لأهل النيسان ... ايش رايكم في باترول 98 قير عادي ؟

[مفخرة فورد]

السلام عليكم ورحمة الله وبركاته
ياشباب معروض علي جيب باترول 98 4ابواب زيتي مع ذهبي
مكيفين قير عادي البودي سليم من السمركة ماعدا الفيابر مرشوشة , ممشاه حول 500 ألف
كيف الموتر هل يكد وينفع للمدينة والبر خاصة للي عندة عائلة
وهل هو من المواتر المرغوبة عند البيع ؟؟؟
واذا فيه عيوب خاصة في هالموديل ياليت تدلوني قبل ماأشتري
والله يوفقنا واياكم لكل خير

[عاشق السيل]

وعليكم السلام ورحمة الله وبركاته ،،

المميزات : سيارة مريحة وقوية وصبورة ووسيعة وكشخة ،، مناسبة جدا للعائلة وللبر والديرة والخطوط ،، قطع غيار متوفر ومرغوبة عند البيع ،،

العيوب : مدامها عادي فهي تستهلك بنزين ولو تماتيك استهلاكها معقول لكن العادي أقوى عزم ،، ثقيلة بعض الشي بالصيف ،، ممشاها كثير إلا إذا كانت نظيفة جدا ،،

إذا أنت جازم تأكد من المحركات والكهرباء والله يوفقك للي فيه الخير ،،

[التعـ King ـديل]

المميزات : صبوره جدآ بس تحتاج الى ملاحظه اسبوعيه للخراطيش والسيور

العيوب : ثقيله بعض الشيئ ولكن فيه حلول مثل الفرارات والكفرات البالون

[مفخرة فورد]

عاشق السيل , الكينق الله ينور دربكم ويجزاكم عني كل خير

طلعت لي حكاية جديدة في الموتر يقول راعيه انه عاير الزيت طلع ناقص والسيارة ماترتفع حرارتها ولاتدخن !!!
هل هذا شيء يخوف والا شغلتها بسيطة ؟؟

مع العلم ان السيارة سعرها 38000 الاستمارة مطوفة سنة

[بروق ساق]

الله يكتب اللي فيه الخير

[مفخرة فورد]

بروق ساق , آمين وجزاك الله خير

[لحن الوداع]

والله وانا اخوك نصيحك ابعد عنه اولها نقص زيت

ويمكن يطلب بعد فتره توظيب وراح يكلفك التوظيب 5000 براحه

وبعدين هو وش نوعه فل كام ولا عادي ؟

[مفخرة فورد]

اخوي لحن الوداع السيارة gl واضنه هو نص فل لاني صراحة ماأعرف في انواعها
لكن اللي محيرني ان الرجال سمعته طيبة وماهو حق غش وخداع وقال أنا ماغيرت له الزيت من يوم شريته قبل شهرين وعايرته الحين وطلع فيه نقص
ايش رايكم ؟

[مفخرة فورد]

الموتر بخاخ وليس كلبليتر
وماأدري ايش الزين فيهم ؟

[ابوصالح77]

وعليكم السلام ورحمة الله وبركاته ،،

المميزات : سيارة مريحة وقوية وصبورة ووسيعة وكشخة ،، مناسبة جدا للعائلة وللبر والديرة والخطوط ،، قطع غيار متوفر ومرغوبة عند البيع ،،

العيوب : مدامها عادي فهي تستهلك بنزين ولو تماتيك استهلاكها معقول لكن العادي أقوى عزم ،، ثقيلة بعض الشي بالصيف ،، ممشاها كثير إلا إذا كانت نظيفة جدا ،،

إذا أنت جازم تأكد من المحركات والكهرباء والله يوفقك للي فيه الخير ،،

:good::good::good::good:


المميزات : صبوره جدآ بس تحتاج الى ملاحظه اسبوعيه للخراطيش والسيور

العيوب : ثقيله بعض الشيئ ولكن فيه حلول مثل الفرارات والكفرات البالون

:good::good::good::good:


