الفزعه يااخوان (الطريق من الرياض للكويت)

[غالي]

:good:السلام عليكم ورحمة الله وبركاته


اخواني انا عندي بعون الله سفرة عمل للكويت تقريبا بعد شهر ونص


وبأمانه ماعمري رحت للكويت لا خط ولا طياره للاسف


وانا ان شاء الله ناوي خط اذا سافرت لاني ممكن اتأخر هناك ماابي استأجر


ابي تكفون من أهل الخبره يأشرون لي على الخريطه التاليه افضل خط بالنسبه للخدمات والحركه


علما اني ابسافر الحالي وبسياره اوربيه حساسه نوعا ما


http://www.mekshat.com/pix/upload04/images178/mk18322_k1.jpg


اتمنى يكون الخطوط جميعها ظاهره بالخريطه لمعرفته


شاكر لكم مقدما :good:

[سالم11]

حياك الله يا غالي

افضل طريق الرياض المجمعه الارطاويه ام الجماجم حفر الباطن الكويت والطريق زين والخدمات واجد والله يسهل دربك

[الصمان 2]

سافرت للكويت من شهر تقريباً بالسيارة


اذا كنت من الرياض ... تذهب إلى :

المجمعة _ الارطاوية _ أم الجماجم _ حفر الباطن _ الكويت


المسافة من : حفر الباطن إلى منفذ الرقعي ... حوالي 100 كلم .


والخط جيد جداً ..... يوجد بعض التحويلات .


وهذه خريطة :



http://www.mekshat.com/pix/upload04/images177/mk47223_90000.jpg



يوجد لدي بعض الإحداثيات التي أخذتها بنفسي لأهم معالم الكويت .... اذا رغبت بها أرسلتها لك .


نصيحة أخويه :


أحذر من استخدام الجوال في الكويت

معي رقم من موبايلي ( فاتورة )

جلست يومين في الكويت ووصلت الفاتورة 900 ريال

الدقيقة أو أقل بــــ 30 ريال على شبكة فيفا

وتحسب عليك سواء أستقبال أو أرسال .

لذلك أنتبه .




وهذا جدول بالرسوم :

http://www.mekshat.com/pix/upload04/images177/mk47223_00090.jpg


رابط جدول موبايلي هنا (http://www.mobily.com.sa/wps/portal/!ut/p/c5/04_SB8K8xLLM9MSSzPy8xBz9CP0os3gDf2MDI5cwAyNnA2-PIEsTL3M3AwgAykeiyIcaunl4G7uZwuSJ0G3obuDuZGgQaOgKl HdyNHS1NCBOt59Hfm6qfnBikX5BbmhEuaOiIgC2HB4h/dl3/d3/L2dJQSEvUUt3QS9ZQnZ3LzZfME8zMDJEVjAyQzBLSFI5NE5KMz AwMDAwMDA!/?resetPortlet=true&pageAction=viewOutbound#)





الأفضل لك أستخراج رقم جديد من الكويت



وسفراً سعيداً





.

[أبوحميد]

هلا بك ياغالي ,

أفضل طريق اللي ذكره لك سالم 11 هو الأفضل والأنسب وأنا رحت للكويت 3 مرات وكلها من الطريق
اللي ذكرة أخوي سالم 11 .
الرياض المجعه / 180 كيلو .
المجمعة حفر الباطن / 300 كيلو
حفر الباطن منفذ السالمي / 90 كيلو مسار واحد خطر نوعاً ما !! طبعاً مريت مع هالطريق قبل
رمضان بأسبوعين وأنا أشوف فيه أصلاحات لعمله طريق سايدين بس مدري هم خلصو ولا لا !!
منفذ الكويت للكويت العاصمة / 140 كيلو .

على ماأعتقد بعد أم الجماجم - فيه مقطعه يعني 100 كيلو بدون محطة بنزيم اذا ماخانتني الذاكرة أو أكثر
من 100 كيلو - ياليت أحد يصحح لي هالمعلومة .

لكن فيه طريق واحد من الاخوان نزله قبل فتره وهذا هو الرابط

http://www.mekshat.com/vb/showthread.php?t=315951&page=4 (http://www.mekshat.com/vb/showthread.php?t=315951&page=4)

موضح فيه كل شي بالتفصيل الله يجزاه خير ويرحم والديه عن النار .

