أفضل كفرات للسيزو والهايلوكس والددسن الدبل >>> تنافس البالون وموجودة بالسعودية

[اسيزو 4x4]

السلام عليكم ورحمة الله وبركاته

كيفكم يالنشاما

رحت أبي أركب كفرات للسيزو ولقيت واحد من أهل بريدة يركب كفرات للهايلوكس اللي معة والهايلوكس دبل

وأنا نيتي أركب هانكوك قالي لا تركب غير التويو قلت ليش؟؟؟؟ قال لي للرمل أزين من البالون وللحصا ممتازة

وللشعبان ما بعدها ....

قلت والله أني متردد قالي ركب ونت تدعيلي و ركبنا أنا وياة نفس المقاس 245 \ 70 \16

والله يجزاه خير في ارمل وبعز الصيف هواء الكفرات 40 ويمشي ماشاء الله بالراحة

يوم كنت مركب البرجستون الله لا يردة كنت لازم أنسم الى 30 أو 25 وبالشتاء بعد

وهذي صورة كفر التيويو
http://www.mekshat.com/pix/upload/images9/mk6834_tranpath.jpg

http://www.mekshat.com/pix/upload/images9/mk6834_toyologo.gif

أرجو أن ينال إعجابكم وتعم الفائدة

[القحطاني ج م]

عليك بالكفرات الامريكية حتى لو تسطحت قليل انفجارها ولرمل وشعيب تتجاوب معاك

توجد في بعض المحلات كاتولاجات وقارن بين الكفرات من حيث الجودة


هذى وجهة نظرى

[البرحه]

السلام عليكم ورحمة الله وبركاته

ول شي جزاك الله خير على هالمعلومه وهذا يدل على

حبك للخير للاعضاء ..... :)


شف انا ويا واحد ركبناها على هايلكس حق ابوه

بس مقاسها زي مقاس حق الوكاله عز الله انه يمدحها ويقول مونتازه جدن :good:

لكن النوع الكبير صراحه ما قد جربتها ولا اعرف احد قد جربها

لكن يصير خير اذا تسحلت البلون << موب مغيرها الين تتفقع :p :j

[اسيزو 4x4]

السلام عليكم ورحمة الله وبركاته

حيا الله الغالي القحطاني ج م

الأمريكية مثل فايروستون و كوبر ممتازة ولاكن تصلخ بسرعة اليابانيات مثل التويو واليوكوهاما أفضل

ومشكور يالغالي على مرورك الكريم :) :good:


حيا الله الغالي البرحة

أسفرت وأنورت حياك يالنشمي :D :good:

والله التويو كنت مركبة على جمس 97 ولكن ما جربتها بالنفود ولكن يوم ركبتها على السيزو صراحة ممتازة

بالحييل للنفود وأتوقع أنها أفضل من البالون وهذا من واقع التجربة :)

وركبها على الهايلوكس >>>> (( البرحة )) وبتدعيلي :D :good: 40 هواء وتمشي بالنفود بالراحة

ومشكور على مرورك وإطرائك الذي زاد الموضوع تميزااا يا بعدي :) :D :good:


.

[داب الرمث]

جزاك الله خير يا اخوي اسوزو على المعلومات القيمه................

[اسيزو 4x4]

السلام عليكم ورحمة الله وبركاته

حيا الله الغالي داب الرمث

شرفت الموضوع يالنشمي ومشكور على مرورك الكريم الذي زاد الموضوع تميزاا.......

[قناص الرمله]

بسم الله الرحمن الرحيم

السلام عليكم ورحمة الله وبركاته
كيف حال كلآ باسمه؟؟؟
والله وبصراحه جذبني العنوان وحبيت أشارك من واقع الخبره والاستخدام

بالنسبه للكفرات الزينه في الرمال عليكم بالبالون وانتو مغمضين عيونكم ليش أنا أقول لكم ليش انا دايم أروح للرمله ولاينفع الا البلون لانها ترفع الموتر وتريحه بالنمره وتقلل الصرفيه في الرمل فقط واذا نشبتنت في رباضه يكون الموتر مرتفع مايتعلق بطن الموتر بسرعه وبعدين البالون تساعد الموتر اذاكنت في رباضه ومعك صيجان يمديك تلشط الموتر بنمره ويتقدم اكثر حول العزاز هذ البالون فقط لاتدور غيره :good:

