لو ابشتري موتر , وشلون افحصه ؟؟

[اورنس الشمري]

السلام عليكم .

إن الله أحيانا - ناوي خلال شهر 11 أشتري لي جيب 2006 gx , لكن المشكلة عندي إني أبتاكد من ممشاه الحقيقي , والقير , والدفرنس , وأهم شيء الموتر هل هو مرشوش أو لا ؟؟

عندي خبرة بسيطة لكن تخبرون محتاج حلول علمية من أجهزة ووسائل تعينني على فحصه بشكل ممتاز .


وبالنسبة للمعارض وش المعرض الي يمتاز بالأمانة والنظافة للسيارات - في الرياض أو الشرقية

أتمنى إفادتي والله يجزاكم خير الجزاء

[بنز560]

رح لم البريدي

[ALBDRANE]

دور لك راعي بخص يشري لك

[التعـ King ـديل]

اذا لقيت الموتر اللي يناسبك

خذه للبريدي وخلهم يفحصونه لك بالمسمار

وبعدها عربن واستخر

والله يكتب لك اللي فيه الخير

بس حاول تشري هالايام على شهر 11 المواتر نار

[اورنس الشمري]

رح لم البريدي

مشكور وما قصرت




دور لك راعي بخص يشري لك

الي ما يشرب حفناته ما يروى , الي ما يسنع روحه ماحد مسنعه , وانا يوم نشدت أقصد إني ابستغني بفلوسي عن خلق الله , ومشكور ما قصرت




اذا لقيت الموتر اللي يناسبك

خذه للبريدي وخلهم يفحصونه لك بالمسمار

وبعدها عربن واستخر

والله يكتب لك اللي فيه الخير

بس حاول تشري هالايام على شهر 11 المواتر نار





مشكور يا ذيبان بيض الله وجهك , وتخبر الدراهم ما تجي إلا بهكا الشهر :d

[ابوصالح77]

ورشات الفحص اللي جنب المعارض

[سرطوقا]

الله يوفقك

[شاص المقناص]

محلات الفحص واحد كلهم نفس الجهاز جهاز فحص الرش موب دقيق من خلال تجربة مع كثير من الناس اذا كانت الرشه مضبوطه مايطلعه لا البريدي ولاغيره فمالك الا تشري من واحد تعرفه لو كان اقل موديل او اغلى قيمه

[اورنس الشمري]

بيض الله وجيهكم كلكم ..

بالنسبة للبوية بسيط أمره , لكن الي اعرفه عن المكينة ان الوكالة تقدر تطلع لك حجم كفاءة المكينة , فاذا لم تستهلك المكينة فاعرف ان ممشاه صحيح ولا غبار عليه , لكن يجيك شخص يقول الموتر ماشي 90000 ولما تفحص المكينة بلوكالة يتبين بالجهاز إن المكينة مستهلكة بشكل كبير

القير == ودنا بإضافات حول كيفية الفحص .