الله لايحرمكم الأجر ( أنصحوني يااهل الباترول )

[الجازم11]

السالم عليكم ورحمة الله وبركاته



تحيه طيّبه لجميع أعضاء منتدى مكشات


بالموسم الماضي الله وفقني وأشتريت باترول 97 بابين gl من شايب , أخذته بسعر
غالي حيل , عاتبني بعض الأخوان , لكن الموتر مشاء الله تبارك الرحمن نظافته فوق ماتتصورون
وعلى فكره الشايب الي أخذته منه فاكه على يده من الشركه , وكل شغله وكاله بـ وكاله وأنا بعد يوم خذيته ماقصرت جميع القطع الأستهلاكيه بدّلتها وكاله
وأضفت له جنوط هلل وبالون بس , والمشكله الموتر بالممشى مايجمّل وأدري بتقولون من البالون لكن أنا راعي بر ومقناص وما أستغني عن البالون


قالوا بعض الاخوان ركب له مراوح و فررات وهدرز وديلكو ألكتروني !!
وأبي مشورتكم ياالأجواد , أركب له هالاغراض ولا أتركه شغل وكاله
وهل المراوح والهدرز لهن ضرر على الموتر؟
ابي الموتر عزم وممشى , لاتحرمونا من النصيحه وفقنا الله وأياكم


بأنتظار ردودكم الطيبه

[التعـ King ـديل]

من كلامك الموتر باين كلبليتر

ركب له هدرز سويدي + ديلكو الكتروني حق 4500 مع كويل
وطق له مرواح سوبارو وفرارات برازيليه السودا

وبتشوف العزم

[ابن عكاش]

معليش ماودي اضيق صدرك والله يبارك لك في الموتر انا كان معي واحد توي بايعه كل من سألته قال لا تعب نفس ماراح يفرق واجد الموتر بصراحه عزمه ميت ومع التحميل وفي النفود وبترقى طعس والأرض محروثه انس
لكن ترى الموترى موتر بر وبس اتمنى اكون افدتك والله يدلك

[الجازم11]

من كلامك الموتر باين كلبليتر

ركب له هدرز سويدي + ديلكو الكتروني حق 4500 مع كويل
وطق له مرواح سوبارو وفرارات برازيليه السودا

وبتشوف العزم

هلا بأخوي / كنج التعديل

اي نعم الموتر كلبليتر

طيب المراوح والهدرز مايأثرون على المكينه
وبالنسبه للديلكو الكتروني يقولي صاحب ورشه لو تركبه ماراح يتغير شي رمعك ؟

[الجازم11]

معليش ماودي اضيق صدرك والله يبارك لك في الموتر انا كان معي واحد توي بايعه كل من سألته قال لا تعب نفس ماراح يفرق واجد الموتر بصراحه عزمه ميت ومع التحميل وفي النفود وبترقى طعس والأرض محروثه انس
لكن ترى الموترى موتر بر وبس اتمنى اكون افدتك والله يدلك


أخوي / ابن عكاش

الله بيارك فيك ويرحم والديك
لكن فيه واحد من الشباب أعرفه عنده باترول 97 نفس موتري عليه بالون وجنوط هلل
مشاء الله ممشاه حلو وعزم قوي مع العلم ماهو مركب لا هدرز ولا مراوح ولا فرارات
بس ماادري يمكن من الكلبليتر ؟؟

[سفاري959]

معليش ماودي اضيق صدرك والله يبارك لك في الموتر انا كان معي واحد توي بايعه كل من سألته قال لا تعب نفس ماراح يفرق واجد الموتر بصراحه عزمه ميت ومع التحميل وفي النفود وبترقى طعس والأرض محروثه انس
لكن ترى الموترى موتر بر وبس اتمنى اكون افدتك والله يدلك

هاللي ما عجبك متحدي فيه شاص 2000 في طعس ولا تقول من السواق الرجال راعي تطعيس والكفرات هواها 10 انا وهو طلعت الطعس اكثر من مره وهو طول ليله يحاول ما قدر والمواتر كلها بلد

[الكظيمة]

يالحبيب أنا معي مثل موترك موديل 96..
اختصارا لوقتك و مالك.. اقصر العنوة.. يعني خله شد بلد.. الموتر صح انه ثقيل طينه أحياناً.. إلا انه بالمسايس يجمل..
يعني إذا أنت مطيور و راعي مشاخط.. طق لك شروكي..و ما جر غصنه..
لكن من رايي.. موترك ممتاز.. بحالته الراهنة.. و تبي تلاحظ نفسك تأقلمت عليه و على ثقله.. و تعرف دروبه.