إذا تبي شي في الكويت من أستفسارات لايردك الا كيبوردك :)

[غالي]

حياك الله يا غالي

افضل طريق الرياض المجمعه الارطاويه ام الجماجم حفر الباطن الكويت والطريق زين والخدمات واجد والله يسهل دربك

الله يجزاك خير اخوي ماقصرت

وشكلي ابروح معه ان اراد الله لكن اذا كان عندك خريطه واضحه تزودني فيها لاني عمري مارحت شمال على طريق القصيم اكثر من 250 كيلو تقريبا فا اجهل شمال صراحه فاكون لك شاكر :good:

[غالي]

سافرت للكويت من شهر تقريباً بالسيارة




اذا كنت من الرياض ... تذهب إلى :


المجمعة _ الارطاوية _ أم الجماجم _ حفر الباطن _ الكويت



المسافة من : حفر الباطن إلى منفذ الرقعي ... حوالي 100 كلم .



والخط جيد جداً ..... يوجد بعض التحويلات .



وهذه خريطة :




http://www.mekshat.com/pix/upload04/images177/mk47223_90000.jpg




يوجد لدي بعض الإحداثيات التي أخذتها بنفسي لأهم معالم الكويت .... اذا رغبت بها أرسلتها لك .



نصيحة أخويه :



أحذر من استخدام الجوال في الكويت


معي رقم من موبايلي ( فاتورة )


جلست يومين في الكويت ووصلت الفاتورة 900 ريال


الدقيقة أو أقل بــــ 30 ريال على شبكة فيفا


وتحسب عليك سواء أستقبال أو أرسال .


لذلك أنتبه .





وهذا جدول بالرسوم :


http://www.mekshat.com/pix/upload04/images177/mk47223_00090.jpg



رابط جدول موبايلي هنا (http://www.mobily.com.sa/wps/portal/!ut/p/c5/04_SB8K8xLLM9MSSzPy8xBz9CP0os3gDf2MDI5cwAyNnA2-PIEsTL3M3AwgAykeiyIcaunl4G7uZwuSJ0G3obuDuZGgQaOgKl HdyNHS1NCBOt59Hfm6qfnBikX5BbmhEuaOiIgC2HB4h/dl3/d3/L2dJQSEvUUt3QS9ZQnZ3LzZfME8zMDJEVjAyQzBLSFI5NE5KMz AwMDAwMDA!/?resetPortlet=true&pageAction=viewOutbound#)






الأفضل لك أستخراج رقم جديد من الكويت




وسفراً سعيداً






.




بيض الله وجهك والله يجزاك خير اخوي ماقصرت بمعلومات الجوال ومعلومات الطريق

لكن اذا فيه خريطه اوضح اكون لك شاكر تراي رجال ملولي ماابي اضيع ثم ارجع للرياض :p

يعني ابي اذا كان فيه خريطه دقيقه جدا مخارج ومداخل لاني اجهل الطريق

شكرا لك :good:

[غالي]

هلا بك ياغالي ,

أفضل طريق اللي ذكره لك سالم 11 هو الأفضل والأنسب وأنا رحت للكويت 3 مرات وكلها من الطريق
اللي ذكرة أخوي سالم 11 .
الرياض المجعه / 180 كيلو .
المجمعة حفر الباطن / 300 كيلو
حفر الباطن منفذ السالمي / 90 كيلو مسار واحد خطر نوعاً ما !! طبعاً مريت مع هالطريق قبل
رمضان بأسبوعين وأنا أشوف فيه أصلاحات لعمله طريق سايدين بس مدري هم خلصو ولا لا !!
منفذ الكويت للكويت العاصمة / 140 كيلو .

على ماأعتقد بعد أم الجماجم - فيه مقطعه يعني 100 كيلو بدون محطة بنزيم اذا ماخانتني الذاكرة أو أكثر
من 100 كيلو - ياليت أحد يصحح لي هالمعلومة .

لكن فيه طريق واحد من الاخوان نزله قبل فتره وهذا هو الرابط

http://www.mekshat.com/vb/showthread.php?t=315951&page=4 (http://www.mekshat.com/vb/showthread.php?t=315951&page=4)

موضح فيه كل شي بالتفصيل الله يجزاه خير ويرحم والديه عن النار .

