سؤال لأهل الخبرة بالجيوب

[القشيع]

سؤال لأهل الخبرة بالجيوب ، نويت أشري جيب gxr قير تماتيك وأنا راعي طلعات للبروراعي مكاشيت وأن حصل الصيد ما قلنا لا لكن الشباب خوفون من التماتيك بالبر وأنه مايتحمل ، وأشاروا علي أشتري gxمطور مكيف خلفي ، مع العلم إن عندي عائلة ورحت للمعارض بالقصيم وتشتت الذهن بين المواصفات اللي يقول خذ من السعودية واللي يقول من الخليج المواصفات أحسن
المطلوب من الإخوان - جزاهم الله خيراً - رأيهم بالمناسب للعائلة ولطلعات البر وتحديد المواصفات بدقة

[القشيع]

ردوا على سؤالي تراي مستعجل وأبي شوركم

[ماجد الشمري]

اخوي القشيع ...
اذا هو جي اكس فممكن تاخذ اوتوماتيك لأني سمعت كثير ان جير الفي اكس مهوب زين ...
ولاتاخذ المطور ولابريال لأنه يتفكك بسرعة .. ( اذا كان قصدك المطور هو J ) ...






اخوكم ماجد الشمري

[القشيع]

السلام عليكم ورحمة الله وبركاته

عضو جديد يناشدكم المشورة والرد السريع

[القشيع]

السلام عليكم ورحمة الله وبركاته :
وش دعوى ياأخوان 75 زيارة ولااحد رد علي يا اخوان الاتريدون دعوة صالحة بظهر الغيب

[salehhd]

السلام عليكم

بالنسبة للقير الاوتو في البر تراه قوي وماعلية كلام في التطعيس لاكن لاعرزت يبيله شوي مداراه

الاتو في التطعيس اريح وما تحتاج تبدل نمر ولا شي القيور الاتماتك تطورت كثير والدليل ان 99 % من الجيوب الامريكية قير اوتو وكذلك اغلب الجيوب اليابانية الجديديه

ليش ما تاخذ سفاري الغير يجي اتماتك وعادي في وقت واجد ومعروف في البر عزم وقوه حق عايلة ممتاز

وهذا اللنك ممكن يفيدك اكثر
http://www.assayyarat.com/forums/showthread.php?t=63401

واخيراً اذكرك بالاستخارة ترى ما خاب من استخار

بالتوفيق

[أبو زايد]

بالنسبة ل gxr التوماتيك ممتاز أستعمال ديره وبر ومريح مقارنه بالعادي ولكن التماتيك ما يخدم ألا نفسه
يعني إن سحبت غيرك ظريت موترك لان القير التوماتيك ما يتحمل السحب

[داب الرمث]

اخوي نصيحة خذ gxr خليجي قير عادي مكيفين ومكرة وافتك من وجع الراس ......... يعني لو كنت مكانك ...... والله يوفقك

[الشقردي]

العادي بيتعبك داخل الديرة وطالما انك تقول انك راعي عايلة وتبي السيارة لأكثر من غرض خذ لك توماتيك Gxr هذا اذا تبي الشكل أما اذا ما يهمك الشكل خذ Gx مكيفين والافضل القطري منه
وطالما انك منتب راعي قنص ولا من هاليغيبون في البر مدة طويلة يعني كواشيت وسعة الصدر
توكل على الله وخذ توماتيك
أما الاخ اللي يقول باترول صحيح انه أقوى وأخف من اللاند لكن العيب الوحيد شفط البنزين.

ولا تنسى تستخير قبل كل شئ

[ابو عواس]

قسم بالله ان الجي اكس ار مود يل 2003 وفوق قير تماتيك مايصلح ابدااا ما فيه عزم ولا قوة
احسن شي خذ في اكس ار 2001 فل كامل قير عادي ررررررررررررررررررررررررررررررررررررروعـــــــة
وممتاز في الطعوس وراسي بالخط

ملاحظة: القير العادي في الجيوب اقوى من القير الاتوماتيك بالطعوس
هذا من وجهة نظري الشخصيه

[الطعس الذهبي]

خير الكلام ماقل ودل Gxr عادي لان التوماتيك خراااااااااااااااااااااااااااااااااابة كثيرة

[القشيع]

ماالفرق بين Gx المطور الخليجي و السعودي من ناحية المواصفات والسعر بالتفصييييييييييييييييييييل

[القشيع]

أنا نويت اشتري باترولsGlمكيفين وثلاجة وابي شوركم هل هو مناسب للبر والديرة والعائلة واني سمعت انه يتفكك في البر ويدخل الهواء من الباب الخلفي هل هذه الأشياء صحيحة وما أفضل الموديلات الجديدة في الباترول أرجو الإجابة ولكم الشكر.

