ساهر وهدفه المادي البحت

[فارس العيون]

صبحكم الله بالخير ../ مساكم الله بالخير...

كل عام وانتم بخير

الحين يقولون ان ساهر هدفه ليس مادي ومن هالخربطة...
ان هدفه حماية المواطنين والطقطقه الخفيفه على الشعب ..

تلقى الواحد مسيكين راتبه 3500 ريال...

منها 800 ريال اقصاد موتر ...
1800 ريال يجمع ايجار الشقه
يبقى 900 ريال...
850 مخالفات ساهر ويبقى له المسيكن 50 ريال مايدري هو يتعشى ولايتغدى ولايجدع هدومه عند المغسلة ...

انا عندي اقتراح

وهو ..

انه الواحد لاجاء يسدد مخالفات اللي عليه يصير فيه منهاريع خيري للجمعيات الخيرية ...
لكن يصير مثلا 60 او 80 بالمية.. من مبلغ المخالفة للحمعيات ...

طبعا هو قلل من نسبة المطافيق بالدائري والسرعه خفف منها

وانا ماحطيت الموضوع الا بحكم ان فيه ناس من المرور والدوائر الثانية تدخل على المنتدى وماتاخذ الا مصلحتها..

نتمنى نشوف ارائكم

[ابو صاالح]

رأيي الشخصي نظام فاشل جدا ، وأكل اللي ورانا ودوننا ،، ما فيه تحذيرات بالطرق ، تنتقل من شارع لشارع لا تعلم كم السرعه فيه ، وتعتقد انك ماشي تمام ، تجيك مخالفتين على الطاير ،، والمشكله اللي أكله العاقل ،، والشباب اللي ما همهم ، يفك اللوحه ولا يغطيه ولا عليه من احد ،، الله يجيرنا بس

[فارس العيون]

منور اببو صالح ..

واكيد 100 بالب100 انه فيه اخطاء

واصلا طريقته ووضعه كله غلط...

هو افادنا من المطافيق واجد ..

لكن عيني عينك مااااااادي

[ابونافع]

النظام ساهر على مخباتك والباقي عند باب المسجد او الجمعيات الخيرية
اطر الناس على ساهر
في المستقبل القريب يتبين الحق من الباطل ......

[قطب 999]

ما لكم الا تقلبون اللوحات او تشيلونها واذا اكثر الناس شالتها سوف يفشل النظام
صار لي زرقه للرياض قبل رمضان واشوف الشباب شايلين اللوحات الاماميه
قسيمة اللوحه لازم احد من المرور يوقفك بس ساهر يصفق علباك وانت غافل

[ابومشخص]

وين هل الرياض من اول سباق على الدائري اللي ينطل واللي يسقط واللي يجرب حد ممشا موتره
الحين ركووووووووووووووووووووود

حتى اللي يدخل البلد ياخذ فكرة طيبة عن اهله

[fof6666]

الله يعطيك العافبة

[ستة خليجي]

وين هل الرياض من اول سباق على الدائري اللي ينطل واللي يسقط واللي يجرب حد ممشا موتره
الحين ركووووووووووووووووووووود

حتى اللي يدخل البلد ياخذ فكرة طيبة عن اهله

قصدك أنه بالغلط ياخذ فكرة طيبة؟؟ :d

[وشــــام]

نضام فاشل ...

انا اذا رحت للرياض اعرف مواقع الكمرات فما اسرع اذا قربت منه واهل الرياض ادرى بكمراتهم هههههه.

[ولد الديره 2]

نظام فاشل جدا
والله لعب في ميزانيتي














.

[_دربيل_999]

اخي الكريم..أولاً لك الشكر على هذا الطرح الرائع..

ونظام ساهر أصلاً من طريقة تدشينه يدل على أنه سرقة يحميها قانون..!
فجأة الناس تتسائل..ياناس فيه شيء يقدح زي الفلاش قي الشارع الفلاني..والفلاني..وعلى طرق تحت الإنشاء لايوجد عليها لوحات لتحديد السرعة التي يحبها السيد ساهر جعلها تفضخ عيونه..
فجأة دشن وبلا سابق إنذار سرق ساهر أموال المواطنين..
كان في السابق تقوم الجهة المسؤلة عن تدشين أي نظام جديد تقوم بعمل توعية للمواطنين حتى تبرأ ذمتهم..أما الآن لم تعد هناك ذمم لتبرأ..

