سؤال مهمم لجميع الأعضاء

[الغووول]

بسم الله الرحمن الرحيم سؤال للجيع أر الإجابه كل وخبرته....س: وش تسوي إذا أنقطع سير مكينة سيارتك وأنت في المقناص في أرض منقطعه ولامعاك أنت وخوياك الا ذا السياره ؟؟؟؟؟؟

[ملوع الخليان]

وعليكم السلام فيه مليون حل :
1- العقال اللي على الرأس .
2- تقطع من شنبر الكفر إذا كان جيب .
3- سبتة البندق أو الفراش أو الجفير .
4- أي قطعة شراع أخضر ثم تربط .
5- تمشي بالسيارة إلى أقرب خط .
6- تدقها كعابي ، ومنه رياضة ومقناص ، وتسلك الخطوط الموصلة للطريق المزفلت .
7- توسع صدرك يما يجي الليل وتشر بالنور .
8- تركب سير المكيف إذا كانت السيارة مكيف .
9-تستخدم جوال الثرياء وتتصل بملوع الخليان وأبشر بسعدك .

[الغووول]

ما قصرت شكرا لك ياملوع الخليان.... ونطمح للمزيد من العصر للخبره وإنشاء الله ماتتعرض لهذا الموقف ولا من يعز عليك ....وتقنص وترجع بالسلامه دائما

[صوعان]

فيه فكره حلوه وانا شفتها على الطبيعه مع واحد من الشباب
جايب سير كبير مقاسه كبير وقاطعه قاصه قص بعدين مخرم السير من عند نهايه الطرفين الي قص السير من عندها يعني السير صاير مثل الحزام او السبته وله طرفين ومخرم بدرجات يعني اذا انقطع السير تركبه من دون ماترخي الميزانيه ولا شي
ركبه على المقاس واربط ...طبعا يمشي حالك لين تطلع على محطه ولا تدبر نفسك

[سفير الجزيرة]

السلام عليكم ورحمة الله وبركاته
موضوعك يا أخي الغووول ممتاز
وفكرة ملوع وصوعان جيدة
لكن العنوان مختلف تماماً ، ياليت تقدر تعدلة أو يعدلة المشرف كي يصبح مناسب مع الموضوع .