اياهما افضل

[ابوضفيه]

ابي موتر يصبر علي وحق بر وحق خطووط الشاص ولا الربع

[اسير الغضا]

وانا اخوك انت واستخدامك

مثلا اذا كنت دايم مركب ربعك عليك بالربع
اذا كنت راعي عفش عليك بالشاص
وهكذا شف وش يناسب


الربع يبيله سواق ولا يبي يقلب بك

[فهد الميهوبي]

انا انصحك بالشاااااااااص وابعد عن الربع مهو راسي بالخط ادنى شي يخونك ويقلبك الشااااص راسي وموتر له هيبه بالتوفيق لك ومبرووك مقدمن

[القمة العالية]

حياك الله يا ابو ضفية


والله يا حبيبي أنت تسأل عن البنت وأختها , الشاص والربع نفس المكينة والقير ومن الداخل وكل شئ

الفرق هذا حوض , وهذا ركاب , يعني احتياجك هو اللي يحدد تاخذ ربع ولا شاص إذا كنت راعي حلال وتحميل خذ الشاص , وإذا ما تبي الحوض خذ الربع


وكل السيارتين في البر لا يعلى عليهم يعني من أروع ما يكون , أما للخطوط فكل السيارتين فاشلتين لا راحة , ولا رساوة

[محرين باالخير]

ياخوي وش تبي باالربع إذا انت راعي طلعات ماياخذ عفش ولا ركاب بالبر موفق

[ابو العز بلس]

كلهم مواتر بر وبس

[ابومنصور123]

مثل ماقالوا الاخوان
اذا كنت راعي تحميل خذلك شاص
واذا كنت منتب راعي تحميل
خذلك ربع اصغر من الشاص
تقبل مروري

[بوه مير نيم12]

كلهن ماينفعن ابد
ارشح الصالون
مفخرة الارض
او
الفتك
هذي المواتر

[الحارث همّام]

للخطوط ماينفعن أبداً
دامك تبي بر وخط
خذ لك هدد

[براويغ]

السلام عليكم

مواتر قوية وممتازة

بس كلاهما لا بد يكون عندك موتر بديل وخاصة إذا أنت من أهل المدن

حسب امورك قبل كل شي إذا انت من محبي التغيير ( طربة) فالشاص أوالربع

وإذا انت تبي موتر دايم لسنوات خذلك الهدد

وإذا انت تدور الفخامة تراك مانتب حول مرادك .. شف لك موتر غيرهم كلهم

والله يبارك لك مقدما ويطعمك من خيره ويوقيك شره

[الصقري2000]

اذا كنت راعي تحميل خذلك شاص
واذا كنت منتب راعي تحميل
خذلك ربع اصغر من الشاص

[almertah]

والله انا اقول كلهن فاشلات لاكن الشاص يرغبونه اهل الحلال للتحميل وهو حمار مكده ويكسر ظهرك بالبر اما الربع فهو كما قال راعي المثل مرتفع عن الوليه وطامن عن المرجله لا سيارة ركاب مريحه ولا سيارة تحميل عليك بالهدد اللي ينفعك في كل طريق

[حزوبر]

السلام عليكم
بالنسبه للموترين ما ينفعن للسفر يككسرن الظهر
الشاص اكشخ وصبور وشيك ، بس مشكلته ما ياخذ ركاب
فكر في بدائل أخرى ، مثل الفتك واللاند كروزر هالموترين بر وخط وكشخة
وش رايك بهايلكش دفرنسين؟

[شاص99]

انا من رايي خذ الي يصلح
اما الي يقول يكسر الظهر

خلك شباب وشقردي مهب ضارك النقزات
لاتخلي نفسك تقل عمرك100
ولا سياسي اقول ياي غيرمريح وغير را سي ويكسر الظهر ما احد يقول تسذا الى الاغبياء

[ابوضفيه]

يالربع انا مايهمني يكسر الظهر ولا مايكسر انا ابي موتر حق بر وحق مقناص وابيه يصبر علي انا ابي موتر شبابي الشاص ولا الربع

[عاشق السيل]

مثل ماقالوا الشباب إذا أنت راعي تحميل خذ الشاص وإذا ماعندك إلا العزبة والفراش خذ الربع ،،

وإذا تبي نصيحة من القلب خذ الهدد ،، وإذا أنت ملزم ماتطلع من هالسيارتين خذ الشاص تراه بينفعك بأمور كثيرة وهو أرسى من الربع بالخط ،،

والله يوفقك للي فيه الخير والصلاح .....

[أبو الذيابه]

الهدد / إن بغيت فخامة زوينة / ضبط له بعض حركات الشباب ويغدي ما عندك احسن منه
وإن بغيت قنص وتمشي بالبر ورفقة طيبة من اخوياك فهو يبي يشيلك ويشيل عزبتك وخوياك معك
ويبي يطربكم بس كمله وكمل نفسك بقارمن وبتانكي ماء وماطور هواء وعزبة معاميل وطبخ
وشف الوناسة بالربيع !!

