أعضاء مكشات .. هل تنصحوني بالوكالة (تأجير مع الوعد بالتملك) أم بسيارة مستعملة !

[مفخرة فورد]

السلام عليكم ورحمة الله وبركاته
جلست مع واحد من الشباب كرّهني في حاجة اسمها تأجير !!!
يقول ان جار له باقي عليه 5 أقساط ويخلص جميع المستحقات على موتره اللي بالتأجير .. وتأخر عنهم بكم قسط , وأحد المرات وهو ماشي في آمان الله الا وجيب الشرطة عند خشمه ونزل مندوب الوكالة وقال له تراجعنا بكرة نعطيك السيارة واخونا في الله راح للبيت بدباب ومن بكرة راجعهم ورفضوا اعطائه السيارة الا بقيمتها الحالية كااااااااااش !! قال ياجماعة ادبر لكم ال 5 أقساط كلها لكنهم رفضوا رفض قاطع .. والحين الرجال متحسف عليها وعلى اللي دفعه فيها !! ونسأل الله يعوضه خير .

والحين ياشباب ايش رايكم في اللي ماعنده كاش ومحتاج له سيارة بر , المشكلة في الموضوع ان الواحد مايلاقي غير التأجير مع الوعد بالتملك !
نيسان ماعندهم تقسيط ولاتويوتا ولاجيب ولاالجميح ... الا سزوكي سألتهم قالوا فيه دباب بك اب يطلع عليك ب 52000 مقدم 5000 تقسيط حول 1000 ريال ,
صراحة فكرت اني اشريه وآخذ بقيمته موتر كاش ! أظن قيمته حول 36000 , هل تجيب لي موتر حق بر يكون طيب وحليل ؟

وفي النهاية عطوا رأيكم آخذ سيارة وكالة تأجير ....... والا دبااااااااب وأدور مستعمل !!!

[التعـ King ـديل]

عندك شركه تأجير بطريق الملك عبدالله الوالد كان ماخذ منهم موتر وخلصه والان الموتر حر

تعاملهم كويس ومرنين

[مدمن فتك]

اخي الكريم: من ناحية فإن العقد محرم شرعا وذلك لانه عقدين في عقد وقد نهى صلى الله عليه وسلم عن بيعتين في بيعه وعقدين في عقد.. هذا من ناحية شرعيه
اما من ناحية التعامل مع الوكالات فإنهم كسبانين 200 % وذلك لانهم يلوون ذراعك اذا ماسددت اخذت السيارة حتى لو كنت في قمة الحاجه ولاينظرون لاعذارك مهما كانت..
فالذي انصح نفسي واياك به وانت رجال حريص على الخير بدليل سؤالك انك تبتعد عن الشر ويعوضك الله ابرك منه ..

[ابوراكان تبوك]

يا رجل ابعد عن التأجير نصيحة اخ لأخيه مافيه بركة تحس ان الموتر ماهو لك وكل يوم ادفع ولا تنسحب السيارة
خذ قرض واشتر موتر انقله بأسمك لا لك ولا عليك ونام مرتاح

[العاذر]

ياخي وش اللي حادك على الوكاله والتاجير المنتهي بالتملك انحش عنهم تكفى ونا خوك ابعد عنهم ولاتقربهم ابد ابد ابد


اذا كنت موضف رح لاحد البنوك اللي ترتاح لها وراتبك محول عليهم يعطونك قرض فوري وطريقته سهله جدا في يوم واحد

وينزل راتبك مخصوم منه القسط الشهري

والفلوس اللي اخذتها منهم انت حر فيها تشتري سياره او بيت او ارض الخ على كيفك

وهذه الطريقه مضمونه وعندك على سبيل المثال بنك الإنماء ترى تعاملهم راقي وممتاز

ونت بكيفك اللي تشوفه اهم شي فر من التاجير المنتهي بالتملك مثل فرارك من الاسد

[عاشق السيل]

والله انهم صادقين الشباب ترى التأجير غثيث بكل ماتعنيه الكلمة يمكن أي يوم تقوم الصبح للدوام وماتلقى سيارتك !!!! غير من الناحية الشرعية !!

