رحلة تسوق في مدينة الورد ..تبوك..

[زاير الغيم]

السلام على من مر من هنا..

أحبتي أهالي تبوك..


فضلاً وليس أمراً .. أبلشونا الورعان يبون لتبوك للتسوق للعيد؟؟


وأخوكم دج ماأدل بتبوك غير المدينة العسكرية..


وودي بإحداثيات الأسواق والمجمعات التجارية فيها..

وإن لم يحصل لو الوصف بس يكفي..

مع وافر التحايا

[hadaj]

صفو صفين
قال :
ماغير حن ثنين
تبوك مايمديك تعشق الثالث فيها
ولاهنا متاهه
أول ماتطلع مع البوابه رقم 4
خذ يمين حتى دوار القوات المسلحه وقدامك على طول اسواق البدر وسنتر بوينت(افضل الموجود)
أذا أخذت يسار مع نفس دوار القوات المسلحه على طول ويسار وسط البلد
ويمينك السنابل مول
وعلى طول بعد إشارتين الهرم بلاز وبعد تحصل تبوك سنتر وفيه كل شي تسوق والعاب ومطاعم ومناسب للعائله وخلك معهم
هذا إللي عندي وأذا احتجت شي ابشر بسعدك

[زاير الغيم]

كفيت ووفيت يالذيب..

هذا المطلوب..

وجزاك الله ألف خير ..

السالفة ومافيها إني أحب أمشي على بينة وأكره ماعندي بالدنيا وقف بالشارع وأسأل <<< متعقد منها..


أكرر شكري لك .. وهه مشينا ..

[سعود بن حايل]

من كبر تبوك عاد
خذلك فرتين وتلقا كل شي

[برج المراقبة]

مشكور بارك الله فيك

[زاير الغيم]

من كبر تبوك عاد
خذلك فرتين وتلقا كل شي

هذا حنا ياربعنا نحب ندوج بالشوارع
بالله عليك؟؟ أجل من كبر المجمعة ؟؟ ياخوي عند كعلم .. قله ماعندك ..دربك خضر

وأنا أخوك بالعربي السعودية ماعمري دجت بها لوبغيت لأقصى الشرق الغرب وديتك,,

عموماُ ماعليك زود وأنا أخوك





مشكور بارك الله فيك


يبارك بعمرك عزيزي



عمومماً لقيت مبتغاي ووبأسهل الطرق والفضل لله ثم للذيب الأول

[الليل حزين]

ياخوان وحدو الله كل السعودية حلووووووه مرة زي السودان آآآآي والله حلوه واحلى مافيها شعبها فيهم طيبة الله يحفظنا ويحفظكم

[سعود بن حايل]

اولا
الشرهة ماهيب عليك الشرهه علي انا اللي ابي افيدك
ثانيا
انا ماقلت ان المجمعة كبيرة
ثالثا
تبوك كبر المجمعة ثلاث مرات ومع هذا صغيرة
رابعا
اذا قلت ان تبوك صغيرة مااقلل من قيمتها
بالعكس تبوك مدينة جميلة واهلها طيبين وجيتها اكثر من مرة ولي فيها اقارب