[ محبكم القشيييييييييييييييييييييييييييييييييييييييييييييع ]

[الشقردي]

الله يبارك لك بس الله يعينك على البنزين (يعني يبيلك تقلص لك محطة بنزين !!!) هذي وحده (شف الرابط
http://www.mekshat.com/vb/showthread.php?postid=249486#post249486
واحكم بنفسك ؟؟
أما من ناحية أحسن مكينة اللي تجي بخاخات 4800vtc ويسمونه بعضهم الفتك
أما من ناحية التفكك فاسأل اللي جربوه وعلى ما أسمع ان التفكك في الباترول انتهى من موديل 98 ياليت أحد الاعضاء المجربين يروي لنا خبرته
وأم مسألة دخول الغبار من الابواب الخلفية ,أسمع بعض الشباب يقولون انه لها حل وهو انك تدبل الربل أو تدخل لي مكيف صحراوى تحت الربل الاصلي للسيارة بس هذي ما تسويها الا اذا بديت تحس بهالمشكلة.

[ذيب الصحرا]

اخوي الباترول افض من حيث القير اتوماتيك وعادي اقوى مكينة يعيب عليه استهلاك الوقود والفخامة اقل من ال جي اكس واكبينة الداخلية اوسع وليست اريح
حسب مقارنة على قناة الامارات بين اللاند والباترول

[salehhd]

السلام عليكم

شوف وانا اخوك شرايك تاخذلك نيسان ارمادا

موتر شكل جميل وقوي محرك 8 سلندر وحسب ما سمعت استهلاكة اقل من الباترول

وسعر الف ب 140 الف وغير كذا اوسع من الباترول والكروزر

اهم شي تستخير قبل كل شي وتمر الوكالات وخذ سواقة تجريبية والله يوفقك

[الدبل الثقيل]

اشتر جي اكس هدد قطري من معرض اليحيى في الرياض او في بريدة.... والقطري افضل من السعودي لأن القطري الفل الكامل منه يجي ونش ودفلك وفتحة سقف وثلاجة وخلفية لكزس ومكيف خلفي ... اما السعودي بس مكيف خلفي وباقي المواصفات مافيه غير ان مكيفه وخطوطه ومسجله تركيب جدة.... سعر القطري2005 فل كامل يمكن 139000 .... اما القطري2005 خلفية لكزس ومكيف خلفي وثلاجة 129000 ...اما السعودي 2006 ب 129500.. والله ييسرلك الخير..

[salehhd]

اشتر جي اكس هدد قطري من معرض اليحيى في الرياض او في بريدة.... والقطري افضل من السعودي لأن القطري الفل الكامل منه يجي ونش ودفلك وفتحة سقف وثلاجة وخلفية لكزس ومكيف خلفي ... اما السعودي بس مكيف خلفي وباقي المواصفات مافيه غير ان مكيفه وخطوطه ومسجله تركيب جدة.... سعر القطري2005 فل كامل يمكن 139000 .... اما القطري2005 خلفية لكزس ومكيف خلفي وثلاجة 129000 ...اما السعودي 2006 ب 129500.. والله ييسرلك الخير..

السلام عليكم ياخوي الي اخبرة ان سعر الللاند الكامل يوصل 200 الف اذا ماني غاطان
لان البرادو الفل يوصل 141 الف ريال :confused:

[عبودكم]

gxr اتوماتيك
زين بالديره
غير ممل
مريح بالزحمات
في البر نسم له الكفرات وخذ رجال سنافي بس مهب الربع الخالي وإلا عروق قشرى لكنه بالطعوس العادية ما يحتاج منوة الصديق بالنسبة للمواصفات الخليجية احسن لأنه في ميزات زايده شوي مثل الونش وما يحتاج اقولكم عن الونش شي أني مهما كتبت ما أحصي فوائده والله اعلم

[abu rashid]

السلام عليكم
اشكرك اخوي الشقردي على الدعوه
وبالنسبه لصرفية البنزين
تقريبا تعبي خزانين ب 110
تمشيك خط 550 كيلو
400 كيلو ديره
يعني مناسبه بالنسبه لحجم المكينه4800cc اكبر من مكينه ال vxr 470cc

وشكراااا.......................................... .