تكفون يا النشاما فزعتكم

[ضلع الرقيبه]

بسم الله الرحمن الرحيم

السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين

اما بعد.


تكفون يا الربع يا اهل السيارات والجيوب خاصه ابي فزعتكم ابي اشتري جيب ومحتار والله مدري وش اسوي من جد كل يوم في معرض ولا داخل موقع على النت اسئل تكفون ساعدوني ابي جيب يصلح للسفريات اذا راحت معي العائله وللبروالصراحه انا ابيه يكون مناسب للبر يعني يتحمل ولا يكلف قطع غيار و هل الديزل احسن ولا
البنزين مع ان اكثر الجيوب البانزين تصرف وايهم احسن القير العادي ولا الاتوماتيك

تكفون ابغى نصيحه منكم وشكرأ للجميع بأسرع وقت لأني لازم اشتريه في ها الشهر
والسلام عليكم ورحمة الله وبركاته

[البرحه]

السلام عليكم

اول شي كم حدك ؟ يعني كم انت مجهز لشروة الموتر عشان نقدر نعلمك

الجيوب واجد واسعارها تختلف .... ووشهي نوع طلعاتك

يعني انت راعي كشتات طويله والا تطعيس والا ....


لكن شف احسن الجيوب واصبرها هي اللاند كروزر والباترول

وهي الي ماسكه سعرها وماسكه عمرها وفيها الربع والكامل

وكلها ممتازه في الخطوط والكشتات والطعوس

بس لااااازم تقول كم حدك

واابشر


مع تحياتي البرحــــه

[ضلع الرقيبه]

بسم الله الرحمن الرحيم


مشكور على الرد يااخ البرحه وعلى مرورك وهذا ان دل فهو يدل على انك كفو

وفزعه والله يكثر من امثالك وانا والله ماكتبت هنا الاابغى نصيحه ولا شور من مثلك

وشرواك وانا محتار في امري لكن بقولك انا حدي في السياره من 100 الف واقل

يعني في حدود 100 90 اوزد والطلعات مابه طلعات يعني غبشات طويله مابه يعني

طلعات يعني في ريضان هالصمان وشخانيق

العرض وانت عارف بس ابغاها للعايله مريحه بعد وتشيل المعاميل والاغراض واكرر

لك شكري وارجو من الجميع النصيحه والشور .

[عاااااشق ربع]

السلام عليكم ورحمة الله وبركاته
اولا- انصحك بالباترول لانه موغالي مثل الاندكروزر
ثانيا- الباترول اقوى من الاندكروزر
ثالثا- سعره بين 80000 و 100000
رابعا- للبر للسفر معاك وين ماتروووووووح
خامسا- كبير وواسع ومريح
سادسا- العادي احسن من الاوتوماتيك الا اذا انت عجزان تغير
سابعا- القطع متوفرة بكل مكان
وسلاااااااااااااااااااااااااااااااااامتكم
:D :good: :D

[مهناء]

Gx ديزل وبس

[البرحه]

مدام حدك حول الميه فمونتاز

عندك يا طويل موترين لا تعداهم ....

1- لاند كروزر
2- باترول

والصراحه انا افضل السفاري لانه خفيف

وكلهم زينات وقويه ووسيعه

بس انت شف وش الي يعجبك منهم

لا يهمك واحد ويجي يقول لا تاخذ الا هذا

لان الناس اذواق وكل واحد له رايه

فانت شف مواصفات هذي ومواصفات هذي

وناظهم كلهم واركب هذا وهذا

وترى كلهم حليوييييين

وانت ونظرتك عاد

واي خدمه ترانا حاضرين للطيبين

والله يرزقك بالطيب

[ماجد الشمري]

انصحك بالبرادو فل كامل بس شف المساحة هل تكفيك ام لأ ...
سعره فيه ومكينته ال 4 لتر صرفيتها ممتازة وعزمه ممتاز ...






اخوكم ماجد الشمري

[ابو عواس]

خذ لاند موديل 97 خليجي
نصييييييييييييييييييييييييييييييييييييييييييييييحة
وانت بكيفك

[ضلع الرقيبه]

بسم الله الرحمن الرحيم


عاشق ربع الله لا يهينك وماقصرت والله الباترول king اكن المشكله صرفيه البنزيم


مهناء الله يبيض وجهك ومن يسمع والله انه مهوب شين الديزل وخاصه ال gx لاني معجب به بس كم يسوي الديزل السعودي والخليجي ووين احصله فيه اي معرض وهل في قطر ارخص ياريت تعلمني اواللي يدري يعطيني خبر واكرر شكري

البرحه والله ماقصرت الله يعافيك على تفاعلك


ماجد الشمري لاهنت يابعد حيي والله البرادو حجمه صغير لا يشيل عزبه ولا يشيل عايله والسياحي منه سعره 90000 وعند البازعي الفل 130 وشكرا على الرد

