الاف جي

[hgrkhw]

سلام عليكم تقبل الله منكم صيامكم وقيامك
وش رايكم بالف جي يرقى النفود ولا لا وهل فيه مثبت سرعه اتكلم عن موديل 2010

[ابوغلاب]

بالنسبة للطعوس فهو ما شاء الله عليه قوي ويتحمل وبالمناسبة كنت ليلة البارح عند عبداللطيف جميل وسعره للفئة 2 122000 وللفئة 1 114000 ويوجود به مثبت سرعه للفئة الثانية يعني الفل

[عميد سامودة]

بس مركبه اقشر وماله الا بابين وداخليته مالها داعي

[اليكي]

موتر شبابي قوووووي كشخة مريح
وخذه وانت مغمض

[غالي]

يمكن هالمعلومات تفيدك

2010

أحرص ان يوجد فيه

1-كاميرا ((لان الخليجي اخر دفعه ماصارت تنزل فيه كاميرا))
2- مثبت سرعه
3-دوف لوك ((المسمى عند بعض الناس هزاز))
4-فاصل مانع الانزلاق ((علشان مايشتغل عليك وانت بالرمل ))
5- رقم 2 يجي تحت السياره من قدام صاجه حديد لحماية السياره من تحت
6- هوك السحب الخلفي ((ماادري 2010 هو ينزل فيه او لا))

او 5 اشياء بامانه ضروريه احرص على تواجدها

لاني من اسبوع تقريبا كنت بالمعارض ولقيت عند معرض البازعي اف جي خليجي سعره 137 الف تقريبا !!! ولايوجد به كاميرا

والمصري افادني انه كان ينزل عندهم كاميرا بس هالدفعه مافيها وانما غطاء استبنه مميز فقط !!

اتمنى اني افدتك

تحيتي والله يكتب لك الخير

[ابن علوان]

بس مركبه اقشر وماله الا بابين وداخليته مالها داعي
اضف عليها رؤية سيئه من الدخل صعوبة الدخول والخروج من السياره لركاب المقاعد الخلفيه سعر مرتفع جدا مقارنة بالمواصفات وطبيعة الاستخدام

[الشنه]

السياره ممتازه

وشبابيه
اما النفود موتر ينشد به الظهر
عزم قوه صلابه

والشارع كنق



بس يعيبه صغر تانكي البنزين يعني يمكن يمشيك 450 كيلو اذا تمشي 110-120

[واحد مبسوط]

الموتر يطرب
انا مشيت عليه 80 الف كيلو
لم اضع فيه مسمار واحد

ويكفيك انه اي مكان تبغاه توصل له
احرص على الفل كامل واللون الابيض
وراح تدعيلي

[hgrkhw]

تحسون ان سعرها مناسب ولا

[الرسيفر]

هي على قناعة الشخص إذا اقتنع بشكله الخارجي عز الله لقى موتر مريح و نشيط

[مسستر أي]

زي ما قآل اخوي الرسيفر والون لا تآخذ غير برتقآلي -( نصصصصصصصصصصصصصيحهــ
تقبل مروري يـ الغلآ ..!

[على رمشي تمشي]

كان سعره وصل للقيمه هذي زود عليه وخذ gx

[أف جي A]

والله موووتر وحطه على يمناااك
ما شاء اله عليه مكينه مهب صاحيه ما شاء الله عليه
بس انا عكس اخوي واحد مبسوط
لا تاخذ الفل الدف لوك ما اشوف له داعي واما للصاجه ركبها برا
وانتهينا هذي هي الشياين الي فيها الاختلاف
ومبروك عليك المووتر

[hgrkhw]

اليكي وش تقصد بموتر شبابي ؟
يعطيكم العافيه على الردود
وهل هو مساك خطوط ولا يعني اتعب وانا بل الخط؟
وهل ينفع اركب تانكي بنزبن اكبر؟ ياناس تكفو ردو خلو الموضوع للصفحه الاولى

[hgrkhw]

اخوي اف جي a
ليش ما اخذ الفل انا راعي خطوط

[شبح الصحراء]

والله موووتر وحطه على يمناااك




ما شاء اله عليه مكينه مهب صاحيه ما شاء الله عليه
بس انا عكس اخوي واحد مبسوط
لا تاخذ الفل الدف لوك ما اشوف له داعي واما للصاجه ركبها برا
وانتهينا هذي هي الشياين الي فيها الاختلاف


ومبروك عليك المووتر

مع احترامي لوجهة نظرك بخصوص الدفلوك فهو من الأشياء شبه الأساسية والهامة خصوصاً في حالة تغريز السيارة بشكل مائل وانغراس إحد الإطارات في الرمل وتعلق الإطار الثاني في الهواء فلا ينفع الدبل ولا ينقذك الا الله ثم الدفلوك او ان تحفر الإطار المغروس في الرمل او تدفن اسفل الإطار المعلق في الهواء وهذه تحتاج مهارة وجهد .

