.. صوره تنتظر ..

[ع.ف.الدرويش]

السلام عليكم ورحمة الله وبركاته
.
.
.
قبل فترة اتفقت مع واحد من اخواني اطلع واياه طلعه خفيفة لطيفة ونبعد فيها شوي عن جو الرياض وحوسته
وما يخفى عنكم الغرض من ذلك.. فاتفقنا على ان الطلعة بتكون في صباح الخميس.. عاد مشينا الين وصلنا مكان حليل بالحيل.. ومعزول عن المخاليق.. لكنها وبصدق احتاست شوي.. وامتنع عن ذكر الاسباب.. المهم.. وانحن هناك زارنا زائر واترك لكم الصور.. بإنتظار تعليقاتكم.. والعذر والسموحة على كبر الحجم..
http://www.zorpia.com/cgi/photoaction.cgi?action=original&photo=4630768.e35a87
ودمتم بود..
عبدالرحمـــن
.
.
.
ملاحظة.. الكاميرا خربت بعد هالطلعه..:D

[جلوبلستار]

وعليكم السلام ورحمة الله وبركاته
التعليق ... البعير : القهوه زاهبه والا ارجع بعد شوي .

صور رائعة ومعبرة اخوي الدرويش .. وياليت لو عندك المزيد تعطينا ..
حجم الصورة كبير 8 ميقا .. اذا تسمحلي اصغرها واكتب اسمك والمنتدى عليها عشان ما تسرق وتنسب لغيرك ..وآسف على اللقافة .


http://www.mekshat.com/pix/upload/images9/mk2354_1111.jpg




http://www.mekshat.com/pix/upload/images9/mk2354_222.jpg



http://www.mekshat.com/pix/upload/images9/mk2354_33333.jpg

[ع.ف.الدرويش]

السلام عليكم ورحمة الله وبركاته

جلوبلستار.. صبحك الله بالخير
بداية.. شكـــراً لك على الحضور التعليق.. و صدقني تعليقك حلو لكن المشكلة ليتها وقفت على القهوة وهل هي زاهبــة أو لا حصــل ذاك اليوم هجوم ودي من قبل 3 وبالطبع كلهم زوار.. وكله علشـــان المــاء (( الله يلطف بحالنا )):p
يلي البداية شكــراً لك على تعديـــل الصور وإضافــة الإسم.. فالحجم الآن أفضـــل بواجد
.
.
كل الشكر لك ودمت بخير
عبدالرحمـــن..;)

[عشق الفيافي]

يعطيك العافية اخووي الدرويش على الصورة ولا تحرمنا من جديدك تقبل تحياتي عشق الفيافي

[محافظ وطي]

اقول هالبكره متحضره اكيييييييييد .... شافت هالنواشف في البر قالت ... ما بدهاش عزومه!!!
وشكلها تبي تطب عليك بس شايفتن هاللي يصور وخايفة من فزعته
بس شكلك "ثقل" كنك ما تدري عنها!!؟
فائده : هذي من الابل اللي معودينها اهلها كل ما جوها يجيبون معهم اكل لها إما خبر او علف او غيره .. وتعودت ....
شكرا اخوي

[رسلان]

عافاك الله أخي ...
صور جميلة .. تسلم يمناك ...
ويعوضك الله :)

[ظلال الشمس]

الله يعطيك العافية

[((( الحر)))]

اخي ع.ف.الدرويش

بارك الله فيك صور ولقطات مميزه

وننتظر منك الجديد

تحيتي...اخوك...((( الحر)))...!!!

[الوسم]

بارك الله فيك يا ع ف الدرويش
ومشكور على المقال المصور

[صالح المطيري]

اجل خربت الكاميرة بعد الطلعة يا الدرويش :eek: .. شكلك خايف عليها من الحسد صح ؟:D :D ..
بس بصراحة معك حق لأن تصوير الكاميرة قمة (ما شاء الله تبارك الله :rolleyes: ) ممكن تفاصيل عن نوع الكاميرة للإستفادة؟ .
ملاحظة : احد يطلع البر بالنهار في صيف الرياض ؟ :confused: .

