تركيب السبير على الباب للجيب gx

[الجبخان]

السلام عليكم ورحمه الله وبركاته
السالفه ومافيها عندي جيب gx وأبي أركب له تانكي تحت وأبي أرفع السبير
على البيبان وأشتريت القاعده اللي على البيبان ولكن مالقيت أحد يركبه ويضمنه
كلهم يقولون راح يتكسر الباب من القاعده ،وسمعت فيه ورشه تضبطه وتضمنه بالقصيم
اللي يعرف أسم الورشه او وصفه لايبخل علينا جزاه الله الف الف خير

[على رمشي تمشي]

وعليكم السلام - كانك بالرياض شف مركز سوافي
رقمهم2418838

[falcon449]

اخوي تريد تركب تانكي بترول مكان السبير _ من وين اقدر احصل تانكي بترول كبير

[ولد وايل..]

الخلفية اللي عندك خلفية لكزس ..؟

ولا خلفية علاق عادي ..؟؟

وضح..

[ابو ســــاره]

ركب الكفر داخل السيارة مثل الشيروكي انا كنت مسويها على لاندكروزرو والكفر صغيرسلق وجنط هلل ما تاخذ مساحة

[راع الطيب]

السلام عليكم ورحمة الله وبركاته
اخوي ترا تخرب عليك البودي وغيرها تنخلع مهما ركبت من صاجات
الا اذا كان بزاوية الجيب سلم جاااااي من بلده تفكه وتركب القاعده محله
والباقي سهل الدعوه عند الاساس هل موجود فتحات ولو للسلم
لان فيه واحد من الربع ركبها ولعبت فيه كل بعد فتره يروح ويلحم ويصلح
وسوو صاجات من داخل لاكن مافيه فايده وانا نقلة معانات خوينا لك
خوفا ان يصير نفس الموقف معك
وتقبل مروري
اخوك :سليمان العتيبي

[الجبخان]

الله يعطيكم العافيه ياشباب
الموتر عندي gx سلق الخلفيه بيبان والسبير تحت أبي أرفع الاسبير بقاعده على البيبان ورحت أمس
للتشليح وشريت قاعده سبير علاق كامله والموتر بزاويته سلم وأبي ورشه تضبط التركيب ويضمن شغله
بالقصيم وهذا المطلوب فقط ورشه يرهمون القاعده العلاق
وجزاكم الف خير

[ابوصالح77]

السلام عليكم ورحمه الله وبركاته
السالفه ومافيها عندي جيب gx وأبي أركب له تانكي تحت وأبي أرفع السبير
على البيبان وأشتريت القاعده اللي على البيبان ولكن مالقيت أحد يركبه ويضمنه
كلهم يقولون راح يتكسر الباب من القاعده ،وسمعت فيه ورشه تضبطه وتضمنه بالقصيم
اللي يعرف أسم الورشه او وصفه لايبخل علينا جزاه الله الف الف خير

تبي شوري كانه تانكي ماء لاتحطه أنا معي سبير علاق ومع ذلك حاطه داخل الشنطة عشان يكون مرتفع ، وكذلك الكفر يتعبك إفتح سكر، وغالباً ما ينجح لأنه مكان قاعدة السبير مدبل على قولهم ،

ركب الكفر داخل السيارة مثل الشيروكي انا كنت مسويها على لاندكروزرو والكفر صغيرسلق وجنط هلل ما تاخذ مساحة
وكلام ابو سارة على متمه ، صغر الكفر سواء ركبته فوق أو تحت
بالتوفيق

[ابوصالح77]

الله يعطيكم العافيه ياشباب
الموتر عندي gx سلق الخلفيه بيبان والسبير تحت أبي أرفع الاسبير بقاعده على البيبان ورحت أمس
للتشليح وشريت قاعده سبير علاق كامله والموتر بزاويته سلم وأبي ورشه تضبط التركيب ويضمن شغله
بالقصيم وهذا المطلوب فقط ورشه يرهمون القاعده العلاق
وجزاكم الف خير
الله ييسر أمرك
لكن يذكرون ورشة بتشاليح بريدة بهوان أو حولها ما تأكدت
بالتوفيق

[الجبخان]

أبو صالح الله يجزاك خير ويرحم ثنين خلفوك
ماقصرت يالغالي لكن هل هي بهوان اللي بتشليح يضبط شغله
وهل معروف بالتركيب والشغله هذي متقنه وهل تعرف أحد ركب عنده
واسف على الاطاله وبيض الله وجهك
مشكور

[الجبخان]

فالكون
ولد وايل
ابو ساره
راعي الطيب
بيض الله وجيهكم وماقصرتوا الله يعطيكم العافيه

[MaRBooSh]

الصراحه اني سمعت عن يمني في عنك
يقولووون يضبط الشغله صدز
قابلت واحد مركبه عنده يقول لا قرقعة ولا شي

[قناص*07]

اذا السلم بالجهه اليمنى ان شاء الله بتجي ولا بد من شوية مشاكل كـ اصوت وقرقعه وززقه
بس اذا كان يسار خلف السواق فإنحش ولا تركبها نصيحه

[ابوصالح77]

أبو صالح الله يجزاك خير ويرحم ثنين خلفوك
ماقصرت يالغالي لكن هل هي بهوان اللي بتشليح يضبط شغله
وهل معروف بالتركيب والشغله هذي متقنه وهل تعرف أحد ركب عنده
واسف على الاطاله وبيض الله وجهك
مشكور
لا والله ما أدري عن شغله
لكن كدت شفت لكزس محول حوض وقال الربع : هذا شغل ورشة بتشليح بريدة
وقرأت عنها رد يمدح في إحدى المنتديات .
بالتوفيق

[الجبخان]

الله يعطيكم العافيه ياشباب وبيض الله وجيهكم
ماقصرتوا وفيتوا وكفيتوا

[sameer_1798]

اعتقد لو تغير البيبان اللي عندك افضل بدلها بابواب اسبير علاق

[صاحب الذود]

اخوى1798 sameer
صادق وانا انصحك مثل نصيحت اخوى

[ابوعقل]

انت معقد السالفه

ليش ما خليت التشليح يركبها لك

بس الحين مالك الا تروح لورشة سمكره

وتخليهم يركبونه لك

ولازم تخريم للباب

والله يوفقك ان شاء الله

[ABUAZIZ]

أخوي ليه ما تشري البيبان الخلفية كاملة مع الاستبنه وتعطيه بيبانك رجيع صح أغلى لكن شغل وكاله

وتقدر بعد تخلي الخلفيه شنطه(فوق وتحت) واستبه علاق

فيه واحد من الشباب مسويها بموتره ومرتاح معها