تكفون يا اخوان مساعدة بشأن ( الباثفاندر ) من نيسان

[همسة حب]

بسم الله الرحمن الرحيم


كل عام وأنتم بخير , وشهر مبارك


أحببت أن استفسر منكم أيها الاخوان الاعزاء عن الباثفاندر



س: النوع العادي من الباثفاندر 2010 واقصد بالعادي النوع الذي لا يوجد فيه دبل هل يأتي القير فيه يدوي أم أوتوماتيكي .؟



س : انواع الباثفاندر وفئاته طبعا بدون دبل , وهل هي 6 ام 8 سلندر ؟




س : كم سعر الباثفاندر 2010 اقل فئه بدون دبل والقير يدوي .. طبعا بالكاش ؟



س: نصيحتكم حول الباثفاندر عموما وهل صرفية البنزين فيه عاليه ؟



ملاحظة : جميع اسئلتي تتعلق بالقير العادي لان الوالد الله يحفظة لا يجيد قيادة الاوتوماتيك


كتب الله لكم الاجر والقبول .

[أبوغيث 2003]

اخوي الباثفندر الجديد متأكد يجي قير عادي ؟؟!

[بن محفوظ]

اخوي مايجي عايدي ... فيه تروبتنيك + -

[همسة حب]

يا ابو غيث انا والله ما ادري هل يجي قير عادي والا لا


انا استفسر من الكرام امثالك .. ولا ادري مشاركتك انت تستفسر من خلالها والا تخبرني ان الباثفاندر 2010 يجي منه قير عادي ... ما فهمت مشاركة مع تقديري واعتزازي بحضورك هنا

[همسة حب]

اخي بن محفوظ .. ما فهمت معنى تروبتنيك .. اعذرني وانا اخوك فهمي على قدي وان كان ما في الباثفاندر 2010 قير عادي .. القى في 2009 او 2008

[اهل الردات]

همسة حب والله نصيحه لاتقرب يمه باثفندر مروح خذلك ربع او شاص 2006 هذا العز

[ابودعسان]

الباثفيدر الشكل الجديد من 2006 الى 2010 مانزل قير عادي كله تماتيك سواء بدبل او بدون دبل
انا انصحك بالاكستيرا يجي قير عادي 6 غيار قدام ونشيط ويتحمل الكد بس اصغر من الباثفندر

[abu fares]

تروبتنيك

حسب ما اعرف انها تعني عادي وتمتيك يعني يمكن التبديل


والله اعلم

[همسة حب]

كتب الله اجرك يا ابو دعسان



كم سعر الاكستيرا 2010 كاش

[أبوغيث 2003]

كم سعر الاكستيرا 2010 كاش




ما ادري كم بالضبط

لكن حوالي 90 ألف

[bn_501]

مايجي قير عادي

ولاكن ننصحك بالاكستيرا قير عادي

المكينة باث فندر


خفيف ونشيط وشكله حلو



الله يوفقك يابعدي


اتمنى اني افدتك

[ابوسعود جدة]

:good2::good2:وانا اخوك انصحك بلاكستيرا انا عندي واحد 2010 تماتيك انا اشهد انها موتر خط وبر وبعدين العيدي 6غيرات وكمان مكينته 4ليتر 6 سلندر 291 حصان وازيدك من الشعر بيت انها خفيف بس عيبه انها يجي مرتبتين ومكيف واحد سعره 2010 ارخص نوع 104 تقريبا وكمان شكله 2009 2010 وووححش ارجو اني افدتك

[قراند ماركيز]

وش حل مسمار التبريد
اذا طاح بالمكينه وخبطت