المساعد الشخصي الرقمي

مشاهدة النسخة كاملة : Hummer h3 & fj


sawa900
30/08/2010, 05:16 AM
السلام عليكم ورحمة الله وبركاته
اليوم جايب لكم موضوع مقارنه بين الهمر وال اف جي

عموما كل السيارتين ماشاء الله عليهم
ولكن الهمر النقطه الاساسيه من تصنيعه هي لتحدي المناطق الوعره ومثل ماراح تشوفون في مقطع الفيديو

اما الا اف جي سياره ماعليها كلام من ناحية النشاط والخفه ولكن الامان عند الحوادث ما اتوقع انه يملك اي نقطه ايجابيه

ملاحظه - اتمنى من الجميع عدم اخذ الموضوع بمنحنى اخر وفهمه بانه مقارنه للمعرفه فقط
كما اود من الجميع بان يعلم بان السياره تحتاج الى سائق محترف في القياده مهما كانت قوتها
سيارات السيدان = تقاس قوتها وكفائتها بعدد الأحضنة

اما سيارات الدفع الرباعي = تقاس قوتها وأدائها بقوة عزم الدوران (الدفرنس)

شباب المقاطع فيه موسيقى


Qu4dmSC_vlE




1ftDl5DBB-Y




http://www.youtube.com/watch?v=kJ7DWRsPq1k&feature=player_embedded#!
وتقبلوا تحياتي وتقديري
sawa900
30/08/2010, 05:19 AM
kJ7DWRsPq1k
دل البحار
30/08/2010, 05:35 AM
مشكور وما قصرت يا اخ همر
لكن من وجهة نظري انو الياباني متخصص ومتميز في سياراته ومنها سيارات الدفع الرباعي بجميع فيأته
الامريكي ما اعتقد تجتمع رفاهيه وصخور في نفس الوقت
sawa900
30/08/2010, 05:39 AM
اخوي دل البحار
شرفتني بحضورك
ولكن من المعروف عند اجدادنا ان اول السيارات وافضلها كانت الشفر والفورد وانا متاكد
من اول ماكان يعيش الى الجمس الصحن والفورد اللي كان اللون المميز فيها الاحمر
والحين اللي عنده جمس صحن او فورد تلقاه محتفظ فيه وخايف عليه لانه سياره تستحق انك تملكها

وانا اتمنى منك تشريفنا في احد الرحلات ويمكنك المشاركه معنا من خلال فريق همر العربيه
وتشوف كيف قدرت الاخوان في القياده
ابن علوان
30/08/2010, 06:26 AM
لاحد يزعل مني عندي تعليق بسيط

ماني منتظر يجي واحد ويرد رد عكس اللي شفناه في المقطع
انا بأرد باشوف وش يحسون فيه عشاق تويوتا في هذي الحالات

الرد/ على لسان العشاق طبعا
1-تويوتا وبس
2-والله الهمر مايسوى
3-الامريكي كله اعطال
4-اكيد القير راح فيها
5-المقطع ملفق
6-هم متعمدين يحطون الاف جي بصوره سيئه لان اللي يجربون امريكان
7-مو نفس المكان
8- الهمر معدل وفيه شي
9- بيقولون الكفرات حق الاف جي ظغطها 60 (مالهم عذر ماحنا في رمل ) ههههههههه
10-مافي زي التويوتا ( وهو شايف قدامه ) بس لازم يمجد التويوتا
11-السواق غبي
12-اعلان للهمر

جبت الاعذار كلها ولكن بيطلع لك 20 واحد باعذار غير اللي ذكرتها متعودين ومحترفين يوجدون اعذار

ياليت تلقى واحد يكون عنده روح رياضيه ويقول لك نعم الهمر هنا في هذا المقطع ابدع والاف جي ماقدر
ياااااااااااااااااااااااااااااااليت
ولد وايل..
30/08/2010, 06:46 AM
ماشاء الله تقل قرد يا ها الهمر....


ماشاء الله....