إذا تبي شي في الكويت من أستفسارات لايردك الا كيبوردك :)


الله يجزاك خير اخوي عز الله ماقصرت بيض الله وجهك على المعلومات والرابط

لكن شكلي والله اعلم ابمسك طريق المجمعه

لان الطريق المختصر مع رماح يقولون مقطعه شوي واولهم أحد اخواني يروح معه ثم غير الطريق صار يروح مع الشرقيه على مااعتقد

اذا كانت لديك خريطه واضحه طريق المجمعه اكون لك شاكر اخوي تسلم

[theeb]

تقبل الله منا ومنك أخوي وأسأل ان ييسر سفرك
قبل شهر ذهبت للكويت من الرياض ثم الدمام ثم الخفجي ثم النويصيب ثم الكويت
المسافه كلها تقريبا 750 الى 800 كم تقريبا وطريق ممتاز جدا وأنا ارى اننك تذهب من الخفجي للنويصيب
لأن الطريق من الحفر للرقعي للكويت سئ جدا جدا
وأما بالنسبه للجوال مثل ما ذكر الاخ وان الدقيقة 30 ريال اذا وضعت جوالك على فيفا (stc) اذا كنت موبايلي
فلعلك تتصل على شركتك المشغله وهم سوف يخبرونك بالمشغل المناسب وآسف على الأطاله

[أبوحميد]

هلا غالي بحثت بشكل سريع ومالقيت الا خريطة طريق رماح :(

لكن طريق الرياض المجمعه واضح جداً ومن تدخل المجمعه بتشوف لوحات أرشادية تدلك على طريق
حفر الباطن والكويت أيضاً !! ماأعتقد يحتاج خريطة لكن يمكن تلخبط شوي لامنك دخلت الحفر !! أقرب إشاره اسأل ومهوب مقصرين الرجاجيل !!

عموماً لاتنسى سوق المباركية وحاول أقل شي تجلس فيه ساعتين أو ثلاث سوق شعبي واذا انت من هواة الثياب الكويتية فيه محلات كثيره منها ثياب جاهزه نوعاً ما ماأنصحك
فيها لكن فيه محلات تفصلك الثوب في نفس اليوم .

ماودي أطول بالرد لأن ماأدري عن نظام رحلتك هل هي عمل أو سياحة :)

[غالي]

تقبل الله منا ومنك أخوي وأسأل ان ييسر سفرك
قبل شهر ذهبت للكويت من الرياض ثم الدمام ثم الخفجي ثم النويصيب ثم الكويت
المسافه كلها تقريبا 750 الى 800 كم تقريبا وطريق ممتاز جدا وأنا ارى اننك تذهب من الخفجي للنويصيب
لأن الطريق من الحفر للرقعي للكويت سئ جدا جدا
وأما بالنسبه للجوال مثل ما ذكر الاخ وان الدقيقة 30 ريال اذا وضعت جوالك على فيفا (stc) اذا كنت موبايلي
فلعلك تتصل على شركتك المشغله وهم سوف يخبرونك بالمشغل المناسب وآسف على الأطاله

تسلم اخوي

لكن الطريق سيء من اي ناحيه ؟؟ هل طبيعة الازفلت تكرم والا من ناحية منعطفات وجمال .. إلخ؟
اما الجوال الله يجزاكم خير انكم نبهتوني عليه وان شاء الله ابشتري شريحه من هناك

وتسلم اخوي وبإنتظار ردك عن الطريق :good:

[غالي]

هلا غالي بحثت بشكل سريع ومالقيت الا خريطة طريق رماح :(

لكن طريق الرياض المجمعه واضح جداً ومن تدخل المجمعه بتشوف لوحات أرشادية تدلك على طريق
حفر الباطن والكويت أيضاً !! ماأعتقد يحتاج خريطة لكن يمكن تلخبط شوي لامنك دخلت الحفر !! أقرب إشاره اسأل ومهوب مقصرين الرجاجيل !!

عموماً لاتنسى سوق المباركية وحاول أقل شي تجلس فيه ساعتين أو ثلاث سوق شعبي واذا انت من هواة الثياب الكويتية فيه محلات كثيره منها ثياب جاهزه نوعاً ما ماأنصحك
فيها لكن فيه محلات تفصلك الثوب في نفس اليوم .

