ابستشيركم ياخوان لاهنتوا......

[عاشق غزلان]

السلام عليكم ورحة الله وبركاته
صبحكم / ومساكم الله بالخير يارجال
هلا باخواني واعزائي اعضاء المنتدى الشامخ (مـــــكــــشـــــات)ماطول عليكم
انا رجال مولع ومبتدي بالصقاره وملزم الا ابشري طير بها الموسم ان شالله وش تنصحونن فيه وكري ولا شيهانه طبعا انا ابي حق حمام وكراوين وعلى فكره انا صغير بالعمر عمري 18سنه
وابي طير رخيص وزوين على قدي وترا الدراهم ماهيب واجد من 2200وتحت ولو تكرمتو ابي واحد يذكرلي اسعار الوكاري والشياهين والطيور الرخاص واوصافهن
واسف على الاطاله
محبكم ابــــــو حــــــــمــــــد

[قرناس شماالي]

هلا وغلا
باخوي \ ابوحمد
مدامك مبتدئ يبيلك وكري لان الوكري صبور للمبتدى
وفيه مقاسات ونصحك بلمثلوث14
ون شاءالله بيطربك
وبتلقاء اقل من 2200وفيه ب1500
وتقبل تحياتي \ صيادسكاكا

[skeet]

افادك الاخ صياد اسكاكا

[عاشق غزلان]

هلا وغلا

باخوي \ ابوحمد
مدامك مبتدئ يبيلك وكري لان الوكري صبور للمبتدى
وفيه مقاسات ونصحك بلمثلوث14
ون شاءالله بيطربك
وبتلقاء اقل من 2200وفيه ب1500

وتقبل تحياتي \ صيادسكاكا

مشكووووور اخوي صياد سكاكا لاهنت
ابــــــو حـــــــمــــــد

[ابوناصر السهلي]

عطوك العلم

[بن حريول]

هلا بخوي

والله انا من رائي انك تاخذ وكريه فرخ من السوق واقيامه من الف وخمس الى الفين

وانك تدهلها انت وتدعيها وتصقره انت يعني بداياتك ما تكون مصقوره من قبل

وصدقني اذا الله وفق بتستمتع صدق لا شفتها تهد على الحمام وتلعب معك على الشلو

وتقبل مروري

[الصقري2000]

افادوك الاخوان

[أبوفرحان]

افاادوك الاخواان

[الصقر البعيد]

عندي شيهانه جبليه فرخ مقاسها بحدود13*12.5

[صقارمكشات]

ابو محمد مادام عمرك 18 ابي اقولك ياولدي لاني تعديت 40
نصيحني وانا والله صادق لا تولع بالطيور مادام عمرك 18 انتبه للدراستك والطيور ممدي عليها كان الله عطاك عمر اقبل نصيحتي اقبل نصيحتي اقبل نصيحتي اقبل نصيحتي
وذا ما قبلتها تكفى اقبلها وذا ما قبلتها تذكرها بعد عمر طويل ان شاء الله ابوك ابو عبدالله

[فارس بلا خيل]

صقار مكشات 100%100

[ابوفهيدالسهلي]

الله يوفقك

[رحلت عني]

والله افادوك الاخوان بس تراها تصلح

للانسان الي نصف متفرغ لانها تلهيك من البيت

واخوياك من كل شي واذا شريت بتعرف كلامي زين

الله يوفقك والاخوان ما قصروا

[ذيب الحرار]

اسمع ترى انا عمري 18 وانا ترني خسران خسران ضيعة على عمري 1سنه بسبت الطير
والله يرزقك

[أبـو عــزام]

صقار مكشات 100%100

[عاشق غزلان]

عندي شيهانه جبليه فرخ مقاسها بحدود13*12.5
ياهلابك اخوي الصقر البعيد
لو تكرمت عطن اوصافه وحدك به وصور لاهنت
ابــــــــــو حـــــــــــــمـــــــــــــــد

[عاشق غزلان]

والله افادوك الاخوان بس تراها تصلح

للانسان الي نصف متفرغ لانها تلهيك من البيت

واخوياك من كل شي واذا شريت بتعرف كلامي زين

الله يوفقك والاخوان ما قصروا
السلام عليكم
اخوي (رحلت عني ) بالنسبه للتفرغ انا ماعندي شي ابد واخوياي كلهم صقارين هذا اللي خلان اتعلق بالصقور والامور بـتمشي ان شالله
مشكور على المرور ....

