مارأيكم بمكينة الــ باترول 4800 vtc ؟

[عاشق الجبل]

السلام عليكم ورحمة الله وبركاته

ركبت على سيارتي ( باترول 97 ) مكينة نيسان موديل 2002 vtc4800


الصراحة ياجماعة الخير السيارة صار عزمها خيال ولكن هل تتحمل الإستخدام على المدى البعيد ؟


وماهي سلبيات هذه المكينة ؟


وماهو الراديتر المناسب لها لأن راديتر الــ 4800 مايركب ( طويل ) إلا بعد قص شوي من الشاص

هل أركب رديتر ألمنيوم ( رصتين ) حق باترول 97 لأن اللي على موتري 3 رصات نحاس وطني

والحرارة ترتفع عندي الى الــ نص بعد الشد على السيارة بالأول والثاني مع أني مركب مراوح كبيرة



أنتظر الإفادة من آهل الخبرة

[ماجد الشمري]

اخوي عاشق الجبل ..
اذا مكينة النيسان ما تستحمل اجل وش بقى ؟؟؟
الا نيسان بالمكاين لاتحاكيهم ...







اخوكم ماجد الشمري

[الراعي الرسمي]

اخوي عاشق الجبل ..
اذا مكينة النيسان ما تستحمل اجل وش بقى ؟؟؟
الا نيسان بالمكاين لاتحاكيهم ...





اخوكم ماجد الشمري
:D :D :D :good:

[abu rashid]

مشروع ناجح
انت جمعت بين قوه الدفرنش والتحمل في ال97 وقوة المكينه في 2002
الله يوفقك
بس بالنسبه للرديتر حق ال2002 رديتره الومنيوم ويجي اصغر من ال2001 و 2000الحديد
بس مدري هل ير كب على ال97
بس تاكد من اللي مركبه ما اتوقع انه حق2002 لانه صغير والمونيوم واظن انه يركب على ال97
وعندي سؤال لو سمحت
بكم طلع عليك الشغل وهل المكينه جديده ولا

وشكراا

[عاشق الجبل]

الأخ : ماجد الشمري ( الله يرفع معنوياتك أنت والأخ الراعي الرسمي )




الأخ : جويعد بالنسبة لأديتر الــ 4800 ...... فهو موديل 2002 وأنا متأكد 100%

وكل مادخلت البيت وطلعت إلا هو قدامي لأنه مايركب على موتري إلا عن طريق قطع جزء من الشاص !!!

قررت بعد الإستخارة وركبت أديتر ألمنيوم 2 رصة ( موديل 97 ) ونزلت الحرارة والحمدلله

شديت عليه بالأول والموتر يقطع و يدور بوش بمحله ( cut of ) وغيرت للثاني والثالث والرابع حتى سرعة 180

والحرارة الربع والحمدلله .

المكينة كانت على باترول 2002 وماشية 140000 كيلومتر وكلفتني مع شغل الميكانيكا وتشغيل الكمبيوتر والهدرز

وفلتر الهواء الخارجي وتعديل الكبوت وطرمبة بنزين b m w ومراوح أمريكية وكبس هيدرولك لليات المكيف

21000 ريال لكن والله تستأهل 25000 ريال .

والخطة القادمة تركيب تربو أو بروتشارجر إن شاء الله

[أبوأحمد98]

مشاء الله عليك أخوي (عاشق الجبل) ...بالتوفيق ان شاء الله

[سهيل1]

مبارك الموتر ... وعسى الله يعطيك خيره ويكفييك شره

ارتفاع الحرارة (( أكثر من النص )) أكبر مصيبة على المكينة .... كذلك تحرك الموتر والمكينة باردة (( أيضا له تأثير سيئ على المكينة )) .


.

[عاشق الجبل]

الأخ : أبوأحمد 98 ........... الله يبارك فيك


الأخ سهيل 1: مثل ماتفضلت الحرارة اللي توصل النصف وأكثر تؤثر على المكينة وكذلك التشغيل والمشي وهي باردة .

[path_poth]

عاشق جبل

ممكن تذكر كم طلعت عليك المكينة
والتفاصيل الباقية
لأن معي 98 وابغى اطق له 4800 وخايف ان التكاليف تكون غير متوقعة

[عاشق الجبل]

الأخ : path_poth

التكاليف يالغالي مذكورة أعلاه في أحد ردودي

عمومآ يوجد مكينة مثل المكينة اللي شريتها مسيومة 14500 أو 15000 ريال حسب ماسمعت ( موديل ) 2002

