اشاعه قويه في معارض السيارات

[قناصه]

بعد التحية والسلام ومزيدا من التقدير والاحترام

بالامس كنا في معارض السيارات بالشفاء واحد من الشباب ماسكة معه غلط على شاص ديزل؟؟؟؟؟؟ المهم

دورنا ما لقينا حتى لو نيسان؟؟؟

مرينا واحد رجال شرواكم وقلنا له دورنا ومالقينا ياليتك تطرح وتدور لنا واحد نظيف؟؟؟؟

قال لو لقيتو شي علموني انتم؟؟؟؟دورو عندكم بالقرايا اللي حولكم وعلموني؟؟

قلنا ليه وش السالفه؟؟؟؟؟؟قال حتى الصوالين تيوتا ونيسان؟؟

زادت علامات التعجب؟؟؟وقلنا ليه الكلام هذا الديزل ماحد يبيه هالايام ؟؟؟

قال لالالالالالالالالالالالا مايمديه يدخل الا ولقطوه الشريطيه لقط واكبر دليل شف المعارض ماعاد فيها شي معروض؟؟

وفيه اشاعة عند الشريطية يمكن يغلاالبنزين؟؟؟مثل الامارات

وعشان كذا يجمعونهن تجميع ؟؟؟؟


السووووؤال :الرجال عنده علم والا مقضبنا اقرب مخرج؟؟؟

واللي خابر لخوينا شي نظيف وبالرياض لالالالالايبخل علينا

مع العلم ان خوينا خارج الرياض 150كم والسلام ختام

[واكس]

الله اعلم

وانا جاني ايميل ان البنزين راح يغلا يوم واحد رمضان ولا غلا ولا شي

و في الاخبار اعلنو ان وحده من المصافي خاضعه للصيانه واستوردو من برى يمكن عشان كذا صار شوشره

[بعيد الهقاوي6]

اللهم ارفع عنا الغلا

[NOYEB]

والله اعلم اشاعات ...واللي سمعت ان الامارات رفعت اسعار وقود الديزل قبل فترة.

[مكسر الشوك]

يارجال حتى لو يغلا البنزين السيارات الديزل عندنا مو مرغوبة

[aboammar]

الاخ مكسر الشوك أختلف معك , والدليل شف أعار الجيوب اللاند والسوزو والبرادو ناااااااااار
ممكن تفسر لي هالأمر لو كان مو مرغوب !

[ابو العز بلس]

والله كل شيء جايز رفعوا الديزل على صيادين الاسماك ليه مايرفعون البنزين

تعرف حنا الحمدلله وبنعمة واذا صار غالي وش المشكلة""لاحول ولاقوة الا بالله""

استغفر الله بس وش باقي اذا ارتفع البزين يعطونكم بدل بنزين خخخ


ذلك بما كسبت ايدكم

[خالد ...]

ما ضيعنــا الا الاشاعات ..

وتعتبر سبب واستغلال لتحريك سيارات الديزل

[ياسر العضيله]

الله يستر من الغلاء

[بحر الموده]

يرجل لا يهمونك ماحد يبي ابو ريحها حتي لو غلا البنزين قبل كم سنه يوم غلا البنزين ماحد فكر فيه بالعكس الي يرتفع ممكن السيارات الصغيره

[سعد2006]

انا سمعت ان برسفور في جامعة الامام يقوله (عشان الشباب مايدورون) راتبه100000 ريال معه حق
لكن الله يستر
وابو متعب مايسويها

[بو نوره]

وعليكم السلام ورحمة الله وبركاته

قل لم رفيقك يمر (عبداللطيف جميل ) فرع شمال الرياض على طريق الملك فهد
قسم المستعمل .
عندهم شيصان جديدة ديزل موديل 2009 وعليها عرض . ( واترك عنك كلام الشريطية ).

[الجندي2005]

dيالله من فضلك ،،،،،،،،،،،،،،،،،،،

[قناصه]

بعد التحيه والسلام لكل من ادلى بما لديه

الخوف انه زي ماذكر اخونا خالد


ما ضيعنــا الا الاشاعات ..

