المساعد الشخصي الرقمي

مشاهدة النسخة كاملة : ممكن ذلك او غير ممكن ! تخبر هالحر الاهب !!!! ادخل تفضل


الربذي
16/07/2005, 11:46 PM
السلام عليكم ورحمة الله وبركاته
!
!
!
!
!
!
اخواني السالفة باختصار ان سيارتي باثفايندر لايتوفر بها تكييف مركزي واللي يقعدون بالخلف الله يعينهم على الحر وخصوصا في منطقة القصيم والرياض والا حائل حبيبه مقارنه بهاتين المدينتين ولاتهون الحسا 000000000000000000يعني
هل هناك امكانية تركيب مكيف مركزي ترهيم طبعا وكيف وكم يكلف تقريبا
هل هناك امكانية زيادة فعالية التبريد
وتصدقون اني رايح للوكالة اليوم لان عندهم عرض خاص على السفاري لقيت الدفعة الاولى 52 الف ريال !!
بس يقولون بدون فوائد على التقصيد وقلت امسك مجنونك لين يجيك اجن منه 52 الف ذي طردة مبطنة
وحبيت اطرح هالموضوع على اخواني الي اعرف مالديهم من حب المساعدة لانهم وجوه خير
محبكم
الربذي
ماجد الشمري
17/07/2005, 01:06 AM
اخوي الربذي ...
في كم خطوة ان شاء الله سويها وبتلاحظ فرق بالتكييف ...
1 / ركب عازل حراري شفاف وبتقل الحرارة الداخلة للسيارة .
2 / غير فلتر المكيف وغالبا لما تدخل سيارتك الشركة ينظفونه او يغيرونه وتلاحظ ان المكيف بارد جدا .
3 / في مادة تستعمل لتقوية اداء المكيف وموجودة عادة في المحلات الكبيرة والفخمة مثل العربة بجدة .
وحاول وضع السيارة في الظل ...
كل الخطوات التي فوق افضل من شغل التوليف على السيارة ...






اخوكم ماجد الشمري
العـابر
17/07/2005, 02:32 AM
والله كلام الاخ ماجد مابعده شئ
مع اني سمعت انهم يركبون تكييف للمراتب واللي قدر على ذي ماهب عجزن عن ذيك .
الربذي
17/07/2005, 01:28 PM
اخوي ماجد الشمري والعابر
اشكر ردودكم
دائم سباق اخي ماجد لنصح والارشاد بارك الله بك بس غالي ياخوك العازل في كول اذكر قبل مدة طوييله 4000 ريال بس نجرب
محبكم الربذي
ماجد الشمري
17/07/2005, 04:26 PM
اخوي الربذي ..
خلك من الفي كول تراهم نصابين ... ركب جونسون ارخص بكثير ونفس المفعول ...انا ركبته قبل سنتين للمكسيما عندي ب 1440 ريال مع فتحة السقف بعد ... الحين اكيد بيكون ارخص ...
تقريبا يركبونه لك بحدود 1600 ريال لأن الجيوب اغلى ...






اخوكم ماجد الشمري
الشقردي
18/07/2005, 10:39 AM
لا وأزودك من الشعر بيت أنا مركبه على سيارة في حجم الماكسيما وبـ 1100 مع الفتحة في الرياض اسمه glass tech
من جميع الجهات
الربذي
19/07/2005, 06:47 PM
جونسون جديد تصدق اول مرة اسمع فيه تخبر الفي كول دعاياتة ماليه الدنيا بس فعلا مايمدحونه يقولون يتغير شكله مع الوقت واحيانا يطيح لكن جونسون هل هو شفاف مره او داكن شوي
اخوي الشقردي كيف كلاس تتش حلو وين احصله وهو شفاف ومدى الفاعليه يعني تحس بفرق قبل وبعد
اشكر لكما تفضلكم بالردود حفظكم الله اخوي الفاضلين
محبكم
pathfinder
19/07/2005, 08:33 PM
اذا كنت من الرياض .....فيه شركه اسمها Llumar او شي زي كذا........هذا اخوي مركبه ومرتاح منه.....وبالنسبه للجونسون هذا مب موجود بالرياض
اسيزو 4x4
20/07/2005, 01:00 AM
السلام عليكم ورحمة الله وبركاته

