
hadag3
16/07/2005, 08:54 PM
مشكورين علي هالردود الطيبة وانشاءالله ماراح اقصر وياكم
hadag3
16/07/2005, 09:05 PM
والله ياخوي النوخذه نوعها سوني ديجتل وسعرها بالكويت مع الخصومات 130 دينار يعني تقريبا 1500 ريال + غطاء الوقاية من البحر سعرة 75دينار يعني تقريبا 950 ريال مع كرت ميموري 28 دينار تقربا 350 ريال لان كرت الميموري الي معاها يجي صغير الحجم وتصويرها اوضح من هذا وتصور فيديو حسب حجم كرت الميموري . بس عندكم بالخبر ارخص اشوي لاني كنت من قبل اسبوع عندكم وسايمها عند شركة سوني بمجمع الراشد اذا ما خانتني الذاكرة بس اذا بقيت تشتريها اخذ غطاء الغوص معاها لان يمكن بعدين ما تحصله بالشركة لتغيير موديل الكاميرا والله تفكك من تحميض الافلام بس صور وشبك الكاميرا بالجهاز ونزل الصور .
رفيع الشان
16/07/2005, 09:07 PM
ماشاء الله تبارك الله ...

ودي اسألك كميرة التصوير خاصه بالغوص وكم أسعارها ؟

الشي الثاني دجاجة البحر أي صوره ... وهل هي تخلي الواحد مو جميل فعلا :) ولا وش تسوي بالضبط ...


ولك الشكر[b]
hadag3
16/07/2005, 09:13 PM
اخوي رفيع الشان توني ذكرت سعر الكاميرا بالرد علي الاخ العزيز النوخذه اما دجاجة البحر اهية الصورة الاولي والاخيرة بس تعقيب علي كلمة اتخليك جميل يقصد الاخ ربالا ان سمكة دجاجة البحر جميلة المنظر وشديدة السم ويكون سمها قاتل اذا تاخرت بالعلاج هذا اذا مداك اتعالج السم .
صقر
17/07/2005, 03:16 AM
مشكور اخي hadag3 على هذه المشاركة

وياليت تعرض لنا صور عن كبر غير اللي عرضت يعني نبغى منك صور لطبيعة سطح الجزيرة

ومعلومات عن هذه الجزيرة.

شكرا مرة اخرى وبارك الله فيك.
النوخذه
17/07/2005, 05:27 PM
يعطيك العافيه اخوي انا اشهد انك نوخذه
النوخذة
17/07/2005, 08:10 PM
السلام عليكم ورحمة الله وبركاته
الف شكر اخوي hadag3 ويعطيك الف عافية
انا ظنيت ان الكاميرا ام استخدام واحد لاني شفت صور واجد لها وكانت صورها ممتازة وازيدك من الشعر بيت انها كاميرا غوص بدون غطا
عموما يعطيك العافية واشكر جهدك
ملاحظة
ترا فيه نوخذة غيري حاولو تميزون شوي وشكرا
MARINE
18/07/2005, 12:32 AM
السلام عليكم ورحمة الله وبركاته

مشكور اخوي hadag3 على هذه الصور الرائعه

ويعطيك الف عافيه , اخوي hadag3 كيف الصيد في هذي الجزيرة

وهل هي محمية لاني اشوف فيها شويت مرجان

تحياتي لك

MARINE
hadag3
18/07/2005, 10:34 PM
مشكورين بالربع علي هالردود الطيبة .
الي الاخ العزيز النوخذه الكاميرا ام استعمال واحد انا مستعملها وخصوصا بالسفر وهي توفي بالغرض وخصوصا للعمق 8امتار واقل وخصوص بالبحر الاحمر لان البحر ماشاء الله صافي ومشكور علي المديح والعين ما تعلا علي الحاجب.
الي الاخ marine جزيرة كبر تبعد عن الديرة تقريبا 23 ميل وهي صغيرة المساحة ويحيط فيها المرجان من كل مكان وكانت سابقا من اشهر المحادق بالكويت وتكثر فيها الطيور المهاجرة وتكون فيها اشجار الخبيز بكثرة بالربيع الا ان من كثرة السياح فيها ايام العطل باتت الحياة البحرية تندثر فيها من قلة الاسماك وخراب المرجان وذلك بسبب كثرة الطراريد والجت سكي وتمارس فيها جميع الهوايات البحرية وتخيل ان اكثر اليخوت والطراريد يكونون ايام العطل علي هذي الجزيرة وحتي من الصعب انك تلقي مكان لتشطين طرادك علي يالها واذا انا طلعت الغوص او الحداق ايام العطل لازم امر واسبح فيها لان فعلا كانك مسافر الي دولة اجنبية من كثرة السياح واليخوت فيها .
الي الاخ صقر غالي والطلب رخيص وهذي صور حديثة لجزيرة كبر
http://www.mekshat.com/pix/upload/images9/mk15390_dsc00136.jpg

http://www.mekshat.com/pix/upload/images9/mk15390_dsc00138.jpg


http://www.mekshat.com/pix/upload/images9/mk15390_dsc00137.jpg
gulfhunter
19/07/2005, 01:39 PM
السلام عليكم ورحمة الله وبركاته