أما الربع أنا اشوف أنه حق منظره وشوفو معي ربع !!
والشاص موتر ولكن للي يبي رفقة اكثر من واحد فهو ضيق ولا يوسع الصدر !!

عليك بالهدد

[أبـو عــزام]

ابعد عنهن كلهن ازين ..

[ولد وايل..]

خذ لك جمس حوض وتبي تعاف المراكب من عقبه..

شف أهل القصيم الشباب بدوا يطيحون به طيحتن قشششششرا...

[عاشق حرير]

الشـــــــــــاص وبـــــــــــس
وكل عام وانتم بخير

[قايد تميم 1]

الـــشــــآص

[ابوخلف الحربي]

انا من رايي شاص بدون مقارنه حرام ادفع فلوس بربع دام الشاص موجود!

[GMC 4EVR]

العدر والسموحه ادا تبي نصيحه اشتر جمس حوض او سلفرادو قير عايدي انا اتكلم عن ال2006 وتحت الجديد ماستخدمته وكانك تبي الصدق معليك من كلام الناس خربات وما خربات اسل مجرب ولاتسال خبير انا كان معي جمس قير عايدي ودبل موديل 2001 مافيه مثله بالخط والعزم التحميل والبر وفي السحب حنا عندنا حلال ومعه غرف وتريلات مانسحبها الى فيه وللتنبيه كل دا الكلام وهو 1500 قطعه 10 وانت فسر براحتك شلون لو كان 2500
ومعليش على الاطاله

[ابو مكازي2002]

والله انا اشوف انه الشاص افضل لان الربع صار الحين حق شباب وتفحيط وهجوله مهو بحق استعمال مدني ولا هو هيبه زي المواتر العاديه لانك تصير ملطشه لدوريات وكل شوي وقف و شيك علي بطاقتك هههههه
تحياتي

[ليت عندي اشهب]

اقول ياخوك مسمعة اللي يقول
أنا اشهد بأن الشاص هيبه ومنظره
وراعية ماحسب حساب للخطاري
جسور وصليب الراي شهم يقدره
ومطنوخ للقوه وللمرجله شاري
الــــــــــــــــــــــــــــــــــــــــــــــــ ـــــــــــــــــــــشــــــــــــــــــــــــــــ ـــــــــــــــــــــــــــــــــاص

[جون الشمالي]

الـــــشـــــــــــاااااص
:good2:

[مكشاتي كوكتيل]

الربع والشاص حول بعضهن لكن أشوف إنك تشتري شاص لأن الربع مايشيل إلا السواق وواحد ثاني ولا فيه أحد يبي يركب في الخلف يعني مثله مثل الشاص مع فارق الحوض لصالح الشاص .

الله يوفقك ويكتب لك الخيرة .

[البهلول]

إذا أنت سواق وتعرف للبر وتداري الموتر أخذ أي سيارة .
وترى الأف جي . مهوب شين .
على الخط يمشي معليه , وفي البر مريح , ويشيل أخوياك , ويشيل عزبتك .. وسبوق . وكشخة . ولكن الجر والسحب والإستعراض في الطعوس مدري عنه .
ولكن في المقانيص والكشتات والمطارد في الجبال والحرار والطعوس .. يعني كل تضاريس المملكة .. يعطيك اللي تبي وزود .
أفضله كثير على الشاص والربع هذه سيارات شركات وناس تدور العيشة وتكد في حلالها ومقاولاتها .. !
ومن باب تجربة في العمل . الربع كل شوي منقلب مغثة والشاص مهوب بعيد عنه×.

ولكن هل الشدات الطويلة والبر والمقانيص البعيدة والخرايم ... يفضلون يكون معهم شاص أو ربع .
يكفيك إن الماء والبنزين يفضلون تحميلة على شاص .. في المقانيص .
وأنت أبخص بنفسك

[KASHTAT]

وجهة نظر:
هذي سيارات تصلح للشركات أكثر من الأفراد.

[أبو زكريا]

أنا أرشح الشاص فهو راسي أكثر وأريح وأكثر فائدة وقيمة حتى المنظر أراه أفضل من الربع

[دل البحار]

يالربع انا مايهمني يكسر الظهر ولا مايكسر انا ابي موتر حق بر وحق مقناص وابيه يصبر علي انا ابي موتر شبابي الشاص ولا الربع
الربع للمقناص والطربة اما الشاص ما ينفع لك

[غواص وقناص]

ارشح الشاص هو اللي يتحمل الكد والجلد ومافيه
اي مقارنه في اي سيارة للتحمل مثل الشاص

[الشقردي 205]

انا انصحك بالابتعاد عن الربع التويوتا وافضل علية الشاص . . .


اذا انت تبي تويوتا خذ شاص 2010 أو 2011 . . .


اذا تبي ربع خذ فتك احلى لك وابتعد عن الربع تويوتا تراه خطر بالحيل . . .

[ابونبيل]

اذا راعي خطوط الشاص اريخ وماينقلب لو سمح الله ولا ش

[القحطاني]

عليك بالجي اكس ار لك ولزمان وشيك بالسرع وقت

[اهل الردات]

شاااااااااص راعي لبران وكل شي

[AL.KNG]

الـــشـــاص