اخوي الغالي الربذي

علومك ان شا الله طيب وعساك بخير

وماازيد على كلام اخوي الغالي ماجد الشمري كلامه صح

والتضليلات واجد بالرياض لو تروح بتلاقي ارخص من في كوووووول

وتقبل تحياتي يالنشمي



.
شاص
20/07/2005, 01:14 AM
وكلام الاخوان على متمه أبعد عن شغل التوليف والترهيم لأنه راح يتعبك ويشغلك مستقبلاً
aziz2727
20/07/2005, 08:18 AM
فيه محل بوصفه لك اذا انت في الرياض وعليه ضمان 10 سنوات
شف الله يسلمك ويسلم من يقرأ تجي مع طريق الملك عبدالعزيز بتجاه الشمال الين توصل عن الدفاع المدني ( المطافي ) الي بعد اشارة الاتصالات تخش يمين كنك راح لمخرج 9 اول ما تخش يمين امش شوي تلقا المحل على اليمين في زاوية احد العماير .
انا جيته بضلل سيارة لاند كامل القزاز حتى الاماميه وعنده بعد جميع الدرجات قالي الله يسلمك بـ 1800 وبنزل السعر على ما اعتقد قال بحدود 1600 او 1700 والزين الي عنده فلبنيين يعني شغل صح .
مر على المحله وشف وش بيقول بس كااااااااااسره .
الربذي
21/07/2005, 06:00 PM
كفيتم ووفيتم اخوي الشقردي اشكرك اخي لهذا الوصف الدقيق وماقصرت يابعد حيي واقدر رسالتك الفاضلة
اخوي باثفايندر لا اخي انا مان من الرياض وكيف اروح للرياض بهاالحر اعتقد افطس لاول مره يجي عندنا بحايل حر كهذة الايام يعني لقالو صيف صيف لالالالالالالالالاهب اضن لو بتسوي رغيف خبز على بلاط الحوش يمكن يحترق اذا ماتابعته !!!!
الاخ الفاضل شاص ياحبي لك انت وتوقيعك ذكرتنا بالشتاء لا لن احوس وارهم نصحوني كثيرين بعدم جدواها وفائدتها بس خساير في خساير وبالاخير تكون عيب بالموتر يبور بيديك واشكر على النصيحة الصادره من محب شرواك
الغالي ابو حمود اسيزو 4*4 تصدق لك وحشه ياغالي وكل هالحر مبروك الي خلانا نشوف اسمك ضيفا عزيزا على موضوعي وتجينا مشارك احييك اخوي وطلتك تكفي لاعدمناك ياذيبان وانت بعدك بابها ولا رجعت للقصيم (الله يحفظكم من كل مكروه ) ولايهون بقيه الاخوه الافاضل
الاخ الفاضل ازيز 2727 الله يعزك اخوي وتبقى عزيزا علينا ووفيا اشكر تفضلك بالوصف لو مارايح يعجب مشرفينا الافاضل لانه يقولون دعايه مجانيه لهم
وياخيك انا بعيد عن الرياض بس افهم اخوي انك ماضللت السياره يعني يمكن شغلهم هاه او غير مجدي بس بالنسبه للمكاسره اكسر المحل كله !!لو تبي !
محبكم (الربذي ) :heart:
اسيزو 4x4
21/07/2005, 11:35 PM
السلام عليكم ورحمة الله وبركاته

أخوي الغالي وراعي الفزعات والنشمي ووووو.....الخ :D >>>> ((الربذي))

الله يبارك بأيامك يا ذيبان والله مشتاقين لك بالحيل وتراي رحت للقصيم ورجعت لأبها وماطولت ولكن لي رجعة

للقصيم بإذن العزيز الحكيم قريبا :)

والله هالحر هو اللي خلاني أهج من القصيم لم أبها :D

ألأ هالتكييف المركزي بركة بعد الله اللي خلاني أتطمن عليك ياسنايدي :D :good:

حفظك الله من كل مكروة وكل من بهذا المنتدى >>>>>>>> علاشان محد يزعل :D

وتقبل تحياتي لك أخوك >>>>>>> أبو حمود