ماودي أطول بالرد لأن ماأدري عن نظام رحلتك هل هي عمل أو سياحة :)

الله يجزاك خير ماقصرت بيض الله وجهك فعلا مافيه الا خرايط طريق رماح لانه جديد الظاهر

ومثل ماقلت الحمدلله ان شاء الله ديرتنا امن وامان والنعم برجال كل قريه او مدينه ان شاء الله مو مقصرين

اما الاسواق ان شاء الله الاخوان هناك مو مقصرين الي رايح لهم :good2:

ورحلتي وانا اخوك والله عمل الله يعين بس اتوقع نص او اكثر يومي بيروح شغل لكن ربك يعين وان شاء الله فيه ايام راحه

ماقصرت بيض الله وجهك انت والاخوان :good:

[ghareeb]

من الرياض هناك طريقين
1- طريق المجمعة - الارطاوية - حفر الباطن وهو الطريق الأشهر وطريق سريع
2- طريق رماح- شوية- الرفيعة - قرية - الخفجي وهو الطريق الأقرب بس مشكلته الإبل خاصة في الليل وهو طريق مسار واحد
أنا لو مكانك إذا سفرتي في الليل بروح مع الأول وإذا في النهار بروح مع الثاني

[غالي]

من الرياض هناك طريقين
1- طريق المجمعة - الارطاوية - حفر الباطن وهو الطريق الأشهر وطريق سريع
2- طريق رماح- شوية- الرفيعة - قرية - الخفجي وهو الطريق الأقرب بس مشكلته الإبل خاصة في الليل وهو طريق مسار واحد
أنا لو مكانك إذا سفرتي في الليل بروح مع الأول وإذا في النهار بروح مع الثاني


الله يجزاك خير اخوي ماقصرت

لكن انا ماشلت هم الا الموتر حساس خصوصا اقدر اسميه مافيه استبنه !! لان استبنته من الي تمشيك 50 الى 80 كيلو فقط

هذا الي شايل همه والا هين سافرت لدبي مع حرض والحالي ماعندي مشاكل لكن كان معي لاندكروزر جديد وبدال الاستبنه ثنتين ماشاء الله الله يذكره بالخير

على كل ماقصرتوا كلكم يااخوان بيض الله وجيهكم ويجزاكم خير وشكلي ابرسي على طريق المجمعه والله يكتب الي فيه خير يارب

لكن الي عنده خريطه يزودني فيها جزاه الله خير والسفره توها باقي تقريبا شهر ونص

تسلمون جميعا :good:

[الصمان 2]

هذه جميع خرائط المملكة


http://www.mekshat.com/vb/showthread.php?t=20188 (http://www.mekshat.com/vb/showthread.php?t=20188)


وأبدأ بالخريطة رقم 8



س / معك جهاز قارمن ؟





موفق يالغالي .




.

[fahd999]

الله يحفظك
انا رحت مع طريق الرياض الشرقية ثم الكويت سريع مزدوج مخدوم آمن صحيح يمكن تزيد المسافة عن الخيارات الأخرى لكن دعسة وحدة اما الخيارات الأخرى اقصر ولكن تهدي عند كل ديرة ولا حواجز ماشية وبعض الأخوة قال مقطعة 100كم
موفق باذن الله

[يالاقي خير]

تقبل الله منا ومنك أخوي وأسأل ان ييسر سفرك
قبل شهر ذهبت للكويت من الرياض ثم الدمام ثم الخفجي ثم النويصيب ثم الكويت
المسافه كلها تقريبا 750 الى 800 كم تقريبا وطريق ممتاز جدا وأنا ارى اننك تذهب من الخفجي للنويصيب
لأن الطريق من الحفر للرقعي للكويت سئ جدا جدا

انت تقول سياره حساسة .. معنى كذا تجنب طريق المجمعه " كانهو على خبري وخبري قديم"
شف طريق الشرقية الله اعلم انه احسن ولاني متأكد

[غالي]

هذه جميع خرائط المملكة





http://www.mekshat.com/vb/showthread.php?t=20188 (http://www.mekshat.com/vb/showthread.php?t=20188)



وأبدأ بالخريطة رقم 8




س / معك جهاز قارمن ؟






موفق يالغالي .





.