[ع.ف.الدرويش]

السلام عليكم ورحمة الله وبركاته

صبحكم الله بالخيـــر جميعاً..
عشق الفيافي - رسلان - ظلال الشمس - الحر - الوسم ==>> شكراً لكم على حسن الحضور وعلى تسجيـــل الرد.. وبارك الله فيكـــــم.. :)

محـــافظ وطي ==>> بالنســـبة للنواشف فهي قلطت والله بشنطـة كان بهـا الخبز وحاست بها شوي لكن الوضع كان وناسة.. وانحن جلسنـــا نضحك عليها.. وبالنســــبة للشخص الثقل فهو أخوي كان وضعه تمام إلين درى عنهــــا أما أنا فكنت بعيد شوي أصور :j .. :Dوشكراً لك على الحضور والرد

صالح المطيري ==>> :D بجد الكاميرا خربت خراب شنيع بدلالة ان بعض الصور الاخيرة كانت أطرافها كأنهــا محروقة.. أما الكاميرا فهي قديـــمة جداً كانت مع الوالد سابقاً وكان محافظـــاً عليها لكن وصلت لي واحرقتها يـــا لسخرية القدر:D وتعليقاً على طلعة النهــار فقد كانت بالشتــــاء وكان البرد في ذلك الصباح قارس جداً.. أخي سآتيك بإذن الله بنوعها.. فانتظرني.. وشكراً لك على الحضور والرد

بارك الله فيكم جميعاً

ودمتم أبداً بخير.. أبداً بخير

أخوكم عبدالرحمن ;)

[مغباش]

الاخ ع.ف.الدرويش

شكرا لاشراكنا بهذه الطلعة السفري الجميلة
وخذ بالك مرة ثانية ترى ان عطيتهم وجه راح يتجمعون كلهم ويتحكحكون (ياله كتبتها حاشتني كحة ) ويكسرون مراية السيارة .. لكن جمعتهم تسعد وتستاهل الي يتحملهم

[ع.ف.الدرويش]

[align=center]لكن جمعتهم تسعد وتستاهل الي يتحملهم

السلام عليكم ورحمة الله وبركاته

الأخ الكريم// مغباش
صحة.. صحة ===> تعليق ع الكحة;)
يا هلا والله وغلا:)
أسعدني حضورك وتعليقك على موضوعي المتواضع
وصدقت.. جمعتهم تسعد وتستاهل والبال والله طويل:D
.
.
شُكراً لك
وبارك الله فيك

ابو فهــد..

[ع.ف.الدرويش]

ممكن تفاصيل عن نوع الكاميرة للإستفادة؟ .

السلام عليكم ورحمة الله وبركاته

;) أخيراً عرفت نوعهـا لكن اسم الموديـــل ما فيه هي الله يسلمك من شركة Cannon اعتقد كذا..

ترا الكاميرا ممسحة ومنتهية فما عرفت الا الاسم حتى يمكن كتبته غلط.. لو تبي اعصرها ترا عادي وانا بالخدمة :D

ودمت بخير..

ابو فهــد

[الوهاج]

ع.ف.الدرويش
السلام عليكم ورحمة الله وبركاته ،،،
والله ما شاء الله الصور صايرة حجم عائلي

الصورة الاولى:
الناقة تقول يالله صورني انا وخل الي جالس لايطلع وجهه في الصورة علشان مايعرفه احد

الصورة الثانية:
الناقة تقول: لوسمحت عطني الجهاز ابراسل اشوف وين باقي الشباب

الصورة الثالثة:
الناقة تقول: ليش قالبين الابريق شكلكم ماتبون تضيفوني
وتقبل تحياتي ،،، اخوك الوهاج ،،،