وفقنا الله وإياكم لما يحب ويرضى..

الروقي

[وشــــام]

كلمة حق :

اخي الروقي قبل عمل ساهر كان هناك اعلانات بالشوارع و الجوالات و الصحف اذا لم تطلع عليها فهذه مشكلتك لكن النقاش الذي نتفق عليه انه عديم الفائدة ولم يحد من السرعة و التهور فبمجرد انك تعرف موقع الكمرة تشاهد السيارات امامك تسير بسرعه نظامية وبعد تجاوزها تبداء السرعة الجنونية ..

اسف على الاطالة لكن الحل هو الوعي وليس سلب الاموال فيوجد سفهاء لا تقدر المال ولا يتعضون ويوجد فقراء وذوي دخل محدود والله المستعان .

تحياتي للجميع ماعدا سااااااااااااااااهر.

[عبدالله الموسي]

اللي يحترم النظام لن يضرة ساهر او غيرهـ

اما المستهترين مالهم الا ساهر

يعني بالعربي ما تخالف ماتجيك مخالفات

تمشي على مزاجك وهواك تبي تفقد راتبك من المخالفات


الى متى ونحن نتظلم من ساهر

[_دربيل_999]

كلمة حق :





اخي الروقي قبل عمل ساهر كان هناك اعلانات بالشوارع و الجوالات و الصحف اذا لم تطلع عليها فهذه مشكلتك لكن النقاش الذي نتفق عليه انه عديم الفائدة ولم يحد من السرعة و التهور فبمجرد انك تعرف موقع الكمرة تشاهد السيارات امامك تسير بسرعه نظامية وبعد تجاوزها تبداء السرعة الجنونية ..


اسف على الاطالة لكن الحل هو الوعي وليس سلب الاموال فيوجد سفهاء لا تقدر المال ولا يتعضون ويوجد فقراء وذوي دخل محدود والله المستعان .


تحياتي للجميع ماعدا سااااااااااااااااهر.





هلا فيك اخوي..

بقولك بكل صراحة..اعلانات الجوال ماوصلنا شيء..
أما الصحف فتقريباً منذ 4 سنوات لم أدفع ريالاً واحداً لصحيفة بسبب تشرذمها وبياخة أخبارها..


وأعيد وأكرر نظام ساهر دشن في الخفاء حتى وإن قمت بالتبرير لسارق لايهم..سيظل السارق سارق..وأنت ربما قد سُرِقت من ساهر...


وفقك الله..


الروقي

[دل البحار]

المفروض ان يكون هنالك قسم خاص او برامج مخصصه لافراد المرور بالمملكه ويكون اعضائها من الاخوان الدعاه وفقنا الله وأياهم هدف البرامج اقامة محاضرات لافراد وضباط المرور تبين لهم الحلال والحرام في مشروعية عملهم وما يرتكبونه بحق المواطن من تغاضي عن شخص لهم نفس الخطاء امام رجل المرور فيعطي مخالفه لشخص ولاخر يتركه في حال سبيله لماذا لا يعاقبون جميعا او يتركون اما ان يترك شخص ويجازي اخر لان الاول لبق في الاسلوب والكلام او له معرفه بضابط او لزوم خدمه معينه قد يكون رجل المرور عارف بخطأه ولكن متهاون في ذنبه ولو ذكر من قبل اهل العلم لتذكر قوله تعالى( وذكر فأن الذكرى تنفع المؤمنين)

[swead]

سبحان الله .. حنا نعيش في زمن الأسكافي ..

بس عمر الظلم ما بيدوم ..