الله يجزاك خي ووالديك نفعني الرابط وجمعت قد مااقدر الخرائط طلعت بهالشكل طبعا الآن مصغره لسبب تحميل الصور :D

http://www.mekshat.com/pix/upload04/images179/mk18322_k2.jpg



ومعي قارمن لكن الأجهزه الاليكترونيه لا أتكل عليها بعد الله لسبب خرابها او سرقتها او اي سبب


وان كان عندك اقتراح للقارمن او احداثيات عطناه الله يجزاك خير لكي استفيد وغيري يستفيد

تسلم :good:

[غالي]

الله يحفظك
انا رحت مع طريق الرياض الشرقية ثم الكويت سريع مزدوج مخدوم آمن صحيح يمكن تزيد المسافة عن الخيارات الأخرى لكن دعسة وحدة اما الخيارات الأخرى اقصر ولكن تهدي عند كل ديرة ولا حواجز ماشية وبعض الأخوة قال مقطعة 100كم
موفق باذن الله


الله يجزاك خير اخوي على هالمعلومه والنصيحه اذا كانت المقطعه 100 كيلو ماعندي مشكله لكن الخوفه اكثر وطريق رايح جاي هذا الي ماابيه :(

[غالي]

انت تقول سياره حساسة .. معنى كذا تجنب طريق المجمعه " كانهو على خبري وخبري قديم"
شف طريق الشرقية الله اعلم انه احسن ولاني متأكد

اي والله مااظمنها يجي مطب قوي مااشوفه او شيء والموتر هدروليك ينفقع لا قدر الله او شيء ثم ابلش والاستبنه مثل ماقلت تمشي من 50 الى 80 فقط :D

وعطنا الله يرحم والديك ويجزاك خير خبرك ؟

هل الطريق حفر ؟ والا التحويلات ؟ والا طريق رايح جاي (سيد واحد يعني) ؟


ترا اجهل هالطريق جدا مااعرف الا طريق القصيم وماوصلت الا الملهم وشقراء وثادق تقريبا ابعد شيء رحت له للشمال :eek:

ومشكورين جميع الاخوه والله ماقصروا بيض الله وجيهكم

واي خدمه يااخوان ابد تامرون امر :good:

[بن محفوظ]

أخوي غالي .. ..

بالنسبة للطريق من الرياض ... رماح .... مروراً بشوية .... الرفيعة .. قرية العليا ... حرف تي على الطريق الي بين الدمام الخفجي (( أبو حدرية )) ثم الخفجي .... الكويت .. عندي أفضل بكثير .. خصوص إذا دخلت الكويت من تدخل المنفذ الى الكويت طريق منور و كله مطاعم و محطات .

لكن يعيبه الضباب و الأبل في الليل ... ويميزه قصر المسافة والظاهر أنها 600 كم

واذا معك جوال نوكيا n95 شف برنامج القارمن فيه الطرق كلها ... وأنا يوم كنت في الرفيعة كنت أطلع للكويت ومعي القارمن والخطوط موجودة .. والطريق حلو بالنهار خصوص من بعد الرفيعة الى قرية فيه مزارع والقرى على الخط هذا كثيرة .. والحافظ الله

[بن محفوظ]

تفضل الخريطة يابعدي

ونصيحة إذا بنزين الموتر 95 عب في رماح الى الرفيعة 150 كم ثم قرية العليا 90كم والباقي الى الخفجي يوصلك بحول الله


http://www.mekshat.com/pix/upload04/images179/mk31353_393511785.jpg

[غالي]

تفضل الخريطة يابعدي



ونصيحة إذا بنزين الموتر 95 عب في رماح الى الرفيعة 150 كم ثم قرية العليا 90كم والباقي الى الخفجي يوصلك بحول الله



http://www.mekshat.com/pix/upload04/images179/mk31353_393511785.jpg



الله يجزاك بالجنه ووالديك ماقصرت يابن محفوظ

وانا معي قارمن مامعي أن 95

لكن والله احترت لاقدر الله احتاج كفر او غيره اخاف ابلش خصوصا مقاس الكفر الي عندي ما اظن ابحصله بأي محطه ابد ((هذا الي ماخلاني اروح مع هالطريق))

لكن ان شاء الله ابستخير وبشوف بين الطرق الثلاثه اروح معه

جتني معلومات منك ومن الاخوان عن كل طريق بيض الله وجيهكم وجعله في موازين حسناتكم

وطلعت باستنتاج :

1- طريق الرياض الشرقيه : اطول مسافه لكن طريق سريع وخدمات وكثير الحركه .

2- طريق الرياض المجمعه : اقل مسافه من طريق الشرقيه لكن طريق سريع +طريق سيء + جزء مقطعه والحركه قد تكون متوسطه جزء منه.

