المساعد الشخصي الرقمي

مشاهدة النسخة كاملة : هل يوجد حل ..............................؟


الوافي السابع
27/07/2005, 02:24 AM
بسم الله الرحمن الرحيم
عندي استفسار بسيط
ابي اعرف هل يوجد حل للنوه.........؟
النوه هي التي تلصق بالطراد من تحت وهو واقف بالبحر لاكثر من اسبوعين
يعني مو معقوله كل ما بغيت ابعهده عن الطراد اصبغه من تحت
انا صبغته ضد النوه بويه ممتازه بس بصراحه ما انفعت لاني تركت الطراد بالبحر اكثر من شهر لاني كنت بعيد عن الخفجي ورجعت قبل يومين وشفت الطراد وضعه ابد مو طيب
ولي يرحم والديكم شوفولي حل بليز .........
تحيات
اخوكم
ابو محمد
الخفجي
ki ng marlin
27/07/2005, 07:08 AM
خل الطراد برا الماء اعتقد هذا افضل حل

خاصة اذا كنت بتقعد اكثر من اسبوع ما تستعمله .

نصيحه ثانيه لكل راعي طراد الصيانه للطراد بعد كل اسبوعين والتشييك الكامل المستمر .
SRDAL
27/07/2005, 09:12 AM
السلام عليكم ورحمة الله وبركاته

حياك الله اخوي الوافي السابع .

اخوي ايش نوع الصبغ الي استعملته لصبغ الطراد ضد النو . ممكن النوع الي استعملته مو تمام .

فيه نوع اسمه جوتن وممكن ماتلقاه في السعوديه طبعاً الصبغ بحري خاص للنو هو شوي غالي بس بصراحه ماعليه

كلام ويجي الوان واستخدمناه لنا اكثر من تقريباً سنتين الى الأن ماصبغنا الطراد مره ثانيه لأنه هو لما تصبغ الطراد

يشكل طبقات من الصبغ لو تجمع النو او العشب مجرد ماتمشي تلقاه يتقشر ويطير النو من الطراد .

احنا نشتري هذا الصبغ من الإمارات .

تحياتي لك .

srdal
gulfhunter
27/07/2005, 02:24 PM
السلام عليكم ورحمة الله وبركاته

حياك الله اخوي الوافي السابع ............... فعلاً النوّ متعب ويثقل على الطراد ..... وزي ماقالك اخوي ابونواف ان النوعيه اللي انت حاطه يمكن تكون تعبانه جرب النوع اللي قالك عليه .....وان شاء الله يضبط .....لكن هو مدته إذا ماني غلطان 6 شهور..... وبعدين تسويله صيانه وتصبغه من جديد........

والله يوفقك ويبارك فيك