اما اذا كنت في الجبال والوديان والشعبان والدحال عليك بكفرات ابو لبنه اللي يستخدمونهاأهل الجنوب واهل اليمن وذلك لقوة وصلابة جدار الكفروتحمله للحصى ولو كان الحصى شضانيف يعني حاد مثل السكاكين

وهذا مالدي واللي قدرت عليه ارجو اني افدتكم____________________ واذا كنت غلطان ارجوكم صححو الغلط


__________
اخوكم قناص الرمله

[داب الرمث]

كلامك :good: 100% :good: في مكانه يااخوي قناص الرمله وجزاك الله خير على المعلومات الممتازة ..... ولكن الهدف هو اختيار كفر متعدد الأستخدامات ومريح للسيارة وأمن باذن الله ولين ومتجاوب مع الطريق واللفات كما تفضل اخونا اسوزو ولك اجمل تحية ....... وشكرآ.

[الشيشاني]

بسم الله الرحمن الرحيم

السلام عليكم ورحمة الله وبركاته
كيف حال كلآ باسمه؟؟؟
والله وبصراحه جذبني العنوان وحبيت أشارك من واقع الخبره والاستخدام

بالنسبه للكفرات الزينه في الرمال عليكم بالبالون وانتو مغمضين عيونكم ليش أنا أقول لكم ليش انا دايم أروح للرمله ولاينفع الا البلون لانها ترفع الموتر وتريحه بالنمره وتقلل الصرفيه في الرمل فقط واذا نشبتنت في رباضه يكون الموتر مرتفع مايتعلق بطن الموتر بسرعه وبعدين البالون تساعد الموتر اذاكنت في رباضه ومعك صيجان يمديك تلشط الموتر بنمره ويتقدم اكثر حول العزاز هذ البالون فقط لاتدور غيره :good:

اما اذا كنت في الجبال والوديان والشعبان والدحال عليك بكفرات ابو لبنه اللي يستخدمونهاأهل الجنوب واهل اليمن وذلك لقوة وصلابة جدار الكفروتحمله للحصى ولو كان الحصى شضانيف يعني حاد مثل السكاكين

وهذا مالدي واللي قدرت عليه ارجو اني افدتكم____________________ واذا كنت غلطان ارجوكم صححو الغلط


__________
اخوكم الشيشاني منقوووووووووووول احسن كفر البيلون وبس لاحد يهايط

[عاشق الأشهب]

بالنسبة للهايلكس فإن أفضل كفر جربته هو اليوكوهاما بالنسبة للنفود والخط والديرة هو الكفر ولا بلاش وأن مجرب الهونكك والبرجستون أنا مجربهن ماينفع البرجستون قاسي بالحيل كنت متعذب فيه وأما الهونكك ماينفع بالحصى أبداً.

[شاص]

كم سعر التويو ؟؟

[اسيزو 4x4]

السلام عليكم ورحمة الله وبركاته

حيا الله اخوي الغالي قناص الرمله

كلامك صح اخوي ولكن البالون ثقيل على اسيزو الدبل والهايلوكس الدبل والددسن الدبل وهدفي من الموضوع انه يوجد كفرات مريحه للسيارات المذكوره ومناسبه ونفس مقاس بلده وممتازه للرمل والشعبان والحصى


حيا الله اخوي الغالي داب الرمث

يعطيك الف عافيه على مرورك الكريم اللذي زاد الموضوع تميزا


حيا الله اخوي الغالي الشيشاني

اذا جربت التويو بتشوف الفرق ومشكور على مرورك


حيا الله اخوي الغالي عاشق الاشهب

الهايلوكس الدبل افضل شي له التويو لانه للنفود والحصى وللشعبان وللخطوط لا مثيل له


حيا الله اخوي الغالي شاص

من 380 الى 400 ريال للكفر الواحد ولكن اذا شريته خذ مثل النقشه اللي نزلت انا صورتها مسبقا في الموضوع

واعتذر عن تاخري عن الرد

تحياتي لكم

[رسلان]

شكرا لكم على المعلومات والتوضيح ...
عافاكم الله ...
واحترنا بينكم :)
نبي شي ينفع بالدنيا كله ... رمل .. حصى .. شعبان ...
عافاكم الله ...

[الدبل الثقيل]

جزاك الله خير ... بس وش اسم الكفر تويو كانتري ولى تويو ايش.... وكم غاط..