حياك الله أخوي hadag3 .......... ماشاء الله عزالله هذي الجزيره تصلح الواحد يريح فيها .............. طيب وين دوركم في التنبيه والأرشادات ......... والله هذي نعمه ماراح نعرفها الأ إذا فقدناها........
hadag3
19/07/2005, 02:09 PM
بسم الله الرحمن الرحيم....
اخوي gulfhunter الجزيرة حاليا بدات الانظار تتفتح عليها من الجهات الرسمية بالدولة واتخذت خطوات قليلة بشانها وهي
- انشاء مرابط بحرية حول الشعاب المرجانية وذلك لربط اليخوت والطراريد بها بدل تنزيل الباورة وتكسير المرجان
- عمل برامج لتنظيف الجزيرة من مخلفات السياح
- عمل برامج لحماية الطيور عليها من الصيد الجائر الذي تتعرض لها من قبل السياح
- ازالة الشباك الكبيرة العالقة بالشعاب المرجانية .
ولكن جميع هذه الخطوات لم تاخذ بالجدية المطلوبة الا انها تساعد علي تحسين الوضع الخطا ولو قليلا وانت تدري كثرة الرواد علي الجزيرة وكثرة الطراريد واحنا بمجتع الدول النامية دائما نخالف القانون يعني والله اذا رحنا بالدول الاجنبية نمشي علي القانون وبدولنا نخالفة ... ولا ايش رايك ابرجال كبير بالسن يرمي بالشوزن طيور معششه بالجزيرة ومفرخة او يقوم بتكسير بيضهم او باخذ صغارهم واشرايك برجال كبير بالسن ياكل ويشرب ويخلي مخلفاته علي الجزير ويمشي عنها .
gulfhunter
19/07/2005, 02:26 PM
صدقت اخوي نعم كلنا مسؤلين.............. في الخارج تلاقينه على النظام تقول يبانيين :D وفي بلادنا تقول بنقال :eek: ........ دائماً التغير للأفضل ياخذ وقت لكن الحمدلله انكم بديتو وهذا شي طيب ولازم الأخوان المرتادين هم اللي يتعرفون اكثر من غيرهم......

الله يكتب اللي فيه الخير
hadag3
19/07/2005, 02:35 PM
اكيد اخوي لازم المرتادين للجزر اهم الي يبداون بالخطوة الاولي لحمايتها ونظافتها .
أبو مقص
24/07/2005, 04:03 PM
سبحان الله .. ماأجمل الأعماق
تسلم على التصوير الجميل أخي ويعطيكم ألف عافية
السد الغزير
04/07/2009, 02:22 AM
بإذن الله وبمشيئته . عزمت أروح لها هالجزيرة الحلوة ، مع ان روحاتي للكويت كثيرة ... وبصراحة على كثر سفراتي ((الكويت غيرررررررر))تمتاز باحترام شعبها للسعودي بما اني سعودي واحكم على اللي شفته . منظمة . طرقها نظيفة . تفتح النفس . بحرها حلو . أماكن الترفيه واااجد . وراحة نفسية ..


لكن أبي من أخواننا الكويتيين يعطوني وصف للجزيرة دقيق اي طريق .؟ وهل اي سيارة تروح ؟؟ وهل عندها خدمات اسواق تموينات سكن مطاعم ؟؟؟ترى ماعرف فيها شي . افيدوني افادكم الله .
بحري 99
04/07/2009, 12:19 PM
صورة رائعة ........بارك الله فيك
أبو إبراهيم !!
04/07/2009, 12:25 PM
ماشاءالله تبارك الله
بيض الله وجهك
موفق
شراع الليل
04/07/2009, 12:37 PM
ماشاء الله عليك
خوش صور وخوش طلعه

الله يحفظك

تحياتي لك
محب صيد السمك
04/07/2009, 01:19 PM
ياشباب الموضوع له أربع سنين ....
فارس الوايلي
04/07/2009, 03:59 PM
يعطيك العافيه
قناص البحر
04/07/2009, 05:18 PM
السلام عليكم ورحمة الله

اسعد الله مسائك بكل خير وجزاك الله خيرا على الصور المميزه


وصور طيبه أثابك الله وغفر لك


وماذا يفعله هذا الصغير في الجزيره

http://www.mekshat.com/pix/upload/images9/mk15390_dsc00139.jpg
الغزال الشارد
04/07/2009, 07:29 PM
تسلم يمينك على الصور الجميلة
accentkool
05/07/2009, 02:35 PM
ماشاء الله تبارك الله

صور جدا روعة

يعطيك العافية
الشمطري
05/07/2009, 03:10 PM
سلمــــــــــــــــت يالغالي على التقرير الرائع

والصور الأكثر من جميلة
الدربشي
05/07/2009, 03:22 PM
ماشالله صور روعه مشكور وما قصرت

في إنتظار المزيد من إبداعاتك