ابو عواس لاند موديل 97 خليجي حلو بس انا ابغى جديد افكه وكاله نظيف واعرف وين مجناه لاكن المستعمل نادر النظيف منه وصعب البحث عنه لكن gx الديزل فكره مش بطاله والله لايهينك على الرد

واكرر الشكر للجميع

[عطيب الشوق]

-
-
-
-

أخي الغالي ضلع الرقيبه

السلام عليكم ورحمة الله وبركاتة

أولاً يا أخي العزيز أنا من عشاق النيسان وبإدمان ولكن .. دامك تقول صرفيه في البنزين وأنا أشوفها حول بعض ولا هنا فرق بينها وبين التايوتا.. لذلك أنصحك بالــ G 2005 ديزل .. أشهد بالله موتر على الشف وخليجي بعد مواصفات خرافيه وتلقاه عند اليحيا أن كنت في الرياض في المعارض أوفي معارض الدمام كانك من سكان الشرقيه وعلى فكره انا كنت عنده قبل فترة لقيته بـ 113 ألف ججججديد أشهد بالله مووووتر يطربك ولكن ما أتذكر مواصفاته زين بس موتر على كيف كيفك .. والله يوفقك يارب

تحياتي لك

أخوك أبوسعد

[راعي صاروخ]

بسم الله الرحمن الرحيم
اخي ضلع الرقيبه
لولا اختلاف الذوق بارت السلع
انا جربت البترول واللاندكروزر
البترول يتحمل وقطع الغيار رخيص بس يصرف بترول
اللاند اقوى بس ما يصلح للبر زي البترول
الاتماتيك اريح العادي يصلح للبر
الديزل ما يسوى
والله الموفق

[{السبيعي}]

احسلك vx-rموتر نشيط واحسن شي القير العايدي الانك تتحكم في التعشيقات

[مسهي الرعيان]

السلام عليكم..
الجيب المناسب هو الباترول والاند كروزر ولكن الاند سعره مرتفع شوي..والباترولل موتر محترم ولكن صرفيته مشكلهوالقير العادي افضل بكثيروالديزل اقتصادي اكثر من البانزين ولكن له صوت قرقعه..وشكرا

[ضلع الرقيبه]

بسم الله الرحمن الرحيم


السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

عطيب الشوق مشكور الله يعافيك بس معرض

اليحيا وين با النسيم ولا الشفا وثانيأ وش فرق G عن Gx هو الفرق في المكينه ولا بس في المواصفات الداخليه وشكر

راعي الصاروخ والله انت اجابتك مثل اسمك سريعه ومختصره ماشاء الله عليك :D :D :D (تقبلها مني بصدر رحب )الله لايهينك والله انت صادق لولا اختلاف الاذواق لابارت السلع ولكن اقول الله يقسم من الامر الخير انشا الله وشكرا لك

السبيعي شكرا لك اخوي على المشاركه واكيد انك اخوي مالاحظت في بدايه الموضوع وسؤالي عن جيب يكون سعره 100000 وتحت ويكون جديد ولذالك مهوب صاير vxr الجديد با100000 شكرا لك اخوي على ردك ولا تزعل مني ولا يجي في خاطرك شي


مسهي الرعيان شكر اخوي الله يعافيك

[محب الشمال]

طلع لك باترول واذا تبي للبران المطامر عليك بالستاندر يعني ما يكون فل كامل عشان اي سيارة كل ما زادت التقينه تكثر الخراب فيها حسب معلوماتي
لكن في اعتقادي الباترول الي يجي ما فيه اضافات داخليه اقوى من غيره والله اعلم
كان عندي باترول 97 عادي وليس فل كامل ماشاء الله عليهن سيارات على كيفك بس كان الكلبيتر يخرب دايم معي
والله يعطيك خير السيارات ويكفيك وشرها
وجميع المسملين

[الناتوف]

السلام عليكم ورحمة الله وبركاته
أخوي ضلع الرقيبه أنا من مجربي الاند و البترول و أنا أبعطيك صفتين لكل واحد منهم
أولا الاند:
1-أفضلvxr
2-للسفر مايصرف بانزين واجد.
ثانياًالبترول:
1-أفضل قير عادي
2-للطلعات البريه معا الأهل لأنه يكون وسيع وله عزم.
وشكراً

[ضلع الرقيبه]

بسم الله الرحمن الرحيم

عليكم السلام ورحمة الله وبركاته

الاخ الناتوف: مشكور الله يعافيك على المعلومات وعلى مرورك ماقصرت


الاخ محب الشمال: والله الباترول حلو ومريح بس يصرف بنزيم مره ولكن الله يطرح في الامر خير انشاء الله واكرر شكرا على مرورك وتفاعلك