بالمقطع الأول فادة التراكشن كنترول (الدف لك الإكلتروني)

والهمر معروف بالكفائة العالية بالصخور...
sawa900
30/08/2010, 06:54 AM
يابعد حيي يا ابن علون
كفيت ووفيت

وانا عندي روح رياضيه واقول مثل مفيه غشمان ورخوم يملكون الهمر فيه غشمان ورخوم يملكون التويوتا والعبره على السائق هو اللي يخلي نفسه في معزه وهو اللي يخلي نفسه في ؟
والنهايه هي قاعده واحده لاثانيه لها
قائد محترف = فن وقياده ومتعه وارتقااااااااااااء
سياره بقائد غير ملم بالفن والاحتراف = غرازات وتعليقات ومشاكل وحنة السياره يسمها اللي بالرياض وغيرها وغيرها
خلاص انتهى عصر الغباء ياناس ابو جميل جالس يلعب علينا وكل يوم يرفع الاسعار والقطع صارت مثل قطع المرسدس والبي ام غاليه
خلاص ترى كل السيارات تؤدي نفس الغرض ونفس المهمه
يعني اذا شفت ابو جميل رافع السعر عندك فورد عندك جراند شروكي عندك باجيرو عندك خيارات كثيره ويمكن تلقى خدمه افضل من ابو جميل
انا اليوم وقف على شارع الابراج والزحمه واصله اشارة شارع سدير قلت الظاهر تفتيش وامشي والزحمه بسبة صيانة عبداللطيف جميل جتى مواقف للعملاء مافيه يعني تنتظر بسيارتك الين يجيك الدور الى متى هذي المهزله والاستهتار اكيد بيستمر علشان فيه ناس اغبياء وناس تطبل له في المنتديات وتمدح سياراته وهي كلها عيوب وفي الدول الثانيه انسحبت اكثر من مليون سياره من العيوب المصنيه ولكن حنا عادي تنقلب وتموت لانك رخيص عند عبداللطيف جميل وهو عارف انك حتى لو سلمت من الانقلاب بتشتري تويوتا
مسير عليهم
30/08/2010, 08:58 AM
من فترة ونظرتي غير

فعلاً الا مريكي اثبت جدارته والدليل اغلب اللي يطبلون للاند الجديد يبيعونه ويشترون يوكون او تاهو

اكيد بيجي واحد بيخش في عيني ويقول انت كذاب

اخوي معه همر اتش 3 ماشاء الله موتر شيخ جربناه في رمل وفي شعبان ويمشي زي الحلاوه وهو بـ 5 سلندر

الله يرزقني بواحد نظيف وان حصل 8 سلندر حبيت يدي وهي مقلوبه
شب المشاعيل
30/08/2010, 09:52 AM
ما يخفى على الحميع قوة الهمر .

وانا كنت ناوي اشتري ال اتش 3 ,,

بس المشكلة ياخوك بينقطع عام 2011 خلاص؟؟

صحيح ان القطع بتكون متواجده بس السيارة يصير وجودها قليل ..

وتصير القطع محتكرة عند الوكيل فقط ..

بالتوفيق
ابن علوان
30/08/2010, 12:19 PM
يابعد حيي يا ابن علون
كفيت ووفيت

وانا عندي روح رياضيه واقول مثل مفيه غشمان ورخوم يملكون الهمر فيه غشمان ورخوم يملكون التويوتا والعبره على السائق هو اللي يخلي نفسه في معزه وهو اللي يخلي نفسه في ؟
والنهايه هي قاعده واحده لاثانيه لها
قائد محترف = فن وقياده ومتعه وارتقااااااااااااء
سياره بقائد غير ملم بالفن والاحتراف = غرازات وتعليقات ومشاكل وحنة السياره يسمها اللي بالرياض وغيرها وغيرها
خلاص انتهى عصر الغباء ياناس ابو جميل جالس يلعب علينا وكل يوم يرفع الاسعار والقطع صارت مثل قطع المرسدس والبي ام غاليه
خلاص ترى كل السيارات تؤدي نفس الغرض ونفس المهمه
يعني اذا شفت ابو جميل رافع السعر عندك فورد عندك جراند شروكي عندك باجيرو عندك خيارات كثيره ويمكن تلقى خدمه افضل من ابو جميل
انا اليوم وقف على شارع الابراج والزحمه واصله اشارة شارع سدير قلت الظاهر تفتيش وامشي والزحمه بسبة صيانة عبداللطيف جميل جتى مواقف للعملاء مافيه يعني تنتظر بسيارتك الين يجيك الدور الى متى هذي المهزله والاستهتار اكيد بيستمر علشان فيه ناس اغبياء وناس تطبل له في المنتديات وتمدح سياراته وهي كلها عيوب وفي الدول الثانيه انسحبت اكثر من مليون سياره من العيوب المصنيه ولكن حنا عادي تنقلب وتموت لانك رخيص عند عبداللطيف جميل وهو عارف انك حتى لو سلمت من الانقلاب بتشتري تويوتا
لم يبقى من تويوتا الا الاسم والسمعة التي اكتسبتها قديما ايام كانت تنتج سيارات

