استفسار عن جنوط الهلل (لاصحاب التجربه)

[محمدالعريني]

السلام عليكم ورحمة الله
مساكم صبحكم الله بالخير
ياجماعة الخير انا صملت على جنوط الهلل بركبهن على الفتك بس ودي تفيدوني عن الفرق بين التجاري والاصلي هل فيه فرق من ناحية الاستخدام يعني الصينيه فيها رجه او فيها عيوب مع العلم ان الفرق نص القيمه بين الصيني والاصلي اللي هو حق الباجيرو وانا اميل للصينيه بسبب رخصها مع انه فيه فرق بسيط بالشكل

للمعلوميه بركب عليهن ماكسس 900

اتمنى تفيدوني باسرع وقت ولكم مني خالص الدعاء
:(:(

[محمدالعريني]

للرررررررررفع ولا مشاهده ولا شي

[هاجر الود]

ماأنصحك بالصيني أبد أخذ الأصلي وحياتك أغلى .

[أبوصقر]

يالأجودي أنا مركب التجاري ما مثل..رخيص..ولارجه..وأنواع المطامر والحمد لله ماأشتكيت من الرجه ولا العفوط..طبعاً وجهة نظر ومن واقع تجربة..

[محمدالعريني]

ماأنصحك بالصيني أبد أخذ الأصلي وحياتك أغلى .

مشكووور على مرورك
بس اخوي مالها علاقه بالخطر
المقصد الرجه والوزن فيه فرق او لا مع ان الصيني مايبي تبريزه ولا شي

[محمدالعريني]

يالأجودي أنا مركب التجاري ما مثل..رخيص..ولارجه..وأنواع المطامر والحمد لله ماأشتكيت من الرجه ولا العفوط..طبعاً وجهة نظر ومن واقع تجربة..
الله لا يهينك يا ابو صقر
يعيني هي تقوم مقام الاصليه ولا فيه فرق ابد وبكم خذتهن ومعهن صواميلها

[ذيب الزور]

اخوي محمد انا بعد نفس الشي ودي اركب جنوط هلل بس الهلل الا صليه هي حقت الباجيرو وفيه منها صيني

بس اللي ابي اعرفه الجنوط البرازيليه الاصليه هي حقت اي موتر؟؟؟؟
لاني اشوفها ازين من الهلل بنظري
واللي يعرف هالجنوط على اي موتر تجي ودي اخذها اصليه من محلات القطع اذا لقيتها

[مجالس الرجال]

يالحبيب الجنوط لها علاقة كبيرة بالخطر
الكسر منها لانه ضعيف ووزنه فرق عن الاصلي واللي جرب وسلم اقول ماكل مره تسلم الجرة

[محمدالعريني]

اخوي محمد انا بعد نفس الشي ودي اركب جنوط هلل بس الهلل الا صليه هي حقت الباجيرو وفيه منها صيني

بس اللي ابي اعرفه الجنوط البرازيليه الاصليه هي حقت اي موتر؟؟؟؟
لاني اشوفها ازين من الهلل بنظري
واللي يعرف هالجنوط على اي موتر تجي ودي اخذها اصليه من محلات القطع اذا لقيتها

والله وان اخوك انا محتار للحين بين الاصلي والتجاري فيه فرق كبير بالسعر

وبالنسبه للبرازيلي هي جنوط الجمس الحوض البرازيلي ان كانك خابره نزل كم موديل من اكثر من 15 سنه الجنوط هذي تجي عليه

[محمدالعريني]

يالحبيب الجنوط لها علاقة كبيرة بالخطر
الكسر منها لانه ضعيف ووزنه فرق عن الاصلي واللي جرب وسلم اقول ماكل مره تسلم الجرة
طيب الجنوط الكروم اللي يركبونها اهل الجيوب حقت الغرابي كلها صينيه وامارتيه ولا بعد سمعت ان جنط انكسر من النص نبي نشوف اللي جربو

[اسير الغضا]

شف اخوي اذا شريت تجاري انت المنظر

الجنط خفيف وينعفط علطول وخطر

والجنط التجاري ماياخظه الا حقين النصب اللي بس يوقف سيارته وماغير يغبر يعني شكليات بس


واذا شريت اصلي عندك شيئن ياتشريه مخروط وتركبه علطول او تشري ثمن تخرطه بالمخرطه

[محمدالعريني]

شف اخوي اذا شريت تجاري انت المنظر

الجنط خفيف وينعفط علطول وخطر

والجنط التجاري ماياخظه الا حقين النصب اللي بس يوقف سيارته وماغير يغبر يعني شكليات بس


واذا شريت اصلي عندك شيئن ياتشريه مخروط وتركبه علطول او تشري ثمن تخرطه بالمخرطه

مشكووور وماقصرت الله يجزاك الجنه

[محمدالعريني]

للررررررررفع

[الوسطاوي]

وعليكم السلام
هلا ااخوي محمد
اعتقد الاصلي افضل وامن حمانا الله ووياكم من كل مكروه
دمت بخير

[كوووره]

لا عمرك تفكر بالتجاري ابدا

فكر بنفسك وروحك وماعليك من الناس اللي مركبين تجاري

اعرف واحد من الشباب مركب جنط تجاري طلع فيه مطب قام انكسر كله من النص وراحت عليه دراهمه

تخيل لو خويي كان يمشي 120 او اكثر وش كان بيصير فيه ؟

اقول اكيد انت عندك اهل يحبونك ويخافون عليك واكيد ماودهم بسمعون عنك بخبر شين لاقدر الله

خذ اصلي واذا طفشت منه بيعه . صدقني الاصلي شيك لاجيت تبيعه

ارجو ان تتقبل نصيحتي بصدر رجب .. تحياتي

[bn_501]

التجاري بـ 600


ونصيحه ابعد عن التجاري لي تجربه سابقه بالتجاري الله لايعيدهـ



والاصلي مبرز ومرشوش وماعندك احلى منه بـ 1200 ريال

والاصلي مجرب 6 سنوات ماعندك احلى منه مطامر نفود نط ارصفه كل شي ماقال شي



مع السلآمات

[مجنون باترول4800]

ياجماعة ترا مابوه شي اسموه اصلي كلهن واحد الاصلي والتجاري احسن
االان الاصلي يحتاج تبريز وعشان يبرز الجنط لزم يفك ثم يلحم ثانية
يعني اصلي البط
خذ تجاري ترا ماعليه كلام انا مجربهن عسل

[الوسطاوي]

لا عمرك تفكر بالتجاري ابدا

فكر بنفسك وروحك وماعليك من الناس اللي مركبين تجاري

اعرف واحد من الشباب مركب جنط تجاري طلع فيه مطب قام انكسر كله من النص وراحت عليه دراهمه

تخيل لو خويي كان يمشي 120 او اكثر وش كان بيصير فيه ؟

اقول اكيد انت عندك اهل يحبونك ويخافون عليك واكيد ماودهم بسمعون عنك بخبر شين لاقدر الله

خذ اصلي واذا طفشت منه بيعه . صدقني الاصلي شيك لاجيت تبيعه

ارجو ان تتقبل نصيحتي بصدر رجب .. تحياتي

كلام سليم اخووي كوره ونصيحه اخوية لاعدمناها وحمانا الله واياكم من كل مكروه