انحشنا من ترهيم أبو جميل وطبينا بالخليجي ( هايلكس 2010 ) صورة

[.أبوعبدالرحمن]

بسم الله الرحمن الرحيم

السلام عليكم ورحمة الله وبركاته

أبشركم شرا أخوي هايلكس 2010 خليجي منحاشين من حركات أبو جميل وتعديله

وشرينا خليجي الدفعة الثانية ( بريمي ) وفيه بوصلة على الطبلون زي اللي في الصورة أدناه :

http://www.mekshat.com/pix/upload04/images175/mk36760_144590_imgcache.jpg

لكن داخل البوصلة زي الماء وذا الماء تقريبا طلع ثلاث ارباعه على الطبلون فيه زي التسريب

قالت لأخوي شل البوصلة وريح بالك قال إنهم مخرقين الطبلون خمسة خروق اربعة للمسامير وواحد لسلك داخل الطبلون

وش رايكم ألحين هل لها حل ؟

[شقران نجد]

السلام عليكم

كل الدعوى رايحه فيها يعني على بالك ذا البوصله بتجي من اليابان بها الشكل

ماطير البريمي الا شريطية المعارض ولا ما اشوف به اي زوود

[الجندي2005]

الله يبرم روسهم آآآآآآآآآآآآآآآآآآآآآآآآآآآآآآمين ،،،

[غالي]

ابو عبدالرحمن

يشيلها ويركب بمكان المسامير ((قاعدة جوال او قاعدة قارمن)) شيء يستفيد منه

وموفق أخوي :)

[Hwer]

يوجد مثل البوصله عند العليان

[ولد وايل..]

يفكها ويسد التهريب ويرجعها..

ولا يحط بدالها قاعده لأي شي ثاني ويستفيد من السلك المفصول...


بالاخير...القص واللصق لاحق حتى الخليجي الله يخلف !!

[آبونآصر]

شلها وغط الطبلون بسدو وريح بالك

لانها معوقه الصدق وبايخه

والله إذا الهايلكسات كلها كذا فهذا اكبر عيب

اتمنى لكم التوفيق

[اسير الغضا]

ياانك تلبس الطبلون او تركب مكان المسامير شي مثلا قاعدة جوال

وانا اقترح انك تلبسه سدو عند محلات الرحلات

[ابن عكاش]

اتوقع لو تقدر تحل التسريب اللي فيها يكون احسن للاإذا ماففيها حل حاول تحط شي تستفيد منه مثل قاعدة الجوال اوقارمن
ولعلمك الهايلكس حق ابوجميل افضل حتى في البيع بعكس الجيوب لأن اهل الخليج مايعترفون بالهايلكس ماعدا اهل عمان لأنهم مطانيخ مايركبون ونيتات والونيتات للشركات لذلك الجيوب مواصفات الخليجي تب

[fahad marzouq]

صراحه سعيد اخو مباارك
ابوجميل ياجماعه مع انه سي ولكن افضل السيئين ؟ ياخي يكفيه مواقفه في المجتمع وبرنامج جميل والله اني . اني احبه وهو والله ما يعلم اني ؟ والسيارات ياخوان كلها واحد من نفس المصنع . لكن كماليات يطلبها الموردين من الشركة الام علي ما اظن والله اعلم؟
تقبلوووووووووو مروري ياشبااب

[أبوحمد 505]

صراحه سعيد اخو مباارك
ابوجميل ياجماعه مع انه سي ولكن افضل السيئين ؟ ياخي يكفيه مواقفه في المجتمع وبرنامج جميل والله اني . اني احبه وهو والله ما يعلم اني ؟ والسيارات ياخوان كلها واحد من نفس المصنع . لكن كماليات يطلبها الموردين من الشركة الام علي ما اظن والله اعلم؟
تقبلوووووووووو مروري ياشبااب

والله يا خوي أختلف معك أختلاف كلي أبو جميل ليس سئ بل محتال ولص وحرامي
والمشكلة واسطتة قوية
علشان كذا ماخذ راحتة

[بن محفوظ]

مساك الله بالخير ابو عبد الرحمن و الشهر مبارك علينا وعليك .. والله يتقبل منا ومنكم .. ومبطين عنك الله يبارك فيك



بالنسبة لموضوع الهلي
سعيد .. أخو مبارك .. الجنوط و الخطوط الزعانف و الديكورات الاضافية داخل الموتر .... كلها مصنعه في الخليج او الصين ..

ملعوب علينا من ابو جميل وغيره ..

البوصلة اذا ما كانت في المراية الي فوق مثل المواتر الامريكية او النيسان .. فهذي فلسفة وكيل ما يبي منها الا الربح ...

على العموم .. اذا راعي بر ومكاشيت لو يركب بدالها قاعدة قارمن افضل له ..

والله يعطيه خيره و يكفيه شره

[مخاوي الليل1]

السلام عليكم ورحمة الله وبركاته


مبروك الموتر

ويعطيك من خيره ويكفيك شره

عسانا نسلم حنا من ترهيمهم لابكره تحصل الواحد 3 رجول

[* ابو باسل *]

طيب مدامت جديد و2010 ودها للوكاله وخلهم يغيرونها على الضمان بوحده جديده لانها اكيد تتغير على الضمان .

[ولد الغلباء]

شل البوصلة اللي موجودة وركب وركب غيرة اصلية

[.أبوعبدالرحمن]

الله يعطيكم العافية وشاكر لكم مروركم جميعا

والله يجزاكم خير وتقبل الله دعاكم


يعني حتى الان الفكرة الاولى هي تركيب قاعدة قارمن أو قاعدة جوال

والفكرة الثانية تركيب سدو على الطبلون

الفكرة الثالثة تغييرها سواء من عند العليان أو الذهاب للوكالة


الله يوفقكم وننتظر بقية الاراء

[راعي النياسين]

والله ياخوك صحيح ان البوصله مهمه

بس ماله داعي يخرمون الطبلون ويحوسون بالموتر

اقول وانا اخوك دام الطبلون مخروم وخالص رح دور بوصله نفسها وركبها

والله يوفقك ويسهل امرك

[جروان]

كل الدعوى رايحه فيها يعني على بالك ذا البوصله بتجي من اليابان بها الشكل

[حبيب الامس]

الحل فك البوصله
رح محلات التنجيد
وخلهم يقصون لك (موكيت عنابي)على الطبلون
وخلها بدون لصقات
لان اللصقات لا ضربتها الشمس ماع الغرا ونزل على الطبلون

[ابوصالح77]

هههههههههه
وش هالبوصلة
لكن الله يخلف
والبلاء بالموردين عموماً
وشركة عبداللطيف جميل أفضل شركة بقطع الغيار ، وسعره أقل من البريمي اللي طايرين فيه العالم
ومر البازعي وتشوف الفرق
ووكذلك لها دور بارز في خدمة المجتمع
جزاهم الله خير

[.أبوعبدالرحمن]

الحمدلله لقينا حل


وإن شاء الله بنزل له موضوع يوضح المشكلة وحلها