اروح الى صلاله ولا اكنسل ؟؟؟

[غواص طيبه]

السلام عليكم ورحمة الله وبركاته


شباب انا عندي نيه باذن الله تعالى بسفره الى صلاله بعد عيد الفطر لاكن
اخاف اضرب مشوار حول 3000 ثلاثه الاف كيلو بالسياره
من المدينه المنوره الى صلاله وفي الاخر تطلع صلاله (ماحولك احد)
بمعنى ماتستاهل الروحه خاصه انه فيه واحد انا ماعرفه يقولون على لسانه
انه راح وما شاف شي يشجع وجلس ثلاثه ايام ورجع :mad:


عاد من زينها 3000 كيلو عشان 3 ايام :D:D



ياليت تفيدوني لاني متردد بينها وبين شموس بلادي
قصدي ربوع بلادي :s:s:s

:l:l وتقبلوا ارق التحايا :l:l

[مسستر أي]

حبيبي صلاله ما تصلح في نظري انا انا ما رحت له بس اعرف واحد راح لها يقول طبيعه بس جو ما يعجبك ابد :no2:
جوها حآآر وكله حشرآآت يعني مآرآح تستآنس ابد

[دغيم1]

السلام عليكم ورحمة الله وبركاته
حياك الله أخي الكريم
صلالة مدينة حالمة بطبيعتها الجميلة وأجوائها الرائعة
وهي تستحق فعلا الزيارة
إلا أن ثلاثة أيام غير كافية لقطع مسافة 3000 كم
والحكم عليها يجب أن يكون قطعيا لا . .... أعتباطيا ونقلا عن آخرين
إليك الروابط التالية وهي جديدة

$$- جبل ناشب بولاية طاقة، بين الخضرة والزهور الخريفية بتاريخ 19-8-2010م (http://www.mekshat.com/vb/showthread.php?t=323914)

خريف رخيوت .. صلالة .. الجزء الأول 1 / 8 / 2010 .. سهيلي تيم . (http://www.mekshat.com/vb/showthread.php?t=320432)

$$- جولة خاطفة على صحلنوت و شير في صلالة، بتاريخ 13-8-2010م (http://www.mekshat.com/vb/showthread.php?t=322938)


تقبل تحياتي

[MOHAMMED..]

حبيبي صلاله ما تصلح في نظري انا انا ما رحت له بس اعرف واحد راح لها يقول طبيعه بس جو ما يعجبك ابد :no2:
جوها حآآر وكله حشرآآت يعني مآرآح تستآنس ابد

والله غريب .. مارحت وتحكم على البلد بأنه مايصلح
صلاله ,,,جوها + طبيعتها + شعبها الطيب = راحه نفسيه ومتعه سياحيه
أنا زرتها صيف 2008 ماشاء الله استمتعنا فيها
الي ما أقدر أفيدك فيه هو وقت سفركم في العيد يعني ما أدري
وش بيكون جوها مثل قبل شهر او تغير على العموم ادخل على
موقع صلاله الرسمي وشوف


http://www.slalah.com/main.php

[كن كن]

صلالة تستحق الزيارة
بس أنت تقول 3 أيام والله ما يسوى من يطق مشوار
أقل شيء أسبوع
لأن أغلب وقتك بيصير خط
وجهة نظر

[ابومحيميد]

اذا 3 ايام اخوي

نصيحة لاتسافر

انا زرت صلالة قبل رمضان باسبوعين السنة هاذي

جو رووعة ماتشوف الشمس لايام مع خضرة ورذاذ

لكن بعد العيد اتوقع فيه خضره لكن الجو بيكون دفا والشمس طالعة

واهم شي قبل لاتمشي استفسر من اهل صلالة وشف صور جديده وياكثر المنتديات العمانية

[عكاسي عمان]

أخي فيه ناس تجحد حق الغير ولو راحوا لبلد أجنبي تشوفهم يمدحوا بلا شيء
أهم شيء بأنك تجرب في الحياة ولا تعتمد على أراء الآخرين لأن كل شخص برأيه وإنطباعه ولا بد من اختلاف الآراء ..
وهذا الرابط سوف يقصر عليك الأسئله ويبين لك ماتريده وتستفسر عن صلاله وطازج من صلاله مباشرة..
http://www.omanya.net/vb/showthread.php?t=63061&page=103