عندي لك نصيحة إذا قدرت تاخذ أسهم بالتقسيط وتبيعها بنفس الوقت ويصير بحسابك المبلغ اللي تبيه طبعا حسب راتبك وبعدين تشتري السيارة اللي تعجبك ،،

وإذا قلت ما أقدر بسبب الوضع الوظيفي أو عليك أقساط سابقة أقولك خذ السيارة اللي تقرل بـ 36 ألف وترى هالمبلغ يجيب لك جيب للبر عليه الكلام وأنت حدد المواصفات اللي تحتاجها بالجيب وأنا والشباب ماراح نقصر معك بتحديد السيارة وموديلها إن شاء الله ،،،

الله يغنيك بحلاله عن حرامه ويوفقك للي فيه الخير ....

[مقلع الرمث]

ابعد عن الشر وغنليه

[مفخرة فورد]

الاخوان الأعزاء : التعـ King ـديل , مدمن فتك , ابوراكان تبوك , العاذر , عاشق السيل , مقلع الرمث
جزاكم الله خير ونور الله بصيرتكم وتقبل منا ومنكم صالح الأعمال .

اخوي عاشق السيل شكلها اباخذ البيك اب , دام التأجير فيه شبهة ومايشجع نظراً لتذمر الناس منه
ونسأل الله التيسير والتوفيق لنا ولكم جميعاً

[_دربيل_999]

هلا فيك اخوي..
الحمدلله انك ماحطيت على نفسك دين محفوف بالمخاطر ..وأنت شفت وش صار لخويك..
اخوي 36الف فيها البركة وبتجيب لك سيارة بر زينة..في مكشات يعرض الكثير من سيارات البر.. ولو بتدور في المعارض بتلقى ان شاء الله لكن على مهلك وانتبه من الشريطية..أو خذ معك خبير في السيارات ولا تشتري الواقفة في المعارض لان سعرها مبالغ فيه لانها للشريطية..
الله يوفقك


اخوك الروقي

[مفخرة فورد]

عشت يالروقي , الله يجزاك خير ويكثّّر من أمثالك

[ابوطاقية]

اشترى سياره ب 15 الف كاش ولا اخذ سياره اخر موديل تأجير

[دل البحار]

زي ما قالو لك الاخوان روح المعارض ولا تروح لحالك خذ معاك واحد رزين وخبره بالامور هذي ترى النصب على ودنه بالمعارض والشريطيه نصب وزي ماقال لك احد الاخوان الي واقفه بالمعرض غاليات لان اصحابها شارينها من السوق يعني شريطية المعارض معروف بخبثه لو يسكن في وسط المحيط الهادي
الله يوفقك - عليك بأل سوزوكي وبقيمته تاخذ لك سيارة بر
تحياتي لك

[مفخرة فورد]

اشترى سياره ب 15 الف كاش ولا اخذ سياره اخر موديل تأجير
ابوطاقية وش ذا العلم ؟
ياخوك التأجير والله اني خايف منه بالحيل وترددت عنه أكثروأكثر

زي ما قالو لك الاخوان روح المعارض ولا تروح لحالك خذ معاك واحد رزين وخبره بالامور هذي ترى النصب على ودنه بالمعارض والشريطيه نصب وزي ماقال لك احد الاخوان الي واقفه بالمعرض غاليات لان اصحابها شارينها من السوق يعني شريطية المعارض معروف بخبثه لو يسكن في وسط المحيط الهادي
الله يوفقك - عليك بأل سوزوكي وبقيمته تاخذ لك سيارة بر
تحياتي لك
الله يكفينا شر النصب والناصب ,, وربك كريم يرزقنا بالكاش وبالسيارة اللي تفي بالغرض
وفقكم الله