[عاشق غزلان]

مشكوووورين ياخوان على المرووووور
شرفتوا ولا كلفتوا
ابــــــــو حـــــــمــــــــــد

[أبو الذيابه]

ابو محمد مادام عمرك 18 ابي اقولك ياولدي لاني تعديت 40
نصيحني وانا والله صادق لا تولع بالطيور مادام عمرك 18 انتبه للدراستك والطيور ممدي عليها كان الله عطاك عمر اقبل نصيحتي اقبل نصيحتي اقبل نصيحتي اقبل نصيحتي
وذا ما قبلتها تكفى اقبلها وذا ما قبلتها تذكرها بعد عمر طويل ان شاء الله ابوك ابو عبدالله



رد لفت انتباهي .. وسؤالي لك يا ابو عبد الله ليش يا بو عبد الله ماتبي الرجال يتعلم الصقاره من صغر ؟
ادري والله إنك تبي مصلحته وواضح من اسلوبك ولكن يا ابو عبد الله نبغى نستفيد من تجربتك حفظك الله ولا وراك مكروه

[عاشق غزلان]

ابو محمد مادام عمرك 18 ابي اقولك ياولدي لاني تعديت 40
نصيحني وانا والله صادق لا تولع بالطيور مادام عمرك 18 انتبه للدراستك والطيور ممدي عليها كان الله عطاك عمر اقبل نصيحتي اقبل نصيحتي اقبل نصيحتي اقبل نصيحتي
وذا ما قبلتها تكفى اقبلها وذا ما قبلتها تذكرها بعد عمر طويل ان شاء الله ابوك ابو عبدالله
ياهلابك يابوي
والله مادام الربع كلهم صقارين وش حيثي انا ماصير صقار اطلع معهم دايم واقول ليتي مثلهم معي طير واستانس مثل مايستانسون ونصيحتك اعتبره مقبووووله ولايهمك يابوي ابوعبدالله
ابـــــو حــــــمـــــــد

[صقارمكشات]

أبو الذيابه
سؤالك جرحني بجد من غير ما تحس عندنا قلت انت ماتبيه يتعلم الصقاره من صغر بالعكس
اليوم الصقارة ليست تعلم الصقاره ليست هوايه الصقاره ليست محبة
اول يوم الصقارة صح ولع كما يقولون الصقار اذا شاف الصقار بالبر يفرح ويقدم له كل خدمة ويرشده الى المقناص الطيب ويعطيه كل العلوم الصحيحة واذا سافر الصقار الى بلد لايعرف بها احد فانه يحل على اقرب صقار ولو لم يعرفه وعندما يلتقي به وكانه يعرفه من سنين اما اليوم السواد الاعظم من الصقارين واكرر السواد الاعظم وبكل اسف يغلب عليهم طابع الانى بل يضيق ذرعا عندا يرى سيارة مقبله اتجاهه ولو انه بريد ان يسأل عن الطريق ( فتراه ممسكن بمقود السياره ولسان حاله باللهجة العامية (هذا وش يبي جاي ومنهم من يمسك جهاز الارسال وبتكلم مع من معه اتركوه لي اصرفة
اما يعلم ما تعني كلمة اصرفه انها اجلكم الله (اكذب عليه)انتهى كلامي عن المقطع الاول
المقطع الثاني: (الجرة وما ادراك ما الجرة) ناهيك عنهم اذا وجدوا جرة الحبارى منهم من يريد ان يبيع الجره قبل وجود صاحبة الجره والاخر يقول: الهدد لي انا الذي رأيت الجرة اولاً والاخر يقول: تكفون اعزلوها لي والاخر يقول: تكفون طيري ماشاف ويا كثر من يقول طيري ماشاف ونسيوا انهم ليلة البارحة الكل منهم يقول : طيري صايد ومعلق تعليق والاخر يقول: طيري مردف بعد طيور.
واليوم الطيور كلها ما شافت والكل يريد هدد
المقطع الثالث: عندما يقدرالله ويهد احدهم طيره الجميع يهدون طيورهم ابالله العظيم هذي صقاره؟ اترك التعليق لكم.
المقطع الرابع : لا ننسى ان هناك صقارين (شرواكم) ويقدرون الصقاره والصقارير الله يكثر امثالهم.
هذا وتقبلوا فائق احترامي وتقديري وعذراً إن حصل تقصير
اخوكم: ابو عبد الله
.الخفجي

