المساعد الشخصي الرقمي

مشاهدة النسخة كاملة : حيرني عيار الزيت


بليزر
26/07/2005, 08:15 AM
القصه و ما فيها
رحت لمحل غيار الزيت مع العصرية (سيارتي جمس93م)
وقلت غير الزيت والسيفون المهم لما جا يصب الزيت قلت له كم علبه قال لي
7 علب إلا ربع قلت لا حط بس 6 ونصف والباقي انا اكمله ومن بكره وقبل ما
اروح للعمل عايرة الزيت وإذا به فوق آخر فتحه ب 3سم عني مرتفع بالمره
قلت اشغل الموتر لين يحمى وأخليه ربع ساعه بعد التشغيل وأعيار الزيت واحصله
تحت فتحتين من عيار الزيت وأخلي الموتر واروح للعمل بسياره ثانيه ومن العصرية
اروح اقيس الزيت واحصله فوق آخر فتحة ب 3سم زي مقياسي الأول
والحين السؤال اي المقياسين اصح لمستو الزيت ؟
ارجو من الأعضاء الإجابة ورفع الحيرة عني ؟
SilverSniper
26/07/2005, 10:53 AM
القياس الصحيح لما تكون السيارة واقفة على سطح مستوي وطافية من مدة ( ليلة واحدة مثلاً)..
لأن الزيت يصعد للصبابات في الراس اذا كانت السيارة مشتغلة ولا يعطيك القياس الصحيح..
:) نهارك سعيد :)
راع الاولة
26/07/2005, 02:54 PM
القياس الصحيح للزيت تكون السيارة شغاالة طفها وانتظر دقيقتان وبعدها خذ العيار
ولاتخلي الزيت زايد تراه يضربلك الصوف للمعلميه يكون الزيت ناقص شوى ارحم من يوم يكون زايد
ودمتم سالمين
بليزر
27/07/2005, 07:14 AM
الأخوين
SilverSniper
راع الاولة

نشكر لكم مروركم
ولكن الحقيقة ما زتوني إلا حيره زي عيار الزيت
الأول يؤيد القياس الأول على ان يكون قياس السيارة بعد ما تطفي وقت طويل( ليلة مثلا) و الأخر يقول بعد دقيقتين
وش الحل يا النشاما ؟
SilverSniper
27/07/2005, 09:05 AM
بعد دقيقتين من تطفية السيارة.. يكون الزيت في فترة نزوله من الراس.. ويكون متمدد من الحرارة.. فما يعطيك قياس صح..
أما في حالة تكون السيارة طافية من مدة... يكون الزيت كله في الكارتير.. وبنفس درجة حرارة الجو.. فهو القياس الصحيح..
تحياتي..:)
بليزر
27/07/2005, 12:59 PM
الأخ / SilverSniper
اشكر تواصلك معي ورفع الحرج عني
والله يجزاك كل خير الحقيقة انا ارتحت لمنطق كلامك وسأعتمده