وش تنصحوني فيه ؟

[أبو الذيابه]

السلام عليكم ورحمة الله وبركاته ..

يا اخوان تقبل الله منا ومنكم .. اشتريت لي جيب نيسان صالون gl 91 وابغى اجهزه مع هالبرادات الله يسقينا ويغيثنا مع طلعة سهيل وان شاء الله مع الوسم ..

فَ وش تنصحوني فيه يا أهل الخبرة في تجهيز الجيب السفاري ؟
مساعديات الأفضل ؟
كفرات الأفضل ؟
الجنوط الأفضل ؟
تانكي الماء الأفضل حجماً واستخداماً ؟
المراوح الأفضل ؟
السلة الأفضل ؟
التوصيلات الكهربائية الأفضل ؟

وكل ما تعتقدون انه يخدمني في الرحلات ؟

حفظكم الله ةتقبل منا ومنكم

[اسير الغضا]

وانا اخوك المنتدى يزخر بالتجهيزات والفوائد الجمه

كل ماعليك ان تذهب الى المواضيع المميزه تجدها مثبته
او في خانة بحث قوقل مكشات تجدها في الاعلى بجانب مركز تحميل الصور

[التعـ King ـديل]

مساعديات الأفضل ؟ وكاله او شاص + ياي استرالي
كفرات الأفضل ؟ بالون 900 / ماكسس 8 غاط
الجنوط الأفضل ؟ هلل مبرز تجاري
تانكي الماء الأفضل حجماً واستخداماً ؟ مالي علم
المراوح الأفضل ؟ سوبارو او مكسيما
السلة الأفضل ؟ مالي علم
التوصيلات الكهربائية الأفضل ؟ مالي علم

لاتنسى الفرار البرازيلي

[عاشق السيل]

السلام عليكم ورحمة الله وبركاته ..
وعليكم السلام ورحمة الله وبركاته ،،

يا اخوان تقبل الله منا ومنكم .. اشتريت لي جيب نيسان صالون gl 91 وابغى اجهزه مع هالبرادات الله يسقينا ويغيثنا مع طلعة سهيل وان شاء الله مع الوسم ..
ألف مبروك والله يطعمك من خيره ويكفيك شره ،،


فَ وش تنصحوني فيه يا أهل الخبرة في تجهيز الجيب السفاري ؟
مساعديات الأفضل ؟
يمدحون المساعدات الاسترالية ،،

كفرات الأفضل ؟
البالون زينة لكن بالبر بس أما بالديرة والخطوط خطيرة وخاصة مع المطر ،،
وإذا تبي نصيحتي ركب هانكوك خفيفة وناعمة ولينة ورخيصة وقوية وصبورة !!

الجنوط الأفضل ؟
السنبوسة أو النجمة أو المثلثة <<< لها عدة تسميات !!

تانكي الماء الأفضل حجماً واستخداماً ؟
الألومنيوم إذا كان داخلي والاستيل إذا كان خارجي ،،
والحجم 60 لتر وفوق وكلما كان اكبر بيكون أريح لك ،،

المراوح الأفضل ؟
أنصحك تركب مروحة إضافية أمام الأديتر أما مروحة المكينة لا تغيرها ،،

السلة الأفضل ؟
العلوية وبسسسسسسسسسس ولا تفكر بالخلفية نهائيا ،،

التوصيلات الكهربائية الأفضل ؟
مافيه توصيلات معينة ممكن نذكرها لك ،، لكن مطلوب منك تسوي توصيل لأريال الآيكوم وسلك من البطارية لكهرب الآيكوم وممكن تسوي فاصل للمروحة الإضافية أو للكشافات الأمامية لو بغيت تركب ،،

وكل ما تعتقدون انه يخدمني في الرحلات ؟
أهم شي تجهيز عدة الرحلات الضرورية مثل الواير والاشتراك ومنفاخ الهواء وعيار الكفرات وعدة صيانة متكاملة وكريك وشاكوش ولمبة مغناطيس وغيرها كثيييييير !!

حفظكم الله ةتقبل منا ومنكم
آمين .... هذا اللي عندي وآسف على الإطالة والشباب بيفيدونك أكثر إن شاء الله ....

[أبو الذيابه]

اخي اسير الغضا
الله يجزاك خير ويتقبل منك
اخي كنق التعديل
ماقصرت وافدتنا حفظك الله وتقبل منك
ياعاشق السيل
افدتنا ونورتنا أنار الله لك دروب الخير ووفقك الله وتقبل منك

[ابوصالح77]

هلا بك أخوي ومرحبتين ، ويا عله مبروك هالجيب وعسى ربي يطعمك من خيره ويكفيك من شره
فَ وش تنصحوني فيه يا أهل الخبرة في تجهيز الجيب السفاري ؟
أهم شيء لا تستعجل ، ودور الشغل الزين
مساعديات الأفضل ؟
فادوك ألإخوان
كفرات الأفضل ؟
بالون 8 غاط أو دنلوب نقشة الشاهين مقاس 16/85/245(بر وخط)
الجنوط الأفضل ؟
الهلل
تانكي الماء الأفضل حجماً واستخداماً ؟
خذ من 100 لتر وطالع ، ألمنيوم ، واقف أو مربع ، ولايقربك المنسدح
المراوح الأفضل ؟
أنصحك بالبلد ، وكانك معزم سوبارو
السلة الأفضل ؟
سلة علوية ، فصلها على إحتياجاتك
التوصيلات الكهربائية الأفضل ؟
أهم شيء أسلاك وجرجور وتيب ذو جودة عالية ، علماً أن الكنود والثلاجة يحتاج سلك قوي
وكل ما تعتقدون انه يخدمني في الرحلات ؟
أهم شيء التنظيم في أغراضك ، وما أوصيك بشنطة الإسعافات وطفاية الحريق
والباقي ما يجهلك
تقبل مروري
بالتوفيق