[الجازم11]

يالحبيب أنا معي مثل موترك موديل 96..
اختصارا لوقتك و مالك.. اقصر العنوة.. يعني خله شد بلد.. الموتر صح انه ثقيل طينه أحياناً.. إلا انه بالمسايس يجمل..
يعني إذا أنت مطيور و راعي مشاخط.. طق لك شروكي..و ما جر غصنه..
لكن من رايي.. موترك ممتاز.. بحالته الراهنة.. و تبي تلاحظ نفسك تأقلمت عليه و على ثقله.. و تعرف دروبه.


أخوي / الكظمية

الله يجزاك خير ويرحم والديك
والله الحمد ماني لا مطيور ولا راعي مشاخط على قولتك لكن ودي أن عزم موتري يقوى شوي
وبالنسبه للشروكي مااحب ماطااه مع القاع خصوصاً اني من عشاق الباترول ولايزعلون علي راعين الشروكيات

تسلم على النصيحه ولاهنت

[ابن عكاش]

هاللي ما عجبك متحدي فيه شاص 2000 في طعس ولا تقول من السواق الرجال راعي تطعيس والكفرات هواها 10 انا وهو طلعت الطعس اكثر من مره وهو طول ليله يحاول ما قدر والمواتر كلها بلد

الله يهديك انا ماقلت ما اعجبني وشكلك ما صدقتني وانا بعد طايف على شاص2003م ويوكن على طريق المجمعه طبعاً كلها تفصل واجيبه 190 اواكثر

[ابن عكاش]

يالحبيب أنا معي مثل موترك موديل 96..
اختصارا لوقتك و مالك.. اقصر العنوة.. يعني خله شد بلد.. الموتر صح انه ثقيل طينه أحياناً.. إلا انه بالمسايس يجمل..
يعني إذا أنت مطيور و راعي مشاخط.. طق لك شروكي..و ما جر غصنه..
لكن من رايي.. موترك ممتاز.. بحالته الراهنة.. و تبي تلاحظ نفسك تأقلمت عليه و على ثقله.. و تعرف دروبه.

والله ان كلامك نفس اللي في خاطري:good2:

[العاذر]

خله شد بلد طع شوري

بعدين انت راعي بر وقنص مالك ومال التطعيس والتحدي والمقاومات ترى بتعدم موترك وهو نظيف


والنهايه ياصوت في الدبل ,, ياصوت طقه ,, ياصوت في الكلتش .. ياصوت في الفحمه ..

وحظ هالورش وتجار قطع الغيار

[الجازم11]

خله شد بلد طع شوري

بعدين انت راعي بر وقنص مالك ومال التطعيس والتحدي والمقاومات ترى بتعدم موترك وهو نظيف


والنهايه ياصوت في الدبل ,, ياصوت طقه ,, ياصوت في الكلتش .. ياصوت في الفحمه ..

وحظ هالورش وتجار قطع الغيار


أخوي / العاذر

الله يجزاك بالخير على هالنصيحه
وبيض الله وجهك

[مدمن فتك]

كانك تنشد العزم وانا اخوك تراه بالفتك

[سفاري959]

الله يهديك انا ماقلت ما اعجبني وشكلك ما صدقتني وانا بعد طايف على شاص2003م ويوكن على طريق المجمعه طبعاً كلها تفصل واجيبه 190 اواكثر

وانا ما قصدت شي بس انا جربت القديم اكثر من واحد والحين معي 4500 بس القديم يعجبك في الرمل والصحراء عكس ال 4500 حق خط بس في البر ثقيل المعذره اذا غلطت بحقك بشي لك كل تقدير واحترام يالغالي

[الوسطاوي]

حياك الله اخوي الجازم
وتقبل الله منا ومنكم صالح الاعمال
اخوي اذا بتغير وتضيف شي عندك الاهم الفرارات والمراوح زينه بعد ولاتنسى وزن الديلكوو ترا لها دخل بالعزم مثل موتري اول مثل مشكلتك وضبطت الامور الحمد لله
ولاتنسى الدززززززززززززززززززق يمكن قاضي وانت ماتدري ترا هو الاهم والاهم
لعلي قدمت المفيد
دمت بخير

[سرطوقا]

موفق اخي الغالي ، انا ارى الفرارات لها دور تفك الدفع الرباعي بالكاملربدال الكفرات الاماميه تمشي على الدفرنس يكفي وتمشي اللي ورى والله ولي التوفيق

[راعي الطلعات]

من كلامك الموتر باين كلبليتر

ركب له هدرز سويدي + ديلكو الكتروني حق 4500 مع كويل
وطق له مرواح سوبارو وفرارات برازيليه السودا

وبتشوف العزم


كلام سليم :good2:

[أبوصقر]