اخوي لحن الوداع السيارة gl واضنه هو نص فل لاني صراحة ماأعرف في انواعها
لكن اللي محيرني ان الرجال سمعته طيبة وماهو حق غش وخداع وقال أنا ماغيرت له الزيت من يوم شريته قبل شهرين وعايرته الحين وطلع فيه نقص
ايش رايكم ؟

تأكد من النقص أنت والرجّال
لأن الجيب مما يعطيك إعياره صح
غلق له زيت وشف كم يأخذ ؟
كان النقص علبة ودون فالموتر زين إذا كان خوي يغل بنمرة ويطاير هنا وهناك وماشي عليه واجد .

تأكد لا يكون فيه صوفة منفقعة
بالتوفيق

[نفود حائل]

وعليكم السلام ورحمة الله وبركاته ،،

المميزات : سيارة مريحة وقوية وصبورة ووسيعة وكشخة ،، مناسبة جدا للعائلة وللبر والديرة والخطوط ،، قطع غيار متوفر ومرغوبة عند البيع ،،

العيوب : مدامها عادي فهي تستهلك بنزين ولو تماتيك استهلاكها معقول لكن العادي أقوى عزم ،، ثقيلة بعض الشي بالصيف ،، ممشاها كثير إلا إذا كانت نظيفة جدا ،،

إذا أنت جازم تأكد من المحركات والكهرباء والله يوفقك للي فيه الخير ،،


غريبة اللي اعرفه ان القير العادي اقل صرفية من التماتيك

صح ولا مش خطأ

[مفخرة فورد]

تأكد من النقص أنت والرجّال
لأن الجيب مما يعطيك إعياره صح
غلق له زيت وشف كم يأخذ ؟
كان النقص علبة ودون فالموتر زين إذا كان خوي يغل بنمرة ويطاير هنا وهناك وماشي عليه واجد .

تأكد لا يكون فيه صوفة منفقعة
بالتوفيق
الله يوفقك اخوي ابوصالح
لكن اللي بالاحمر مافهمته هل انه يعطي العيار صحيح والا مايعطيك الصحيح ؟

والصوفة هذه حقت ايش ؟ واصلاحها سهل والا يكلف ؟

[باترول 4500]

الموتر بخاخ وليس كلبليتر
وماأدري ايش الزين فيهم ؟

البخاخ أفضل من الكبليتر
لأن مشاكل الكبليتر كثيرة مثل التقطيع وغيره من المشاكل




والصوفة هذه حقت ايش ؟ واصلاحها سهل والا يكلف ؟

للموتر صوفتين صوفه أمامية وإصلاحه سهل ومايكلف شي الظاهر التكلفة من 50 إلى 100 ريال تقريبا أما الصوفه الخلفية فإصلاحه صعب لأن لابد من إخراج القير

[مفخرة فورد]

الله يسعدك اخوي باترول 4500 ماقصرت
وفالنا وفالكم التوفيق

[لبيه يمنادي]

حياك الله ياخوي

النيسان 98 جيد اذا كان 4500 انجكتر والقير العاي افضل من التماتيك نصيحة مجرب

انا عندي واحد نفس الموديل قير عادي ممشاه زين واستعماله جيد جدا .

بس اخوي السعر عندك عالي علي الممشي 38000 وماشي 500 الف كيلو وايد غالي ، قبل شهرين انا شريت واحد ماشي 30000 من مزاد للسيارات اللي مبيوعه من (.............)- ب 27000 الف درهم والله السيارة اتقول جديده .
اخوي فيه مزاد ممكن يكون بعد رمضان أن شأ لله وفيه سيارات جيده جدا .. اذا لك رغبه وتقدر تجي الامارات واتعاين بنفسك انا مستعد اخبرك متا اعلنو عن المزاد .
واذ ا لك رغبه كلمتني وبعطيك موقع المزاد وادخل وشوف بنفسك ...

