مشورة يااخوان في هالكفرات لاعدمناكم

[الوسطاوي]

السلام عليكم ورحمة الله وبركاته
تقبل الله منا ومنكم صالح الاعمال

اخواني المكشاتية عندي مشورة في الكفرات نريد منكم المشوره من تجربه

انا عندي باترول سلق 96 باب وكنت اركب كفرات شاهين من فتره طويله ممكن غيرت كذا طقم لاكن الصراحه كفر لاكن ابي شي صبور علشان دايم اروح اماكن جلاد وحصا واخاف احيانا يوهق ولاكن هو الصديق الاول لو احيانا زعلنا ...

المهم اسف على الاطاله انا ودي اركب كفرات هل تنصحوني بالدنلوب الحجرري حق Gx ؟ وهل ينفع للنفود ؟ وهل هو لين ومطبه زين ؟
او نقعد على كفرات شاهين
ارجو منكم اخواني ابداء الراي من تجرررربة

ودمتم بخير
محبكم _ أبوصـــالح

[الوسطاوي]

الزيارات 40 ولا احد عطانا رايه
للرفع

[اسير الغضا]

بالنسبه لكلامك هل الحجري ينفع للنفود ايه ينفع بس مايعطي نتايج مثل الرملي

وذا دخل اماكن غراز وغردقه لازم تنسم بقوه

[اسير الغضا]

وبخصوص الزيارات يازوار مايقدرون يردون او اشخاص ماعندهم علم اذا تبيهم يخربطون عليك عاد هذا كلام ثاني

[جيبي جايزلي]

اذا كنت تتكلم عن الشاهين سومتومو بصراحه ما بعد شفت مثله كفر
بس يبيله قوه محرك قوي لان الكفر ثقيل شوي بس ما فيه كلام

[التعـ King ـديل]

ماعمري شفت احلا من البالون ماكسس 900

ولا هانكوك 245/85/16

ليونه بالخطوط والبر

[المرشوودي]

عليك بالسيام تاير

[لبيه يمنادي]

السلام عليكم ورحمة الله وبركاته

اخوي بخصوص الكفرات انا دايم اقنص اماكن صخر وحجرة قاسيه في سوريا والاردن والكل يعرف ذيك الدار وعورتها ، دايم كنت اركب تواير سيام 8 بلي مافيه حيله وبس السنه نصحني واحد من الربع بالكوبر الامريكي الناعم يقولي مافيه حيله في الارض الحجره وأن شأ لله ناوي اركبهن قريب .

بس اذا انتي ناوي علي ارض اطعوس ورمله علية بالدالوب او السيام بعد يمشي .

[الفليحاني]

ياليت ينفعوننا الاخوان اهل الخبرة

[أبـو عــزام]

ماعمري شفت احلا من البالون ماكسس 900

ولا هانكوك 245/85/16

ليونه بالخطوط والبر

هل تقصد بالهانكوك .. نقشة الشاهين .. واذا كان نقشة الشاهين ايهم افضل الهانكوك والا الدنلوب نقشة الشاهين ..

[الوسطاوي]

اشكر الاخوان على المرور على موضوعي واتمنى لكم التوفيق والسداد
لعل تعم الفائده للجميع

دمتم بخير