استفسار بسيط !!!

[هموووس]

السلام عليكم ورحمة الله وبركاته
كل عام وانتم بخير وسط الزحام

هناك نوعين حبيت استفسر عنهم وهيا اسطوانات الغوص
النوع الاول
المعروف عند الغواصين ومحلات الغوص
ضغط 3000
والنوع الثاني
اسطوانات الغوص ضغط 3300


اي وحدة فيهم الافضل
واسعارها
وارخص مكان يبيعها

ولكم مني كل الشكر والتقدير

[كوووره]

اخي الكريم مافي فرق بينهم اذا انت مبتدأ

لان في كل الاحوال الضغط ماراح يوصل لــ3000 اذا الاسطوانه عبيتها فل

اذا كنت مخطئ ارجو من الخبراء يصححون لي

تقبل تحياتي

[هموووس]

يعطيك العافية اخ كورة وياريت الاخوان
يشاركوو اذا عندهم معلومات

[jeddahauto]

وعليكم السلام والرحمه والاكرام
وكل عام وانت بالصحه و السلامه

كل حجم من الاسطوانات يجي فيه عده فئات ... الاحجام المتوفره غالبا بالسوق تكون بين 8-10-12 لتر كسعه
وكل حجم فيها يجي بعده انواع من الضغط
والمتداوله بالسوق غالبا تكون الالمنيوم حجم 12 لتر و في منها ضغط 3000 او 3300

والفرق بينهم هو ال 3000 ممكن تعطيك مده غوص 45دقيقه تقريبا
اما ال 3300 ممكن تعطيك وقت اطول يصل ل 55-60 دقيقه تقريبا .. والسبب ان الاسطوانه مصنوعه بسمك اكثر يتحمل ضغط اكثر من اسطوانات ال3000

وسعر ال 12 لتر بضغط 3000 ب 580 ريال تقريبا
اما ال 12 لتر بضغط 3300 ب 650 الى 700 ريال

و عندك انواع تتحمل ضغط اكبر يوصل ل 4400 واللي هي اسطوانات الحديد و اسعارها اغلى بكثير و لكن تعطيك مده غوص كبيره توصل لضعف مده غوصات باسطوانات الالمنيوم

اما الاخ كوووره فتصحيحا لمعلوماته فمن الطبيعي لو كانت سعه الاسطوانه 3000 فأكيد محلات الغوص ما راح تتعدى هذه النسبه من الضغط او ممكن توصلها احيانا ل 3100

و اسطوانات ال 3300 فيعبوها بضغط 3300 ويصل الى 3400

و مره بالخطأ عبو اسطوانه سعتها 3300 و عبوها بضغط 4400 و الحمد لله انها ما انفجرت و هذا من الاخطاء الشائعه عند بعض الغواصين انه يطلب من اللي يعبي الاسطوانه انها يعبيها اكثر من السعه المفروضه وما يخطر بباله انه بكذا بيزيد احتماليه انفجارها

و حتى تتخيلو اكثر قوه الضغط بالاسطوانه واللي توصل 3300 ... فيمكنكم التفكير بقوه انفجار كفرات السياره واللي تكون قوه ضغطها 45-60 فقط .. فما بالك ب3300 ويوصلها ل 4400 ؟؟؟

وللعلم هذه مجرد معلومات عامه وليست متخصصه في الاسطوانات وممكن تستفسر اكثر من أهل العلم وان شاء الله راح يفيدونك اكثر

[البضيع]

ماشاء الله عليك يابو هاشم وفيت وكفيت الله يجزاك خير

[هموووس]

والله كفيت ووفيت يا ابو هشام