[نورس2]

المستعان بالله
حنا عارفين ندافع عن مين ولا مين
تأكد أخي العزيز نظام ساهر كغيره ولو لغوا نظام ساهر بتطلع أشياء بمسميات ثانية ولكن بنفس الهدف

الكل ينهش فينا .. والضرب في الميت حررررااااااااااااااااام

[عاشق مكشات]

اللي يحترم النظام لن يضرة ساهر او غيرهـ

اما المستهترين مالهم الا ساهر

يعني بالعربي ما تخالف ماتجيك مخالفات

تمشي على مزاجك وهواك تبي تفقد راتبك من المخالفات


الى متى ونحن نتظلم من ساهر
:good2::good2::good2::good2:

[فارس العيون]

مشكورين على الردود وتنوير الصفحه

حنا مانتكلم عن ايجابياته واي واحد يقلل من اهمية النظام ع احترامي الشديد مايدري وي ربي حاطه ..

لكن نتكلم .. عن طريقة وضعه بيوم وليله...

المفروض على الأقل حملة توعوية لمدة لاتقل عن 9 شهور....

وطريقة تحديد السرعات غلط 100 بال100 .. ولا من دائري الى مخرج من 120 الى 40 ...؟

وطريقة الحد الاعلى والحد الادنى ...

وطريقة انك اذا اسرعت اكثر من 25 المخالفه غير...

المفروض تصير انه اول كم شهر من التطبيق سرعه ثابته ثم يبدا التدرج...
واللي تابع التقرير اليومي لأبو شراره ايام الدوامات الصبح .. كل الاسئلة تتركز على الشي ذا لناس ماتدري وش..؟

حياكم

[راكان الظاهري]

اخي الكريم..أولاً لك الشكر على هذا الطرح الرائع..



ونظام ساهر أصلاً من طريقة تدشينه يدل على أنه سرقة يحميها قانون..!
فجأة الناس تتسائل..ياناس فيه شيء يقدح زي الفلاش قي الشارع الفلاني..والفلاني..وعلى طرق تحت الإنشاء لايوجد عليها لوحات لتحديد السرعة التي يحبها السيد ساهر جعلها تفضخ عيونه..
فجأة دشن وبلا سابق إنذار سرق ساهر أموال المواطنين..
كان في السابق تقوم الجهة المسؤلة عن تدشين أي نظام جديد تقوم بعمل توعية للمواطنين حتى تبرأ ذمتهم..أما الآن لم تعد هناك ذمم لتبرأ..


وفقنا الله وإياكم لما يحب ويرضى..



الروقي

ما ازيد على كلام اخوي الروقي
:good2::good2::good2::good2::good2::good2::good2:: good2::good2::good2::good2::good2:

[ابو العز بلس]

ما اقول الا حسبي الله ونعم الوكيل

الله ينتقم منهم شر انتقام

[قناص*07]

اجل 8 مليار من وين يبون يجبونها
الا من ظهورا

حسبنا الله ونعم الوكيل في كل من ساهم فيه

[الدبل الثقيل]

الله يكافيهم بمايستحقون ...

أول شي لازم وزارة المواصلات تنشيء طرق بتخطيط علمي وتوجد نقل عام باصات بسعر رمزي او هذاك اللي مثل القطار يكون في المدن المزدحمه مثل جدة والرياض والبلديات ماتعطي تصاريح لأي مبنى سواء بيت او سوق او بنك اومطعم الا وعنده مواقف كافيه وزيادة لأن اللي يسبب الزحمه هذي.... شوف مثلا مطعم البيك عندنا في جدة.. شوف الزحمه اللي مسببها وتراكم السيارات في الشارع وتزاحمها وهذا يؤثر على الشارع كله مداخله ومخارجه
والمرور يطبق النظام بصرامه خصوصا على قطع الاشاره والسرعه الجنونيه والتفحيط ويتغاضى عن المخالفات البسيطه اللي مايستطيع الواحد يتلافاها في ظل هذه الظروف وسوء تخطيط المدن وعدم تعاون الجهات الحكومية مع بعضها والفساد في كثير من المسؤلين
بعد ذلك طبق هذا النظام تدريجيا وبدون مضاعفة المخالفه
اما تطبق هذا النظام واصلا ماسويت علاج للمشكله من اصلها... فهذا ظلم.. وقت طويل تحتاجه لمشوارك ثم لاتجد مواقف وخصوصا الدوائر الحكوميه وتخطيط الشوارع عبث ومافي نقل عام ولا في تخطيط للأسواق والمطاعم والدوائر الحكوميه بحيث تكون موزعه بطريقه جيده على شمال المدينه وجنوبها وشرقها وغربها

