تجهيز الهلي

[هلي 1999]

السلام عليكم ورحمة الله وبركاته
يالربع انا معي هايلكس 99 وابي اركب فيه حاجتين
اول وحده والاهم مكينه ودي اركب مكينه 2005 وان كان يمديني اركب مكينه 2006 وما فوق بالله لاتبخلون علي وابغى افضل ورشه لتركيب المكاين وان كان مااقدر اركب مكينه ابي افهم مكينة موتري البواجي تهرب زيت فقط لاغير ان وضبتها عزمه يبى يخف والا هو كما هو لان مكينتي ماشاء الله عليها ماعليها خلاف هذا مطلبي الاول
اما الثاني توكلنا على الله
ابي تانكي بنزين اركبه بالصندوق لاني راعي كشتات ماهي صاحيه ولاودي كل شوي امسك طريق صحراوي وامسك الخط واورح المحطه عشان اعبي بنزين ودي اركب تانكي بنزين يتحمل فوق 100 لتر وابغى افضل شيء حديد والا الالمنيوم والا ماادري وش المهم انتم اخبر مني والله لايهينكم لاتبخلون علي
والسلام خير ختاااااااااااااااااااااااااااااااااااااااااااااااا ااااااااااااام

[أبوعمار]

اول شي انس انك تركب مكينة 2006 اما عن مكينة 2005 كل العالم ركبتها ولا صار شي بس اهم شي انك تلقا وحده نظيفه وعلشان التهريب الزيت تاكد من تركيب البواجي لان كان معي هلي 98 جلست معي خمس سنين ما طلبت شي والله الحمد بس تغير اشياء استهلاكيه مثل الفحمات والبواجي بس اذا بغيت اركب البواجي اجلس فوق راسهم
اما عن الشي الثاني كانت الهلي توصلني ماوصيل الله يعلم بها راحت وذكرها مخلد بقلبي ركبت لها تانكي بنزين 100 لتر حديد2مل لانه رخيص وعملي بنفس الوقت وماقصر جلس معي ثالث سنين وبعد مابعت موتري بعته لواحد معه هلي2002
وعلى فكره ذكرتني بالهلي الله يسترعليك
تقبل مروري

[عميد سامودة]

كثر النخبشه في السياره ما منه مصلوح لا لك ولا لسيارتك

[السروي نت]

وش النخبشه
استغفر الله العظيم واتوب اليه

[الفيصل2009]

وش النخبشه
استغفر الله العظيم واتوب اليه

الرجال يقصد الترهيم غلى السيارة مو زين هذي وجهت نظرة

وأنت الله يرزقك المكينة الي تسر خاطرك

[ذياب العتيبي]

لاتنخبش بالسياره هههههههههههههه

[عتب]

اشتر جديد وريح عمرك

تحياتي

[أبوعمار]

الرجال عنده استفسار بس لاغير ليش كذا هاذي حريه شخصيه الله يستر عليك

[MjNo0oN]

اخوي اسعار المكاين على ما اذكر يوصل لل9000 ريال ومع الرجيع حول ال5000 ريال او 4000 ريال ويمكن اعلى لان مكينة موترك كلبليتر ومايرغبونها واجد

نصيحه بع موترك وزود عليه شوي من جيبك وخذلك اجد منه او طلع لك اجد منه 2002 او 2003 اواحد وكاله وابرك واضمن وافضل وترا قيمته جديد للغماره 58 اخر خبري به و الغمارتين سياحي 67 او 65 حولها

[هلي 1999]

يالربع انتم مافهمتوووني انا معي شاص 2010 ولله الحمد ماعلي خلاف لكن الموتر هذا له سوالف وله فزعات واول موتر سقته هو والله لو يبوونه بمليووون ماابيعه << اي هين
المهم اللي يقول لاتخربش انا ابى اخربش مندوووب الموتر ابى اخلي الموتر مخربووش لين يقول بس
لكن وش تنصحوني بس مكينه والا اوضب وهل التوضيب يطرح من عزم الموتر علما ان المكينه ماعليها خلاف الى الحين تمشي وتفحط بالثالث بعد والموتر صاحي بس اني يوم جيت اغير بواجي قال لي الكهربائي البواجي عندك تزيت قلت وش يبي لها قال توضيب وانا التوضيب ماعمري جربته والكهربائي رفيقنا وجارنا وماعليه قصور ولا خلاف وكهربائي صح بعد وانا ماابي احد يجي يقول اشتر واشتر ابي العلم اللي انا طرحته والله لايهينكم وبيض الله وجيهكم ياللي رديتوووو ...
والسلام خير ختام

[رفيع المقآم]

هلا بك يالغالي
ترى التوظيب يزيد من عزم المكينه ماينقص
لانك تخرط الراس يالغالي

[هلي 1999]

بيض الله وجهك يامنوتي وان شاء الله ربي يرزقك بالشاص اللي تبيه
بس الحين المكينه واسحبو عليها
تانكي البنزين امس قعدت بالمجلس واطرح لهم هالموضوع واحد قام يتفلسف يقول طول الصندوق وواحد عرض الصندوق وواحد خربها قال حط استبنة سيارتك بالصندوق وركب التانكي محل الاستبنه وركب بلية ماادري وشهي عشان لامن خلص البنزين من التانكي تضغط زر ويحول على التانكي الثاني يعني مثل الشاص ,!!!!!
وانتم وش تنصحوني فيه وان بغيت اركب اهم شيء حديد والا غيره واحد يقول الحديد يحتر ( يسخن ) ولاسمح الله بوووووووووووووووووووم والله يكفينا الشر
وبالله الاجابه الله لايهينكم