ربع باترول اللي عنده خبره ادخل واكتب

[قلب الدين]

السلام عليكم

يا شباب الله لا يهينكم مشكورين اللي في بالك اكتبه

انا معي ربع باترول 2009

وابغى نصايحكم واذا تخبرون محلات متخصصة بالرياض

1-تغيير المرتبة بدل مهي متقابله ابيها عرض.

2- كفرات وجنوط.

3-توانكي الماء والبنزين.

4-اللي عندك اكتبه نورونا الله ينور قبوركم ,,,,تحياتي

[ذيب حريملاء]

حيااك اخووي اناا معي نفس الموتر

المرتبه سمعت نااس يقولون اذا تبيهاا في التشليح وفي شنكاارين وراا في الربع يركب عليهاا مراتب عرض بس مادري هل هي تركب ولا لا ..,

الكفراات .. انصحك(( بالوون ماكسس 900 .. 8 غاط ))وجنووط(( هلل اصليييه ))

من نااحيه منضرر للموتر وافضل للموتر يصير خفيف وفي الطعووس خذ موتر يطربك وفي الطرد مايحتااج ..

الكفرات العراض وجنط 17 حقت الوكاله .. ثقييله مرره وماتصلح على الربع نصييحه ..

التوانكي الززينه تلقاهاا في القصيم تفصييل ..,

انشاءلله اني افدتك ,,

[يكفيني نظرة]

السلام عليكم..
اخوك معي 2006
1- اهم شي ركب فرارات وحاول لاتسحب احد فيه بالذات السحب المفاجئ (لاتنتله).
2-المراتب العرض بالوكاله ب 10 الاف لكن الله يعينك على البحث بالتشاليح سائلن الوكاله قبل 3 اشهر عنهن.
3-كفرات وجنوط على ذوقك يوجد هلل وبرازيلي والا او زد والا حقت الفل كامل وكل هذا يرجع لذوقك واحتياجك.
4-تانكي الماء ممكن تفصله او تاخذ لك مستعمل من الموقع تلقى معروضات هنابقسم بيع السيارات ( اكسسوارات السيارات).
5- تانكي البنزين مالي خبره فيه.

[قلب الدين]

الله ينطيكم العافية ما قصرتوا..
لكن جنوط الهلل وجنوط الفتك ايهن افضل من جميع النواحي؟؟
ولا زالت مسألة المرتبة محيرة !!

[ابويعقوب4]

اخوي عندك الغرابي عطاي الله ادخل عند هم ورح لحق الكفرات فيه شركه لاتروح لليمنيه الهانكوك او اي شكره تصلح لك بنسبه لي اذا راعي بر جنوط هلل مقاس 16 وعليها بالون ماكسس بانسبه لي التوانك اذا تبي تانكي ماء عندي سعته 100 لتر يركب وده بس للحام ويضبطه لك وعندي لك لحام مضبوط في الصناعه حقت العاصمه ورشة حداده متخصص اما المراتب رح للغرابي حق المراتب شف السعر الي يناسبك اي استفسار حاضر

[قناصه]

الكفرات والجنوط انت واستخدامك والشكل اللي يعجبك الغرابي قريب

اما تانكي الماء والمرتبه العرض ابنصحك نصيحة اخوك اللي يغليك

السعر غالي بس عند نفعها ولا شي
الربع صغير ومايشيل تانكي ومرات وعزبه لذالك فصلت لي في القصيم عند ورشة تانكي ستيل ومرتبه خلفيه في نفس الوقت ولبسته عند حقين الاسفنج والبولستر وركبت عليه تلبيسة في الغرابي نفس لون الامامية وشكلهامقبول جدا بالنسبه لنفعها وراحتها من ضغط الاسفنج وكمية البولستر

يعني التانكي هو المرتبه علشان اوفر مساحه وكلفني 3200ريال

واسف للاطاله لكن منصح لك سلام

[قلب الدين]

الله يعطيكم العافيه جميعا

[قلب الدين]

لكن المرتبة انا ابغى لركب بالعرض حتى لو ماركبت توانكي

دلوني على حل الله يعافيكم للمرتبة,,,,,,

[مرجووج]

السلام عليكم .. يوجد مراتب عرض نظااف حيل حد ب 1500 هن موجودات بحايل اذا تبيهن هذا رقمي 0557798564

[هوايتي مكشات]

مشكورين ياجماعه على المعلومات انا عندي ربع باترول ومحتار مدري شسوي

[قلب الدين]

طيب هل تركب ولا ما تركب؟

[قلب الدين]

لا زال البحث عن مراتب

[التعـ King ـديل]

1-بالتشليح وترا تركب حقت الصالون الثالثه

2- بالون 900 + هلل تجاري مبرز

3-مالي خبره فيها

4-فرارات برازيليه سودا + قاعده جركل ورا

[قلب الدين]

يعطيكم العافية لكن وشو المحل اللي يركب لي المرتبة مزبوط

[قلب الدين]

لا زال البحث جاري عن مراتب

[مرجووج]

السلام عليكم ... وش قلت قلب الدين ما تبي المراتب ؟؟

[قلب الدين]

اذا تركيب زي 2009 ميه بالميه بتكايت راس وشكلها مثل 2009
توكلنا على الله

[مرجووج]

السلام عليكم .. ان شالله انها تركب مع التكايات... رقمي عندك اذا فتحت الموقع اتصل علي بانتضارك
عشان نتفاهم .