3- طريق الرياض رماح : طريق اقل مسافه لكن طريق اغلبه سيد واحد + يغلب عليه المقطعه وقلة الحركه + وجود جمال سائبه +أقل محطات وقود على الطريق .


اتمنى يكون استنتاجي صحيح واي ملاحظه لحد يبخل علينا فيها ولكم جزيل الشكر :good:

[بن محفوظ]

وفقك الله وتوصل بالسلامة ان شاء الله

[YOU1]

اخي الكريم انا امس ماشي مع طريق الحفر الكويت .. لابأس بة بس من الحفر للكويت سايد واحد وفيه شوية مطبات ومكسر نوعا ما.. أنصكك بطريق الدمام الكويت احسن وانظف واشرح...

[غالي]

تسلم اخوي بن محفوظ ماقصرت ولايهنون الاخوان



اخي الكريم انا امس ماشي مع طريق الحفر الكويت .. لابأس بة بس من الحفر للكويت سايد واحد وفيه شوية مطبات ومكسر نوعا ما.. أنصكك بطريق الدمام الكويت احسن وانظف واشرح...

الله يجزاك خير على هالمعلومات ماقصرت بيض الله وجهك :good:

[غالي]

اخواني اسف اني رفعت الموضوع مره اخرى

لكن ذهبت يوم الجمعه قبل الي راحت ورجعت الاربعاء

وكان احد الزملاء رايح معي وفي سيارته يوكون 2010 ماشاء الله تبارك الرحمن

وكان ذهابنا وعودتنا كلها مع طريق رماح (الخط المختصر الجديد)


وللأمانه ماادري هل نحن موفقين بأن الطريق فيه حركه جيده جدا حتى بعد ماطلعنا من رماح ونحن ذاهبين كان فيه سيارتين دوريات واحد منهم موقف سيارتين (لا اعلم ماذا)


بس للأمانه الطريق اعطيه جيد جدا (( بشرط )) عدم السرعه

لان الطريق سيد واحد وفيه تقاطعات وابرزها تقاطع جدا جدا خطر وغير واضح للأسف

والشارع الي بيقابلك فيه سيارات قد يتجاوز 130 وأكثر ((للأمانه خطر وحنا لو الله لطف بنا ولا جت سياره كان الله اعلم لاننا وقفنا بنص التقاطع بالظلام ماندري وش هالشارع

وعنده غرفة لشخص يبيع الجواعد والمكسرات ... ألخ

وسألناه وش هالتقاطع ؟؟؟ غير واضح ابد رغم انهم حاطين مطابين قبله لكن بتمشي وانت ماتشوفه بعدهم

قال الرجال والله شاهد علي سبحانه (يقول خلال اربع ايام الي مضت تقريبا منقلبه سيارتين فيه غير الحوادث البسيطه ) :eek:

وهو التقاطع الي يعرف الطريق الي قبل الردميه

وللمعلوميه الردميه اغلبها تقريبا كان منقطع عنا ارسال الجوال ((للأحاطه))




لكن لاحظنا ملاحظه الا وهي :


كثير التريلات يجون معه واكثر التريلات لاتوجد بها انوار خلفيه :mad:

منهم من هو داق الفلشر للتنبيه

ومنهم من يمشي بدون انوار خلفيه بتاتا :mad:


واتوقع يجون معه منحاشين من الدوريات لاينقفطون اتوقع والله اعلم



وكذلك من ملاحظتي على الشارع:

وجود بعض الشباب هداهم الله وللأمانه ولحد يفهمني غلط تكفون

واحد راعي هايلوكس غماره وحنا رايحين يسرع سرعه غير طبيعيه قلت الله يستر علينا وعليه بس

وحنا راجعين ددتسن محمل ركاب مدري اخوانه والله ياجماعه سقط على تريلا والغريب انه يشوف سياره مقابلته ((لكن ماادري هل هي غشامه او موت قلب ))

لولا الله ثم السياره الي مقابلته وسع له وهدى السرعه والا والله والله اعلم تقع ضحايا لايحمد عقباها

خصوصا الددتسن فيه 5 ركاب


الصراحه هالناس ماودك تقرب يمها لانهم لاسمح الله لو صار عليه حادث بالوجه بيطير عليك ويمكن تروح فيها