اما الان اصبحت تنتج عيوب فيها سيارات مو سيارات فيها عيوب لان العيوب غطت على الشيء الاساسي وهو السيارات

قول تويوتا يرد عليك واحد من بعيييييد عيووووووووووووووب
اصبح اسم تويوتا مقترن بالعيوب المصنعيه لانها زادت الانتاج بطريقة غير مدروسه وايما غباء هذا
ارادت ان تاكل كعكة اكبر من حجمها فغصت بها تحسب نفسها جنرال موتورز هههههه
تريد ان تصبح الصانع الاول في العالم ولكن بعدا لها لانها استعادت معظم ماصنعت
احد يغلط في 8000000 ملايين سياره عيوب مصنعيه صراحه لاتعليق لان هذا العدد كانت العيوب فيه دواسة البنزين
ولسه مادخلنا على مشكلة العيوب في كهرباء السياره اللي استدعت فيه سيارات كورولا من 2003 الى 2008
ومشكلة سيارات لكزس بخصوص نظام التوجيه في 460
ومشكلة سيارات برادو وgx من لكزس في نظام الثبات
ومشكلة .................................................. ......
ومشكلة .................................................. ......
ومشكلة .................................................. ........
طبعا حطيت نقط عشان فيه مشاكل لسه جايه وماندري عنها في تويوتا ولازم نترك لها فراغ ههههههههههه وين نكتبها بعدين لازم نظرب لها حساب

والى ان نلقاكم في عيوب اخرى لسيارات شركة تويوتا دمتم بخير
NOYEB
30/08/2010, 12:47 PM
كما اود من الجميع بان يعلم بان السياره تحتاج الى سائق محترف في القياده مهما كانت قوتها
هذا الكلام الصح
ABO-RASHID
30/08/2010, 01:21 PM
يعني الحين حاط لي مقطع احسن واحد يسوق همر وحاط واحد ما يعرف يسوق الاف جي وتقول ان الهمر افضل


ارحم عقولنا شوي

http://www.youtube.com/watch?v=A5KyVaeeW54

http://www.youtube.com/watch?v=kO324QdZwwg&feature=related

http://www.youtube.com/watch?v=avj1hHTwiK8&feature=PlayList&p=DC4FFF484533923D&index=0&playnext=1
أبوغيث 2003
30/08/2010, 01:41 PM
من ناحية الشكل الخارجي أنا أشوف الاف جي والهمر إخوان

والهمر يتفوق على الاف جي بالاماكن الصخرية وانا أشوف ان الهمر ماشاء الله لا يعلى عليه بالاماكن الصخرية

لكن أتوقع الاف جي يتفوق على الهمر بالرمل لخفته -مجرد توقع-

أما بالخط فأنا أجزم ان الف جي أحسن من الهمر من ناحية العزم والراحه

بالتوفيق
عبدالرحمن1980
30/08/2010, 06:01 PM
اخوي انا من عشاق تويوتا لاكن مستحيل تويوتا توصل لدرجه الهمر في الاماكن الصخريه لان الهمر خبره 60 في صناعه سيارات الجيش والسيارات الصخريه وتويوتا لكل شي يعني مافيه شي محدد للقوه للفخامه للسرعه يعني الهمر في تخصص واحد الله يحفظك يعني مستحيل الافجي اللي طلع من2006 او2007 يعني الافجي صار له على اكثر تقدير 5سنوات اما الهمر 60 وهو متخصص في هذا المجال يعني لازم تويوتا تتخصص في هذا المجال 60 وبعدين نبدا نقارن