وتعتبر سبب واستغلال لتحريك سيارات الديزل
ابونوره

قل لم رفيقك يمر (عبداللطيف جميل ) فرع شمال الرياض على طريق الملك فهد
قسم المستعمل .
عندهم شيصان جديدة ديزل موديل 2009 وعليها عرض . ( واترك عنك كلام الشريطية ). ابونوره بيض الله وجهك دنيا واخره وسخر لك عيال الحلال ورزقك من واسع فضله دقيت عليه وعلمته عقب العصر وقام يدعي لك وبيروح لهم بعد الاخير

ياشباب الديزل مرغوب لهل الحلال والمزارع وتراه حليو قليل خرابات واقتصادي ونحمد الله على كل حال ولا اقدر اقول الا الله لايحدنا له بس ويطول لنا بعمر ابومتعب

الدنيا غاليه ولو غلاء البنزين او الديزل بيرتفع معه كل شي بحجة غلاء المواصلات
والتجار يغلون من دون سبب خل عادلو جالهم مجال

[ذgggق]

السيف الاملح يابو متعب

[northstar46]

وليه مو انت بعد تبي تنشر الاشاعة لتستفيد

[راعي ذرف]

اخواني تعطل مصفاه او مشكلة في الاحد الابار لست متاكد بالضبط المهم احدا الامرين فيه مشكلة
مما ادى الى قله انتاج الوقود وتم الاستيراد وتغطية الاحتياجات السيارات والمصانع والشركات وغيرها
المشكلة هذه قبل شهر ونصف وما شاء الله المجتمع اي مشكلة تحصل تداولوها حتى تصبح اشاعة حتى تصبح واقع ثم يستغلوها التجار وغيرهم من محبي مطامع الدنيا والله يدبر الصالح

[ابوطاقية]

للمعلوميه الشاص الديزل من اكثر السيارات الي تصدر لافريقيا
قبل شهرين تقريبا كنت متواجد بمعرض القحطاني بالنسيم كنت ابحث عن لاند كروز صالون ديزل وكان عندهم عدد 7 شواص ديزل موديل 2009 جديده وتم شرائها بواسطة تاجر افريقي وتم تصديرها للخارج
للاسف الاندكروز الديزل الصالون 2008 وفوق مايوجد لامستعمل ولاجديد
الوكاله 2010 خلص من عندهم والحين حاجز موديل 2011

[asdali]

عموما الديزل ماله شعبية ابد حتى لو صار اللتر بريالين

[قناصه]

northstar46 (http://mekshat.com/vb/member.php?u=43784) http://mekshat.com/vb/images/statusicon/user_offline.gif
عضو بيئي


يالله يارب ياكريم تقتص لي منه في هالشهر الكريم

[الفيصل2009]

قول لخويك لا يخاف
دام أبو متعب مووووووجود

[قناصه]

اشكر كل من مر على الموضوع والله يجعلها في موازين حسناتكم


بعد سؤؤؤؤؤؤؤؤل الكثير تبين انه كما قال اخونا

ابوطاقيه

بيض الله وجهك دنيا واخره سمعتها اليوم من اكثر الشباب

والله العالم انه السبب الحقيقي فعلا في ندرتها بالمعارض


والف شكر لكل من مر من هنا مرة اخرى

[ابو صقر 111]

والله من يوم جاء وجه السعد ابو متعب والبنزين رخيص وأذا زاد ما رايح يصل لسعره القديم ترى ابو متعب يرحم الضعوف وما يضغطهم حيل وأظن هذا الكلام شائعات

[هويدي]

فال الله ولا فاله

الله لايقوله وحنا ناقصين .. والله لا اشري فرس

[aooa]

الشـــــريطي يتعلم الكــــــــــــــذب قبل ما يدخل السوق بزمن .. والسبب ان شعار معظم الشريطيه الكذب والتدليس والاشاعات .... الا من رحم ربي ...

[اليكي]

الديزل ارتفع سعره قبل شهر ... والبانزين ان شالله ماراح يرتفع .... ولاودنا تكثر الاشاعات لايرفعونه ...

[باوزير]

الشاص الديزل ايش مكينته توين تيربو

[ابن القريات]

والله مالنا غير ربنا يرحمنا نعتصم به ولا نعتصم بغيره

[المدير1]

عليه مراجعة معارض شقرا ومعارض مرات يحصل طلبه انشاءالله