مشورة في مساعدات لسيارة

[wawy]

مراحب شباب

عندي سوبر فان موديل 98 شاريه للبر والبحر
وارغب في تركيب جنوط 16
وكفرات 33او 32

واربي راغب في تبديل مساعداته شد البلد

وابي اركب مساعدات جبرين

واليوم وانا اشيك شفت فيه 8 مساعدات 4 امامي واربعة خلفي

ومريت الوكيل بالدمام لشركة جبرين

وقالي فيه نوعين : زيت / غاز

وتعرفون بان الزيت له 3 تكات
وقالي الغاز يكون اقوى

فايارت اهل الخبرة يعطونا رايهم في الموضوع

[اسير الغضا]

على حسب استخامك وانا اخوك

انت عطنا استخدامك مطامر ومناقز عليك باليابس

ديره وخطوط وتبي لراحه عليك باللين

بس انتبه تاخذ لين وتطامر به بالبران ينفقع عليك المساعد


ومن كلامك ان المساعدات مدبله ورا وقدام يعني اذا ركبت غاز الله يعينك على المطبات بس الموتر تصير راسيه لابعد الحدود


اشوف ربعنا راعين الهليات يدبلون المساعدات بلاستين وانواع المطامر وعندك اليوتيوب شف هبالهم ولا شافو الا العافيه



انا عن نفسي ركبت مساعدات زيت ثلاث طقات نوع جبريل وحطيت اقوى طقه وهذاي بجربهن


بالتوفيق

[wawy]

يعطيك ربي لعافية اخوي

لالا خويك راعي مشاوير لاني غواص وفي نفس الوقت راعي بران

ادور بين بحور الشرقية من ابو قميص وحتى الخفجي
ولي نية على البحر الاحمر قريب وعمان

مشان كدا جالس اجهز السيارة

يعني لو اخدنا زيت وخليته على الطقة الوسط تعتقد تنفع لستخدامي

[اسير الغضا]

انا صراحه تحت التجربه توي مركب زيت وحطيت الطقه على الاخر اقوى شي


يمكن لو تحط واحد لين وواحد قاسي يظبط تراي اتوقع ولا لي علم


واذا تبي شوري ركب جاسيات مادامكك تبي تطامر

[wawy]

ركب جاسيات

ترجمة للهجة الشرقاوية

[اسير الغضا]

خخخخخخخخخ

جاسي يعني قوي

وله استخدامات لاكن انت خذ هاي تسدك

[wawy]

يعطيك ربي العافية
والله يرزقك الجنة يارب