اخوي بس بغيت اسالك بما انك من ملاك الهمر هل اشتكيت منه في الاعطال وقطع الغيار
sawa900
30/08/2010, 06:10 PM
حياك الله اخوي عبدالرحمن 1980
اولا اشكر لك تشريفك للموضوع

بصراحه السياره ماعليها كلام صحيح فيها بعض السلبيات ولكن الايجابيات تعميك عن السلبيات

انا معي همر h3
بالنسبه للقطع انا اشوف ان الاسعار مناسبه ويمكن اقل تكلفه من الباثفيندر بحكم ان سيارتي اللي قبل باثفيندر
ولكن اللي ناوي يشتري همر اتش 3 انصحه ياخذ الفا 8 سلندر

اما بالنسبه للهمر h2 القطع 80 % قطع تاهو او يوكن او دينالي يعني مافيه فرق غير قطع البدي
وانصح من يبي يشتري همر h2 ياخذ 2008 او 2009 طبعا اذا كانت دراهما واجد لان السياره غير متوفره وان لقيها مستخدمه ماتلقاها باقل من 180 الف

طبعا الموديلات اللي قبل مايعيبها شي ولكن اذا بغت الافضل
وبخصوص الضمان ارقد وامن السياره اذا تعطلت ماعليك الى تتصل على خدمات الطريق يشيلون السياره ويسلمونها اقرب مركز صيانه للجميع وتاخذ سياره بديله بعد 48 ساعه هذا اذا ماخذيتها بنفس الوقت اذا كانت متوفره والسياره البديله تكون ياكديلاك ياهمر موديل السنه يعني مافيه مرمطه واجار سيارات مثل الوكلات الثانيه بالاظافه الى ذلك ماراح تسمح كلمة سوء استخدام وهي الكلمه اللي نسمعها من ابو جميل كثير اذا خربت السياره
وهذي من حكم تجربتي
والله ريش المكيف كسرها واحد من الشباب وديته لهم وقلت لهم الصدق انها انكسرت وغيروها لي على الضمان وقالو لي لو انها زينه مانكسرت
بصراحه انا ماصدقت قلت هذا عندنا في السعوديه
مثال اخر غرقت السيول اللي جت بالرياض من اللي شاف الهمرات اللي كانت تدخل جوا السيول والسيارات تطفح بمخرج 11 وشارع الامام
انا من الناس اللي دخلت نفق طريق الامام وخرب عندي الدينمو ورحت لهم وغيروها لي على الضمان ماقلو لي انك دخلت بالماء وهذا سوء استخدام
عموما انا لا اقول الكلام هذا علشان امدح الجميح ولكن انا اقول كل الوكلاء اللي عندنا رديين وهذا اطيب الرديين
عاشق السيل
30/08/2010, 07:43 PM
من وجهة نظري الشخصية الهمر أفضل من الإف جي بمرااااااااااااااااااحل !!!!
مسير عليهم
30/08/2010, 08:04 PM
يعني الحين حاط لي مقطع احسن واحد يسوق همر وحاط واحد ما يعرف يسوق الاف جي وتقول ان الهمر افضل


ارحم عقولنا شوي

http://www.youtube.com/watch?v=a5kyvaeew54

http://www.youtube.com/watch?v=ko324qdzwwg&feature=related

http://www.youtube.com/watch?v=avj1hhtwik8&feature=playlist&p=dc4fff484533923d&index=0&playnext=1

الا اجي واقول عذر

المقطع الاول لواجيب جيب سوزوكي الصغيرطلع ارض ملسا كنه ماشي على زفلت يعني ماجبت شي غريب

المقطع الثاني مهوب بعيد عن الاول

المقطع الثالث بقول مثل ماتقولون الاف جي مركب كفرات كبيره وتساعده << هذي من اعذاركم