اذا لك رغبه اخوي خبرني وفالك طيب .. بس ياليت اتراسلني ع الخاص لكثرة المواضيع

[مفخرة فورد]

الله يوفقك اخوي لبيه يامنادي
والله ياخوك صرفت النظر عن هالموتر لأن فيه ناس انصحوني مثل ماتفضلت ان قيمته غالية والله يرزقنا واياكم فضله
وشكراً لجميع من شارك وجزاكم الله خير

[الستانس]

الله يوفقك اخوي لبيه يامنادي
والله ياخوك صرفت النظر عن هالموتر لأن فيه ناس انصحوني مثل ماتفضلت ان قيمته غالية والله يرزقنا واياكم فضله
وشكراً لجميع من شارك وجزاكم الله خير

ازين ما سويت

دور لك غيره وبنفس السعر او نوع ثاني موفق

[رواق]

شف وانا اخوك ، بعيدا عن نقص الزبت أو أي شي ثاني انت تشوفه في السيارة اللي تبي تشريها ، تعليقا على الممشى الواجد ابنقل لك ردي في موضوع " وش الموتر اللي تحسفت انك بعته " :


وفقني الله عام ٢٠٠٥ وشريت لي ربع باترول م٩٩ ماشي ٣٠٠ الف .. طلع علي بـ ٢٩٥٠٠ ريال


لاموني كثير على شراء الموتر لأنه ماشي واجد ، لكني فحصته وجربته في الطعوس واقتنعت فيه وخاصة ان راعيه مبين فيه الطيب وقال لي انه يضرب خطوط من الرياض للصيد في ينبع وانه مهوب راعي تطعيس وخرابيط

صرفت عليه ٢٦٠٠ ريال تجهيزات بر فقط لاغير : تانكي مويه ٨٠ لتر بـ ١٠٠٠ ريال ، بطارية إضافية مع ماطور هوا ولمبتين كبوت وقاعدة ايكوم بـ ١٢٠٠ ريال ، دعامة ام عدة فاس ومسحاة وشاكوش وماصورة ذبيحة بـ ٤٠٠ ريال

وحطيت سلة عفش كانت عند واحد من الشباب مايبيها

قعد معي الموتر سنتين من بر إلى بر في الرياض والصمان والدهنا إلى حايل ، كان ياخذنا إلى ٤ نفر مع عزبتنا كاملة وفرشنا وخيمتنا وحطبنا وثلاجتنا

وماطلب مني شي لمدة سنتين ولله الحمد

وزود على كذا ، يوم بعته عام ٢٠٠٧ كم جاب لي تتوقع ؟

قولوا ماشاء الله :)

٣٠ الف

الحقيقة اني ما انلام يوم ان الموتر معشش في قلبي إلى الآن ، والله يبارك للي شراه مني :)

و يوم ابيعه كان ماشي ٣٣٠ الف يمكن ، لأن معي سيارة داخل الديرة ، والجيب موقفه في البايكة ما اطلعه إلا للبر

[المنيعي1]

حياك الله ياخوي



النيسان 98 جيد اذا كان 4500 انجكتر والقير العاي افضل من التماتيك نصيحة مجرب


انا عندي واحد نفس الموديل قير عادي ممشاه زين واستعماله جيد جدا .


بس اخوي السعر عندك عالي علي الممشي 38000 وماشي 500 الف كيلو وايد غالي ، قبل شهرين انا شريت واحد ماشي 30000 من مزاد للسيارات اللي مبيوعه من (.............)- ب 27000 الف درهم والله السيارة اتقول جديده .
اخوي فيه مزاد ممكن يكون بعد رمضان أن شأ لله وفيه سيارات جيده جدا .. اذا لك رغبه وتقدر تجي الامارات واتعاين بنفسك انا مستعد اخبرك متا اعلنو عن المزاد .
واذ ا لك رغبه كلمتني وبعطيك موقع المزاد وادخل وشوف بنفسك ...



اذا لك رغبه اخوي خبرني وفالك طيب .. بس ياليت اتراسلني ع الخاص لكثرة المواضيع


يارجال سعرة عندنا زين ماهو غالي وعندكم الموديلات القديمة رخيصة بس المشكلة الجمرك ما يطلعه