بعد ذلك تقول لاتخالفون .. بعض المخالفات ماتقدر تسلم منها
اما مخالفات السرعه الجنونيه وقطع الاشاره انا مع ايقاع اقسى العقوبات بمرتكبيها
ما اقول الا الله يكافيهم بمايستحقون

[سفاري959]

اللي يحترم النظام لن يضرة ساهر او غيرهـ

اما المستهترين مالهم الا ساهر

يعني بالعربي ما تخالف ماتجيك مخالفات

تمشي على مزاجك وهواك تبي تفقد راتبك من المخالفات


الى متى ونحن نتظلم من ساهر

والله اذا الله اراد ان يلزخونك بالقسايم الين تنهبل تذكر انه ظلم واكل اموال الناس بالباطل وتدبيل المخالفه يعتبر ربا والراضي كالفاعل وانت وذمتك

[الحرالاشقر]

انا مع الاخوان مفروض يكون فيه توعيه

ثانيا انا مع ساهر وبصراحه ريحنا من الشباب المتهورين اللي قالبين الشوارع حلبات سباق

لكن انا ضد تدبيل المخالفات
لو الانسان عنده ظرف وتاخر بالتسديد
تدبل مثل الربا!!!

[غالي]

ابشركم حتى دكاترة جامعات معارضين نظام ساهر وكذلك المشايخ في تدبيل القسايم

لكن نرجع ونقول الله يرحمك يالعويضه الي كنت عاز شوارعنا من هالحفريات والمطانيج

انشهد ان شركتك كانت عازه الديره وتشتغلون بضمير :(

[عاشقfj40]

اللي يحترم النظام لن يضرة ساهر او غيرهـ

اما المستهترين مالهم الا ساهر

يعني بالعربي ما تخالف ماتجيك مخالفات

تمشي على مزاجك وهواك تبي تفقد راتبك من المخالفات


الى متى ونحن نتظلم من ساهر

اخوي حنا نحترم النظام وعلى الراس

لكن لماذا لا يعمل توعيه للناس ؟؟؟
اقل شي لوحات ارشاديه للسرعات في مداخل المدن والطرق السريعه والسرعه المسموح بها
والله ياخوي قبل يومين جتني رساله على الجوال بقيمه500 ريال
قلت يمكن واحد من الشباب يمزح معي وفعلا اتاكد الا هيه صح
طيب ليش 500 ريال ؟؟؟ وانت عارف هالايام غلا المعيشه وشايف الاسعار طايره
انا ماعندي ادفع ويش الحل واخر الشهر تتدبل ليش ؟؟
ولعلمك انا طالع من جده رايح مكه وابي عمره ومعي اولادي ومش مسرع
ومالقيت لوحة تبين السرعه بالطريق كيف جت هالقسيمه مدري
ابي اعرف السرعات المسموح بها
داخل المدن وخارجها ؟؟؟؟؟؟
ولهم الحق اذا انا عرفت السرعه ولم احترم النظام مو 500 يخلوها 1000 ريال

ما اقول الا حسبي الله ونعم الوكيل

[التعـ King ـديل]

اللي يقول انه صح بعطيكم بعض الامثله

شارع المدينه بالبديعه السرعه 70 وبعدها بمسافه تجيك لوحه السرعه 50 ساهر خلفها مباشره يعني مخالف

طريق الملك عبدالله السرعه 70 واذا مشيت 71 مخالف واذا مشيت 55 مخالف

بعض الشوارع فيها سيارات تمويه على انها ساهر وتلاقي ساهر بسياره قبلها

وبعض الشوارع تلاقي اربع سيارات ساهر 2 تمويه و2 فيها كاميرا والمخالفه دبل

هاه لحد الان فيه احد يقول ان اداره المرور خايفه علينا

مااقول الا حسبي الله ونعم الوكيل ماراح تنفعه نجومه بن مقبل يوم يتقلقل بنار جهنم على اللي سواه بالضعوف