[حلوش07]

السلام عليكم ورحمه الله وبركاته

اخوي غزلان انا اونت بنفس العمر

الوالد(صقار مكشات ) معاه حق <<وانا بعد مثلك مولع بالصيد والطير

وصقار مكشات وماقال كذا الا عشان مصلحتك وانا كان ودي اشتر طير بس نصحني احد الاخوان

مثل نصيحه (صقار مكشات) وعاد انا اقتنعت فيها >>والحين قدامنا ثانويه ودراسه ومستقبل

لازم ننتبهلها زين انا نصيحتي لك ولي اتركها الى الصيفيه ومع بدايه الصفيه خذ طير وتونس

ولا احسن اصبر حتى تخلص دراستك وتتوظف وتضمن مستقبلك ذاك الوقت سو الي تبيه

وهذا ماقررت انا وعاد كل واحد ورايه وانت سو الي يريحك

اسف على الاطاله

وتقبل مروري

[ديوان العرب]

لابالله مانصحتوه الا الصقاره تعرفه على رجال وتعلمه الصبر والخبره ومن ناحية الدراسه ماهو مفرط بدراسته على كوم ريش بيوفق بين الدراسه والصقاره ونحمدلله نشوف شباب جامعيين وصقارين اهل خبره بالصقور واكبر مثل اخونا صياد سكاكا جامعي وصقار راعي خبره ماشالله عليه ونصحك بعد بالوكري لانه صبور ولاهو مثل الشاهين تكثر امراضها

[مروظ الخيل]

انا رايي وانا اخوك اذا انك رجال تحكم نفسك وتقدر توفق بين الدراسه والطير خذه
لكن اذا انك زيي لا والله انا جربته السنه الماضيه ونزل معدلي وتركته
وماني راجعله الا بعد ما اتوظف ان شاء الله
وهذي نصيحتي لك وانا اخوك
والامر بالنهايه راجع لك والسلام عليكم

[شعااق]

الله يعطيكم العافيه كلكم ماقصرتو فالرد منكم من رد على نية النصيحه ومنكم من رد على المستقبل لاخونا الله يوفقه انشاء الله اما الراي يا اخوان وكل منكم قال رايه وهي بالنهايه تعتبر وجهة نظر لكل منا لابد ان يحترمها سواء عجبته او لا اما نصيحتي لك ياخي ابو حمد اول شي من باب مستقبلك من الافضل انك تبتعد عنها ولا هو كل الابتعاد لا تخاوي النشاما ومنها تستفيد قبل نقل الطير من حيث او ماتنقل طيرك ولا انت راعيه خبره ولو قليله ومنها على ماتخلص دراستك وان كنت معزم عليها فلاحول ولا قوة الا بالله وانا اشوف انها افضل لك من حيث ان الصقاره تلهي من امور ماهي زينه لشبابنا الصغار وتعلمهم الامور الصح وتبعدهم عنها اسف ع الاطاله وتقبل كل الاحترام
اخـــوكم :شعااق

[moafaq999]

صقار مكشات الله لا يهينك على الكلام الطيب

[صقارمكشات]

صقار مكشات الله لا يهينك على الكلام الطيب
ولا تهون يا عالي اشكرك

[الحركساب]

انصحك تدرس وتشتغل وتتعلم من الصقاقير حولك ولامنك استقريت شف وش الله يكتبلك وموفق خير ان شاء الله وذكر النصيحه هذى ترا ودنا لك بالطيب

[عبدالله 3]

خذلك شيهانه جبليه فرخه وتبسطك تعلومها سهل والطير يستجيب بسرعه

[قناص الخبر]

والله وانا اخوك لا تولع لا بطير ولا غيره
ولولع ما وراه الا شقت الجيب وتكسير المواتر وتضيع مستقبل الواحد
وانا جربت السلق والطيور يوم اني توظفت ومع هذا مقصر على بيتي ودوامي لان الشغله ادمان وتبدي الطير على نفسك اسأل مجرب
تقبل نصحيتي بصدر وسيع