تكفون تكفون يا ملاك الباترول

[سواق الشيخ]

السلام عليكم ورحمة الله وبركاته


الشهر والعشر مباركه على الجميع


ياجماعة الربع نويت السفر لمكه المكرمه يوم الإربعاء القادم لأداء مناسك العمره على


دابتي الخاصه وهي :


باترول م 98 قير عادي وكله عادي قبل أمس مع أمس كله تشييك من الصدام للصدام


وكل شي تمام والحمدلله


لكن حصل اليوم شيئ فجأه و ضيق صدري شوي ألا وهو أنه ولعت لمبة التانكي


الأحتياطي وبشكل مستمر sub tank ومع ان التانكي الإحتياطي مليان أصبح لايمكن


التحويل منه أبد بضغطة الزر كما كان سابقا


أخواني تكفون أفزعوا لي باللي تعرفونه وإذا لابد من ورشه تكفون فكوني من الوكاله


منها غلاء ومنها بتفوت العمـــره علينا


أنتظركم يا ألأجاويد الله يتقبل صالح أعمال الجميع

ودمتم بخير

[بوه مير نيم12]

طيب لايكون الزر معلق . تاكد منه

[ابو فيصل 99]

لازم تفصل البطاريه وتشتغل معك
هذا في كل الباترول

[Abu Saad]

كانك في الرياض اتصل على ابوصالح التركي وان شاء الله يفيدك.

[سراب الوقت]

افصل البطاريه وركبها ثانيه وشيك ان شاء الله بسيطه

[سواق الشيخ]

ياحبي لكم والله أنكم شقرديه يا أعضاء مكشات


ربي يوفقكم دنيا وأخره

[سواق الشيخ]

كانك في الرياض اتصل على ابوصالح التركي وان شاء الله يفيدك.


نعم اخي العزيز أنا في الرياض وما أعرف ابوصالح التركي
وإذا مافيه حرج توضح ياليت توضح لي أكثر أو ترسل لي على الخاص
الله يجزاك الخير

[سفاري959]

اخوي دق على ابو صالح التركي وهذا رقمه بعد اذن الأداره 0504118191

[aassem34]

يمكن فيوز تاكد منه

[برق كميت]

افصل اصبع البطارية وراح يشتغل نفس المشكلة مرة علي

[عاشق السيل]

لا يضيق صدرك وأنا اخوك ،،، شغلتك سهلة بالحيل : افصل اصبع البطارية الموجب وبعد دقيقتين بالضبط اشبك الاصبع وكل شي راح يرجع زي أول ويمكن أحسن ،،

عموما لو ماضبطت ( وهذا احتمال ضعيف جدا ) توكل على الله وامسك الخط والتانكي الواحد يكفيك لأن الخط ملياااان محطات وأنا دايم أعبي التانكيين واستخدم واحد بس !!

رحلة موفقة محفوفة بحفظ الله وعمرة مقبولة مقدما ....

[سواق الشيخ]

أخواني الأعزاء وكل بأسمه
أشكركم جزيل الشكر . فعلا فصلت البطاريه وطفت اللمبه
وأشتغل التحويل


مرة أخرى للجميع شكري وتقدير والله يجعل لكم من كل هم فرجا


وجزاكم الله كل خير وبارك الله فيكم وفي ذرياتكم


وسحور شهيا وعملا صالحا مقبول من رب غفور رحيم

والأن أستودعكم الله والإربعاء مغادر لبيت الله

إن شاء الواحد الأحد

[هوايتي مكشات]

الله يوفقك ياغالي..........

[ابو فيصل 99]

أخواني الأعزاء وكل بأسمه
أشكركم جزيل الشكر . فعلا فصلت البطاريه وطفت اللمبه
وأشتغل التحويل


مرة أخرى للجميع شكري وتقدير والله يجعل لكم من كل هم فرجا


وجزاكم الله كل خير وبارك الله فيكم وفي ذرياتكم


وسحور شهيا وعملا صالحا مقبول من رب غفور رحيم

والأن أستودعكم الله والإربعاء مغادر لبيت الله

إن شاء الواحد الأحد


جزاك الله خير

[عين حصنان]

لازم تفصل البطاريه وتشتغل معك
هذا في كل الباترول
صح لسااااانك

اِفصل البطاريه و أعد تركيبها

يرجع كل شي تمااااام

كل الباترول حتى الجديد

اذا تبي تسلم من المشاكل

عند الصيانه و خصوصا الكهرباء

اِفصل البطاريه قبل الشغل

واِشبكها بعد الانتهااااء

وتقبل الله منا و منكم صالح الاعمال

عمرة مقبوله