كل سنه نذهب لصلاله من غير الجو والمطر والرذاذ صلاله وناسه بكل شيء فيها..
ولكن 3 أيام صعبه عليك ..
غير وجهتك وزور مسقط وضواحيها ورح تتعرف على مسقط العامره وتأخذ انطباع عن دوله خليجيه بالإضافه إلى دول الخليج إلي زرتها ..
مسقط والحمدلله من قبل رمضان وأجوائها لطيفه والحراره لاتتعدى 35 بمناطق مسقط وأماالمناطق السيوح توصل الحراراه 37 درجه تقريبا يعني الحمدلله أجوائنا حلو في هذا الشهر الفضيل..
زور راس الحد وراس الجينيز موقع السلاحف هناك الجو روعه
ولو زرت مسقط ممكن تحجز على العباره ويمشوكم في البحر على سواحل مسقط وخدمات ممتازه حتى في رمضان عندهم افطار ..
وزور كهف الهوته أيضا كهف رائع ولكن ادخل موقعهم أو اسأل في موقع المسافرون العرب..
اسمح لي أخي أعطيتك رأيي وهو مجرد رأي..

[بواسامه]

نصيحتي
هالسنة لاتروح
الخريف مو مره
صحيح ضلكوت والحق مميزة هالسنة
بس مما اقارنها بما قبلها
انا توني جاي قبل رمضان باسبوع
والله العيون ناشفه مهنا شي يمشي كالعاده
والغلا حدث ولا حرج
جو مغيم ورذاذ بس مهنا امطار

عموما
خلها السنه الجايه لعلها تكون انسب والخريف احلا

[النوخذة الأحسائي]

الشباب كفو ووفو ..

لكن حرام والله هالصور اللي بحطها لك تحت وتقولون ما تعنّي تروح .. والله أني عاااااااازم وبلاتردد بإذن الله تعالى يوم العيد مسافرا لها


http://farm5.static.flickr.com/4099/4890410244_db6d835e97_b.jpg

http://farm5.static.flickr.com/4094/4890381292_3d6624e45a_b.jpg

http://farm5.static.flickr.com/4079/4902126764_7cbf66b0e3_b.jpg


طبعا من تصوير الحبيب أبو حازم النمر الظفاري ولهالسنة ..


الله ييسر لنا ولكم ..

[أنس بن فهد]

السلام عليكم .. :)
أخي غواص طيبة صلالة وقته الحقيقي بشهر 8 ميلادي يصير الجو رايق و الخضار منتشر
و بشهر 9 ميلادي الارض على حلته بس الجو لك عليه يعني حر وذلك بسبب انقشاع الغيوم ..
و أعتقد أن المدة قليلة جداً أنصحك بتمديد المدة أو التأجيل و إسأل مجرب ;)


وهذا رابط لتقريري العام الماضي و كنت رايح بعد العيد أرجو أنه يفيدك :)
http://mekshat.com/vb/showthread.php?t=233645

إقتباس من التقرير :

ذكر لي أحد أبناء مدينة صلالة عن تكون الربيع هناك
يقول أن بداية6/21 ميلادي تبدأ السحب بالتراكم و تهطل الأمطار شيئاً فشياً و يأتي الضباب
و في هذا الوقت تبدأ الأرض بالتهيئ للزينة و وتكون على بداية إخضرارها
و من 21/7 تكون الأرض خضراء يانعة وتكون قبأبها حلتها
ثم مع دخول شهر 9 ميلادي تخرج الشمس و يبدأ النبات بالأصفرار

[vxr-v8]

يعطيكم العافيه ماقصرتو بالمعلومات
بما ان الموضوع يتعلق بصلاله فأنا واعوذ بالله من كلمت انا سافرت الى صلاله اكثر من 13 مره
يعني تقدر تقول كل سنه اخصص لها في حدود 10 ايام لصلاله .
صلاله مش مثل عشر سنين, قبل احسن طبعا من ناحيت شلالات وزياده في الامطار .
الصيف هذا رحت لصلاله تاريخ 25-7-2010 قعدت قريب 8 ايام ما شفت الشمس فيها بسبب كثرت الغيوم والرذاذ يعني كانت السفره رهيبه .
ومن الصعب جداً التكهن بالجو بعد العيد نظراً لتقلبه الزائد . ولكن لتقطع الشك باليقين بعد العيد اجري اتصالاتك بالربع في صلاله وتفاهم معاهم وبيقولون لك الاجواء هناك واذا عندك استفسار ما عليك الا تتواصل معايه.
واسمحلي على الاطاله.

سبحانك اللهم وبحمدك سبحان الله العظيم

[ياعين ابوي]

أنا السنه الي طافت كنت هناك بعد العيد مباشرة .. صلاله تستاهل الزياره .. نصيحه لآتكنسل بس اذا وصلت لمدينة العين ريّح وخذلك غرفه وارتاح ليله ثم واصل لـ صلآله .. تكون الفنادق أرخص ومافيه زحمه .. والله يساعدكم ويهنيكم ..