[GS5]

شف من ناحية إنسيابيه ماهنا انسيابيه ابد , و حط ببالك انك بتغير قزازة قدام اقل شي مره و الحصا اللي يشعر قزاز السيارات العاديه يمكن يدخل عليك مع القزازه لداخل الغماره خصوصا على الخطوط !!
و الموتر يمكن يهبل بك دبله و تراه شريييب بنزين واحد من العيال يجي من القصيم للرياض يعبي بحفر العتش وهو راجع بمحطة سما !!

الموتر نشيط و يعجبك و زين بس الزوايا العميا وااجده بالموتر و تلقا بعض راعين الإفجي يلف على عماه بعض الأيام هههههههههههه

وكانك بتاخذ افجي احرص انه يصير به a تراك و دف لوك و الباقي تقدر تركبه بأي مكان

والله يوفقك و يكتب لك اللي به خير :)

[أبو نـآيف]

اضف عليها رؤية سيئه من الدخل صعوبة الدخول والخروج من السياره لركاب المقاعد الخلفيه سعر مرتفع جدا مقارنة بالمواصفات وطبيعة الاستخدام


اجل الربع الي يستاهل قيمته

مافيه ربع مواصفات الاف جي ونفس القيمه

الاف جي مووووووووووووتر :good2:

[ابوزايد2020]

مع احترامي لوجهة نظرك بخصوص الدفلوك فهو من الأشياء شبه الأساسية والهامة خصوصاً في حالة تغريز السيارة بشكل مائل وانغراس إحد الإطارات في الرمل وتعلق الإطار الثاني في الهواء فلا ينفع الدبل ولا ينقذك الا الله ثم الدفلوك او ان تحفر الإطار المغروس في الرمل او تدفن اسفل الإطار المعلق في الهواء وهذه تحتاج مهارة وجهد .


نعم اخي : شبح الصحراء

اوافقك الراي 100% في الــ 1000%

وانا اقول ان تقنية الــ ( diff lock ) + ( A-Track )

ارى انه لا بد ان تكون اساسية في الجيوب : خاصه لمرتادي البر بشكل مستمر ومحبي الكشتات والصيد ومحبي المغامرات والاكتشافات والتنقل بين الشعبان والمناطق الجبليه الوعره والكثبان الرمليه الكثيفه والعاليه والمتحركه

وتلك الخدمات اي تلك التقنية موجودة فقط في رقم 2 وارد عبداللطيف جميل

وليسة موجوده في رقم 1

وانصح من قرر وتوكل على الله وعزم ان يشتري اف جي انه ياخذ الفل كامل

نصيحه اخ محب ومن واقع تجربه

واحذر ان تقول ان تلك التقنيه غير مهمة في الجيب ليه ادفع فرق 6000 او 10000 الاف على تلك التقنيه فقط

لا تخاطر بحياتك عشان مبلغ لا اشوفه عائق لو اتسلفه او اصبر واجمعه

واشري الفل كامل المدعوم بتلك التقنية واشري سلامتي وراحتي

وان شاء الله سوف اذكر لكم الفرق بالتفصيل الممل بين رقم 1 ورقم 2

لكي اثت لكم ان تلك الفروقات تستاهل من يدفع فيها ولو دفعت في اضافتها
من خارج نضام الوكيل المصنع لها راح تكلفك اضعاف وبجودة اقل

فخسر مره واحده وريح راسك
وانت الرابح

تعال شاهد عمل الدف لوك واحكم بنفسك هل هو مطلب اساسي للجيب ولا غير مهم

كيف يعمل الدفلك
diff lock

http://www.youtube.com/watch?v=6E8LBoWazJo (http://www.youtube.com/watch?v=6E8LBoWazJo)



كيف يعمل اكتف كنترول تراكشن
A-Track

http://www.youtube.com/watch?v=w5g0BA4It4o&feature=related

http://www.youtube.com/watch?v=eS-_ZPonaAE&feature=related


http://www.youtube.com/watch?v=WFSkiaMFCwM&feature=related


ولي عوده
واسف على الاطاله


والسلام