لكن ربك لطف سبحانه


ارجع واقول الطريق جدا حلو بشرط انك تعرف وين رايح

يعني تعرف انك بتطلع من رماح وتتجه لشويه ثم يم قرية العليا .....الخ

والا ممكن تضيع

وانا لو ابرجع الان معه ممكن اضيع ((جايز)) لكن مخزنه عندي بالقارمن


تحيتي واشواقي لكم واسف على الاطاله

وحبيت اشكر اخواني الي ساعدوني بهالموضوع شكرا لكم جزيل الشكر :good:

[مخاوي الليل1]

السلام عليكم ورحمة الله وبركاته

الاخوان ماقصرو في الوصف

بس ترى طريق رماح قرية العليا احسن واقرب

والله يسهل امرك يارب

اخــــــــوكـ

مخاويـ الليلـ

[غالي]

السلام عليكم ورحمة الله وبركاته


الاخوان ماقصرو في الوصف


بس ترى طريق رماح قرية العليا احسن واقرب


والله يسهل امرك يارب


اخــــــــوكـ



مخاويـ الليلـ



هلابك اخوي الله يحفظك اتمنى تقراء ردي الي قبل ردك ولا عليك امر :D


انا رحت ورجعت ولله الحمد وجالس اقول رأيي بالطريق

تحيتي لك

[عسل2020]

http://www.mekshat.com/vb/showthread.php?t=315951



موضوع بحول الله بيفيدك

[دغيم1]

السلام عليكم ورحمة الله وبركاته
حياك الله أخوي
وحمدا لله على سلامتكم
لاشك أن المقولة القديمة تقول : عليك بالدروب ولو طالت ...
لاشك أن الطريق ولو كان فيه زيادة بسيطة وهو واسع ومريح ويمر على مدن ومراكز أفضل بكثير من الطرق المتعبة والضيقة .
فالسلامة لايعدلها شيء
طريق رماح قد ... يكون مختصر قليلا ولكن سوء الطريق والأسفلت والشاحنات وقلة الخدمات
يجعل من المسافر يفكر كثيرا في إستخدامه
رابط قد يفيدك في سفرك لدولة الكويت مع تمنياتي لكم برحلة سعيدة وآمنة
تقبل تحياتي

دولة الكويت .. لؤلؤة الخليج (http://www.mekshat.com/vb/showthread.php?t=199823) - دغيم1

[عسل2020]

السلام عليكم ورحمة الله وبركاته

حياك الله أخوي
وحمدا لله على سلامتكم
لاشك أن المقولة القديمة تقول : عليك بالدروب ولو طالت ...
لاشك أن الطريق ولو كان فيه زيادة بسيطة وهو واسع ومريح ويمر على مدن ومراكز أفضل بكثير من الطرق المتعبة والضيقة .
فالسلامة لايعدلها شيء
طريق رماح قد ... يكون مختصر قليلا ولكن سوء الطريق والأسفلت والشاحنات وقلة الخدمات
يجعل من المسافر يفكر كثيرا في إستخدامه
رابط قد يفيدك في سفرك لدولة الكويت مع تمنياتي لكم برحلة سعيدة وآمنة
تقبل تحياتي


دولة الكويت .. لؤلؤة الخليج (http://www.mekshat.com/vb/showthread.php?t=199823) - دغيم1




كلام سليم 100% :good2::good2::good2:




وأنا مشيت مع طريق رماح مرات ولا انصح به إلا بأوقات الصباح الباكر أو النهار وللي موسع صدره :D

[فتى الاسلام1]

كلام سليم يابو حميد ؤيدك


لاكن الطريق من حفرالباطن الى الرقعي

خطر نسبياً فالحذر منه ففي هذه الايام الممطره
تكون هناك زحمة سيارات عليه من قبل
مرتادي البر
وبالاخص بعد محطة خساره تكثر الخطمات

فكن حذر وتروح وترجع بالسلامه

[NAIFABDALLH]

الله يوفقنا وأيـاك
سبق وان سافرت
الرياض / المجمعه / حفر الباطن / الكويت
طريق مميز وجميل حتى لو انه بعيد
خاصة كنت مع العائلة
لذا انصحك به
او الطريق الاخر
الرياض الدمام السريع النعيرية مثلا الخفجي
او الرياض الدمام ابو حدرية الخفجي
اما طريق رماح لم اسلكه بعد
ولكن اذا هو خطر فلن اغامر والله الحافظ