استفسار للي عنده خبره او علاج

[الـسـاطـع]

السلام عليكم ورحمة الله وبركاته
اخواني انا عندي شيهانه جبليه فرخ الان لها 5 ايام العلف تقذفه اكرمك الله
عطيتها حبوب اقلاع وماسوت شي والطيره مسيفه (ضعيفه )وما تصرف العلف بدري
يعني تعشيها العصر تجي اليوم الثاني الظهر وباقي فيها من العلف في زوكرها
ومرشها اعزكم الله ابيض ومعاه مثل اللعاب الاحمر اتوقع انه دم او بقايا لحم

ياليت الي عنده خبره اوصارتله مثل كذا يخبرنا بالعلاج
تحياتي لكم

[ابوشروان]

عجل على الطير وده البيطري الطيرالي عندي مات بسب هل مرض
الله يشفي طيرك

[طير الهقاوي]

يمكن الطير هزل مره ونت تعطيه من فوق طاقته والهزل عاده مايصرف العلف بسهوله
عطهااامش معهاا بالعلف البسيط يعني علفهاا حمام افضل توه مذبوح لاتعطيهاا الى صافق واحد
وقبل العلف بعشر او ربع ساعه عطها حبة اقلاع وحده بس لاتعطيهاا ثنتين ولمدة خمس ايام ونشاء الله تطيب الطيره
ومن خامس يوم وفوق زدلهاا بالعلف شوي اذا شفتهاا اتلهب وتبيه
تقبل مروري واسال الله اني افتك
ولقطع الشك باليقين اذا انت من اهل الرياض رح لمخرج تسعه لمركز الامير فهد بن سلطان
ان شاء الله يفيدونك
تقبل مروري

[البروالطير]

الله يشفي طيرك وسئلك هل كنت امجوعها قبل المرض ؟

[البروالطير]

الله يشفي طيرك واسئلك هل كنت امجوعها قبل المرض ؟

[الـسـاطـع]

عجل على الطير وده البيطري الطيرالي عندي مات بسب هل مرض
الله يشفي طيرك

الله يجزاك بالخير على الافاده
تحياتي لك

[الـسـاطـع]

يمكن الطير هزل مره ونت تعطيه من فوق طاقته والهزل عاده مايصرف العلف بسهوله

عطهااامش معهاا بالعلف البسيط يعني علفهاا حمام افضل توه مذبوح لاتعطيهاا الى صافق واحد
وقبل العلف بعشر او ربع ساعه عطها حبة اقلاع وحده بس لاتعطيهاا ثنتين ولمدة خمس ايام ونشاء الله تطيب الطيره
ومن خامس يوم وفوق زدلهاا بالعلف شوي اذا شفتهاا اتلهب وتبيه
تقبل مروري واسال الله اني افتك
ولقطع الشك باليقين اذا انت من اهل الرياض رح لمخرج تسعه لمركز الامير فهد بن سلطان
ان شاء الله يفيدونك

تقبل مروري



الله يجزاك بالخير ورحم الله والدينا ووالديك وجميع من يشاهد على الافاده الطيبه

بس انا الي محيرني ان مرشها ابيض وفيه مثل اللحم المهروس يعني مثل صفار ابيض بس احمر

تحياتي لك اخوي طير الهقاوي

[الـسـاطـع]

الله يشفي طيرك واسئلك هل كنت امجوعها قبل المرض ؟

اللهم امين ويجزاك الله الف خير
لاوالله ماجوعتها بالعكس اعلفها صبح ومساء

تحياتي لك

[al-ganaas]

وانا اخوك هاذي صارت لي مع شواهين وحوش وبعضها مايعلف وبعضها يعلف ويقذف ولا ادري عن اسم المرض بالظبط
لاكن استخدمت فيتامين طيور اخذته من البيطرية بودر في اكياس وفيه نوع مصنع في الاردن ان لم تخني الذاكرة ونوع ثاني اجنبي خذ الاردني ونقعه بالما زي الوصفه وبالمقطرة سقها الطير وبإذن الله تتحسن والله أعلم

[قنيص غير]

الله يشفي طيرك

[سد الوعر]

السلام عليكم اخون المرض هذا اقرب ماله الاتهاب بالامعاء ولا تثر العلف عليه عطها الصبح شوي وليل شوي والله يشفي طيرتك انشالله

[الحر الصافي]

انتبه اذا عندك طيور ثانيه ابعدها عنهن لان هذا المرض معدي اكيد
وعطها فيتامينات صناعه اردنيه
وان شاء الله ماتشوف الا العافيه

[skeet]

افادوك الاخوان

[ابوناصر السهلي]

عطوك العلم ولا تهمل طيرتك

[ابو فرخه]

الله يشفيها بس اتوقع ان وضعه خطير وشوري عليك انك توديها المستشفي وتكشف عليه كشف كامل والله يوفق

[صقار مبتدئ]

السلام عليكم ورحمة الله وبركاته
اخواني انا عندي شيهانه جبليه فرخ الان لها 5 ايام العلف تقذفه اكرمك الله
عطيتها حبوب اقلاع وماسوت شي والطيره مسيفه (ضعيفه )وما تصرف العلف بدري
يعني تعشيها العصر تجي اليوم الثاني الظهر وباقي فيها من العلف في زوكرها
ومرشها اعزكم الله ابيض ومعاه مثل اللعاب الاحمر اتوقع انه دم او بقايا لحم

ياليت الي عنده خبره اوصارتله مثل كذا يخبرنا بالعلاج
تحياتي لكم
هلا و الله بخداج مصيبخة
الله يشفيها هذا سلمك الله يصيب اكثر الطيور الجبليات وهذا الله يعافيك التهاب الفرسه
و الدليل عليه ان علفها ضعيف و لا تصرف بدري و مرشها اعزك الله مخنز و سبب التهاب هو التعرض لتيار بارد او اكلها لشي بارد
العلاج و انا اخوك و الله هو الشافي (مضاد حيوي مع فتمين)و لا تاكلها شي بارد ابد

[دعاس]

ماعليها الا العافيه
طيرتك هذي بها ديدان امعاء
واللي تشوفه مخاط بني للبرتقالي والعلاج تحصله عند المستشفى
واذا هي بعيده مر البيطري وبتحصل عنده
واحتياطا’’بعد الروباجه عطها حبتين سكرة نبات وارك عليها شربها ماء احتمال السكره تقضي عليه ياما يجنك الحبوب
وكذلك عطها بقلب الحمامه (كسرة ثوم بحجم حبة الشعير) وبعدها بساعه عشها وثاني يوم كذلك وان شاء الله تفيدك انا مجربها بطيوري

[فيصل النعيمي]

الله يشفيها

[باذر]

اخوي انصحك بأعطاء حبوب زيت كبد الحوت مع فروخ حمام ولا تكثر له العلف يعني ربع حمامه او اقل وبعد ما تصرف اعطه ربع حمامه لكي لا ينزل وزنه

[مختااار]

الاخوان ماقصرو معاك وركز على كلام اخوي دعاس وباقي الاخوان ماعليهم قصوور

وحاول تعطيها بيض كنسبة غذاء لها مدام ماتاكل العلف بشكل صحي وانا ازيد على كلام اخوي دعاس

واقول عطها كسرة الثوم قبل العلف عشان يقضى على الديدان الي ببطنها ولا تنسى قص الماء

والله يشفى طيرتك ان شاءالله تقبل مروري