موتر البر كل مازادت التراهيم فيه..تقل ثقتك في الموتر في الطرقات الطويلة..إذا ناوي تشد حيلة..ركب مراوح كهرب ولاتنزل البلد من موترك ماتدري وش يصير للكهرب تخرب في البر وإلا شيء تروح فيها..وركب فرارات تخفف لك الموتر..وشيك على الأشياء الأساسية في السيارة مثل وزنية الديلكو..الكلبليتر..البواجي وأسلاكها..نزل وجهة الموتر عن قفاه..وتزين امورك زيادة إن شاء الله..وخل عنك التراهيم ترا ماورها إلا التعب ودوران في الورش..طبعاً من واقع تجربة..وإن شاء الله يفيدونك الشباب..مايقصرون..

[الجازم11]

كانك تنشد العزم وانا اخوك تراه بالفتك

هلابك أخوي / مدمن فتك

كلامك صحيح لكن الباترول القديم ليه عشق ثاني يفووق الفتك
لاهنت وتحياتي لك

[الجازم11]

حياك الله اخوي الجازم
وتقبل الله منا ومنكم صالح الاعمال
اخوي اذا بتغير وتضيف شي عندك الاهم الفرارات والمراوح زينه بعد ولاتنسى وزن الديلكوو ترا لها دخل بالعزم مثل موتري اول مثل مشكلتك وضبطت الامور الحمد لله
ولاتنسى الدززززززززززززززززززق يمكن قاضي وانت ماتدري ترا هو الاهم والاهم
لعلي قدمت المفيد
دمت بخير

منا ومنك صالح الاعمال
هلا بأخوي / الوسطاوي

الفرارات بركبها أن شاء الله , بس المراوح أخاف أن لها تأثير بعدين !
والديلكو وزنته أكثر من مره بس مافيه فايده
وبالنسبه للدزق توي مركبه وكاله
لاهنت على النصايح

ودمت بحفظ المولى

[adil33]

اعمل تنظيف للكربيرتر وغير له اصلاح ولا تحط فيه بنزين 91 وبعد التنظيف امشي 120 بسرعه ثابته مسافه لا تقل عن 150 كم فالمشكله عندك مشكله كربون متجمع نتيجة عدم الممشى عند راعيه الاول وان خف معاك الموتر عن اول غير الدبه الكبيره حقت الشكمان وكاله وامورك باذن الله تضبط

[الجازم11]

موفق اخي الغالي ، انا ارى الفرارات لها دور تفك الدفع الرباعي بالكاملربدال الكفرات الاماميه تمشي على الدفرنس يكفي وتمشي اللي ورى والله ولي التوفيق

ياهلا وغلا سرطوقا

عز الله كلامك مضبوط
وبأذن الله اليوم مركبهن

لاهنت ودمت بخير

[الجازم11]

موتر البر كل مازادت التراهيم فيه..تقل ثقتك في الموتر في الطرقات الطويلة..إذا ناوي تشد حيلة..ركب مراوح كهرب ولاتنزل البلد من موترك ماتدري وش يصير للكهرب تخرب في البر وإلا شيء تروح فيها..وركب فرارات تخفف لك الموتر..وشيك على الأشياء الأساسية في السيارة مثل وزنية الديلكو..الكلبليتر..البواجي وأسلاكها..نزل وجهة الموتر عن قفاه..وتزين امورك زيادة إن شاء الله..وخل عنك التراهيم ترا ماورها إلا التعب ودوران في الورش..طبعاً من واقع تجربة..وإن شاء الله يفيدونك الشباب..مايقصرون..

أبو صقر
ماأقول إلا (الله يبيض وجهك ويوفقك وين ماوجهت)

[الجازم11]

اعمل تنظيف للكربيرتر وغير له اصلاح ولا تحط فيه بنزين 91 وبعد التنظيف امشي 120 بسرعه ثابته مسافه لا تقل عن 150 كم فالمشكله عندك مشكله كربون متجمع نتيجة عدم الممشى عند راعيه الاول وان خف معاك الموتر عن اول غير الدبه الكبيره حقت الشكمان وكاله وامورك باذن الله تضبط

ياهلا بأخوي / عادل

فك وتنظيف الكربريتر والله ماودي لأن مثل ماسمعت إذا أنفك الكربريتر عمره مايضبط
ومسألة الكربون عز الله صدقت لأن الشايب اللي شريت الجيب منه اللي يعطيه طولة العمر
مايمشي عليه حيل ويمكن مايتعدى لـ 100 بالممشى
والدبه مشكلتها غااااااااااليه حيل بالوكاله لكن تبي تدبر إن شاء الله

لاهنت ويسّر الله أمرك