سوال مهم ياليت تردون

[راعي عمااااش]

السلام عليكم ورحمة الله وبركاتة




ياخوان بدون ماطول عليكم انا اشوف بعض الاخوان يذكرون سومة الطير العام وهو في المربط او قبل المربط يذكرها ويقول الي بيزيد ولا لايسوم هل السومة تبقى او تروح السومة الي العام او وهو في المربط؟



انا من ناحيتي اقول ان السومة الي العام ماعاد تذكر ....واذا ذكرت ماقول الي بيزيد على السومة ولا لايسوم :good:
واسمحو لي على الاطالة

[قرناس شاهين]

عزالله انك صادق

[kuwaite]

كلام طيب وصادق بس يمكن يذكر السومه المربط وال العام زيادة علم الطير .. ولا كلامك صحيح سومت المربط غير والحين غير ..
تقبل مروري

[skeet]

الله يعطيك العافيه

[الناصر للرسول]

صدقت الله لايهينك

[راعي طلاع]

كلامك مضبوط بس بعض السومات لها عام ويكون سوامها عند سومه

فالتقليد على السومه مافيها شي وبعضهم يقول ماني بايع دون السومه

فيختصر على الاخوان السوم النازل والطالع وهذا اشوف انه مافيه شي............

[طير الهقاوي]

بسم الله الرحمن الرحيم
السلام عليكم ورحمة الله وبركاته
بقولك يمكن ان الحق في كلامك ويمكن مايكون بعد في كلامك شين صحيح
السلعه تبع راعيهاا
نفرض يعني
لو ان عندي طير ومسيوم مني قبل لا اربطه بعشر الاف ريال
وربطته مابعت بالسومه الي انسامهاا
صاحب المربط بيطلب مني حقه خلنا نقول الفين
المجموع الكلي 12 الف ريال
وش هقوتك لاجاك رجال وقالك سيم مني قبل لا اربطه بعشره يعني انت من تلقاء نفسك بتعرف ان الطير زاد على سومته الفين المربط
فصاحب الطير يطلب الزود ولا يطلب النقص وهذا الحال في جميع السلع
وبكلام صاحب الطير لك الي بيزود ولا لايسوم له الحق له الحق له الحق
سلعه تنباع وتشرا ويقيمهاا مالكهاا
والي بيشتري ان جازله السعر ولا فجوج الله وساع
تقبل تحياتي وتقبل مروري

[ابوناصر السهلي]

عزالله كلامك صحيح والله يعطيك العافيه

[طلاع 1970]

السلام عليكم
و الله ياخوي كلامك 100/100 وانا شخصين عن نفسي اقول السومه مثل زرقت رمح ام ركزت وله جنبت
تقبل مروري