[YOU1]

اخي الكريم انا كنت هالسنة ناوي اروح تركيا( اوزنقول) بالتحديد... بس صارت ظروف وما الله كتب اروح بسبب ضيق الوقت. وفكرت وين اروح قلت خل اروح صلاله بصراحة من كثر ماكنت اشوف صور الخضار والطبيعه من سنين قلت خل اروح واشوفها... المهم توكلت علي الله ومشيت وريحت بالعين يوم ومشيت الصبح وقطعت تقريبا 1200 كيلو الي ان وصلت بالسلامة ... وانطباعي ( الشخصي) راح اقولة بكل صراحة...
اولا بالنسبة للطريق من العين لصلاله مش ولا بد( طريق تعبان شوي ومقطعه بعض الاحيان) لدرجة ان دورة المياه اكرمكم الله يالله تلقاها بالحسره( معي عائله).. وبالنسبه لصلاله اشوفها عاديه جدا جدا( رأي شخصي) يعني انا لي كم سنه اروح الباحه بالنسبة لي الباحة افضل ( لا احد يزعل رأي شخصي) ... اليجارات غاليه وماتلقي سكن ... انا قعدت 6 ساعات ومالقيت وبالاخير لقيت واحد توه طالع واخذت الشقة غرفتين ( تعبانه جدا) بمنطقة الدهاليز ب 40 ريال عماني وبعد يومين زاد علينا الايجار وصار ب 50 وحاولت فية بنفس الايجار مارضي... وكل ماجيت لمكتب عقاري يقول جاني قبلك 100 شخص ومافية سكن... بالنسبه للجو عادي جدا ( رطب شوي) وبالنسبة للخضار اللي تشوفة ماتقدر تقعد فية ابد... انا رحت لعين من العيون ومشغل المكيف ومسكر الدرايش وقالوا الاهل خل ننزل شوي والله يوم نزلت هجم علينا الناموس (ناموس غريب صغير الحجم وبالملايين)واثاره فيني الي هالحين...احسن شي رحت له بصلاله حديقة البلدية ومهرجان سمهرم وشاطئ المغسيل... وبالمناسبة انا درتها تقريبا كلها من وسطها لصرفيت( حدود اليمن).. الخلاصه الديره عادية جدا.. بس حبيت انوه علي شي مهم جدا وهو( طيبة الشعب العماني) الحقيقة تنقال الشعب العماني شعب طيب لأبعد الحدود وخدوم وانا قلت هالشي مرتين مرة بمقابلة مع صحيفة ومره بالاذاعه( ما ادري وش اسم البرنامج) ارجو ان تتقبلوا كلامي بصدر رحب وخاصه انه بالنهاية ( رأي شخصي) ويمكن اللي مايعجبني يعجب غيري والعكس صحيح... وعذرا علي الاطالة..

[الصقر11]

أخوي راح هذي السنة في بداية شهر8 هجري وقال فله لكن توى الخضار شوي ويقول بتكون روعه بعد العيد وفله والأرض مخضرة

[السنع كله]

اخي الكريم انا كنت هالسنة ناوي اروح تركيا( اوزنقول) بالتحديد... بس صارت ظروف وما الله كتب اروح بسبب ضيق الوقت. وفكرت وين اروح قلت خل اروح صلاله نفس المسافة اوزنجول وصلالة 3000كم

[YOU1]

اخي الكريم انا كنت هالسنة ناوي اروح تركيا( اوزنقول) بالتحديد... بس صارت ظروف وما الله كتب اروح بسبب ضيق الوقت. وفكرت وين اروح قلت خل اروح صلاله نفس المسافة اوزنجول وصلالة 3000كم
صح كلامك وانا اخوك بس روحة لتركيا تفرق شوي من حيث انة لازم تقص تربتك وتعبر تقريبا8 مراكز حدودية بالروحه بس( من الكويت) واحسب الرجعة وزحمة الحدود يعني انا كنت حاسب يوم كنت ابي اوزنقول ما لا يقل عن شهر كامل قبل رمضان علي اقل تقدير بس الظروف ما ساعدت... وشكرا.

[سرطوقا]

الله يوفقك

[عبدالعزيزالثبيتي]

ماشاءالله
الله يعطيك العافيه

[الرحال الحزين]

صلاله تستاهل
بس الناس رجعو منها تلقاها فاضية
بس 3 ايام ماتكفي اقل شي اسبوع