بكامل أغراضها ( الكمبيوتر والظفيرة والقربة والسكيروتي وطرمبة البنزين ) في القصيم

لكن يبغى لك شوي صبر علشان تشتغل سيارتك 100%

تركيب المكينة ( ميكانيكا ) أسبوع

تركيب الكمبيوتر والظفيرة ( كهرباء ) 10 أيام

ولاتنسى ترهيم ليات المكيف وكبسها بالهيدروليك وشغل الهيدرز والمراوح والتأكد من الكبوت أنه مايدقر بغطاء المكينة

لأن موتري أضطريت أفصل له كبوت جديد ( صاج خفيف ) بإرتفاع 5 سم زيادة لأني ماودي أرفع البودي عن الشاص

لخطورة ذلك مع السرعة ( سبب ذلك أرتفاع وكبر المكينة الــ 1800 )

عمومآ حط حساب 5000 ريال غير قيمة المكينة ( 15000) ريال تقريبآ

لكن إذا أنتهى الموتر وسميت بالله وشغلت وحطيته بواحد ثم أثنين ( شرط تنسى الــ 20000 ريال ) لأنك تحس أن تحتك موتر



بالتوفيق :)

[عاشق الجبل]

لكن لاتنسى أن صرفية البنزين بعد التركيب ( توجع القلب والمخبأ ) :)

[تبريزة]

ماشاءالله

اول شي على البركه

الله يوفقك ان شاءالله ،، وعقبال مانشوف شي يبيض الوجه

عزيزي

حبيت اسئلك عل قمت بقياس عدد الاحصنه بعد المكينه ،، يعني ودي اعرف كم طلع الناتج معك

ومن ناحية طرمبة الزيت ،، سمعت من اكثر من شخص لهم خلفيه عن النيسان انه بعد مكينة 4800 اكثر حاجه تخرب فيها طرمبة الزيت (بعد الفلتر والهدرز ) يعني اذا ركبت هذولي

ومن ناحية وزن المكينه هل هي اخف وزن من مكينة شد بلد

واسف على الاطاله

ودمتم
اخوك
تبريزة

[عاشق الجبل]

الأخ : تبريزة

ماعندي خلفية عن مشاكل طرمبة البنزين وأول مرة أسمع أنها تتعطل .

الــفيتك مشكلتها ماتتحمل R P M عالي جدآ عن طريق تركيب تربو مثلآ فوق 6 بوست لأن أذرعة البساتم حساسة

ووزنها أكبر من الــ 4200 و الــ 4500 ويكفي أنها Twin Cam ( عامودين تيمن )


والــ4800 ......... 280 حصان

[حرباش]

اخوي عاشق الجبل
<<<<<<<<<<<<< طمع بجوله في الثمامه :D

ماشالله عليك ، والله يباركلك بهالمكينه ويعطيك خيرها وكفيك شرها
الصراحه شغلك متعووب عليه و يستاهل القيمه اللي حطيتها فيه :)

يعطيك العافيه على المعلومات ونبي صوره للموتر ولا عليك أمر ;)

اخوك حرباش :cool:

[path_poth]

عـــــاشق جبل


مطلوب صور للمكينة والموتر إذا ماعليك أمر

[القهوه]

الحقيقة سيارة متعوب عليها








طبيعي بعد4800 مافيه كلام

[عاشق الجبل]

الأخ : حرباش ( تسلم يالغالي وهذا من حسن ذوقك والصورة قريب إن شاء الله


الأخ : path_poth أبشر يالغالي والموتر جاهز بعد تفصيل الكبوت الجديد


الأخ القهوة صدقت وعزالله أنها مكينة صح ومن قوتها الأول ماتستفيد منه إلا بفزة الموتر وبعدها الثاني يستمر يخلي الكفرات

تدخن .

وعيبها أنها تقطع عند سرعة 210

[أبوخلاد]

السلام عليكم معكم أبو خلاد ضيف جديد فهل من مرحب

[Rakeb Shabah]

السلام عليك اخوي عاشق الجبل،

المكينة راح تعمر وياك بإن الله تعالى اذا كانت ستاندر.

اذا تريد تنزل الحرارة، انا انصحك انك تركب مبرد للزيت Oil Cooler. جربنا المبرد على نيسان تيربو ديزل ونزلت الحرارة في حدود %40.

طبعاً المبردات انواعها كثيرة وقياساتها اكبر. شوف اكبر حجم تقدر تركبه وتوكل على الله. مافي داعي انك تغير الراديتر.



الخوي من ذاتنا نحسب حسابه ... وله راعي في الوفا لين الحسيب

غفر الله لي ولك ولوالدينا.

[gx555]

السلام عليكم

بعد التجارب والتعب رديتر كروزر 97 وانسى .

[flan]

السلام عليكم الصراحه الشغل متعوب عليه ويستاهل القيمه اللي قال والله يعطيك من خيره ويكفيك شره