الله يرحم والديك اذا نزلت تبي غرض معين طفي الموتر واسحب المفتاح والا !!!!

[مفخرة فورد]

السلام عليكم ورحمة الله وبركاته
ياجماعة صدفة وأنا طالع من احد الوكالات ابحث عن موتر لقيت قدام الباب موتر شغال وفيها طفل الله يصلحه يحاول يعشق للقير وامه معه لكن ماهي يمّه مشغولة بالجواااااااال !!!!!
والله ياجماعة احترت ايش اسوي ,, ان رحت يمهم اخاف يساء بي الظن وان تركتهم اخاف اكسب اثم .. لكن من الله انتبهت الام اخيراً وسحبت الولد من حضن الدركسون !!
فيا جماعة الخير احرصوا على اطفاء السيارة وسحب المفاتيح معكم حتى لو ان شغلت الواحد ماتكمل دقيقة ..

وحتى لو أن الام منتبهة للاطفال .. يمكن يجي واحد ابن حرام ويشيل الجمل بما حمل والعياذ بالله ..

فالله العالم ايش يصير بهالثواني وقانا الله واياكم شر كل ذي شر .

الحرص ثم الحرص ثم الحرص
محبكم في الله

[العاذر]

كلام سليم ميه بالميه

[سبع البوادي]

جزاك الله خير

[فهد الميهوبي]

والله انك صااادق ياخوي فيه نااس مااعنده قلب اعذروني من الكلمه
يترك سيارته شغاله وينزل للبقااله
والله يااخواني اني لقيت سياره شغاله والباب مفتوح ونازل للبقاله وين عقله ذا يوم جا قلتله انت زي اللي يقول تعال اركب وروح قالي والله اني ناسي افكر بالاغراض اللي ابي اجيبها
تكفون يارجال اللي يبي ينزل لمحل لوو انه ثانيه طف موترك والله معك منت خسراان
مشكوووووووووووووور اخو مفخره فورد على التنبيه اللي اكثرنا متجااهلها وهي والله انها مصيبه الله يجرنا حنا ويااكم شر النااس

[ahmad963]

كلام سليم ، ولكن بالصيف والرطوبة العالية صعب انك تطفي الموتر اذا كان الأهل والأطفال بالموتر راح ينصهروووووووووووون وياخذون حمام سونا مجاني ... وش الحل


وبالنسبة لللأبواب ضرووووووووووووووووووووووري انها تقفل لأن اللي مايخافون الله واجد

[بن نقا]

كلام سليم ، ولكن بالصيف والرطوبة العالية صعب انك تطفي الموتر اذا كان الأهل والأطفال بالموتر راح ينصهروووووووووووون وياخذون حمام سونا مجاني ... وش الحل

كلام 100% بالحرارة وشلون أخلي العيال بالحر ؟؟؟ عن نفسي أخلي المعزبة تقفل الأبواب أوتماتيك ( وهذا أول شيء ألزمتها به من ثاني يوم من الزواج )... بالنسبة للعيال أخليهم بالمرتبة الخلفية ولا واحد يقرب عندي :d :d..

[سعود 101]

يعطيك العافيه على الموضوع والله يهديهم
وتقبل مروري

[abo_hoor]

الله يجزاك الله خير
والله كلامك صحيح ومفيد للكل ياليت والله كل شخص لايخلي سيارته شغاله وهو مو فيها
مافيها شي لو تطفي سيارتك وترد ثاني مره وتشغلها وتسلم من سرقتها
وفيه شغله ثانيه اشوفها بكثره وهي ان شخص يخلي اطفال داخل سياره وينزل وهذا خطراااااا جدااااااا
على حياتهم لو قام هالطفل بتحريك القير او ضغط على دواسة بنزين سوف يكون هناك بلاشك حادث


وتقبل تحيايي لك

[مخاوي الليل1]

السلام عليكم ورحمة الله وبركاته

يعطيك العافيه

وكلام 100%

تسلم يالغالي

[asdali]

كلام سليم ، ولكن بالصيف والرطوبة العالية صعب انك تطفي الموتر اذا كان الأهل والأطفال بالموتر راح ينصهروووووووووووون وياخذون حمام سونا مجاني ... وش الحل


وبالنسبة لللأبواب ضرووووووووووووووووووووووري انها تقفل لأن اللي مايخافون الله واجد

اخوي خلهم ينطقون بالحر ولا يصير لهم اللي صار لزميلنا بالعمل

المرة توها نفاس ومعها رضيعها بالسيارة وزوجها في الصيدلية .. ابن الحرام ما كذب خبر طب في السيارة وسار بها كيلو ثمن وقف بعد مشادة مع الحرمة ورمت نفسها مع طفلها بالشارع وربك ستر عليهم . والرجال طلع من الصيدلية بغى يفقد عقله , الحمدلله ربك ستر
عني اطفي الموتر وانسم الدرايش لو في عز الرطوبة والحر بس ما اتأخر اكثر من 3 الى 5 دقايق او اخليهم ينزلون معي .

الاذكار الشرعية مطلوبة والحرص واجب . شوية حر ورطوبة اهون من مصيبة العمر كله .
واللهم آمن روعاتنا واستر عوراتنا وجميع المسلمين .. آمين

[Hch]

بنسبه لي شخصين للنزلت من السياره معي الاهل اقولهم قفلو البيبان ويقلونها اذا نزلت واذا جيت اركب يفكون الباب لي وهي افضل طريقه اما اني اطفي المكيف وتركهم في الحر والله لاتذبحني مجانين انتم هههههههههههه

[ALBDRANE]

الله يستر التهاون حاصل

[زوم]

جزاك الله خير

[التعـ King ـديل]

كلامك صح وعندنا بذا الديره اعوذ بالله مايصدقون على الله يشوفون موتر يشتغل الا ويلقطونه حتى لو فيه حرمه ولا بزر

يازين الامارات والله اني مره كنت مع شباب ووقفنا عند محل ونزلنا على بالي راعي الموتر ناسيه يشتغل قلت له يافلان الموتر

ضحك وقال يابوي امن وامان وفعلا جربتها انا مره والله محد يقرب موترك لو فيه كيلو ذهب فوق الكبوت

[عاشق السيل]

تنبيه رائع بيض الله وجهك والله يستر على المسلمين ،،

وعلى الأقل اللي يبي يخلي سيارته تشتغل يقفل الأبواب ويحذر الأطفال من التواجد بمكان السواق هذا إذا كانت أمهم معهم أما الأطفال مايتركون لوحدهم مهما كانت الظروف !!!

[ابوصالح77]

بيض الله وجهك
والورعان مايخلون بالسيارة لوحدهم